09/07/2025
القولون العصبي غير التهابات القولون 🙂
----------------------------
الفرق بينهم ايه ؟ ان القولون العصبي مرض وظيفي يعني الخلل حصل في وظيفه القولون وحركته اما التهاب القولون زي ما في اسمه التهابات يشمل بقي قرح القولون و مرض كرون
=========================
🛑 اهم معلومه مهم اوي تكون عارفها هي ان القولون العصبي مفيش علامه نقدر من خلالها نقول ان الشخص دا مريض قولون عصبي لكن لما بيظهر بعض الاعراض نستبعد كل الاسباب الاخري الي ممكن تعمل نفس الاعراض ولما منلاقيش اي حاجه تاني يبقي القولون العصبي يعني دا
بيقولو عليه
تشخيص الي مش لاقي تشخيص
طيب ايه هي اعراض القولون ؟
🛑 الم في البطن احيانا بيكون محزم الوسط كدا من تحت السره حاسس وكان حد ماسك قولونك بيزيد بايه وبيقل بايه ؟
الالم دا بيزيد عند الاناث قبل واثناء الدوره الشهريه وبيزيد الالم دا بالتوتر " مش علشان اسمه القولون العصبي ييبقي بيجي من العصبيه " يا جماعه بتزيد اعراضه بالعصبيه فقط يعني لازم يبقي موجود والعصبيه تزوده وكمان بيزيد بالاكل
بيقل بدخول الحمام او يعني تفريغ الغازات الي في القولون
اكتر وقت الالم دا بيكون موجود فيه هو عند اول ما المريض يصحي الصبح
- تغيير في عاده القولون يعني اسهال او امساك او الاثنين مع بعض بالتبادل
بس الي قراته ان الاغلب بيكون امساك هو الغالب وبيكون معاه اسهال احيانا وبعدين بيخرج البراز علي هيئه دفعات و كميتها صغيره افهمها زي ما تفهمها بقي 😀 دا غير احساس المريض بانه لما يدخل الحمام ويخرج يحس ان بطنه لسه معبيه طيب ليه الامساك هو الغالب ؟
لان التقلصات بتاعت القولون دي بتقلل من حركته او تشل حركته وبالتالي بيحصل امتصاص زياده عن اللزوم للمياه من القولون وبالتالي بيحصل جفاف شديد وامساك للبراز
يبقي اغلب الاحيان امساك وقلما لما يكون اسهال ولما بيكون فيه اسهال خلي بالك ان التوتر والاكل بيزودو من الاسهال
- الغازات والانتفاخ مريض القولون جسمه لا ينتج غازات اكتر من البني ادم الطبيعي يعني سيادتك الغازات الي عامله مشكله دي عند غيرك بس فيه مشكله عندك انت ان الغازات دي موجوده عند كل الناس متووزعه علي القولون والامعاء اما عندك بسبب التقلصات فهي متجعه مع بعضها في مكان واحد بتضغط علي الجدار بتاع القولون وتعمل الانتفاخ والالم دا لذلك الالم بيروح والانتفاخ بيروح بمجرد ما بياخد ادويه الانتفاخ الي هي اساسا لا تؤثر علي انتاخ الغازات ولكن هي بتخلي السوائل الي في الجسم ما تعملش فقاقيع
- حرقان في فم المعده حوالي 25% الي 50%من مرضي القولون عندهم حرقان في فم المعده وحموضه وغثيان خلي بالك العلاقه بين العيانين الي عندهم حموضه وبين القولون العصبي كبيره يعني المرضي الي عندهم حموضه بالاغلب هتلاقي عندهم القولون العصبي
دي بقي الاعراض الي بتظهر يبقي انا ايه المعايير الازمه للحكم ان دا مريض قولون ؟
- الم في البطن علي الاقل يوم في الاسبوع لمده 3 شهور مثلا لانه مرض مزمن
- خروج البراز علي دفعات
- الشعور بعدم التفريغ بعد عمل الحمام
- الغازات وامساك او اسهال
#ملحوظه
البراز لو فيه دم او فيه فقدان للوزن بمرور الوقت دا مش القولون العصبي دي حاجه غيره وهنعرف اذاي نعمل نعرف اذا كان هو القولون ولا حاجه تانيه البوست الي جاي
🛑 ف التعليقات كلام مهم 🔥
صباحكم صحي وتوعوي 💚☺️
صيدليه الاسراء بتهتم بصحتك ☺️❤️
لو حبيت تستفسر عن أي حاجه ابعتلنا
كل يوم معلومه طبيه جديده 💊💊
