28/01/2025
اللحمية وارتشاح الماء خلف طبلة الأذن
في الأطفال ... خطط العلاج
فيه نسبة مش قليلة من الأطفال اللي عندهم لحمية بيتكون معاها ارتشاح للماء خلف طبلة الأذن ودا بيؤدي لضعف السمع
والمشكلة دي بتبقي محيرة لأسر كتير لأنها بتطول أو بتكرر ومش بتستجيب للأدوية بشكل مباشر
فهنا هنحاول نلخص خطة علاج المشكلة دي بشكل بسيط وواضح
يبقى أدامنا طريق من اتنين حسب رغبة المريض وحسب كل حالة
الأول :
يتم عمل عملية اللحمية بالمنظار فقط (ولازم بالمنظار مينفعش جراحة لأنها غالبا غير مفيدة في الحالة دي)... ثم الانتظار لمدة من 3 لـ 6 شهور والغالبية العظمى من الحالات بتتحسن تماما بعد عملية اللحمية فقط .... لكن لو الطفل متحسنش يبقى لازم عملية شفط المياة مع الهوايات بعد 6 شهور من عملية اللحمية
الثاني :
يتم عمل العمليتين بالتزامن في نفس الوقت ألا وهما عملية اللحمية بالمنظار مع عملية " شفط المياة وتركيب الهوايات في طبلة الأذن" ويتحسن الطفل وقتيا بمجرد خروجه من العمليات إن شاء الله
طب أي طريق من الطريقين أفضل ؟
هنا تختلف وجهات النظر بين الأطباء والمدارس الطبية عموما
لكن شخصيا أفضل الطريقة الأولى لسببين
الأول :
إن الغالبية الساحقة من الحالات بتتحسن جدا بمجرد عمل عملية اللحمية بالمنظار فقط، وبالتالي فمفيش داعي نعمل عملية تانية بتكلفة أكبر وكمان بآثارها الجانبية
الثاني:
عملية الهوايات وإن كانت عملية بسيطة وسهلة جدا وبدون ألم ولكن فيها مشكلة صغيرة ... ألا وهي إن نسبة 1 % من الحالات اللي بتعملها الثقب اللي بيتكون في العملية مش بيقفل ويفضل موجود
أي نعم النسبة دي صغيرة جدا
وحتى لو حصلت فالثقب دا لو فضل بيكون ضرره محدود وملوش تأثير سلبي يذكر على السمع
ولكن كلما أمكن تجنب المخاطرة دي يكون أفضل إلا عند الضرورة
***********
***********
ودا مقال عن : ارتشاح الماء خلف طبلة الأذن... وعملية الهوايات
https://www.facebook.com/share/p/16Asu5rByy/
ودا مقال تاني عن : استئصال اللحمية بالمنظار (بدون ألم) بتقنية الكي والشفط
https://www.facebook.com/share/p/15wmkBTPKs/
# # لقراءة أهم المقالات في الأنف والأذن والحنجرة (متجدد) على هذا الرابط :
https://www.facebook.com/share/p/WLf41j5trfdrr4AP/?mibextid=oFDknk
العناوين:
ــ بلقاس : ميدان أولاد عمر برج الجوهري أعلى فودافون الدور الأول ... للحجز : 01030990077
ــ دمياط الجديدة : منتصف شارع الصعيدي القديم أمام البيت بيتك ... للحجز : 01040848188
