عيادة د عبدالغفار ابراهيم أبوالريش للجراحة

11/04/2024

11/03/2024

كل عام وانتم بخير

31/12/2023

كل عام وانتم بخير
ربنا يجعله عاما كله خير وسعادة

02/05/2022

كل عام وانتم بالف خير وصحة وسعادة ❤️❤️❤️

28/08/2021

30% من مشاكل بالخصوبة عند الرجال سببها دوالي الخصية ✋

هل لها أي مؤشرات يا دكتور؟ 🤔
🧑‍⚕️ ممكن ميبقاش لها أعراض ونكتشفها بالصدفة، وممكن تظهر بعض الأعراض زي:
- ألم قد يصل لألم شديد مستمر (أحيانا يخف مع الراحة)
- احتقان والتهابات
- تضخم وانتفاخ في الخصية
- 90% من الحالات نزول الخصية اليسرى عن مستوى اليمنى

علاج الدوالي بيكون حسب الدرجة والي بنحددها بالكشف والسونار.
اكتب استفسارك في التعليقات أو على رسائل الصفحة وتواصل مع د/ عبد الغفار أبو الريش علشان يطمنك. 🤗
----------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664

25/08/2021

أ/علي ومدام بسمة عند دكتور الجراحة، ايه الي وداهم هناك؟ وعملية ايه الي الجراحة فيها أحسن من المنظار؟ خلونا نجيب الخيط من أوله.

أ/علي ومدام بسمة اتجوزوا من سنة، الخلفة اتأخرت شوية فعملوا شوية فحوصات، مع ان المفروض الاتنين يعملوها سوا -بل بالعكس المفروض نبدأ بتحليل السائل المنوي للراجل الأول-، الا ان الي بيحصل طبعا زي ما حضراكم عارفين ان الرجالة مش بتعمل التحليل الا بعد ما الست تلف السبع لفات. 😩
المهم، تحاليل وفحوصات مدام بسمة طلعت زي الفل، ايه بقى يا أ/علي؟ ايه؟ 🙃

👨 أوف، طيب هعمل التحليل 😕
علشان الأوف دي 😕 التحليل طلع مش سليم 😕 في بعض المشاكل في العدد والحركة مع نسبة تشوهات عالية.

👨 أوف، هدخل ف دوامة الكشوفات بقى مش هنخلص 😕
أوف تاني يا أ/علي؟ 🥴 معلش هنسامحك علشان خاطر مدام بسمة 🥰

الدكتور بتاعه لما شاف التحليل كشف عليه شك ان في دوالي في الخصية وحوله على دكتور الجراحة (نوايا، ها؟ 😉 نوااايااا)
قال لهم ايه بقى دكتور الجراحة؟
الموضوع بسيط خالص، هنكشف ونحدد درجة الدوالي، ممكن منحتاجش أكتر من العلاج التحفظي.

- يا دكتور بالراحة علينا، ايه تحفظي ده؟ 🤔
🧑‍⚕️ يعني منقفش كتير، منشيلش حاجة تقيلة، وهكذا، الحاجات الي ممكن تجيب الدوالي حتى في الساقين دي.
ممكن نحتاج مع ده شوية منشطات للدورة الدموية وعلاجات تقوي الأوعية.
بس طالما عندنا مشكلة في الخصوبة يفضل اننا نتدخل جراحيا، والموضوع بسيط مش بيحتاج أكتر من فتحتين تلاتة وهيقوم بعدها كويس ومش بتسيب وراها وجع كبير ولا حاجة.

- اه منظار يعني يا دكتور؟
🧑‍⚕️ لا مش منظار، احنا ممكن نعملها بالمنظار فعلا بس ممكن ترجع بعدها تاني بسرعة،
يفضل الجراحة العادية، ولازم لازم بعدها نوقف العامل الي سبب الدوالي أصلا علشان مترجعش تاني فنسبة الخصوبة تعلى.

- بس كدة؟
اه بس كدة يا أ/علي، أمال انت فاكر ايه 😇

شير وعرف كل الي زي أ/علي ان الموضوع بسيط 🥰
----------------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664

19/08/2021

لو تحاليل الزوجة سليمة ومفيش أي موانع للحمل ممكن تكون دوالي الخصية عند الزوج.

👩‍🦰 بس هو عمره ما اشتكى يا دكتور من أي وجع ولا انتفاخ في المنطقة دي
🧑‍⚕️ مش شرط خالص، دوالي الخصية ممكن تكون موجودة من غير أي أعراض،
وفي نفس الوقت تأثر على عدد وحركة الحيوانات المنوية أو تسبب بعض التشوهات.

لو كشفتوا ودكتور الجلدية والتناسلية شاكك في دوالي احجزوا معاد مع د/عبد الغفار لتحديد العلاج المناسب في أسرع وقت. 👌
----------------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664

12/08/2021

د/ أحمد ضيف حبيبنا مليون حمدا لله على سلامتك 😍

الحمد لله اننا اتخلصنا من آلام البطن بعد رحلة طويلة من العلاجات 😥 ،
الموضوع بدأ بألم في فُم المعدة وجمبه اليمين فاعتقد انها جرثومة المعدة وأكد له صحة ظنه انه ارتاح الحمد لله بعد العلاج،
لكن للأسف الوجع رجع تاني ومع بعض الأعراض ظن انه ربما يكون قولون عصبي فأخد أدوية القولون 😥 ،
لكن الحمد لله على نعمة الألم الي بتقول لنا اننا لسة موصلناش للحاجة الي واجعانا فعلا،
دكتورنا بعدها بفترة صحى من النوم للأسف الشديد على ألم لا يحتمل، نورنا في العيادة وبعد الكشف شكيت انها التهاب في المرارة،
بعد ما عملنا الأشعة طلعت فعلا حصوات في المرارة ومنهم حصوة قافلة المرارة ذات نفسها تماما وده عمل التهابات شديدة وتكون صديد، وكل ده ظهر في نتائج التحاليل وخصوصا الانزيمات الي كانت مرتفعة، 😥
قبل العملية فضلنا فترة ماشيين على علاج تحفظي ومضادات حيوية علشان نقلل الالتهاب ونظبط مستوى الانزيمات لحد ما النتائج اتحسنت بفضل الله 🥰
في أوضة العمليات ظهر آثار الالتهاب الشديد والمتكرر على المرارة لفترات طويلة، لكن الحمد لله تم استئصالها بأمان ودكتورنا دلوقتي في أتم صحة وعافية وبيقول لكم متتأخروش في الكشف لما تتعبوا 😊
---------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664

Ahmed A Deif - Abdelghafar Ibrahim Aboelrish

08/08/2021

هو ايه يعني لما المرارة يكون فيها حصوات؟ ⁉️
المشكلة ان الحصوات مش هتقعد ساكتة 🤦‍♂️
- ممكن تتحرك وتسد القنوات المرارية فتحبس الصفرا وبدل ما تتنقل للقناة الهضمية تروح للدم
- وطبعا هتعمل التهابات في المرارة
- تعمل تهيج في البنكرياس
- آلام شديدة بعد الأكل خصوصا لو في دهون
كل ده لو اتسكت عليه بيدخلنا في حالة طواريء وفي الآخر برضه هنستأصلها 😓
كلمنا ومتأجلش علاجك 🌿
رقمنا:
📱 01008755664
-----------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد

31/07/2021

من العلامات المميزة لالتهاب الزايدة >> الألم المفاجيء حوالين السرة الي بيتنقل بسرعة لأسفل يمين البطن،

التهابات الزايدة من الحالات الطارئة الي بتحتاج تدخل سريع ⚠️ ، وفي معظم الحالات -خصوصا السمنة- بيكون المنظار هو الحل الأفضل والأكثر أمانا،
ده غير انه بيضمن لنا سرعة شفاء أكبر،
وألم أقل بعد العملية لأن الجرح أصغر،
وسهولة اكتشاف أي مناطق أخرى انتقل ليها الالتهاب قبل ما ننهي العملية.
✅✅✅

لو حسيت بوجع أسفل البطن وخلاك مش قادر تفرد ضهرك، زرنا فورا على العنوان التالي
📱 01008755664
-------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة

العنوان: بلقاس كوبري المستشفي اعلي كشري التحرير ومطعم الحداد

26/07/2021

برغم انها منتشرة ومتكررة بشكل كبير الا انها لا تزال من أكتر الأعراض الي ممكن توقف يوم الواحد،
التهابات المرارة ممكن تيجي في شكل مغص متكرر،
إحساس دائم بعسر الهضم وأحيان كتير قيء وغثيان
وألم في الناحية اليمين من البطن، وممكن يسمع في الضهر والكتف،

ولأنها منتشرة جدا لدرجة اننا بنستأصل المرارة يوميا في مستشفيات الجامعة >> العملية بالمنظار معدتش بتاخد اكتر من ربع ساعة ⏰ ،
ربع ساعة بس! علشان تتخلص من آلام التهابات المرارة المستمرة وبفتحات صغيرة جدا في البطن وأيام بسيطة وترجع للنشاط اليومي العادي بشكل آمن تماما.

منشن كل حد عنده الأعراض دي وطمنه 🌿 لو عارف انها مرارة ومأجل العملية.
-----------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664

22/07/2021

إياد عنده 11 سنة، صحته زي الفل، أكله زي الفل، نشاطه البدني زي الفل،
حلو، فين المشكلة؟ 🤔
المشكلة ان جاله وجع في بطنه، حاسس انها منفخة وبتطلع أصوات.
- عادي يعني يا دكتور بتحصل لنا كلنا 🤷‍♀️
= هقول لكو ان فعلا الأمر يبدو عادي، بس والده عنده قوة ملاحظة، 🧐
أخد باله ان مشية إياد الي بقت بطيئة، وتاني يوم على طول ماشي محني لقدام !
-اصلب طولك يا ابني!
= مش قادر يا بابا، من امبارح لما بفرد ضهري مبتحملش وجع بطني بالذات من الناحية اليمين!
-ايه؟ البس حالا هننزل نكشف!

هو ايه الي خض أبو إياد كدة؟ 😱
الي خضه انه عارف ان دي علامة مميزة جدا جدا لالتهاب الزايدة،
كشف وطلعت كدة فعلا، بس كان خايف من كونها جراحة في السن ده وهتسيب جرح مش قليل يفضل معاه طول العمر🤦‍♂️
لكن الدكتور طمنه ان الزايدة بالمنظار مش بتسيب أي علامات غير مكان فتحات صغيرة جدا مكان دخول المنظار، 😍
ده غير اننا باستخدامه بنطمن اذا كان في التهابات تانية حوالين الزايدة ولا لاء من غير ما نفتح جرح أكبر، ✅
وده الي حصل فعلا وإياد استرد عافيته الحمد لله في وقت قليل جدا. 🤗

خلي بالكو من أعراض الجهاز الهضمي عموما، منسكتش عليها ومناخدش علاجات من غير تشخيص، لأن ده ممكن يدهور الحالة وطبعا هيأخر التدخل السليم في الوقت المناسب. ⚠️
دمتم بصحة. 🌿
--------------------
د/عبد الغفار أبوالريش
مدرس م الجراحة العامة وجراحة المناظير
جراحة الغدد والأورام🎗
كلية طب المنصورة - مستشفيات جامعة المنصورة
العنوان: بلقاس كوبري المستشفي اعلي كشري التحرير ومطعم الحداد
📱 01008755664






== الإدارة التسويقية : Spread Agency ==