https://www.facebook.com/100303508865646/

Dr. Ahmed El Kelany/kids clinic, Cairo (2025)

31/05/2025

انشروه لكل من تعرفوا
ومن أحياها فكأنما أحيا الناس جميعا

ادوية الكحة خرافه....في رأيي
المضادات الحيويه لاداعي لها فب٩٧% من الحالات
الفهم اولا
العلم قبل العمل..🌹مصر_بتكح🌹

الشتا دخل ،وابنك بيكح ، ومش عارف ينام ؟
سألت جارتك ووصفت لك الدوا الشرب اللي عليه معلقة خضرا ، واللبوس المهدئ بتاع حمادة ابنها😊 ؟
طب انت عارفة سبب الكحة ايه😊 ؟

لازم تعرفي ان كحة ابنك غير كحة حمادة ابنها .

لكل كحة سبب وطبعا لكل سبب علاج غير التاني

#الكحة
الكحه عند الاطفال تعتبر صمام أمان ، وردّ فعل مناعى .
انت بتقول ايه يادكتور ؟
أيوه ياماما ، الكحة في حد ذاتها عرض لمرض ، يتم تشخيصه ، وغير مسموح اعطاء أى أدويه مهدئة للكحة، أو مذيبات بلغم للأطفال من نفسك ، والعلاج الأمثل هو علاج السبب ، وتشخيص المرض .

✴✴ايه هي أسباب الكحة وامتى تقلقى منها:

الناس معتقدة ان كل أسباب الكحة هي أسباب جاية من الصدر ، وللأسف لما يحبوا يكشفوا يروحوا لدكاترة الصدر ، مع انه مش تخصصهم اطفال ، وبيعالجوا الأطفال زي الكبار بجرعات عالية غير محسوبة من المضادات ، وحقن الكورتيزون ، ومعظم الحالات يتم تشخيصها حساسية .
وعلشان اللخبطه وعلشان محدش يألف مع نفسه تم وضع بروتكول علاج عالمى من أكبر مؤسسة طبية مختصة على مستوى العالم بحساسية الصدر( GINA ) لأن للأسف بنشوف روشتات لدكاترة المفترض انهم كبار بيوصفوا علاجات مع عدم مراعاة لا سن ، ولا وزن ، ولا وجود أمراض أخري متداخلة ، ولا توافق أي بروتكول طبي معترف به .

الكحة أسبابها تبدا من أول مجري التنفس اللي هو الأنف ، وديماً الأنف مظلوم ، ومابيتعالجش كويس

يلا تعالوا نبدأ لأن الموضوع طويل

💥 نزلة البرد. common cold

ابنك بيخنفر ، وحضرتك بتحطي ايدك علي صدر الولد وتلاقيه بيخروش ،وتروحي تعطيه أدوية مالهاش لازمة عشان الواد علي صدره بلغم .
الطفل أول 6 شهور مجرى التنفس عنده صغير شوية، وضيق كل ما يكبر بيتحسن ، فأى إفرازات تتجمع تسد مجرى التنفس نستخدم محلول ملح طبيعى نسلك الأنف مرة و إتنين و 10 ، مافيش أثار جانبية ليه ، ولا بتسبب تعود لإنها مفهاش مادة فعالة دى مية بملح ، أساميها في السوق :- ( اوتريفين بيبى او لايس او سالينكس أو فيسيومير ماء بحر) .

💥 حساسية الأنف ..allergic rhinitis

ابنك دايما بيرشح ، وبيعطس فترات طويلة ، سواء طول السنة صيفا وشتا أو مع تغيير الفصول وفى الحالات الشديدة بيكون فيه هالات سودة تحت العين ، وبيحك ف الأنف بطريقة مميزة ( allergic sallut )
نسبة كبيرة من الأطفال دول مصابين بحساسية الأنف وعندهم حساسية صدر وبالتالى علاجها مهم لتقليل نوبات الكحة والأزمة الصدرية .
أدوية مضاد الحساسية زيرتك وكلاريتين و بخاخات الأنف زى nasonex ....rhinocort aqua بتجيب نتايج كويسة .

لو بياخد العلاج مظبوط ومناخيره لسه بتسيل ؟ لازم تبعدي الأول عن مسببات أو مهيجات الحساسية
*نبعد عن العطور والروايح النفاذه والدخان والاتربة وللأسف الفلاحين بيحرقوا قش الرز الأيام دي ، وده بيسب تعب اطفالهم قبل غيرهم ومحتاجين توعية .
*بلاش مسح الانف بمناديل معطره .
*بلاش نفرش سجاد كتير في البيت.
* نبعد عن اي حاجه فيها فرو زي الدباديب واللعب
*بلاش حيوانات أليفه في البيت .
*بلاش نخرج لو الجو فيه تراب .
*التدخين في البيت ممنوع ولا في الصالة وسامعك ياللي بتقولي بدخن في البلكونة؛ لو جوزك بيدخن مافيش داعى إنك تجيبى دواء ؛ مفيش فايدة من العلاج
*المبيدات الحشرية نمنعها خالص حتى عديمة الرائحة
*الأغطية الصوف والمفروشات واللبس

طبعا لازم الدكتور يفرق بين نزلة البرد وحساسية الأنف ويكون عارف الفرق

💥 التهاب الجيوب الأنفية ..sinusitis
بتحصل نتيجة مضاعفات لنزلة برد عادية ،وبتكون إفرازات الأنف لونها متغير للأخضر ، مع ارتفاع فى درجة الحرارة ، والكحة بتكون مميزة لأنها بتزيد بالليل والطفل نايم ،أو بعد مايقوم من النوم ، بسبب إفرازات الأنف الخلفية اللى بتنزل على صدر الطفل ، وغالبا مفيش كحة بالنهار ، ولو سن الطفل كبير ممكن يشتكى من صداع .
المضادات الحيوية مهمة عشان متبقاش مزمنة فى الحالات البكتيرية ولو الموضوع بيتكرر ضرورى نستبعد اللحمية .

💥 التهاب الحنجرة ..laryngitis

هنا بيكون صوت الكحة مميز ( زي الديك ) وبتحتاج علاج سريع لأنها بتكون حالة طارئة ولازم ياخد جلسة أدرينالين استنشاق ، وديكساميثازون سواء حقنة او شراب علي حسب التوصيات الجديدة في اعطاء جرعه واحدة وتحسب علي أقل جرعة للكيلو .

💥 التهاب الشعب الهوائية ..bronchitis

من أكتر أسباب الكحة وبيحصل لمعظم الأطفال وبيكون عبارة عن رشح وكحة وسخونة بسيطة ومعظم أسبابه بتكون فيروسية وممكن الطفل ياخد العدوى ويخف بدون أى أدوية ويعتمد على سوائل دافية وأحيانا بعض الأدوية موسعة للشعب بعض الحالات منها ممكن تاخد مضاد حيوى حسب مايشوف الدكتور المعالج.

💥 التهاب الشعيبات الهوائية ..bronchio

litis

عدوى فيروسية بتنتشر خلال شهور الشتاء وفى أغلب الأحيان بتكون بسبب فيروس ( RSV ) وخصوصا الرضع فى الشهور الأولى بتبدأ أعراضه ببرد ورشح عادى وتزداد الأعراض تدريجى بكحة وتزييق فى الصدر والكحة ممكن تطول ل 10 أيام طالما مش مؤثرة علي الرضاعة مفيش مشاكل وأحيانا بيدخل الطفل فى صعوبة فى التنفس ورفض للرضاعة وبتكون مضاعفات متوقعة للفيروس وبيحتاج يتحجز بالمستشفى لأنه بيحتاج أكسجين ومحاليل بديل للرضاعة إلى أن تتحسن حالته.

💥 الإلتهاب الرئوى ..pneumonia

كحة وحرارة ، وسرعة في التنفس ونهجان ..
كل ده مؤشرات إكلينيكية بتحتاج للأشعة على الصدر ، وصورة دم لتأكيد الحالة وده من أخطر أسباب الكحة ، وبنسبة كبيرة الطفل بيحتاج يتحجز فى المستشفى خصوصا لو الطفل عنده صعوبة فى التنفس
💫تطعيم المكور الرئوى بيحمى ابنك بنسبة عالية جدا من الإصابة بالالتهاب الرئوى .

💥 حساسية الصدر..bronchial asthma

الكحة لوحدها مش بتشخص الحالة ، ولا سماعة الدكتور ، ولا الأشعة. انت ليك دور فى تشخيص وعلاج الحالة .. لأن الدكتور هيعتمد على التاريخ المرضى أكتر من فحص الطفل نفسه يعنى الطفل بيجيله كحة وتزييق فى الصدر وأحيانا نهجان وبتكرر الحكاية دى معاه أكتر من مرة مع استبعاد اعراض شبيهه زي نزلة شعيبيه فيروسية ، أو ارتجاع فى المعدة مع الأطفال الرضع .

كحة الطفل المصاب بحساسية الصدر بتزيد مع المجهود أو التعرض لأى أتربة أو دخان وتزيد فترة الليل وأحيانا تكون مصحوبة بترجيع وإن الطفل يتحسن مع أى أدوية موسعة للشعب كل ده أدوات مساعدة فى تشخيص الحساسية .

الخطوة الأهم بعد تشخيص الحساسية .. تحديد المرحلة اللى ابنك فيها وده اللى أنا أقصده إن ليكى دور فى العلاج يعنى ..

على حسب معدل نوبات الحساسية ( كحة و تزييق أو نهجان ) على مدار شهر مثلا سواء بالليل أو بالنهار وكم مرة احتاجتى تدى للطفل استنشاق .. بكده الدكتور بيقدر يحدد خطة العلاج ونوع الحساسية ..

حساسية متقطعة .. intermittent asthma وعلاجها أدوية أو استنشاق موسع للشعب

حساسية مستديمة ..presistant asthma وهنا أصبح مهم جدا إن الطفل يستمر على علاج لمدة 3 شهور حتى لو مش تعبان لأن إحنا بنعالج مرض مزمن والأدوية هنا عبارة عن مضادات ليكوترايين (كوكاست - ليلى بيل - سينجيولاير ) وبخاخات استنشاق ومنها نوعين بخاخات الكورتيزون وبتستمر طول فترة العلاج وبخاخات موسع للشعب ودى بتستخدم أثناء النوبات فقط والبخاخات هى العلاج رقم واحد حتى الآن فى علاج الحساسية والدكتور كل فترة بيحتاج يقيم حالة طفلك عشان يغير أو يثبت الجرعات على حسب الحالة .

العيل اللى عنده حساسية غالبا بيبقى عايش كويس طول الصيف أول مالشتاء يدخل والجو يبتدى يغير يبدأ يكح ,مش بس بتبقى الحساسية مرتبطة بالفصول لا كمان بترتبط بأوقات فاليوم
تلاقى الطفل قبل ما ينام يكح ويقوم من النوم يقعد يكح يكح لحد ماينزل حتة بلغم كدة يروق
طيب مالطفل لازم يعمل النشاطات دى (ينام ويلعب ويعمل مجهود ويروح مدرسته ويضحك)

☀العلاج:-

👈ابعد عن مسببات الحساسية اللي اتكلمنا عنها فوق
👈اديله موسع للشعب ونعمل جدول على مدار اسبوعين وأديله موسع للشعب وأكتب أحتاج كام مرة في الأسبوع لموسع الشعب ولو احتاج موسع للشعب أكتر من 3 مرات في الأسبوع يبقى محتاج علاج وقائى
👈العلاج الوقائى:-
بخاخة
رغم أن بلاد العالم المتقدمة من التسعينيات بتستخدم البخاخات تيجي تكتب للأم بخاخة للطفل عن طريق الإستنشاق تقوم الأم تقولك يااه يادكتور هوا إحنا وصلنا للدرجة دى كأن أنا قلتلها حيعمل جراحة .
وأم تانية بتقول لي انا عاوزة البنت تتجوز 😂
نهار اسوح احنا وصلنا للجواز ؟
تقول لي آه واحدة تشوفها توقف لي حال البنت😠
كأني كاتب لها حاجة عيب أو حرام .

البخاخة فكرتها زى مثلا لو أتعورتى في إيديك بتحطى كريم موضعى ، لو عنيكى وجعتك بتحطى قطرة
أنا ايه اللى تعبان عند إبنى ؟
الرئة
طيب بدل مايقعد إبنى يبلبع في أدوية ، وشوية يتهضم ، وشوية ينزلوا في البراز وتوصل الرئة بتركيز قليل ,طيب مأنا أديله بخاخة تدخل عن طريق الإستنشاق مباشر على الرئة رايح للعضو المصاب اللى هوا الشعب الهوائية مأقعدش ألف وأدور في الجسم وكمان تخرج عن طريق النفس
-طيب أنا إبنى حيتعود عالبخاخة؟
لأ البخاخة مفهاش تعود التعود بس في الهيروين والمورفين
-دى فيها كورتيزون وأسمع إنه ليه أثار جانبية كتير
لغاية 800 ميكروجرام كورتيزون بالإستنشاق مافيش أى أعراض جانبية ومعظم البخاخات جرعتها ما بتزيدش عن 200 ميكروجرام بالكتير
ممكن بس حوالين الفم يطلع فطريات نقلل ظهورها إنه يشرب مية بعد البخاخة

💥 بلع جسم غريب forign body inhalation
ودي كحة بتيجي فجأة وبدون مقدمات . لو الطفل بلع جسم غريب زي قشرة لب ، او فول سوداني او جزء صغير من لعبته ، ودي كحة متواصلة مابتقفش وممكن الطفل يزرق لازم تتشخص بدري والجسم ده يتشال بالمنظار

💥 أسباب أخري يطول شرحها زي GERD ,, Cystic fibrosis ....etc ممكن في بوست

ات تانية إن شاء الله

🏃🏃😱امتي نقلق ونروح للدكتور عشان الكحة :

⚡طفل حديث الولادة فى الشهر الأول مجرد إنه بيكح ورضاعته أو نشاطه يقل لأن الالتهاب الرئوى ممكن يبدأ فى السن ده بدون أعراض إكلينيكية كاملة ( سخونة ونهجان ) ...

⚡ طفل أقل من 6 شهور وعنده التهابات شعيبية وكحة زى مذكرناها قبل كده وبدأ يحصله سرعة فى التنفس ونهجان ومشاكل أو تقطيع فى الرضاعة حتى لو إنتى متابعة مع دكتور وبياخد استنشاق لأن دى مضاعفات متوقعة للفيروس بتحصل فى أى وقت والطفل بيحتاج يتحجز.

⚡ الكحة صوتها غريب ( زي الديك ) لأن ده بيكون التهاب فى الحنجرة الطفل بيدخل ملاحظة فى الطوارئ وبياخد استنشاق أدرينالين وديكساميثازون تحت إشراف الطبيب

⚡الطفل عنده حساسية وبدأ ينهج مع الكحة أودخل فى كحة مستمرة لفترة طويلة مش بيتحسن على جلسات فاركولين وأتروفينت على الأقل 3 جلسات خلال ساعة

⚡ كحة و حرارة عالية فوق الـ 39 ونهجان طبعا كل ده علامات التهاب رئوى مش محتاجة كلام

⚡الطفل كان بيلعب كويس وفجأة بدأ يكح كحة متواصلة مش بتتحس أو ازرق .. هنشك إنه شرق وبلع أى جسم غريب وبتحصل كتير فلا قشر اللب والسودانى وأجزاء الألعاب الصغيرة زي ما قلنا فوق.

غير كده الطفل بيكح ويرشح ومفيش حرارة عالية بس نشاطه كويس وبيلعب غالبا بتكون نزلة شعبية عادية ،أهم حاجة فى علاجها السوائل الدافية لكن هتاخدى بالك لو الكحة طولت لأكتر من 10 أيام أو أسبوعين لازم تستشيرى الطبيب ..

أخيرا لأن البوست طول ..

*بلاش مزيل بلغم للأطفال الرضع ممكن يتعبه أكتر ...لأنه مش بيعرف يكح ويخرجه.. مش معنى إن فيه صوت فى ضهر الطفل إن ده بلغم ومفيييييييييييييييش لبوس بيسحب البلغم ( ماأخدنهاش في الكلاس والله)

*جلسات الإستنشاق مفيش فيها أى مشاكل والطفل مش بيتعود عليها ولاحاجة بالعكس دى أفضل وسيلة لتوسيع الشعب الهوائية خاصة للأطفال تحت سن السنة الاولي ..

*البخاخات فى علاج الحساسية بقى ليها دور مهم جدا جدا واستخدام حجرة الاستنشاق (spacer) خلى استخدامها أسهل مع الأطفال ..وياريت متعترضيش عليها لأنها أفضل علاج حاليا لعلاج الحساسية خاصة الحالات المزمنة وبتحمى الطفل على المدى الطويل وآثارها الجانبية أقل بكتير من الكورتيزون الدوائى والحقن ..

*الأكل ملوش علاقة بالحساسية يعنى مش هتمنعى البيض والسمك واللبن إلا لو الطفل عنده حساسية مؤكدة لحاجة فيهم وغالبا بتكون حساسية جلدية .

* تطعيم الإنفلونزا مهم وضرورى وده مش معناه إن الطفل لو أخده ان الطفل مش هيجيله برد وكحة..

* مفيش وصف علاج بالتليفون أو رسالة ع الفيس والواتس ، زي ماشفتم الموضوع متعدد الأسباب وكل سبب له علاج مختلف ،،،،،،،،،،،،،،
يارب أكون أفدتكم

منقول

👧🏻يلانربى ولادنا صح👦🏻

أعراض التهاب #اللحمية عند الاطفال
(تضخم اللحمية)adenoid hypertrophy ...

#صعوبة التنفس من الانف اثناء النوم لان زيادة الخلايا تعمل على انسداد الانف من الخلف وبالتالى يسمع صوت #الشخير و بقاء الفم مفتوحا اثناء النوم مما يؤدى الى جفاف السوائل فى الفم والبلعوم والتهابات مستمره فيهما مع مرور الوقت.

#انسداد قناة ايستاكيوس وامتلاءها بالسوائل مما يؤثر على السمع تدريجيا .

تغير فى #الصوت يؤدى الى الخنفان.

#صعوبة الرضاعه فى الاطفال من الفم لانه يتنفس من خلاله نتيجة الانسداد الخلفى للانف.

#الالتهابات #المتكرره فى الانف والجيوب الانفيه نتيجة الانسداد ونمو البكتيريا والافرازات ذات الرائحة الكريهة من الانف.

#التهاب الاذن الوسطى.

ونظرا لقلة الاكسجين الناتج عن تنفس الفم تقل وظائف المخ ولا يعمل بكفاءته الكاملة وتقل نسبة الذكاء لان المخ يتغذى على الاكسجين.

مع مرور الوقت واستمرار هذه الاعراض دون علاج واستمرار التنفس عن طريق الفم يظهر وجه الطفل بمواصفات معينه تسمى (وجه #ادينويد في الصوره المرفقة) وهى:
فم مفتوح وجاف , ارتفاع الشفه العليا , بروز ملحوظ للسنتين اللتان فى منتصف الفك العلوى , تضيق فتحتى الانف لعدم استخدامهم بصوره طبيعيه , الوجه الابله .

#تشخيص و علاج اللحمية فى الاطفال

يتم فحص الانف و ملاحظة اللحميه فاذا كانت متضخمه وتؤدى الى الاعراض السابقه كما يتم التاكد ايضا بالاشعه ويتم استخدام طرق العلاج معها كما يتم فحص الاذن ايضا للتأكد من وجود التهابات بها ام لا .

أفضل طرق #العلاج هى استئصال اللحميه تحت تخدير تام للطفل وتعد هذه العمليه من أسهل العمليات ولا يوجد الم بعد إجراءها وفى الغالب يصاحب الاستصال عمليات أخرى مثل تهوية طبلات الأذن واستصال اللوزتين إذا كانت هناك ضرورة لذلك .
قد يتم معالجة تضخم وزيادة حجم اللحميه بعض الادويه ولكن الافضل استئصالها.

ملاحظات مهمة بخصوص #اللحمية

الغدد الليمفاويه (اللحمية )توجد فى كل الاطفال ولا تسمى لحميه الا عند #التضخم.
الغدد الليمفاويه (اللحميه) لها دور مهم فى #مقاومة البكتيريا والميكروبات.
وجود هذه الغدد الليمفاويه ليس مرضا ولا يتم استئصالها الا عند التضخم.
اللحميه من الحالات السهله فى التعامل معها وأيضا سريعة الشفاء بإذن الله .

د. احمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

31/05/2025

بوست للتنبيه والتحذير لأي حد عنده أطفال:
-بداية لبوس دولفين+ بروفين = الاتنين علي بعض بيسببوا فشل كلوي بنسبة كبيرة جدا
💉كتير من حالات الفشل الكلوي بيكون بسبب ده يعني بتقتل ابنك وأنت مش عارف
-🫷أصلا البروفين غلط جدا جدا للكبار والصغيرين وبيسبب مشاكل وأضرار خطيرة للكبد الي بتنتهي بموت للأسف
-👌 الدولفين بيخرج عن طريق الكلي وبيتعبها جدا فمتفرحش أنه نزل درجة حرارة الطفل شوف بس الي هيحصله بعدها
-طيب أنسب وأءمن علاج للطفل بيكون بارستيمول عشان مالوش أضرار لا عالكبد ولا عالكلي
- لو الدكتور كتبلك علي حاجة من دول بلاش تاخدهم وخليه يغير العلاج ولو صمم بلاش تاخدهم مع بعض
- لو الطفل درجة حرارته علت اعمله كمادات عشان مفيدة جدا وما تديش للطفل أي علاج من غير استشارة الطبيب المختص عشان ممكن تأذي ابنك من غير ما تعرف

د. احمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

31/05/2025

بوست النهارده يبتكلم عن
أطفال كتير اتظلموا بأدوية الكهربا
اتشخصوا خطأ علي انهم كهرباء زايده بالمخ و اتهروا أدويه كهرباء و هما مش محتاجينها ولا كانوا أصلا محتاجين رسم مخ 😱

1️⃣ طفل كل ما يعيط يزرق و يخشب ونفسه يتقطع و يغيب عن الوعي😰 ده مش كهربا زيادة
دي نوبات احتباس نفس
Breath holding cyanotic spells

2️⃣ طفل كثير الحركه، قليل الانتباه و شقي جداً🏃 ده عنده فرط حركه وتشتت انتباه
ADHD

3️⃣ طفل عنده بربشه 🙍بعينه الاثنين وحركات في رقبته ووشه ده عنده حركات لا إرادية وغالباً لزمات حركية TICS

4️⃣ طفل أول لما يتخبط أو يقع يقطع النفس ده مش كهربا زيادة🤸‍♂️
دي حاجه اسمها pallid syndrome

5️⃣ طفل مش بيكلم حد وعنده صعوبات في التواصل و التفاعل والتجاوب مع المحيطين و متأخر في الكلام مع حركات نمطيه تكراريه 🤹
ده طيف توحد Autism spectrum disorders

6️⃣ طفل مش بتيجي له التشنجات الا مع الحرارة كل مايسخن يتشنج بس عمره أقل من 6 سنين ديه تشنجات حرارية🤒
Febrile convulsions

7️⃣ طفل مش بيركز في المدرسة وانتباهه قليل وعنده مشاكل في مواد معينه ديه صعوبات تعلم 🥳
Learning disability

8️⃣ طفل بيخبط دماغه في الحيط أو في السرير كتير قبل ما ينام كذا مره ومينمش الا لما يعمل كده ديه مش كهربا زيادة دي حاجه اسمها
Head banging

9️⃣ طفل بيصدع و مع الصداع دوخه و زغلله و ساعات ترجيع و اشعه المخ سليمه و قاع العين سليم .. دي مش كهرباء .. ده صداع الشقيقة
Migraine

🔟 طفل رضيع ساعات بيبص بعينه لفوق ويعلق عينه لفوق لمدة ثواني وخاصة مع الرضاعة ديه مش كهربا زيادة دي حاجه اسمها
Paroxysmal tonic upward gaze

د. احمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

31/05/2025

تم التعديل
⤵⤵⤵
يشتكي الآباء والأمهات من قضاء الكثير من الأطفال ساعات طويلة في ممارسة الألعاب الإلكترونية، ويتخلل هذه الألعاب العديد من المواضيع والقضايا التي يغوص الطفل فيها ويحاول العيش معها في تلك الفترة التي يلعب فيها. واللافت للانتباه أن الكثير من الأطفال يفضلون ألعاب القتال والمصارعة، إذ ينفعلون ويصرخون عندما يلعبون، ويقومون بشتم بعض الشخصيات المتحركة في اللعبة.

ورغم تحذيرات خبراء التربية والنفس من مخاطر الألعاب الإلكترونية، وتأثيرها المباشر على تصرفات الصغار، إلا أنها أصبحت شائعة ومنتشرة بين الأطفال والمراهقين، حتى باتت أمرا عاديا، هذا الانتشار جعل خطرها يزداد أكثر فأكثر، لأنها تحث بطريقة غير مباشرة على العنف.

ان كثرة ممارسة الأطفال لهذه الألعاب إلى حد الإدمان، قد تؤدي إلى أن يصبح الطفل أكثر عرضة للإخفاق الدراسي، إلى جانب ضعفه في الحوار والتعبير عن أفكاره.

كما أن الاستمرار الطويل في اللعب يؤدي بالطفل إلى العزلة الاجتماعية، ونقص التواصل مع الآخرين".

وقد أكدت دراسات عديدة تأثير ألعاب العنف على المخ والأعصاب لدى الأطفال، كما أنها تنمي العدوانية بداخلهم فيمارسونها في البداية على المحيطين بهم، من أشقائهم، ثم على الآخرين، إلى أن يصبح هذا السلوك عبارة عن منظومة يبني عليها الطفل طريقة تعامله مع الآخرين.

ضرورة تحديد وقت معين للعب لكل طفل، ومشاركة الآباء لأبنائهم في ألعابهم، والارتقاء باهتماماتهم بما يناسب أعمارهم، فهناك برامج وألعاب تعزز القيم؛ مثل الشجاعة والتعاون، وللأسف هناك ألعاب تزرع العنف والاعتداء على الآخرين، وهذه صفات خطيرة تؤثر سلبا في بناء شخصية الطفل.

ولقد أثبتت الاحصاءات الصادرة من بعض الجهات الدولية المتخصصة أن آثار هذه الألعاب على صحة وسلوك الطفل، تقع ما بين الادمان على ممارسة هذه الألعاب، وبين الاصابات المختلفة لاعضاء الجسم، إلى غير ذلك من الآثار الاخرى، على شخصية الطفل. أما الجانب السلوكي للاطفال فيتأثر سلباً بما يشاهده من ألعاب الفيديو والاقراص المدمجة عبر شاشات التليفزيون والكمبيوتر، مما جعل سلوك الطفل يميل إلى العنف والعدوانية والتقليد، وغير ذلك من مظاهر السلوك المكتسب من هذه المشاهدات المتنوعة المثيرة.

وقد اضطرت دول غربية عديدة إلى فرض شروط على أعمار مستخدمي بعض الألعاب كما في امريكا واستراليا ومنع دخول بعض الألعاب الالكترونية.

في هذا الملف تحاول مناقشة أضرار وسلبيات هذه الألعاب ودور الجهات المسؤولة بالدولة والأسرة والمجتمع في حماية أبنائنا من مخاطرها وآثارها السلبية.

وقد حذر اختصاصيون نفسيون من تصاعد خطورة ما تحتويه أغلبية الألعاب الالكترونية من أضرار نفسية وتوعوية وتربوية تنعكس على النشء والجيل القادم، وقالوا إن أغلبية مثل هذه الألعاب تترك أضراراً وسلبيات تفوق ايجابياتها فهي لا تركز على تعليم النشء وتثقيفه وتبصيره بالتفكير العقلاني السليم أو شؤون حياته ونظامه وإنما تتمحور جميعاً في كيف تكون عنيفاً وشرساً لتقضي على منافسك، إلى جانب ما قد يشوبها من تطرق لقضايا العنف والفساد والمخدرات، لافتين إلى الأطراف والشخصيات المجهولة التي تشترك مع أطفالنا داخل اللعبة ثم يقومون بتوجيه الأطفال أو إعطائهم أوامر لعمل أفعال عنف أو أفعال مشينة ، مما يمثل خطورة كبيرة على أطفالنا ومجتمعاتنا ككل.

مخاطر كبيرة

في البداية تقول الكاتبة والمعالجة النفسية الدكتورة موزة المالكي إن الألعاب الإلكترونية انتشرت في مجتمعاتنا العربية بشكل كبير حتى أصبحت الشغل الشاغل لأطفال اليوم ، كما أنها استحوذت على عقولهم واهتماماتهم ، مما يمثل مخاطر كبيرة تفوق استيعابنا قد تؤذي أطفالنا ، موضحة أن الكثير من الدراسات أثبتت أن ممارسة الأطفال لألعاب الفيديو التي تعتمد على العنف ، يمكن أن تزيد من الأفكار والسلوكيات العدوانية عندهم ، كما أن هذه الألعاب قد تكون أكثر ضرراً من أفلام العنف التلفزيونية ، أو السينمائية ، لأنها تتصف بصفة التفاعلية بينها وبين الطفل، وتتطلب من الطفل أن يتقمّص الشخصية العدوانية ليلعبها ، لذلك أكدت على ضرورة متابعة ومراقبة الأطفال ، وخاصة من هم في سن معين ، ومشاركتهم في أحيانا في اللعب ، بحيث نهيئ الطفل أن اشتراكنا أو دخولنا معه عالم الالعاب الالكترونية يمكن أن يحدث في أي وقت ، لافتة إلي ضرورة الاطمئنان على محتوى المادة التي تقدم للأطفال ، بحيث لا تحتوي على شيء مضاد للدين أو الأخلاق ، أو ثقافة الأمة وحضارتها. وبخاصة ما يوضع منها بطرق خفية ماكرة ، تتسلل إلى عقل الطفل ووجدانه من حيث لا يشعر.

وأشارت د. المالكي عن الآثار الاجتماعية السلبية للألعاب الإلكترونية على الأطفال ، أنها تصنع طفلاً غير اجتماعي، فالطفل الذي يقضي ساعات طوال في ممارسة الألعاب الإلكترونية بدون تواصل مع الآخرين، يجعل منه طفلاً غير اجتماعي منطويا على ذاته على عكس الألعاب الشعبية التي تتميز بالتواصل. كما أن إسراف الطفل في التعامل مع عوالم الرمز يمكن أن يعزله عن التعامل مع عالم الواقع فيفتقد المهارة الاجتماعية في إقامة الصداقات والتعامل مع الآخرين ويصبح الطفل خجولا لا يجيد الكلام والتعبير عن نفسه.

تطور تكنولوجي

من جانبه قال الدكتور حسام حمد المستريحي ، إن التطور التكنولوجي شهد في الآونة الأخيرة تطوراً سريعاً في صناعة أجهزة الموبيل الذكية ، مما أدى لسرعة تطور برمجيات الألعاب الإلكترونية ، والتي كان سابقاً هدفها السامي تنمية قدرات الطفل العقلية وتوفر العابا تعليمية وتطبيقا لإستراتيجية التعلم عن طريق اللعب ، والتي لها دور كبير في اثراء العملية التعلية وترغيب الطفل بالتعلم، موضحا أن ما نراه اليوم أصبحت برمجية الألعاب الالكترونية تجارية وذات أهداف هدامة لعقلية الطفل ، حيث العاب المتاهات والخطط الحربية وما تحويه من تنفيذ للسرقات والجرائم وطرق الهروب من الشرطة وتفجير المباني للوصول للهدف بأي طريقة وغيرها ، الكثير التي أدت لظهور العنف والعدوانية بالدرجة الأولى عند الطفل بتقليد ما ينفذه أثناء اللعب على الواقع الحقيقي مع زملائه وأهله في البيت.

من جهته قال الأستاذ إسماعيل نبيل الاختصاصي النفسي إن هذه الألعاب الإلكترونية تتميز بصفة (التفاعلية) بينها وبين من يمارسها من شريحة الأطفال أو المراهقين أي أنهم يتأثرون بها ويتقمصون الشخصيات الخيالية العدوانية الموجودة بهذه الألعاب، ولذلك تميل شخصياتهم إلى العدوان والقتل والعنف باعتبار هذه السلوكيات شيئا طبيعيا ، وهذا معناه حدوث تدمير للشخصية لدى كل من يمارس هذه الألعاب؛ لأنها تنمي في عقولهم قيم العنف والعدوان وارتكاب الجرائم، وتدمير ممتلكات الآخرين .

وقد حذر السيد منصور الخاطر عضو المجلس البلدي من مخاطر الألعاب الإلكترونية التي باتت تسيطر على عقول الشباب، وما دون ذلك من الأعمار عبر تأثيرات سلبية تؤدي الى مخاطر نفسية تتحول تدريجياً مع الوقت الي العنف واتباع السلوك الخاطئ، مؤكداً أن مخرجات الألعاب الإلكترونية التليفزيونية كالسيجا والسوني والبرامج الأخرى اصبحت أكثر سلبية وانتشاراً بين الشباب بالرغم من وجود جهات مختصة في الدولة من واجباتها ان تمنع دخول مثل هذه الالعاب للسوق المحلي .

سوق مفتوح

وأشار عضو المجلس البلدي إلى وجود خلل اجتماعي لدى بعض الأسر اسهم في انتشار مثل هذه البرمجيات الالكترونية بين الشباب الذين انجذبوا نحو مخاطر تفرزها هذه الألعاب بطريقة تفاعلية جذابة دون إدراك سلبياتها ومن خلال غياب الرقابة الأسرية، مؤكداً أن التكنولوجيا الرقمية شكلت للبشرية سوقاً مفتوحاً امامهم تعرض من خلاله مختلف البرامج والألعاب التي يحتوي بعضها على مواد مؤثرة وخطيرة تؤدي للعنف والسلوك السيئ مما يجعل الشباب او الجيل الناشئ تحت تأثير المحتوى نحو تطبيق العمل الاجرامي.

دراسة الظاهرة

كما اقترح الخاطر تشكيل لجنة لدراسة تأثير الألعاب الالكترونية على الجيل الناشئ من خلال ضع معايير إيجابية عبر تشكيل لجنة اجتماعية من مختلف التخصصات الاجتماعية والطبية تقوم بدراسة هذه الظاهرة وتحديد أولويات تقوم بالمحافظة على أبنائنا من هذه السلبيات، بالإضافة الى تحديد مقترحات بديلة لهذه الالعاب ووضع القوانين المناسبة التي تسهم في سلامة مجتمعنا من الغزو الالكتروني الذي اصبح معركة حقيقية للمجتمع القطري الذي يواجه تطلعات الشركات الالكترونية لغزو هذا الجيل وفق برنامج يجعل المستخدمين ما بين الطريق الإيجابي والسلبي مما يتطلب الرقابة عليهم وتحديد احتياجاتهم التكنولوجية وفق متطلباتهم،

وقال الخاطر ينبغي كذلك على اللجنة التي تقوم بدراسة ظاهرة الالعاب الالكترونية ومدى خطورتها وتأثيرها على الجيل الناشئ ومدى سلبيتها وطرق الوقاية منها، ان تقوم بوضع معايير تسمح بتداول هذه الالعاب لدى السوق المحلي وفق محتواها الايجابي نظراً لانتشار الألعاب العدائية التي تشكل خطراً على المجتمع المحلي بشكل عام، مطالباً الأهالي بأهمية متابعة ابنائهم وعدم تركهم وسط امواج التكنولوجيا التي باتت من المجالات التي لها توسعات متعددة للوصول الى أهدافها المستقبلية.

كما أكد عدد من التربويين والمواطنين ضرورة مراقبة الأبناء ، ومتابعتهم وتحديد أوقات معينة عند لعب الألعاب الإلكترونية ، وذلك لما تمثله من خطورة على عقول الأطفال والشباب حتى استحوذت على تفكيرهم وأصبحت شغلهم الشاغل.

ففي البداية قال التربوي جاسم المهندى إن الألعاب الإلكترونية انتشرت بشكل كبير في مجتمعاتنا العربية والخليجية ، ولا يكاد يخلو منها بيت حيث يقبل عليها الأطفال والشباب لتميزها واختلافها واحتوائها على ألعاب كثيرة ومختلفة تمثل عنصرا جاذبا للأطفال حتى أصبحت الشغل الشاغل لهم ، واستحوذت على عقولهم واهتماماتهم ، بل إن الألعاب الإلكترونية لم تعد حكرًا على الصغار ، بل صارت هوس الكثير من الشباب ، ويرى المهندي أن لهذه الألعاب آثارًا إيجابية ، وأخرى سلبية فبالنسبة للجانب الإيجابي نجده يتمثل فى انفتاح اللاعبين لهذه الألعاب على المجتمع العالمى، وعدم انغلاقهم على الطرق التقليدية للترفيه على اعتبار أن هذه الألعاب تشكل أحد مكونات الجانب الترفيهي للإنسان ، كما أنها تساعد على اكتساب من يمارسها مهارات اللغة الإنجليزية ، لأن غالبية هذه الألعاب يتم إصدارها إلكترونيًّا باللغة الإنجليزية .

مستوى تحصيل الطلاب

ومن جانبه يرى الاستاذ فهد يعقوب البلوشي أن مثل هذه الألعاب تشكل خطورة كبيرة على الأطفال ، في حالة عدم مراقبة الآباء والأمهات لهم ، لأن أكثر هذه الألعاب دموية لذلك فهي تشجع على نمو سلوك العنف في الشخصية لدى من يمارسها من الأطفال ، وحتى المراهقين نظرًا لوجود الكثير من هذه الألعاب التى تتميز بالعنف ورغبة من يمارسها فى محاولة تطبيق ما يشاهده فى اللعبة على أرض الواقع ، كذلك من بين سلبيات هذه الألعاب الإلكترونية أنها تؤدى الى ضعف مستوى التحصيل الأكاديمي عند الأطفال والمراهقين الذين يمارسونها بشكل مستمر، لأنهم يسهرون لساعات طويلة فى الليل وبالتالى يستيقظون متأخرين عن الدوام المدرسي وحتى إن ذهبوا للمدرسة يكونون غير قادرين على الإصغاء الجيد للمعلم فيحدث لهم اضطراب فى القدرة على الفهم والتحصيل الأكاديمي الجيد بل يصل بهم الأمر إلى النوم في الصف.

أما الأستاذ حازم الصاوي فيرى أنه يجب على الوالدين تحديد وقت معين يوميا او أسبوعيا لأبنائهم لممارسة هذه الألعاب ، ويجب عليهم أيضا مراقبتهم والجلوس معهم ، حتي لا يشعر الطفل أنه بمفرده ويكون عرضة لأي شخص مجهول يشترك معه في اللعبة ، ليسيطر على أفكاره ، لافتا أن مثل هذه الألعاب لها أضرار صحية تتمثل في حدوث إجهاد للإبصار والعين بسبب الساعات الطويلة التى يقضيها الأطفال والمراهقون فى ممارسة هذه الألعاب وكل هذا يؤدى إلى الشعور بالصداع والإجهاد البدنى بالإضافة إلى أن انبعاثات الأشعة الصادرة عن هذه الألعاب تصيب من يمارس هذه الألعاب بضعف شديد فى الإبصار على المدى البعيد، وذلك حسب العديد من الدراسات التي أجريت في هذا الشأن.

31/05/2025

اية اكتر حاجه بتخاف منها الأمهات!!
هجاوب.. على الأسئلة؟

31/05/2025

اللسان المربوط ✋
Tongue Tie

مشكلة كبيرة عند حديثي الولادة ولازم نكتشفها بدرى في أول ايام العمر.
ممكن تأثر على الرضاعة وخصوصا الطبيعى والطفل ميعرفش يمسك صدر الأم بإحكام.
وممكن يأثر على مخارج الحروف لما الطفل يكبر.
اللسان المربوط له انواع.. والطبيب بيحدد في اول يومين في العمر اذا كان لازم دكتور جراحة اطفال يشوفه ام لا.

غالبا بنتوجه لدكتور جراحة اطفال وبيفك اللسان المربوط بسهولة في العيادة.. احيانا فيه انواع اخرى لازم عملية.

لذلك.. مهم جدا فحص حديثي الولادة في أول او تانى يوم من العمر. 👍

د. احمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

31/05/2025

اللسان الجغرافي أو الخريطي؟
عبارة عن بقع حمرا ناعمة حواليها ابيض..او تشققات في اللسان..بتعطي شكل الخريطة.
دا بيكون طبيعي عند بعض الاطفال.
مافيش داعي للقلق

31/05/2025

الكلام اثناء النوم بصوت عالي !!

نسمع كثيرا بعض الأشخاص اثناء نومهم يتحدثون ببعض العبارات والتى من الممكن ان تكون واضحة ومفهومة وقد تكون غير مفهومة وقد تسبب فى استيقاظ المحيطين به وقد يسبب لهم الصوت العالى بعض الذعر ولكنها غير ضارة بالشخص الذى يتحدث حيث اوضحت كثير من الدراسات ان الكلام اثناء النوم يصيب نسبة 6% من الأشخاص البالغين مقارنه ب50% من الأطفال من سن صغير وحتى سن ما قبل البلوغ .

اثبتت الدراسات التى اقيمت حول هذا الموضوع انها ليست هلوسة نوم وانما لها عدة أسباب حيث يؤثر عدم الانتقال بسلاسة خلال مراحل النوم المختلفة وانها ليست مشكلة عصبية .

ولكن لها بعض الأسباب المؤدية لذلك والتى سوف نوضحها لكم من خلال هذا المقال تعالوا معى لنتعرف علي المزيد من المعلومات حول الأعراض والأسباب وكيفية علاجها .

أسباب الكلام أثناء النوم :
1. يعتبر الإرهاق الذهنى والكبت من اهم مسببات التكلم اثناء النوم

2. الخوف والقلق والتوتر اثناء اليوم

3. ضغوطات العمل الكبيرة اثناء اليوم

4. مشاهدة فيلم رعب قبل النوم مباشرة

وقد تؤدى هذه الاسباب الى الاضطرابات اثناء النوم والتكلم اثناء النوم وقد يتطور الامر الى الفزع من النوم او المشى اثناء النوم وهذه الحالات تستدعى الى تدخل علاجى .

هناك أساليب للعلاج من هذه الأعراض؟!
ينصح علماء النفس باتباع عدد من الخطوات للتخلص من الكلام أثناء النوم وتكمن هذه الخطوات في:
1) المحاولة بقدر الإمكان في عدم التفكير بمشكلات الحياة عند الذهاب إلي الفراش، والتخلص مؤقتاً من الهموم والتفكير حتي يستريح ذهنك.

2) عدم تناول الوجبات الدسمة قبل النوم حيث أنها لا تسبب الكلام أثناء النوم فحسب ولكنها يمكن أن تسبب عدم الراحة أثناء النوم بصفة عامة.

3) تجنب ممارسة أو تكملة واجبات العمل قبل ساعات النوم خاصة إذا كانت مفعمة بالمشاكل أو صعوبة حلها.

4) الاهتمام بملابس النوم علي أن تكون مريحة ونظيفة، والاهتمام بتهوية الفراش وتغيير الوسائد بصفة دورية.

5) المحافظة علي بعض العادات الغذائية ومنها تناول الحليب الدافئ قبل النوم حيث يعمل علي تهدئة الأعصاب والتهيئة للنوم مع الابتعاد قدر الإمكان عن تناول المنبهات كالشاي والقهوة خاصة قبل النوم.

6) التخلص من الاضاءة القوية وإذا كان من الصعب تحقيق ذلك يمكن ارتداء غطاء العين الذي يحجب الضوء.

7) ممارسة الرياضة بانتظام وعليك بالتغذية المفيدة للجسم من الفيتامينات والأملاح والمعادن التي تساعدك علي استرجاع طاقتك المفقودة وتشعرك بالتحسن والارتياح الدائم.

8) الحصول علي فترة كافية من النوم والرحة والاستيقاظ المبكر والنوم وفقا لروتين يومي.

أما عن الجانب الدوائي فلا تقلق فأنت لست بحاجة إلي أي علاج.

طيب ليه طفلك بيتكلم وهو نايم؟

يتحدث بعض الأطفال أثناء النوم بنبرات مختلفة، وكأنه يوجه حديثه لشخص آخر، ينفعل تارة ويهدأ تارة أخرى وقد يمتد الأمر إلى السير وهو نائم، مما يثير قلق الأسرة خوفاً على الطفل.

الأسباب بالنسبه للطفل عديده منها:
1-الإجهاد نتيجة ممارسة اللعب والجرى طوال اليوم مما يسبب للطفل الشعور بالتعب والإرهاق وجعله يتحدث ويسير أثناء النوم.

2-الضغط النفسى الناتج عن القلق والخوف والتوتر لأسباب مختلفة مثل مشاهدة حادث بالطريق، أو مشاجرة الوالدين أمامه .

3-كهرباء زيادة بالمخ.

يستلزم علاج الطفل اتباع عدة خطوات وهى :
- تحدث الأم مع الطفل عن مخاوفه ومافعله طوال اليوم .

- عدم المشاجرة مع الأب أمام الطفل حتى لا يتأثر نفسياً.

- تناول الطفل المشروبات المهدئة مثل الكركديه والابتعاد عن الأطعمة الدهنية التى تزيد من عصبيته وشعوره بالقلق.

- تنظيم وقت الطفل من خلال تحديد مواعيد اللعب والدراسة وممارسة الهوايات.

وإذا لم تحدث هذه الخطوات السابقة نتائج إيجابية يجب التوجه إلى إجراء فحوصات طبية للتأكد من عدم زيادة الكهرباء بالمخ، وعند التأكد من عدم إصابة الطفل تتوجه الأم إلى طبيب أمراض نفسية مع تطبيق الخطوات السابق ذكرها.

اتمنى لكم ولأطفالكم الصحه والعافيه.

د. أحمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

31/05/2025

⛔التطعيمات الاضافيه للاطفال
✓ يعني اية ؟ تطعيمات مش بتوفرها وزارة الصحة بتشتريها علي حسابك من الصيدليات الكبيرة او مركز المصل واللقاح ..
✓ مش معني انها اضافية تبقي مش مهمة ، مهمة جدا بس لو مقتدر ولا يكلف الله نفسا الا وسعها
✅ طيب عاوز تدي بس مفيش امكانية ليهم كلهم ، ممكن ناخد الروتا والمكورات الرئوية ف العادي وعشان ظروف الكرونا وامراض الجهاز التنفسي دلوقتي بنرشح تطعيم الانفلونزا الموسمية

طيب ايه هي التطعيمات دي ؟! 🤔🤔

⁦⬅️⁩ تطعيم الروتا : وده عشان النزلات المعويه وبيبقي عباره عن نص او واحد مللي بالفم
موجود في جرعتين وف تلاته
غالبا المتوافر والمتعارف عليه الجرعتين Rotarix
مش بيتاخد قبل شهر ونص ومش بعد ٨ شهور
الجرعه الاولى اخر ميعاد ليها ٤ شهور لو عدوا خلاص راحت ع الطفل و بين الجرعتين ميقلش عن شهر

⁦⬅️⁩ المكورات الرئويه : وده بيتاخد عند

شهرين واربعه وسته شهور
او اربعه وسته وتمانيه شهور
او سته تمانيه وعشره شهور
وجرعه تنشيطيه عند ١٥ الى ١٨ شهر

لو عمره من سنه لاتنين ياخد جرعتين بينهم شهرين وخلاص
ولو عمره م ٢ ل ٥ ياخد جرعه واحده فقط

ملحوظه مهمه ( تطعيم الروتا والمكورات ممكن يتاخدوا في نفس اليوم مع تطعيم الشهرين والاربعه والسته او نفصل بينهم باسبوعين)

⁦⬅️⁩ تطعيم الجديري

(ممنوع قبل سنه)
تحت ١٣ سنه جرعتين بينهم 3 شهور
اكتر م كدا جرعتين بينهم شهر
واللي جاله جديري قبل كده مش بياخد التطعيم ده

⁦⬅️⁩ تطعيم الانفلونزا الموسميه ⁦

مهم جدا لأنه بيحمي بنسبه كبيره من مشاكل الجهاز التنفسي للاطفال والتهابات الحلق المتكرره والتهابات الاذن

للاطفال من اول سن 6شهور

اللي متطعمش قبل كدا هياخد جرعتين بينهم شهر طول ماهو تحت ٩ سنين
اللي اتطعم هي جرعه واحده فقط
الطفل فوق ٩ سنين جرعه واحده فقط

الجرعه :
من ٦شهور ل ٣سنوات vaxigrib الحقنة كاملة نص مللي
فوق ال٣ سنوات الحقنه كامله يعني نص مللي وتعاد بعد شهر لو اول مره او متتعادش لو اخدها قبل كدا

- موانع التطعيم الدائمه هي : حساسيه البيض
أو حساسيه من أي مكون م مكونات التطعيم

موانع مؤقته للتطعيم
لو ف أي التهاب شديد موجود او دور تعب او سخونيه شديده

⁦⬅️⁩ تطعيم الالتهاب الكبدي A👌
مبيتاخدش تحت سنه
جرعتين بينهم م ٦ ل ١٨ شهر
نص مللي حقنه عضل

د. احمد الكيلانى
أخصائي طب الأطفال وحديثي الولادة
مستشفيات القوات المسلحة
عضو الجمعية المصرية لطب الأطفال

Dr. Ahmed El Kelany/kids clinic

31/05/2025

31/05/2025

31/05/2025

31/05/2025

31/05/2025

31/05/2025

31/05/2025

31/05/2025

31/05/2025

Address

Telephone

Website

Alerts

Contact The Practice

Shortcuts

Share

Category