04/03/2022
ازاي أنجح في إدارة صيدلية؟ ..
مشروع الصيدلية أصبح من الاستثمارات غير المستقرة لأسباب عديدة،
لو حضرتك صيدلي أو صيدلانية لسة متخرج وتبحث عن مكان لبدء مشروع صيدلية،
أو لو متخرج من عدة سنوات وفعلا بدأت مشروع الصيدلية الخاص بيك..
فالبوست ده ممكن يساعدك لتنظيم أفكارك سواء عند البدء أو لاستمرار العمل بشكل أفضل....
من عوامل النجاح المهمة لإدارة مؤسسة صيدلانية :
1▪︎ الموقع Place :
سواء هتشتري مكان ترخصه أو هتأجر صيدلية تديرها، فاختيار الموقع مهم لضمان حاجتين :
✅ روافد ثابتة للمبيعات Fixed sales resources
✅ نسبة نمو محتمل Potential growth rate
❌ لا تأخذ كلام المسوق العقاري بشكل كامل ، استشر صيدلي خبير ذو ثقة ورؤية.
2▪︎ الفَرشة Products :
مهم إدارة المال الخاص بالمشروع بشكل احترافي، فرشة الصيدلية الأولى خطوة مهمة؛
لذلك خلي بالك من كام نقطة:
✅ اعمل زيارة للصيدليات اللي جنبك وحاول تستنتج شكل الفرشة المطلوبة ، حجم الدواء لو مكانش في مدرجة ، حجم عرض التجميل والشركات التجميل الطبي.
✅ جهز الأصناف مسبقا بالاستعانة بصيدلي خبير.
✅ اختار مورد واحد أو اتنين على الأكثر في بداية التعامل ( دواء وتجميل بينما التجميل الطبي له أكثر من وكيل حصري في الغالب) .
✅ انت بتفرش ، اهتم بالتنوع مش بالكمية .
✅ اتفق مع المورد على تواريخ صلاحية أكثر من سنة.
يتبقى أمرين هنا :
🔹️تحديد ال budget الخاص بالفرشة .. استعين بصيدلي خبير.
🚫 فيه موردين عندهم فرشات صيدليات جاهزة ، لا أنصح بها .
3▪︎ الدعاية Promotion :
كنصيحة عامة .. خليك دايما Remarkable .. المنافسة كبيرة.. وانت جديد .. محتاج تتميز ..
✅ اعمل لوجو مميز واختار ألوان مميزة
✅ اختار slogan .. ابحث واستشير
✅ الدعاية الورقية مهمة .. استمرارية التوزيع مهمة
✅ صفحة الفيس مهمة ، لا أنصح بالعروض .. لكن خليها صفحة بتقدم نصائح دوائية.
...
الخطوات من 1 إلى 3 .. للي بيفتح صيدليته أو بيأجرها من الزيرو ....
4▪︎ إدارة الكاش Cash management:
🔹 ️لازم تبقى شايف مبيعاتك اليومية .. على اكسل شيت .. سجل مبيعاتك يوم بيوم ..
لا تعتمد على قراية السيستم بتاعك ... خرج داتا البيع اليومي على اكسل .
🔹️ في نفس الاكسل .. اعمل جدول خاص بالمشتريات .. واعمل معادلة تربط بين رقم البيع ورقم الشراء.
بحيث : مشترياتك لا تتجاوز نسبة 75% من مبيعاتك .
🔹️ على نفس الاكسل : اعمل جدول بالمصروف الشهري الثابت .. واعمل علاقة حسابية بين نسبة ال 25% ربحية البيع ومصروفاتك الثابتة .
بالطريقة دي هتخلق عندك عقلية ذات ميزيتين:
sales oriented, profit oriented
و العقلية دي مهمة اكتسابها مع الوقت لضمان استمرارية نجاحك في إدارة الكاش، وتخلي قراراتك في أي مصروفات اضافية قرارات صائبة.
5▪︎ الموظفين Personnel:
🔹️ اعمل مقابلة جيدة مع الصيدلي .. اختبر الآتي:
▪︎ knowledge orientation
▪︎ sales orientation
▪︎ good communicator
▪︎ dissision maker
استعين بصيدلي خبير في مجال الموارد البشرية يساعدك في كيفية اجراء مقابلة شخصية مع الصيادلة.
🔹️ لو حضرتك fresh graduate .. يا ترى أفضل توظف صيدلي من سنك .. أو أكبر منك؟
استشير صيدلي خبير .. لأن امكانياتك الشخصية هتحدد ايه المناسب في التوظيف بالنسبة ليك .. اللي هتحسن إدارته .. بدون م (يركب) على الصيدلية ويلغيك .. أو يوقعك.
🔹️ بالنسبة لتعيين مساعد صيدلي : خليه خيار أخير .. للضرورة.. وجود الصيادلة في صيدليتك أفضل بكتير مع الوقت .. والجمهور هيعتبره add value لو أحسنت استثمار الصيادلة عندك بشكل فعال ومحترف.
🔹️ اشتغل على رفع كفاءتك وكفاءة الفريق اللي معاك :
* اتكلم معاهم في الأدوية اللي هتشتغلوا بيها في حالات معينة ك OTC ..
* دربهم على معايير الخدمة :
التواصل الفعال Active communication
الاستماع الجيد Active listening
توفير الطلبات الخاصة .. Special request
🔹️ اعمل معايير كفاءة للزملاء عندك ..KPIs
• عدد العملاء .No. of transaction
•• متوسط الفاتورة Average/ ticket
••• نسبة تحقيق المستهدف %Achievement
🔹️ حدد ال area to improve عند فريقك واشتغل عليها ..
6▪︎ توفير الأصناف Availability :
🔹️حاول تعمل نظام متوازن لتوفير نواقصك اليومية .. شيت الاكسل هيساعدك لعدم تخطي المشتريات للنسبة المحددة وفقا للمبيعات.
🔹️ اعمل آليات لمتابعة ال daily lost sale ....
🔹️ اعمل آلية لمتابعة customer special request
🔹️ لا تلجأ لعمل stock قبل م تكون عندك data كافية بال fast moving items
7▪︎ الربحية Profitability:
اخلق جواك عقلية الربحية prfit oriented ..
افهم كويس ان ارباحك بتيجي من أكثر من معيار ...
⬆️ زيادة المبيعات
⬇️ تقليل المصروفات
⬇️ تحجيم الإكسبير والتحكم فيه
⤴️ زيادة هامش الربح
وعينك دايما على رقمين مهمين
🔄 المخزون .. البضاعة على الرف Stock
↕️ المبيعات .. Sales
والمحور ده في تفاصيل كتيرة .. ومحتاج منك مجهود ومتابعة يومية.
.....
ولأنك الأساس ومحور النجاح ، اشتغل على نفسك ، اطلب الاستشارة في أي محور أو موضوع خاص بالتطوير الإداري والعلمي علشان تكمل مهاراتك وتبني مهارات جديدة .... واحنا معاك علشان نساعدك ........
دي كانت نصائح سريعة ..يارب تكون guide مبدئي لكل زميل محتاج يبدأ باحتراف أو يستمر بإجادة . مع كل الأمنيات بالتوفيق .........
لمزيد من الاستشارات والنصائح:
✅ التواصل عبر رسائل الصفحة
✅ أو من خلال الواتس : 01115619165 ........
دمتم بنجاح وتميز.
