LifeCouch_Marwa

13/09/2024

01/03/2024

26/12/2022

السلام عليكم
بعتذر جدا الفترة اللي فاتت لاني كنت بمر بظروف صعبة وبشكر كل من اهتم بامري وتواصل معايا ليطمئن عليا جزاكم الله عني خيرا

26/12/2022

اللهم صلي علي اشرف الخلق سيدنا محمد (صلي الله عليه وسلم )

07/10/2022

عندما تتأمل كل مايحزنك ويؤلمك ....
مثلا فقدت اشخاص مبتتخيلش حياتك من غيرهم اوخيانة من اقرب واحب الناس لقلبك او اي حاجة مؤلمة حصلتلك في حياتك هتحس انك مش قادر تنسي ولاقادر تسيطر عليها ولا قادر تعيش بكل المشاعر المؤلمة اللي جواك وكانت النتيجة هي الخوف من المستقبل
دايما خايف تشوف اللي انت شوفتة مكنتش متوقع انك تشوفة ولا تمر بكل الصدمات دي في حياتك والسبب في كل الاحاسيس اللي جواك هو( الرفض لكل الاحداث المؤلمة )

29/09/2022

اللهم صلي وسلم على اشرف الخلق سيدنا محمد صلى الله علية وسلم

29/09/2022

كتير بسأل نفسي اية السبب اللي يخلي الخلافات بين الأزواج توصل للقتل أو الإهانة وممكن يكونوا بيحبوا بعض وبينهم عشرة وأولاد وأيام حلوة عاشوها مع بعض ازاي تكون دي النتيجة ولقيت أن سبب من ضمن الأسباب القوية الغضب اننا لما بنغضب مبنعرفش نتعامل مع غضبنا ومبنتخيلش أن غضبنا هيوصلنا للمرحلة دي اننا نندم على أي حاجة ممكن نعملها وعمرنا ماتخيلنا اننا نعملها وقت الغضب مش بنبقي حاسين اصلا ولا متحكمين في نفسنا وممكن نغلط ونخسر كتير اوي لأننا وقتها مش بنفكر في الحاجة قبل مانقولها ولا في أفعالنا قبل مانعملها من الاخر انت وقت الغضب مش انت اصلا
ياريت كل واحد فينا لما يغضب اولا يستعيذ باللة من الشيطان الرجيم ويبعد لحد اما يهدي
وساعتها هيقدر يفكر صح ويقدر يحل المشكلة أو يحس انة غلطان فيعتذر أو يعذر الطرف الآخر
فالغضب اولة جنون وآخرة ندم

26/09/2022

انت من صنع من؟
اكترحاجة تخليك واثق في نفسك انك تجاوب على السؤال دة لما بنروح نشتري موبايل بنبقي واثقين اوي في ماركات معينةوندفع فلوس كتير بمجرد اننا عارفين انة من الشركة دي ودة موبايل من صنع الإنسان الذي خلقة الله مابالك انت من صنع الله عز وجل ودة يكفي انك تقدر نفسك وتثق فيها وماتخليش كلام الناس يأثر فيك ولا نفسك تحدثك بأنك أقل من أي حد ربنا خلقة كلة جميل ولو في عيوب نحاول نغيرها ونشتغل عليا ونبقى عارفين ان صفة الكمال لله وحدة وان كلنا فينا عيوب.. قدر نفسك وحبها واديها حقها انت من صنع الله

26/09/2022

((الشخص الحسي))
الشخص الحسي هو ثالث نمط من أنماط البشر ومن صفاتة انة يحب الجلوس على الكرسي كثيرا ويميل إلى الماضي وعندما يتذكر موقف مؤلم في الماضي يعيش نفس الحالة التي كان يعيشها في نفس الموقف الذي حدث لة في الماضي وممكن يبكي ويتأثر جدا ويعطي الاهتمام الأكبر للاحاسيس ويحكم بإحساسة الداخلي وأيضا كثير الحركة ونشيط وأعتقد أننا لو عرفنا صفات الشخص الحسي اللي ممكن يكون حد بنحبة جدا ساعتها هنفهم اننا مختلفين وهذا يقلل التصادم بيننا ولانخسر بعضنا

24/09/2022

السلام عليكم ورحمة الله وبركاته
اولا بشكر كل من انضم الي الصفحة
انا اسمي مروة رضا استشاري ولايف كوتش ومهتمة جدا بمجال علم النفس وعندي خبرة في هذا المجال والاهم اني بحب جدا مساعدة الناس وفضلت افكر ازاي اقدر اساعد أكبر كم من الناس ولقيت نفسي لدى مهارات لابد استغلالها لنفع الآخرين ومن هنا بدأت رحلتي للدراسة والكورسات واتمنى من الله ان يجعلني سبب في نفع الناس ومساعدتهم في تخطي العقبات والظروف الصعبة وايضا في تحقيق أهدافهم واحلامهم اللي ممكن يبقوا شايفين ان مستحيل الوصول إليها