صيدلية علي علي - Ali Ali pharmacy

19/06/2023

مطلوب دكتور صيدلي يشترط #الخبرة للعمل في الصيدلية بمدينة نصر فترة صباحيه ويفضل ان يكون من قاطني مدينة نصر و ما حولها

26/01/2022

بمناسبة المطر وإن درجة الحرارة ٩ فخلينا نتكلم عن مرض اسمه Raynaud's disease المرض دا الناس المصابة به أصابعهم بتتحول للون أبيض أو أزرق وممكن كمان أجزاء زى nose, lips, ears and even ni***es عند شعورهم بالبرد (فى الطقس المنخفض او عند جلب اى حاجة من الفريزر او وضع اليد فى ماء بارد) أو تعرضهم ل stress

- لون الجلد بيرجع تانى بمجرد التدفئة اوstress relief مع شعور بالتخدير او الم بسيط
سبب المرض دا ان الأوعية الدموية الى بتوصل الدم للأصابع بتضيق مع الشعور بالبرد او stress فبالتالى كمية الدم الى بتوصل للأطراف قليلة فبيتحول للون دا
المرض دا ليه نوعين:
Primary Raynaud's: بيبقى مش خطير وملوش علاقة بأى أمراض تانية وبيصيب الفرد من سن ١٥-٣٠ سنة ومنتشر عن النوع التانى وفى الأغلب مش محتاج علاج
Secondary Raynaud's: دا بيبقى سبب وجوده امراض تانية زى Connective tissue diseases, Carpal tunnel syndrome, Repetitive action or vibration, Diseases of the arteries, Smoking, Injuries to the hands or feet او Certain medications
دا بيبقى أخطر مالمرض الأول بس اقل انتشارا وبيصيب الأفراد من سن ٤٠
المرض دا مش خطير وفى الأغلب بيصيب الناس الى بتعيش فى أماكن منخفضة جدا فى درجة الحرارة بس أحيانا ممكن يحصل complications ان الأوعية الدموية تضيق لدرجة انه يحصل انسداد فى الأوعية ويمنع وصول الدم لأماكن معينة فى الجلد فيؤدى لقرح فى الجلد او انها تتحول للون الأسود للأبد وتموت وحالات تانية نادرة ممكن بيحتاج المريض انه يشيل الأجزاء دى
وأخيرا علاج المرض دا:
- انه اولا يمنع النوبات دى بانه يتقل كويس فى اللبس ويقلل تعرضه للتوتر او الأماكن الباردة
- ثانيا الأدوية الى بتسبب زيادة blood flow زى Calcium channel blockers والى ممكن تعالج كمان قرح الجلد

Post credit Nada Ashraf

20/11/2021

- تخيل معايا لحظة ماشي فيها في اجواء ممطرة ومستمتع بالجو و رائحة المطر المنعش جدا🌧️ الرائحة إلي قادرة انها تاخدنا لعالم تاني و قد اية بتساعدنا على التأمل بشكل كبير في طبيعة الخالق سبحانه🌧️
- مكنش يجي في بالنا ان إلي بيعمل الرائحة دي بيكتيريا اسمها (Actinomycete)🧫
-بتعمل اية البيكتيريا دي بقا؟!
كل إلي بتعمله إنها بتفرز Organic matter اسمها (Geosmine)..
المادة دي بتكون في مرحلة تكوين ال (spores)
فلما يبدأ المطر إنه يتساقط المادة دي الي هي (Geosmine) بتبدأ انها تنتشر في الهواء انتشارها دا بيخليها تختلط مع الزيوت الي بتفرزها النباتات بعد فترة جفاف طويلة.🍃
- وهو دا الي بيدينا الشعور برائحة الانتعاش لما المطر يبدأ في التساقط.🍃🌧️




Post Credit
Yasmin Tawfik
Suggested post by Nourhan Ahmed

11/11/2021

صباح الخير🌸
من كام يوم كشفت اداره الصحه بمدينه كانبور فى الهند اصابه 89شخص بينهم 17 طفل بعدوى بفيروس زيكا !!....
طب ايه حكايه الفيروس دا ؟🤔
🔹تاريخ الفيروس:-
فيروس زيكا واحد من الفيروسات اللى بينقلها البعوض، وتم التعرف عليه لاول مره في اوغندا سنه 1947 فى القرود، وبعدها بفتره تم التعرف عليه فى البشر سنه 1952 برضه فى أوغندا وتنزانيا، وحصل تفشي لمرض فيروس زيكا فى أفريقيا والأمريكتين وآسيا والمحيط الهادي من فتره الستينات حتى فتره الثمانينات، وكمان كان فى حالات متفرقة فى آسيا وأفريقيا، وحصل تفشي شديد جدا لعدوى زيكا فى بولينيزيا فى فرنسا 2013 وكذلك أقاليم فى المحيط الهادي 2015 وكذلك البرازيل بنفس العام.
🔹اعراضه:-
فتره حضانه الفيروس تتراوح من 3 ل14 يوم، والاعراض مش بتظهر على معظم المصابين، اعراضه زى الحمى والطفح الجلدي والتهاب الملتحمه وآلام العضلات والمفاصل والتوعك والصداع وفى الغالب بتستمر من 2ل7 ايام.
🔹 مضاعفات زيكا:-
تعتبر الاصابه بفيروس زيكا خلال فتره الحمل سبب لصغر الرأس والتشوهات الخلقيه المختلفه فى نمو الجنين وحديثي الولاده ومن المضاعفات أيضا فقدان الجنين وولادته ميت وكمان الولاده المبكره.
بالاضافه الى ان عدوى زيكا تسبب متلازمه جيلان باريه والاعتلال العصبي والتهاب النخاع بالاخص عند البالغين والأطفال.
🔹 التشخيص:-
لا يمكن تأكيد تشخيص الفيروس دا الا عن طريق الاختبارات المعمليه للدم والبول والسائل المنوي.
🔹العلاج:-
مافيش علاج متاح لعدوى فيروس زيكا حتى الآن، بس لازم الأشخاص إللى بيعانوا من أعراض زى الحمى أو الطفح الجلدي أو آلام المفاصل الحصول على الراحه وعلاج الالم والحمى بالادويه الشائعه.
🔹الوقايه:-
الحمايه من لدغات البعوض خلال النهار خاصه للحوامل والأطفال.


Sohaila elmasry

06/11/2021

02/10/2021

هنتكلم شوية انهاردة عن الطفيليات 🌚👀

▪️طيب يبقي لازم الاول نعرف يعني اي طفيليات ؟ 🤔🧐
هي الكائنات الحية بتعتمد خلال مراحل حياتها المختلفة على كائن حي اخر و ممكن يكون أكثر من عائل واحد
▪️طيب اي هي الآلية بتاعتها ؟ 🤨🧐
بتعدل عمليات معينة في العوائل لتعزيز الاستعمار و مش بس كدا لا ، دا كمان بتعتمد ع العوائل اللي بتتغدي ع بعضها البعض

▪️طيب هل ممكن الطفيليات دي تحث مضيفيها علي تغييرات ؟ 🧐🤔
اكيد ، ف مؤثرات بروتينية SAP05 بتعمل علي إطالة عمر المضيف و بتحفز ع التكاثر

▪️طيب ممكن امثلة ؟ 😅🤔
1️⃣ trematode Ribeiroia
ondatrae
اللي بيسبب تشوهات حادة في الأطراف في الضفادع ، وإعاقة حركة الضفادع وزيادة خطر الافتراس من قبل الطيور ، والتي هي المضيف النهائي لطفيل trematode

2️⃣ Phytoplasmas
1- اللي بتصيب معظم أنواع النباتات الوعائية وغالبًا ما تحدث تغييرات هائلة في بنية النبات ، مثل الانتشار المفرط للبراعم والفروع والتطور الرجعي للزهور إلي أعضاء تشبه الأوراق .
2- اللي بتستعمر السيتوبلازم لخلايا غربال اللحاء الوعائي اللي بتنقل المغذيات ل أنسجة النبات النامية وتنتشر بشكل نظامي في النباتات عن طريق الهجرة عبر مسام غربال خلية اللحاء .

Post credit
Menna Mohamed
All_about_biotechnology

01/10/2021

29/09/2021

‏Fat in blood vessels
‏صورة توضح تأثير الدهون على الأوعية الدموية

25/09/2021

تعرف لو اتعشيت متأخر ممكن يجيلك سرطان؟! 🙄

معظمنا عارفين ان الأكل الغير صحي بيسبب مشاكل وأمراض كتير زي السكري وأمراض القلب.

بس اللى منعرفوش إن فيه علاقة بين نوع الطعام والساعة البيولوجية،و إن كمان العشاء المتأخر بيزيد من خطر حدوث سرطان البروستاتا والثدي!

📎باحثين من معهد برشلونة للصحة العالمية لقوا إن الأشخاص اللي بيتناولوا العشاء قبل الساعة 9 أو قبل معاد النوم بساعتين على الأقل بيقل عندهم خطر الإصابة بسرطان البروستاتا والثدي بنسبة 20٪ مقارنةً مع الأشخاص اللى بياكلوا قبل النوم مباشرةً أو قبله بوقت بسيط!

وركزت الدراسات السابقة على العلاقة بين نوع الطعام والسرطان، وأجروا الدراسات دي على اكتر من1800 حالة من مرضى سرطان الثدي والبروستاتا وعلى اكتر من 2000 شخص سليم، وتابعوا أنماط أكلهم ونومهم والخطوات اللي بياخدوها للحفاظ على صحتهم.

ونتايج الدراسة أظهرت أن مرضى السرطان كانوا بيميلوا لتناول الطعام أو الوجبات الخفيفة في وقت متأخر من الليل، حتى بعد مراعاة العادات الصحية الأخرى وعادات التغذية أو النوم، وأن الالتزام بالأكل خلال النهار بيرتبط بانخفاض خطر الإصابة بالسرطان، لان الأطباء أشاروا إلى أن تناول العشاء المتأخر يُسرع عملية التمثيل الغذائي في الجسم بدلاً من الاسترخاء، و بيرفع نسبة السكر في الدم.

📌علشان كدة اهتم بتظبيط وقت أكلك على مواعيد نومك واهتم كمان بالأكل الصحي ووزنك الطبيعي وكتر من الألياف في أكلك وابعد عن:

• اللحوم الحمراء
• التدخين أو التعرض له
• الكحول
• الدهون

وبس كدة 🤗



Post Credit
Dina Farghaly

Ref
https://moffitt.org/endeavor/archive/do-late-night-dinners-increase-your-cancer-risks/

18/08/2021

17/08/2021