د.محمود رمضان Dr.Mahmoud Ramadan

Home
Egypt
Beni Suef
د.محمود رمضان Dr.Mahmoud Ramadan

Contact information, map and directions, contact form, opening hours, services, ratings, photos, videos and announcements from د.محمود رمضان Dr.Mahmoud Ramadan, Health & Medical, Beni Suef.

إستشاري ومدرس جراحة المخ والأعصاب والعمود الفقري بكلية الطب ومستشفى جامعة بني سويف
زمالة جراحة العمود الفقري بمستشفى جون هانتر - أستراليا
دكتوراة جراحة المخ والأعصاب والعمود الفقري - القصر العيني
عضو الجمعية الدولية لجراحة العمود الفقري بسويسرا AO spine

25/08/2025

الحمد لله
تمت ترقيتي إلي درجة أستاذ مساعد جراحة المخ والأعصاب بكلية الطب

يوم مميز في بيتنا الكبير القصر العيني
قلعة الطب في مصر

خالص الشكر والتقدير والأمتنان لأساتذتي الأفاضل الذين تعلمت علي أيديهم ولن توفي كلمات الشكر والعرفان حقهم

والحمد لله رب العالمين

09/08/2025

جراحة ناجحة لاستئصال غضروف بالفقرات العنقية
ضاغط علي الحبل الشوكي والأعصاب
تمت الجراحة بنجاح
باستخدام قفص كربوني ( غضروف صناعي) جديد تماماً
المستخدم عالمياً في جراحات الغضاريف العنقية

يتميز بوجود مسامير لتثبيته في جسم الفقرات

النوع دا من الغضاريف الصناعية هو الجيل الحديث من الاقفاص الكربونية المستخدم عالمياً في الوقت الحالي
سعره أغلي شوية لكن
ليه مميزات كتير جدا أهمها ثبات الغضروف في مكانه
وتثبيت اكتر وألم أقل وأمن جدا في الاستخدام من الاقفاص الكربونية العادية

الحمد لله نجحت الجراحة بشكل متميز جداً

وزي ما وعدناكم هنستخدم كل ما هو جديد وكل ما يتم التوصل إليه عالمياً

🙏🙏🌹🌹دمتم اصحاء

د.محمود رمضان

استشاري جراحة المخ والأعصاب والعمود الفقري بكلية الطب ومستشفى جامعة بني سويف
دكتوراة جراحة المخ والأعصاب والعمود الفقري القصر العيني
عضو الجمعيه السويسرية الدولية لجراحة العمود الفقري
عضو الجمعيه المصرية لجراحة المخ والأعصاب
عضو الجمعيه المصرية لمناظير العمود الفقري

عيادة بني سويف
برج الحياه أمام معرض شباب مصر الدور الثالث
01095451717
01221472128

01/08/2025

جانب من مشاركة الدكتور محمود رمضان
في ورشة عمل مناظير العمود الفقري
بمستشفى حلمية الزيتون العسكري

شملت ورشة العمل تدخلات المنظار في جراحات متعددة بالعمود الفقري
خاصة استئصال الغضاريف وتوسيع القناة العصبية وتثبيت الفقرات باستخدام المنظار

20/06/2025

جراحة ميكروسكوبية لاستئصال ورم كبير ضاغط علي الحبل الشوكي

السيدة الفاضلة اللي في الصورة كانت تعاني من ورم كبير جداً
ضاغط علي الحبل الشوكي بالفقرات الصدرية
ادي الي ضعف شديد في الأطراف
لدرجة إن السيدة أصبحت غير قادرة علي الحركة ولا المشي

أجرينا جراحة لاستئصال الورم بالميكروسكوب الجراحي

تم استئصال الورم بالكامل ✌️

والحمد لله بعد اسبوعين من الجراحة
السيدة كانت واقفه علي رجليها من تاني 🙏❤️

وربنا يتمم الشفاء علي خير 🙏🙏
ويديم علينا الأمل والصحة والعافية 🙏🙏🙏🌹🌹

د.محمود رمضان

استشاري ومدرس جراحة المخ والأعصاب والعمود الفقري بكلية الطب
ومستشفى جامعة بني سويف
دكتورة جراحة المخ والأعصاب والعمود الفقري القصر العيني
زمالة جراحة المخ والأعصاب والعمود الفقري - استراليا

للحجز و الاستعلام

عيادة بني سويف 01095451714
عيادة ببا 01127889699

05/06/2025

نهنئكم بحلول عيد الأضحى المبارك 🙏🌹

أعاده الله علينا وعليكم بالخير واليمن والبركات 🙏🙏🌹
وكل عام وانتم بخير 🌹🌹

عيد أضحي سعيد مبارك 🐑🐏

30/05/2025

جراحة ميكروسكوبية

لتفريغ خراج صديدي كبير جدا علي الحبل الشوكي بالفقرات العنقية
واستئصال أربع غضاريف بالفقرات العنقية
وتركيب غضاريف صناعية

الحمد لله تحسن تام للمريض بعد الجراحة 🙏🌹

د.محمود رمضان

إستشاري ومدرس جراحة المخ والأعصاب والعمود الفقري

عيادة بني سويف
برج الحياة أمام معرض شباب مصر الدور الثالث
للحجز والاستفسار
010 95451714

16/05/2025

دا فيديو بدون ترتيب ولا مونتاج
نصيحة من الشاب الجميل المحترم
الاستاذ احمد عبدالحليم صاحب البوست السابق

هو اللي طلب يدي للناس النصيحة دي
بعد تجربة مع الممارسات الغير علمية والغير طيبة

انا حابب اشكره علي الإيجابية وعلي المبادرة وعلي النصيحة
لان الدين النصيحة
وخير الناس انفعهم للناس

ربنا يديم الصحة والعافية والسلامة علي الجميع

12/05/2025

حالة النهارده شاب جميل

وهو بيرفع حاجة ثقيلة

حصله الم شديد في الرقبة وايديه الشمال

عمل أشعة رنين وضحت وجود انفجار غضروفي كبير بالفقرات العنقية
وضغط شديد علي الحبل الشوكي

الشاب كان خايف من الجراحة
عشان كد لجأ لطرق تقليدية غير عملية
زي ابوخشبة ابو عصاية و الحجامة وغيرها

لكن للاسف حالته اتدهورت بعد ما عمل الحاجات دي
و بقي مش قادر يحرك دراعه
ولا قادر حتي ينام من شدة الألم

شرفنا في العيادة وطمناه بخصوص الجراحة

وعملنا بالفعل العملية بالميكروسكوب الجراحي
وتم استئصال الغضاريف و تركيب اقفاص كربونية أو غضاريف صناعية

والحمد لله تحسن تام في حالته بعد الجراحة

الشاب المحترم دا أصر أنه يسجل معانا فديو لتحذير الناس من خطورة ابوعصاية و ابوخشبة وخلافه

وهنزلكم الفديو بعد قليل إن شاء الله بناءا علي رغبته

الحمد لله الشاب استعاد كامل الحركة وقدر أنه يرجع شغله تاني ويمارس حياته بشكل طبيعي

-----------------------------------------------------------
د.محمود رمضان

استشاري ومدرس جراحة المخ والأعصاب والعمود الفقري بكلية الطب ومستشفى جامعة بني سويف
زماله جراحة المخ والأعصاب والعمود الفقري أستراليا
عضو الجمعيه الدولية لجراحة العمود الفقري سويسرا

بني سويف برج الحياه أمام معرض شباب مصر الدور الثالث
010 95451714

10/04/2025

تركيب صمام بالمخ و القلب
لعلاج حالة استسقاء دماغي مستعصية

قصة النهارده لمريضة في الثلاثينيات من عمرها
أصيبت باستسقاء دماغي وهو عبارة عن تراكم السائل النخاعي داخل تجويف المخ

المعتاد في هذه الحالة هو تركيب صمام بالمخ والبطن
لتصريف السائل النخاعي من المخ الي التجويف البريتوني بالبطن

لكن للاسف كمية المياه كانت كبيرة
وتجويف البطن مش كافي لامتصاص مياه المخ
دا ادي لانسداد متكرر في الصمام و تكوين تكيسات وتراكم لمياه المخ داخل البطن

المريضه عملت سبع عمليات سابقة
لتسليك الصمام من البطن منهم عمليتين بالمنظار خلال أقل من ٣ سنوات !!!

ورغم العدد الكبير دا المشكلة مازالت موجوده !

كان الحل إننا نشرحلها طريقة نوعية مختلفة عن الطريقة التقليدية
وهي توصيل الصمام من المخ الي القلب

عن طريق زرع الصمام في المخ ثم في أحد الاورده الرئيسيه في الرقبة لحد ما يصل الي القلب

التحدي في الحالة دي مش بس الجراحة
لكن في شرح التفاصيل الجراحية للمريضة وطمنأنتها
واقناعها إن دا الحل المناسب ليها رغم الخطورة

والحمد لله قدرنا نشرح لها التفاصيل و نطمنها و وافقت

و بالفعل عملنا توصيل الصمام من المخ الي القلب
ونجحت الجراحة بفضل الله

اشترك معانا في الجراحة أستاذي الفاضل المتميز الخلوق

الأستاذ الدكتور أيمن رفعت Ayman Refaat
استاذ جراحة الأوعية الدموية بكلية الطب

واللي مهما شكرناه مش هنوفيه حقه وافضاله علينا وتشجعيه ودعمه لينا

الحمد لله المريضه اتحسنت تماماً
وخلصت من كابوس العمليات المتكرره لتسليك الصمام
واللي كان ملغبط كل تفاصيل حياتها حرفيا كإنسانة و كزوجه و كأم لأطفال

شكرا جزيلا للدكتور أيمن رفعت علي كل ما قدم لنا

ودمتم سالمين 🙏🙏

د.محمود رمضان

استشاري ومدرس جراحة المخ والأعصاب والعمود الفقري بكلية الطب ومستشفى جامعة بني سويف
زمالة جراحة المخ والأعصاب والعمود الفقري - استراليا

✅عيادة بني سويف :

برج الحياة أمام معرض شباب مصر الدور الثالث

01095941714

01221472128

30/03/2025

عيد فطر سعيد علينا جميعاً 🌹🌹

أعاده الله علينا وعليكم بالخير واليمن والبركات 🙏❤️

وعلي أهل غـــــــــ/ــــــزة وفلــــســطـــيـــ/ـن بالنصر و الأمن والأمان 🙏🙏

و كل عام وانتم طيبين وبكل خير وصحة وسلامة 🙏🙏🌹🌹

18/03/2025

جراحة لإنقاذ الحياة

الطفل الجميل دا جالنا قبل الإفطار مباشرة
بعد تعرضه لحادث صعب

بسرعة عملنا اشعة مقطعية علي المخ
أظهرت وجود نزيف كبير في المخ

دخلناه عمليات بسرعة جداً لأن هنا الدقائق ممكن تفرق في حياته

والحمد لله ربنا وفقنا في إيقاف النزيف و تفريغ التجمع الدموي و إنقاذ حياته

ورجوع البسمة الجميلة علي وشه من تاني

" ومن أحياها فكأنما أحيا الناس جميعاً "

وربنا يديم علينا جميعاً نعمة الصحة والسلامة والعافية 🌹🙏

د.محمود رمضان
استشاري ومدرس جراحة المخ والأعصاب والعمود الفقري بكلية الطب ومستشفى جامعة بني سويف

بني سويف
برج الحياة أمام معرض شباب مصر
الدور الثالث
010 95451714

09/03/2025

جراحة في قاع الجمجمة

المريضة كان عندها ضيق في الحجرة الخليفه للمخ
ضاغط علي جذع المخ والحبل الشوكي

و دا ادي الي تكون كيس كبير داخل الحبل الشوكي في منطقه الفقرات العنقية

الحمد لله أجرينا جراحة توسيع الحجرة الخلفية للمخ
و تسليك لمجري السائل النخاعي من التصاقات قريبه جداً من جذع المخ

وبفضل الله المريضه اتحسنت بشكل كبير
المفاجأة كانت في نتيجة الرنين بعد الجراحة بخمس شهور
واللي أظهرت اختفاء التكيس داخل الحبل الشوكي بشكل شبه كامل
زي ما هو واضح في صورة الأشعة

الحمد لله كانت جراحة كبيرة وصعبة لكن فضل ربنا ملوش حدود

وحمدالله علي سلامة المريضة

دمتم سالمين
-----------------------------------------------------------------------------------------------------

د.محمود رمضان

استشاري جراحة المخ والأعصاب والعمود الفقري

للحجز و الاستعلام
010 95451714

Address

Beni Suef

Telephone

+201065647049

Website

https://youtube.com/c/EGYPTUS

Alerts

Be the first to know and let us send you an email when د.محمود رمضان Dr.Mahmoud Ramadan posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.محمود رمضان Dr.Mahmoud Ramadan:

Shortcuts

Want your practice to be the top-listed Clinic in Beni Suef?