عيادة د/أحمد الأنصارى لأمراض الجهاز الهضمى والكبد والمناظير

21/01/2026

💢 دليل شامل عن التهاب جدار المعدة وكيفية
التفريق بينه وبين مشاكل المعدة الأخرى
وطريقة العلاج من الجذور بأذن الله.

💢 ماذا يعني التهاب جدار المعدة ؟
⬅️ هو تهيج أو تآكل في بطانة المعدة يحصل لما الحمض
الطبيعي يهاجم الخلايا المبطنة بدل ما يحميها.

⬅️ المعدة في الطبيعي محمية بـ
طبقة مخاطية + بيكربونات + زنك + مغنيسيوم
لكن لما الحماية تضعف ⬅️ يبدأ الالتهاب (حاد أو مزمن).

💢 متى تعرف إن عندك التهاب في جدار المعدة ؟
⬅️ لو حسّيت بعد الأكل بـ:
🔹 حرقان أو ألم أعلى البطن
🔹 غثيان – تجشؤ – امتلاء سريع
🔹 غثيان الصبح على معدة فاضية
🔹 فقدان شهية أو وزن بدون سبب
🔹 براز غامق (علامة دم)
🔹 تعب عام – أنيميا – دوخة.

💢 كيف تفرّق بين التهاب جدار المعدة وباقي مشاكل المعدة؟

♦️ التهاب المعدة (Gastritis):
⬅️ الم أعلى البطن + غثيان + انتفاخ – يزيد بعد الأكل

♦️ ارتجاع المريء (GERD):
⬅️ حرقان بالصدر + طعم مر بالفم – يزيد مع النوم

♦️ قرحة المعدة:
⬅️ الم حارق – قد يسوء ليلًا – ممكن دم في البراز

♦️ عسر الهضم الوظيفي:
⬅️ امتلاء وانتفاخ بدون حرقان – المنظار غالبًا طبيعي

💢 الأسباب الشائعة التي تسبب التهاب جدار المعدة :

1️⃣ جرثومة المعدة H. pylori
2️⃣ المسكنات (بروفين – أسبرين)
3️⃣ الكافيين – التدخين – الكحول
4️⃣ الضغط النفسي المزمن
5️⃣ الأكل غير المنتظم والوجبات الثقيلة

💢 العلاج ليس دواء فقط.
⬅️ العلاج = تهدئة + ترميم + توازن

1️⃣ أولاً : كيفية تهدئة التهاب جدار المعدة:

❌ قهوة – شطة – مقليات – خل – حمضيات
✅ بابونج – عرقسوس – زنجبيل خفيف – ألوفيرا

2️⃣ ثانياً: كيفية ترميم جدار المعدة :
🔹 جلوتامين
🔹 زنك كارنوزين
🔹 عسل المانوكا
🔹 كركم
🔹 شوربة عظام (Bone broth)

3️⃣ ثالثاً كيفية عمل توازن في المعدة :
🔸 بروبيوتك (زبادي – كفير – مخلل طبيعي)
🔸 وجبات صحية صغيرة منتظمة
🔸 أطعمة دافئة بسيطة
🔸 نوم منتظم + مع تقليل التوتر
⬅️ لأن العصب الحائر يتحكم في المعدة أكثر من أي دواء

💢 تحذيرات مهمة جدًا :
⬅️ تجنب الاتي 👇
⭕ خل التفاح أثناء الالتهاب
⭕ الليمون على معدة فاضية
⭕ القهوة حتى منزوعة الكافيين
⭕ الشطة – الصوصات – الغازيات
⭕ التدخين – الكحول
⭕ الصيام الطويل بدون وجبات

💢 بدائل آمنة:
🔹 ماء دافئ بعسل
🔹 بابونج – نعناع
🔹 بطاطا مهروسة – شوربة عظام

💢 العلاقة بين الدوخة وضعف التركيز و التهاب جدار المعدة؟
⬅️ لأن التهاب المعدة يقلل امتصاص:
الحديد – B12 – فولات – مغنيسيوم – بوتاسيوم
⬅️ النتيجة : أنيميا – دوخة – تنميل – خمول

💢 ما بعد التعافي :
⬅️ ابدأ تدريجياً :
1️⃣ شوربة – رز – بطاطا – كوسة
2️⃣ بعد أسبوعين: جرّب الأطعمة الأثقل بحذر
3️⃣ راقب جسمك… الرفق أهم من الإندفاع

💢 الخلاصة:
⬅️ التهاب جدار المعدة مش مرض بسيط
هو إنذار من جسمك بيقولك : “ارحمني”

🔅 دمتم بخير واتمنى لكم دوام الصحة والعافية.

19/01/2026

علاج جرثومه المعده بسيط ممكن ياخد شويه وقت اسبوعين او شهر انما تنتهى تمام مش زى بعض الاطباء بيقولوا دى حاجه مزمنه لا قد تصل لنزيف داخلى بالمعده او قئ دموى زفى بعض الحالات سرطان معده دى لازم تتعالج لان عوقبها وخيمه المهم نعرف مش بس ناخد العلاج فى حاجات اهم بتساعد من اول الاسنان والجهاز الهضمى كاملا

جرثومة المعدة

هي بكتيريا تسبب الإلتهاب للمعدة، تعيش وتتكاثر في الجدران المبطِّنة للمعدة، والغالبية العظمى من المصابين بالبكتيريا الحلزونية لا تظهر عليهم أي أعراض ولن تظهر عليهم مشاكل أبدًا.

ومع ذلك قد يحدث عُسرٌ هضم وشُعورٌ بألمٍ أو بانزعاج في الجزء العلوي من البطن وتُعدُّ هذه العدوى من الحالات الشائعة جدًّا والتي تزداد مع التقدُّم بالسِّن.

وتصيب البكتيريا الأنسجة الواقية التي تبطن المعدة، وهذا يؤدي إلى إفراز بعض الإنزيمات والسموم وتفعيل جهاز المناعة؛ مما يسبب التهابًا مزمنًا في جدران المعدة التهاب المعدة أو الاثني عشر



الأسباب

تنتقل العدوى عن طريق لعاب الشخص المصاب أو مشاركة الأواني معه، أو عن طريق الأطعمة والمياه غير النظيفة



عوامل الخطورة

العيش مع شخص مصاب بالجرثومة
عدم توفر المياه النظيفة المعقمة



الأعراض

غالباً لا يعاني المصابين بجرثومة المعدة من أعراض، ومع ذلك قد تظهر على البعض أعراض مثل:
حرقة في المعدة
ضعف الشهية
براز داكن
فقر الدم
غثيان أو قيء
الانتفاخ
التجشؤ المتكرر



المضاعفات

التهاب بطانة المعدة
قرحة المعدة
النزيف الداخلي
سرطان المعدة



متى يجب رؤية الطبيب

ألم شديد في البطن ومستمر
ظهور الدم في القيء
ظهور دم في البراز
فقدان الوزن غير المبرر



الوقاية

غسل اليدين بعد استخدام الحمام
الحرص على غسل الطعام جيدًا وطهيه بطريقة صحيحة
تجنب مشاركة الأواني أثناء الأكل والشرب
تجنب التواجد في أماكن مُلوثة

12/01/2026

السلام عليكم كل عام وانتم بخير اتمنى من كل شخص موجود معانا هنا يبعت طلب متابعه لكل اللى عنده لصفحتنا صفحه العياده اللى احنا عليها دلؤقتى علشان نعرف نفيد اكبر عدد ونوصل طلبنا اننا نساعد المرضى بعلاج مجانى على نفقت الدوله طلب وتشاركنا الثواب وصدقه جاريه نعمل دعوة للى على صفحتكم كلهم ولو جروبات مشاركين فيها نعمل انتشار للصفحه للفايده العامه انهم ينضموا لينا او يعملوا فولو وشكرا للجميع

11/01/2026

السلام عليكم اخباركم ايه اولا عام سعيد على كل اهالى بلقاس وقراها الطيبين وان شاء الله تكون سنه سعيده على كل المصرين وكل واحد يحقق امنيه
تانى حاجه اتاسف عن الايام اللى من اكترمن اسبوع مكنتش متواجد لتواجدى بمؤتمر علمى وعدنا من ايام للتواجد فى مواعيدنا بعياده بلقاس من س١ ل س٨ وعياده المنصوره من س ٦ ايام سبت واتنين واربع تشرفت بمدى السؤال ومعكم دائما لاجل عمل ما نستطيع لصالح المريض اخوكم
احمد الانصارى
مدير مركز كبد بلقاس واستشارى الجهاز الهضمى والكبد والحميات طبعا المرضى بتوعنا كلهم اصحابنا واللى اتعامل معانا يعرف امنا مش بس بنقدم خدمه طبيه لا كمان خدمه نفسيه واجتماعيه كلكم اصدقائى ودا شرف ليا

02/01/2026

01/01/2026

نتمنى لكم جميعاً عاماً جديداً مليئاً بالصحة والسعادة🤍

28/12/2025

السلام عليكم
ان شاء الله نكون حققنا امنينا فى العام الماضى ونتمنى ان يكون عام 2026 عام افضل على كل الناس من ظروف اقتصاديه صعبه وضغط على الناس البسيطه اللى كلنا منهم نذكركم انه عام مضى من عمرنا فتقربوا الى الله هو الملجا والحصن لنا وتمسكوا بتعاليم قراننا وسنه افضل خلق اله سيدنا وشيفعنا محمد ابن عبدالله عليه افضل الصلاه والسلام عام جديدونرجو ان نكون من الله اقرب ويشملنا برحمته

25/12/2025

تحليل ال s. Amyloid لا يصلح لتشخيص حمي البحر المتوسط.
استخدامه في التشخيص تكلفة غير مبررة علي المريض، و التشخيص المبني علي تحليل الأمايلويد تشخيص خاطيء.
الأمايلويد بيرتفع في معظم الإلتهابات المزمنة زي الروماتويد و الساركويد و الذئبة المناعية.
و ما فيش مرض قائم بذاته برضه اسمه Amyloidosis دا مضاعفات لمرض مزمن آخر لابد من تحديده...
و بنستخدمه مثلاً لما يحصل "اعتلال بالكلي أو القلب" في مريض التهاب مزمن زي الروماتويد علشان يدًل إن ترسب بروتين الأمايلويد في الكلي أو القلب هو سبب قصورهم .
و بيوجهنا للعلاج البيولوچي.

أما نطلب تحليل امايلويد نلاقيه مرتفع نقوم قايلين حمي بحر متوسط أو المريض عنده Amyloidosis.

دا مش طِب حقيقي .

03/12/2025

تم بحمد الله وفضله نقل عياده دكتور احمد الانصاري استشارى الجهاز الهضمى والكبد والحميات الى برج طلعت مطاوع الجديد بجوار بنك القاهره
يوميا من س ١ الى س ١٠
الكشف بميعاد سابق الا الحالات الطارئه
تليفون للتواصل 547 22711 010

25/11/2025

هو ليه البيت كله عيان؟💊💉
👀👇"كوكتيل" الشتاء والتعامل معاه
​كلنا ملاحظين إن الفترة دي مفيش بيت مفيهوش حد بيكح أو حرارته عالية. الموضوع مش مجرد "دور برد"، إحنا بنواجه نشاط سنوي طبيعي لمجموعة فيروسات قررت تهجم مع بعض في نفس التوقيت.
​عشان تفهم اللي بيحصل، لازم تقرأ الكلمتين دول كويس جداً (تحذير وطمأنة في نفس الوقت).
​⚠️ الجزء المقلق (عشان ناخد حذرنا)
​الفكرة مش في "اسم" الفيروس، الفكرة في سرعة الانتشار والاختلاط.
السنة دي، المناعة بتواجه تحدي لأننا رجعنا للاختلاط الكامل، والفيروسات بتنتشر بشراسة في المدارس والمواصلات. الخطر الحقيقي مش في الدور نفسه للشخص السليم، الخطر يكمن في:
​الأطفال الرضع وكبار السن: اللي مناعتهم ضعيفة ممكن الدور يقلب معاهم بالتهاب رئوي لا قدر الله.
​الاستخدام الخاطئ للمضادات الحيوية: الناس اللي بتاخد "حقنة البرد" أو مضاد حيوي من أول يوم، أنتوا بتدمروا مناعتكم حرفياً وبتخلوا الفيروس أقوى.
​العدوى المشتركة: ممكن تصاب بفيروسين في نفس الوقت (مثلاً إنفلونزا مع كورونا)، وده بيخلي الأعراض أشد وأطول.
​🦠 مين هما "الأربعة الكبار" المنتشرين حالياً؟
​دي أشهر الفيروسات اللي بتلف في الجو دلوقتي وتعتبر طبيعية جداً في الشتاء:
​1. الإنفلونزا الموسمية (Influenza A & B):
​أعراضها: تكسير فظيع في الجسم (كأن قطر داس عليك)، حرارة عالية مفاجئة، صداع شديد.
​الوضع: هو الأشرس حالياً ومحتاج راحة تامة.
​2. الفيروس المخلوي التنفسي (RSV):
​أعراضها: زكام، كحة ببلغم، تزييق في الصدر.
​الوضع: مقلق جداً للأطفال أقل من سنتين (بيعمل نزلات شعبية)، لكنه دور برد عادي للكبار.
​3. فيروس كورونا (COVID-19 ومتحوراته):
​أعراضها: تكسير، احتقان شديد في الحلق، رشح، وأحياناً مشاكل في المعدة.
​الوضع: أصبح فيروس موسمي زي غيره، لكنه سريع الانتشار جداً.
​4. الفيروسات الغدية (Adenovirus):
​أعراضها: حرارة بتطول شوية، التهاب في الحلق، وأحياناً التهاب في العين أو قيء وإسهال.
​✅ رسالة الطمأنة (عشان تهدى)
​برغم كل اللي فات ده، مفيش داعي للهلع.
​جهازك المناعي قوي: 80% لـ 90% من الحالات بتخف لوحدها بفضل الله ثم المناعة الطبيعية في خلال 3 لـ 7 أيام بدون أي أدوية معقدة.
​ده الطبيعي: كل شتاء بيحصل كده، الفرق بس إننا بنركز أكتر.
​العلاج بسيط: أغلب الفيروسات دي علاجها واحد (علاج الأعراض فقط)، مش محتاج تروح تعمل مسحة بآلاف الجنيهات عشان تعرف اسم الفيروس، لأن البروتوكول العلاجي غالباً مش هيتغير.
​💡 الخلاصة: أعمل إيه؟
​ممنوع المضاد الحيوي: إلا بأمر طبيب وبعد 3 أيام لو الحرارة منزلتش. الفيروسات لا تتأثر بالمضاد الحيوي!
​سوائل وراحة: اشرب مياه وسوائل دافئة كتير جداً، وريح جسمك عشان يوجه طاقته لمحاربة الفيروس.
​خافض حرارة: (باراسيتامول) عند اللزوم وكمادات.
​العزل: لو ابنك عيان، بلاش يروح المدرسة يومين عشان ميعاديش الفصل كله ومناعة زمايله تقع.
​🛑 امتى تجري على المستشفى؟
لو فيه "نهجان" أو صعوبة في التنفس، زرقان في الشفايف، أو الحرارة مبتنزلش خالص لمدة 3 أيام رغم الأدوية، أو طفل رضيع قاطع الرضاعة.
​دمتم بصحة وعافية، وربنا يعدي الشتاء ده على خير