TAM AID

29/09/2022

29/09/2022

كدة الرد علي ال mails يبقي احلي 😀 و له معني

10/09/2022

100 اداة مجانية تساعدك كمسوق رقمي

28/04/2022

ما هو الاحتراق الوظيفي ؟
ما هي العوامل التي تؤدي إلى الاحتراق الوظيفي، وما هي أعراضه، وكيفية التعامل معه؟

الاحتراق الوظيفي (Burnout): مصطلح يعبّر عن حالة نفسية تصيب الموظَف تؤدي به إلى فقدان الرغبة في العمل، وتترافق مع انخفاض مستوى الإنتاجية، فضلاً عن الإرهاق الجسدي والعقلي الناجم عن ضغط العمل.

يصيب الاحتراق الوظيفي الموظفين الذين يمضون فترة طويلة من حياتهم في نفس الوظيفة، وتختلف تلك الفترة بحسب طبيعة الصناعة، لكنها عادة ما تكون أكثر من سبع سنوات، لذا وتفادياً لإصابة الموظفين بهذه الحالة، فإن الشركات تعمل على تغيير أقسامهم أو أدوارهم كل بضع سنوات، كما يمكن أن يستمر لبضع أسابيع أو أشهر أو حتى سنوات.

تمتد مدة الاحتراق الوظيفي حسب حالة المصاب به، إن كانت حالة حرجة أم بسيطة، وحسب طبيعة العلاج وكثافته، لكنه لا يستمر في جُل الحالات أكثر من 30 شهراً على أبعد تقدير، إلا في حالات نادرة تتجاوز هذه المدة.

العوامل المؤدية للاحتراق الوظيفي

من أهم العوامل التي تؤدي إلى الاحتراق الوظيفي ما يلي:
- ضغوط العمل: حيث تكون المهام غير متناسبة مع الإمكانيات وفترة الإنجاز.
- قلة الصلاحيات: عندما لا يملك الموظف صلاحيات كافية لإنجاز المهام أو حل المشكلات.
- نقص التحفيز: عندما لا يكافأ الموظف على الأعمال الإبداعية أو العمل الإضافي لا مادياً ولا حتى معنوياً.
- ضعف الحياة الاجتماعية في بيئة العمل: عندما تكون المكاتب منفصلة ومعزولة والموظفين يتعاملون مع الأدوات فقط كالآلات؛.
- الظلم الوظيفي: حيث لا يمنح الموظف ما يحتاجه للقيام بالمهام مثل الأدوات اللازمة والمساعدة الضروريية، ومع ذلك يُطلب منه الإنجاز السليم.
- صراع القيَم: حالة الصراع بين القيم التي يؤمن بها الموظف والأهداف الوظيفية، كالكذب لتحقيق المبيعات، والغش والتدليس وإساءة الأمانة والتملق.

أعراض الاحتراق الوظيفي

يمكن تلخيص أهم الأعراض المصاحبة لحالة الاحتراق الوظيفي فيما يلي:
- سرعة الانفعال مع الزملاء والعملاء ونفاد الصبر بسرعة.
- الافتقار إلى الطاقة اللازمة لإكمال المهام المنوطة بالوظيفة.
- الشعور بعدم الرضا عن الذات.
- صداع مزمن واضطرابات هضمية.
- صعوبة في التركيز.

كيفية التعامل مع الاحتراق الوظيفي

ينصح الخبراء باتباع مجموعة من الممارسات للتغلب على حالة الاحتراق الوظيفي، نذكر منها:
- ممارسة التمارين الرياضية بانتظام.
- ممارسة التأمل أو اليقظة الذهنية أو أي ممارسات تساعد في الارتخاء.
- طلب المساعدة ممن تثق فيهم، لا سيما زملاء العمل.
- خذ قسطاً من الراحة بعيداً عن العمل مثل عطلة، وركز على تحسين جودة نومك.

وضع المفهوم عالم النفس الألماني "هربرت فرويدنبرغر"، ونشر حوله مقالاً علمياً عام 1974 وضع فيه مشاهداته أثناء عمله في عيادة نفسية لمدمني المخدرات.

أسئلة شائعة عن الاحتراق الوظيفي

1- ما معنى الاحتراق الوظيفي؟
حالة نفسية تصيب الموظَف تؤدي به إلى فقدان الرغبة في العمل، وتترافق مع انخفاض مستوى الإنتاجية، فضلاً عن الإرهاق الجسدي والعقلي الناجم عن ضغط العمل.كيف نتعامل مع الاحتراق الوظيفي؟

2- كيف نتعامل مع الاحتراق الوظيفي؟
باتباع مجموعة من الممارسات مثل الرياضة والتأمل وطلب المساعدة من الزملاء أو المختصين.

3- كم يستمر الاحتراق الوظيفي؟
يمكن أن يستمر لبضع أسابيع أو أشهر أو حتى سنوات.

4- هل يمكن أن يكون الاحتراق الوظيفي دائماً؟
لا، وإنما تمتد مدة الاحتراق الوظيفي حسب حالة المصاب به، وحسب طبيعة العلاج وكثافته.

23/04/2022

‏🟣 يجذب محترفي الـ ⁧‫ #تسويق‬⁩📈 انتباه الجماهير لعلامتك وخدماتك من خلال ثلاثة جوانب اساسية:

‏🔶️المحتوى الجذاب المعبر عن الي تقدمه الشركة💡.

‏🔶️الإعلانات والعروض الترويجية المختلفة📢.

‏🔶️عبارات وتصميمات مختلفة وجذابة🎯 .

‏📢سواء كان لك وجود فعلي على الإنترنت، او كنت تخطط لعمل جديد، بكل الأحوال التواجد بعملك أو علامتك التجارية✅ بشكل قوي عبر وسائل التواصل الاجتماعي المختلفة هو مهم جداً.

‏عشان يساهم في زيادة تفاعل الجمهور المستهدف مع نشاطك التجاري واقبال على شراء الشي الي تقدمه من خدمات ومنتجات الي يساعدك على زيادة الأرباح والمبيعات.

21/04/2022

10 Steps Go to Market Strategy Framework for SaaS 📄
This can make the difference between succeeding and failing. 👇

20/04/2022

الفرق بين كلا من:
KRIs مؤشرات المخاطر الرئيسية
KPIs مؤشرات الأداء الرئيسية

10/04/2022

محدش فاهم حاجة ..

وقف التعامل بالدولار على الاراضي المصرية ..

احنا عندنا ف مصر ٣ محطات حاويات اجنبية .. واحدة ف بورسعيد وواحدة في العين السخنة وواحدة في اسكندرية .. دول غير المحطات المصرية طبعا .. تمام؟؟

اي سفينة بتعدي جايبالنا بضاعة لازم ترسى في محطة حاويات .. التوكيل الملاحي لو كانت المحطة واحدة من التلاتة الاجانب دول كان بيحصل من السفينة دي بالدولار .. عشان بيدفع للمحطة رسوم التفريغ والحراسة وغرامات الارضيات وباقي المصروفات بالدولار ..

فكان المستوردين واصحاب السفن بيدوخوا على الدولارات عشان يدفعوا للتوكيلات الملاحية الرسوم اللي عليهم .. فالطلب على الدولار بيزيد واحنا عاوزين نحافظ على شوية الدولارات اللي حيلتنا .. وكان اما المستورد بيغلب كان بيشتري الدولارات سوق سودا .. ويغلي قيمة السلع اللي هو مستوردها عشان المصروفات زادت ..

المقترح بقا اللي اتقدم لوزارة المالية ان محطات الحاويات الاجنبية اللي شغالة ف مصر تقبل المصروفات من التوكيلات الملاحية بالجنيه عادي .. بكده التوكيل الملاحي هايحصل من السفن بالجنيه مش لازم بالدولار .. بكده المستورد يرتاح .. والسلع اسعارها ماتضربش في السما .. والبلد تحافظ على الدولار اللي عندها من غير ضغط زيادة عليه .. خصوصا ان الدولارات دي كانت بتاخدها محطات الحاويات ومنها لبره البلد طبعا ..

والمقترح استند الى ان السفينة لو وقفت في محطة مصرية مش اجنبية التوكيل الملاحي بيدفع بالجنيه عادي .. يبقى خلاص كله زي بعضه .. طبعا محطات الحاويات الاجنبية مش عاجبها الكلام ده وبتقولك احنا بندفع للحكومة المصرية بالدولار عشان ناخد امتياز الشغل ف مصر يبقى من حقنا نحصل من التوكيلات الملاحية بالدولار برضه ..

عموما القرار لسه بيتدرس .. ومش عارفين هيتطبق ولا لأ عشان حيبقى فيه سجال كبير بين اتحاد الغرف التجارية ومحطات الحاويات دي ..

فهمت اصل الخبر؟؟ لا قناة السويس ولا غيرها .. بالمناسبة .. احنا لو حولنا رسوم عبور قناة السويس بالجنيه المصري حاليا احنا الخسرانين .. ليه؟

اولا هاتفقد مورد مهم من موارد العملة الصعبة لإن الدولار لازال هو المتحكم في اقتصاد العالم .. ثانيا قصة ان قيمة الجنيه هاترتفع والكلام ده حتى لو كان صحيح .. فأنت مش هتحس بأي فرق .. عشان انت دولة مستهلكة اكتر منها منتجة .. ومستوردة اكتر منها مصدرة ..

25/03/2022

فيه فيلم لازم كل موظف فى أي شركة يشوفه . الفيلم إنتاج سنة٢٠١٠ .. إسمه The company men
الفيلم باختصار هو قصة موظف . فى شركة كبيرة بتستثمر فى مليار دولار . مجموعة شركات قوية. بناء سفن ومقاولات وتجارة .
بطل الفيلم شغال موظف فى منصب كبير فى الشركة. مدير تطوير.. ٣٧ سنة . بيت شيك. مرتب كبير. عربية بورش . بدلة شيك كل يوم . مكتب شيك. من الآخر الحياة المثالية لأي موظف فى الدنيا . مرتاح ومش شاغل باله بحاجة.
فكرة الفيلم أصلا انه بيحصل هبوط جامد فى أسهم الشركة فى البورصة فى فترة الأزمة العالمية. وصاحب الشركة بيلجأ طبعا انه يسرح بعض الموظفين علشان يقلل النفقات. رغم انه فى نفس السنة كسب ملايين الدولارات فى عمليات أخري بس البيزنس يحكم.
طبعا صاحبنا مش شاغل باله ماهو من المقربين للإدارة وأكيد مش حيمشوه . المهم الشركة مشت حوالي ٥٠٠٠ واحد وكان منهم هو . وبعديه بشوية مشت عدد تاني كان منهم مدير كبير عنده ٦٠ سنة قضى حياته كلها فى الشركة من أيام ما كان شغال لحام بينزل يلحم جوه ماسورة بال ٨ ساعات . ده انتحر. فعليا انتحر. قتل نفسه من القهرة.
مديره المباشر كان أول واحد فى الشركة ويعتبر شريك فيها (له أسهم فيها) وتربطه علاقة صداقة قديمة وقوية جدا بصاحب الشركة. من الآخر هو اللي بنى الشركة مع صاحبها من أيام ما كانت ورشة صغيرة. بس فشل فى انه يحافظ عليه وميخليهوش يمشي .
صاحبنا راح يدور على شغل فى شركات كتير. وقعد ايام. واسابيع. و شهور يقدم. ومحدش يرد عليه. وهو كان متخيل انه الشركات حتتهافت عليه عشان اسمه اللامع.... بس محصلش.
اخو مراته كان شغال مع نفسه بيشطب بيوت وعنده نفرين تلاتة عامل بيهم شركة صغيرة.... لما عرف انه اترفد عرض عليه ييجي يساعده
اتريق عليه وقاله اه واجي اركب حيطان واشيل خشب ومونة ؟؟؟ .
فضل كده شهور وشهور. لحد ما اضطر يبيع عربيته البورش. وبيته الشيك. ويروح بمراته وعياله يقعد عند ابوه وأمه. وفشلت جميع محاولاته انه يلاقى شغل حتى بنص المرتب اللي كان بيقبضه. خسر كل حاجة حرفيا.
اضطر يروح لجوز اخته وهو مكسور وقاله انا محتاج اشتغل. وفعلا الراجل شغله. مع انه كان فاشل ولا نافع حتى يطلع الخشب على السلم .
بعد عذاب وعذاب اكتشف ان اخو مراته ده اصلا اضطر يخسر فى الشغلانة دي عشان يخليه يشتغل معاه.. ويوفر شغل للعمال اللي معاه.. وكان بيديله فلوس اكتر من الطبيعي عشان عارف ظروفه. فى حين ان مديره الكبير المليونير اللي كان بيدافع عنه اصلا الشركة برضه باعته واترفد هو كمان ومبقاش عارف يعمل ايه.

الفيلم ده بيبين قد ايه الموظف الى مش بيطور من نفسه بيفشل. وهو فاكر انه جامد قوي وفظيع ومحصلش . خصوصا اللي شغالين فى شركات كبيرة.
لو مطورتش من نفسك واتعلمت حاجات جديدة ومهارات جديدة وانت موظف حييجي عليك يوم تلاقي نفسك خسرت.
مفيش شركة حتيجي على مصلحتها عشان خاطر اي حد من الموظفين. حتى لو كان اكبر واحد سنا أو مقاما. فى الآخر هو موظف.
وقت المشكلة مش حينفعك غير امكانياتك الفعلية.. يعني من الآخر انت بتعرف تعمل ايه. لا تاريخك فى الشركة. ولا علاقاتك. ولا فلوسك. ياما ناس عندها كل ده بس على أرض الواقع متعرفش الألف من كوز الدرة.
الشركة عايزاك تعمل حاجة معينة وبس. فى مقابل انهم يشيلوا بدالك احساس ياترى فى فلوس آخر الشهر ولا لأ ؟؟. ويحسسوك ان انت فظيع ومحصلتش. وانت فى الحقيقة فعلا فظيع وتجنن بس فى الشركة دي بس. انما فى أي حته تانية حتلاقى نفسك ولا حاجة.
الفكرة إنه إوعى تنسى تطور نفسك. ومتركنش على الوظيفة قوي . لأن مفيش حاجة مضمونة. ومتثقش قوي فى علاقاتك.

25/03/2022

عيبك إنك شاطر !!!!

١- ممكن تروح مكان جديد ويكون عيبك انك شاطر ومتميز بالنسبه للناس القديمه في المكان
دا طبيعي ووارد

٢- المشكله ان ممكن يكون تفوقك دا عيب في نظر الشركه نفسها

٣- ويكون من مصلحه الشركه هنا انها تتخلص منك لأنك مش متوافق مع البيئه بتاعتهم وهتسبب قلق ومشاكل هم في غني عنها

٤- الشركات في المرحله دي بتكون في طور الانتقال من مرحله الي مرحله اخري وطبعا كل تغيير بيحارب بكل الوسائل

٥- اذا الشركه مكانش عندها ارداه قويه للتغيير هتضحي بالعنصر الجديد المميز لمصلحه العناصر القديمه المتمكنه من كل مفاصل الشركه وتضحي معاه بالانتقال من المرحله دي للمرحله التاليه

٦- هيعرفوا انهم غلط بس مش دلوقتي خالص يمكن المكاسب المرحليه تغمي عينيهم شويه لكن هيفوقوا علي خسائر كارثيه في وقت لا ينفع فيه الندم

25/03/2022

-لو انت Recruiter ازاى تقيس كفاءة التوظيف recruitment efficiency فى شركتك؟
دول اهم هم 9 مقاييس metrics اللى من خلالها تقدر تحدد وتقيم معدل كفاءة التوظيف recruiting efficiency rate هم الآتى:
1-الوقت المستغرق لتعيين الموظف Time to fill :
-المقصود بيها اجمالى عدد الايام الفعلية لشغل الوظائف ÷ عدد الوظائف اللى تم شغلها
2- تكلفة تعيين كل موظف cost per hire :
-المقصود بيها اجمالى تكلفة التعيين ÷ عدد الموظفين .
3-كفاءة قناة التوظيف recruiting channel efficiency
-المقصود بيها عدد الافراد المعينين من قناة توظيف معينة ÷ اجمالى عدد المتقدمين من نفس الوظيفة × 100
4- yield ratio( Recruitment funnel effectiveness) :
وديه المقصود بيها عدد المرشحين اللى اجتازوا مرحلة معينة من مراحل التوظيف ÷ اجمالى عدد المرشحين للوظيفة للمرحلة نفسها
-5- كفاءة التوظيف recruiting efficiency :
-والمقصود بيه عدد المرشحين اللى اجتازو فترة الاختبار (3 شهور) ÷ اجمالى عدد المرشحين فى نفس الفترة .
6-معدل رضا المدير المباشر عن الموظف المعين Hiring Manager satisfaction :
-وديه المقصود بيها ععد الموظفين الجدد اللى حازوا على رضا المديرين المباشرين÷ اجمالى عدد الموظفين الجدد
7- معدل رضا الموظفين Candidate job satisfaction
-وده المقصود بيها عدد الموظفين الجدد اللى شعروا بالرضا الوظيفى ÷ اجمالى عدد الموظفين الجدد
8. معدل قبول عرض العمر Offer acceptance rate
-وده المقصود بيه عدد المرشحين اللى قبلوا العرض الوظيفى ÷ اجمالى عدد المرشحين اللى تقدموا للوظيفة .
9- تكلفة وصول الموظف الجديد لمستوى انتاجية مرتفع :
Cost of getting to Optimum Productivity Level (OPL)
-,وديه المقصود بيها التكلفة المادية اللى تكلفتها الشركة للوصول للموظف لمستوى اداء وانتاجية مرتفع زى تكلفة ( on boarding - training ) بالمقارنة براتب الموظف الجديد .

20/03/2022

Most Important Email Sentences and Phrases in Different Situations 👌

19/02/2022

-الأسد الإفريقي بيصنف أنه من اقوي انواع الأسود المفترسه في العالم.!
-سمك القرش الأبيض المفترس مسئول عن أكثر من 30% من هجمات القرش علي البشر واكثر الأنواع القروش المفترسه علي وجه الأرض!!

الأسد بيفقد قدرته القتاليه في الماء، و القرش الأبيض ميقدرش يموت فار في اليابسه !

محدش بقي قعد يزعق ليهم ويعملهم Coaching ويديهم Constructive feedback !!
ولا حد قالهم لازم تشتغلوا علي ال Areas to improve!!
ولا حد قالهم لازم نتغلب علي ال Weakness points اللي عندك ونحولها ل Strength points !!

ولا حد قعد مع الأسد كدا وبص له من تحت النضاره وقاله ازاي راضي عن نفسك كدا ؟!
مش عايز تخرج بره ال Comfort zone اللي انت حابس نفسك فيها دي يا أسد؟! طيب ما تجرب تصطاد ف المايه مش يمكن تعرف ؟!

الخلاصه يعني؛

أن ربنا خلقنا مختلفين عن بعض، كل واحد فينا عنده؛
1- حاجات بيعرف يعملها كويس جدا ب الفطره
2- حاجات بيعملها عادي بشكل مقبول
3- حاجات مبيعرفش يعملها وبيعك الدنيا لو حاول فيها!

أنت ك مدير مش وظيفتك انك تعين أسد وتحفر له بركه مايه وتقولوا يلا يا وحش وريني همتك ..

المدير الشاطر؛
1- هو اللي يعرف يطلع ويكتشف الحاجات اللي الموظف بيعرف يعملها كويس ويخليه متخصص وبروفيشنال فيها!
2- الحاجات اللي بيعملها بشكل عادي، يستثمر فيه و يطوره فيها عشان يعملها بشكل فوق العادي!
3- والحاجات اللي مبيعرفش يعملها يديلوا ال Knowledge عنها ب حيث أنه يبقي فاهم هي بتتعمل ازاي.

05/10/2021

نصاحب مين في الشغل .... ‼️
صاحبوا ناس بتبتسم على الصبح وهي داخلي الشغل .. دمها خفيف بشوشه في وجه الزميل قبل المدير

ناس عندهم شخصية و بيسمعوا وبيتناقشوا معاك مش من خلفك وبيتكلموا من غير ما يتقمصوا .

ابعدوا عن الغامضين الصامتين كارهي العيشة و اللي عايشنها .

صاحبوا ناس بيحبوا الشغل ...ناس بسيطه و واضحه.

ناس حقيقية مش مصطنعة. ناس كويسين مش عاملين نفسهم ابو العريف
ناس معندهاش اسرار و لا دهاليز ناس معندهاش بخل فى المعلومات و المساعده ... صاحبوا ناس بتشتغل . ناس تعبت فى حياتها قبل ما توصل الكرسي. ناس ناويه تحتفظ بيك و تكبرك رغم اَي شئ حبا في التعاون معك مش علشان اَي سبب ممكن يتخلوا عنك .
ناس طبيعية خدومه لوجه الله .

ناس فاهمه هموم الزملاء و عارفه طريقها وعندها هدف و بتتعب علشانه .
ناس بتعرف تفهم و تقدر و تعذر و تتأني ... و عمرها ما اذيتنا في اكل العيش
اعرفوا بشر مش امراض نفسيه ماشيه على رجلين .. مش قنابل موقوته بتنفجر في وشك في اي لحظة .
ناس جايين من بيئة اصل مش من بيئة كره و نميمة و اغتياب
ناس وجودها مبهج و كلامها مبهر .. ناس بتعرف تحاصركم بحبها .. تأسركم بجمال روحها .. صاحبوا ناس خدومه

ناس سعدا اصلا بتعرف تصنع السعادة و النجاح في العمل لكل اللي حواليها مش هربانين من الفشل و انتو وقعتم في طريقهم .
ناس تحافظ علي نقاء ارواحكم مش تشوه مجهودك و تحببكم في الكذب و الخداع