21/11/2025
#الموضوع النهاردة مهم جدا لكل أسرة علشان صحة أطفالكم
#سؤال مشهور بسمعه في عيادتي : والدة المريض بتسأل يا دكتور أحمد هو اللوز بتعمل صديد علي القلب؟؟؟
#الإجابة : إصابة اللوز أو الحلق بالاتهاب بالميكروب السبحي(Beta hemolytic streptococcus) ممكن ينتج عنها مضاعفات الإصابة لأغشية القلب أو الكلي أو المفاصل
#ترد والدة المريض بسؤال : طب نعرف ازاي و نعمل ايه علشان نتجنب المضاعفات دي
#الإجابة : عند ظهور أعراض ألم في الحلق مع سخونة و ألم بالمفاصل لازم تكشفي عند دكتور متخصص و بدوره هيقيم حالة ابنك أو بنتك و هيعمل تحليل الميكروب السبحي (ASOT) و لو طلع إيجابي هيعمل ٣ حاجات مهمة جدا:
#أولا: هيبدأ مضاد حيوي فورا مناسب للقضاء علي النوع ده من البكتريا
#ثانيا: هيتعرض علي طبيب أنف و أذن علشان يقيم احتياجه لعملية إستئصال اللوزتين علشان يقلل فرصة الإصابة بالميكروب السبحي
#ثالثا: هيتعرض علي أخصائي القلب لعمل أشعة (إيكو) للتأكد من إصابة أغشية القلب من عدمها و ذلك للتدخل السريع بالعلاج و إنقاذ صمامات القلب و تجنب التعرض لعمليات القلب المفتوح و تغيير الصمامات
#أتمني نستفيد من الموضوع ده و نعمل شير لتعم الفائدة و ربنا يحفظ أبنائكم و أبنائنا جميعا
#تحياتي مركز دكتور أحمد بدوي عبد الحليم استشاري القلب و القسطرة لفحوصات القلب
#العنوان: مركز ناصر - شارع جمال عبد الناصر - أمام مسجد الحاجة نجية
#المركز مجهز بأحدث جهاز (إيكو) بأفضل سعر في المحافظة
#مواعيد العمل: يوميا ماعدا الجمعة من ٣ عصرا ل ١٠ مساء
#تليفون الحجز: ٠١١٢٩٠٦٣٥٩٤
