عياده الدكتور ميلاد ناعوم استشاري الأطفال و الحميات

22/11/2025

الاعزاء متابعين د ميلاد
الايام دي كتير منكم خايفين و الكلام الكتير علي وسائل التواصل الاجتماعي عاملكم لخبطه هي دي كورونا ولا فيروس جديد وفي خطر علي اولادنا وازاي نحميهم
الفيروس ده من مجموعات شبيهه الانفلوانزا واعراضه
سخونه
كحه
ضيق تنفس
واحيانا اسهال
الدور بياخد من ٣ ايام الي اسبوع
الفيروس معدي جدا و سريع الانتقال
مفيش مضاعفات غير في حالات قليله
العلاج بيتراوح من خوافض الحراره و جلسات البخار و احيانا في احتياج للكورتيزون او المضاد الحيوي
بلاش نحاول نعالج من نفسنا
العلاج بيختلف علي حسب الاعراض
نخلي بالنا من العدوي ونبتدي العلاج بدري
الدور هايعدي علي خير و من غير مشاكل
ربنا يحفظكم و اولادكم بكل خير

15/10/2025

ادوار البرد المنتشره الايام دي معظمها نتيجه لانتشار فيروس الميتانيمو و هو ميفرقش كتير عن الفيروس التنفسي المخلوي اللي كان منتشر السنه الماضيه و اعراضهم متشابهه

06/09/2025

20/08/2025

� ما هي متلازمة اليد والقدم والفم؟
هو منتشر كتير الايام دي
و دي نبذه بسيطه عنه

• مرض فيروسي شائع عند الأطفال (خصوصًا أقل من 5 سنوات).
• سببه غالبًا فيروسات من عائلة Coxsackievirus.

🔹 الأعراض الأساسية:

1 حرارة (سخونة) خفيفة أو متوسطة.
2 طفح جلدي على:�
◦ راحة اليدين ✋
◦ باطن القدمين 🦶
◦ أحيانًا المؤخرة أو الركبتين.
3
4 تقرحات مؤلمة في الفم (خدود، لثة، لسان) → بتخلي الطفل يرفض الأكل أو الشراب.
5 ممكن معاها رشح أو كحة خفيفة.

🔹 العدوى:

• تنتقل عن طريق:�
◦ العطس والكحة.
◦ ملامسة سوائل الفم/الأنف.
◦ البراز (مثلاً عند تغيير حفاض).
•
• سهلة الانتشار في الحضانات والمدارس.

🔹 العلاج:

• مافيش علاج مخصوص للفيروس، الجسم بيتغلب عليه لوحده.
• العلاج داعم فقط:�
◦ خافض حرارة (باراسيتامول أو إيبوبروفين).
◦ سوائل باردة وعصائر لتخفيف ألم الفم.
◦ أطعمة طرية (زبادي، بطاطس مهروسة).
•
• عادة يخف خلال 7 – 10 أيام.

🔹 هل هو خطير؟

• غالبًا بسيط ويختفي لوحده.
• نادرًا ممكن تحصل مضاعفات (جفاف بسبب رفض الشرب، أو عدوى بكتيرية للجلد).

12/08/2025

علشان الناس كتير بتلخبط بينهم
الفرق بين
ال بريبيوتك
ال بروبيوتك
وال بوستبيوتك

⸻

1. Probiotics (البروبيوتيك)
🔹 هي البكتيريا النافعة نفسها التي تعيش في أمعائك وتساعد في الهضم ودعم المناعة.
🔹 أمثلة: Lactobacillus، Bifidobacterium.
🔹 تحصل عليها من الزبادي، ، المخللات المخمرة طبيعيًا، أو كمكملات.

⸻

2. Prebiotics (البريبايوتك)
🔹 هي الغذاء الذي تأكله هذه البكتيريا النافعة.
🔹 عادةً تكون ألياف أو مركبات نباتية لا يهضمها جسمك لكن البكتيريا تهضمها.
🔹 أمثلة: ألياف الإينولين، الفركتو أوليجوسكارايد، الموجودة في الثوم، البصل، الموز الأخضر، الشوفان.

⸻

3. Postbiotics (البوستبايوتك)
🔹 هي النواتج أو المنتجات النهائية التي تصنعها البكتيريا النافعة بعد هضم البريبايوتك.
🔹 تشمل أحماض دهنية قصيرة السلسلة (مثل بيوتيرات)، فيتامينات (مثل B و K)، وإنزيمات ومواد مضادة للالتهاب.
🔹 هذه النواتج هي التي تمنح معظم الفوائد الصحية، مثل تحسين صحة القولون والمناعة.

07/07/2025

تحليل ال CRP
ده تحليل بيقيس تفاعل الجسم ضد الميكروبات اللي بتهاجمه
مش معني ان ال CRP
عالي ان المريض عنده ميكروب في الدم
لا خالص
هو التحليل معناه انه عيان بأي حاجه نتيجه للميكروبات زي التهاب اللوزتين او النزلات الشعبيه او المعويه او اي اصابه ميكروبيه تانيه
وكمان بيعلي في بعض امراض المناعه و حاجات تانيه
يعني مش معناه ميكروب في الدم خالص زي مبعض الناس بتقول
دمتم بصحه

18/06/2025

ظهور طفح جلدي بعد فتره من السخونه ٣ الي ٧ ايام بيكون غالبا نتيجه ال virus المسبب للمرض و بيكون في اخر فتره السخونه
وبعدها بيبدأ التحسن

27/05/2025

الطفح الجلدي
في الصيف بنلاقي كتير من اطفالنا بيطلع ليهم حبوب باشكال مختلفه و بنبقي عايزين نعرف سببها
من اهم الاسباب في فتره الصيف
١ - حمو النيل heat rash
وده نتيجه للحر و العرق
وعلاجه بسيط
شاور بصابون و تنشيف كويس و مرطب جلد زي الكالامينا
٢ - الحراره الجلديه Imptigo
وده نتيجه لإصابه الجلد بالميكروبات
علاجه التنظيف باستمرار كريمات مضاد حيوي مناسب
ادويه مضاده للهيستامين
٣ - الحساسيه الحشريهInsect bites
طبعا دي نتيجه للدغ الحشرات زي الناموس و بعض انواع الذباب
والعلاج كريمات مرطبه مضاد هيستامين و مكافحه الحشرات بالطرق الامنه
٣ - الطفح الفيروسي
زي الجديري المائي و الهربس و روزيولا و انواع الحصبه و دي كلها معاها اعراض تانيه زي السخونه و الحكه و طبعا دي محتاجه كشف و علاج
٤ - حساسيه جلديه او ارتكاريا ودي برضوا محتاجه كشف عند الدكتور و العلاج المناسب
٤ - أمراض الدم و مشاكل الصفائح الدمويه
ودي طبعا محتاجه تشخيص صح و علاج عند طبيب متخصص
دمتم بالصحه
د ميلاد ناعوم

23/05/2025

الفواكه و الصيف
كتير من الاطفال الايام دي عندهم نزلات معويه
و المتهم الرئيسي فيها البطيخ و الخوخ
الكلام ده جزئيا صحيح بس ايه السبب
وضع البطيخ في الشارع لايام معرض للشمس و حراره الجو مع كميه الملوثات اللي حواليه بيخليه جزئيا تالف يعني مش لازم يبقي ريحته حمضانه او بايظ من جوه انما حتي اللي لونه و طعمه طبيعي بيبقي فيه نمو بكتيري اعلي من الطبيعي
الكلام ده ينطبق علي باقي انواع الفواكه
يبقي لضمان سلامه اولادنا و علشان منحرمهمش من الفوائد الكتيره للفاكهة
نجيب من اماكن مقفوله ويستحسن مكيفه مش من اللي عارضين في الشارع و تكون الفواكه طازجه
و كده نضمن ان الفاكهه سليمه و غذاها كويس
دمتم بصحه

11/04/2025

مع دخول الحر و زياده تكاثر الحشرات
زباب و بعوض
نخلي بالنا من الاكل المكشوف و لازم تكرار غسيل الوجه و الايد و منع وجود الذباب في المنزل
ونبتدي نخفف الملابس بالتدريج

04/02/2025

ايه هي الاضافات علي الاغذيه المعبأه او الجاهزه
مكسبات طعم
مكسبات رائحه
محسنات قوام
الوان طبيعيه و صناعيه
مواد حافظه
ملح طعام
زيوت نباتيه مهدرجه
مواد مبيضه
محليات صناعيه
ومواد كميائيه تانيه بتحافظ علي ثبات المنتج و عدم تغير الطعم لمده سنه او اكتر
كل المواد دي مواعد كميائيه غير غذائيه
يعني مش بتفيد الجسم بحاجه و احيانا تكون مضره و خصوصا مع كثره و طول مده الاستخدام
مفيش احلي من اكل البيت
دمتم بخير د ميلاد ناعوم

02/02/2025

السمنه عند الاطفال
منفرحش بالوزن الزياده لانه غالبا نتيجه لفشل في تغذيه الطفل بطريقه سليمه
اكل اطفالنا لازم يبقي متوازن
الطفل في مراحل النمو السريع محتاج تغذيه متوازنه من البروتينات عاليه القيمه زي البيض اللبن اللحوم
الاسماك
واغذيه غنيه بالالياف و الفيتامينات زي الخضار والفاكهه
و نقلل كميه النشويات زي النودلز و انواع المكرونه
الحبوب الكامله زي الشوفان مهمه جدا للهضم
نبعد عن الوجبات سريعه التجهيز زي البرجر
كمان العصائر لازم تبقي فريش و خاليه من السكر
ده هايقلل الطاقه الزياده اللي بتخلي الطفل مهيبر علي طول و رافض الاكل
التغذيه السليمه مرتبطه بتنميه ذكاء الطفل وقدرته علي الاستيعاب
كمان هي مفتاح المناعه السليمه
ربنا يحفط الجميع
دمتم بخير