Liza & Mony اصل و صورة

Liza & Mony اصل و صورة معالجة نفسية

يخطئون من يعتقدون ان: عتاب الإنسان (او كما يقولون: عتاب الندل) اجتنابه.اذهب وعاتبه ربما تربحه.
22/01/2025

يخطئون من يعتقدون ان: عتاب الإنسان (او كما يقولون: عتاب الندل) اجتنابه.
اذهب وعاتبه ربما تربحه.

الداده دودي👇👇👇مش بينفع ايها الاباء والامهات تخلفوا اكتر من طفلين وتشيل مسؤليه تربيه الطفل الثاني للأول يعني مثلا👇👇👇تخلي...
13/11/2024

الداده دودي
👇👇👇
مش بينفع ايها الاباء والامهات تخلفوا اكتر من طفلين وتشيل مسؤليه تربيه الطفل الثاني للأول
يعني مثلا
👇👇👇
تخلي المولود الأول هو الداده والأم لو ولد او بنت
*تغير للطفل الحفاضه
وتاكله وتشربه
ده مش دورها ولا دوره
وكل يوم صريخ في وشها :
يا بنتي حرااام عليكي
خدي بالك من اخوكي
شيلي اخوكي من الأرض علشان بيحط ايده في فمه
غيري الحفاضه لاخوكي
اكليه شربيه نظفيه
وفي اكتر من كده بيحصل.............................
يا نااااااس
دي مش الداده دودي
دي طفلتك برضه اللي محتاجه منك رعايه ومحتاجه تلعب وتتنطط وتدلع مش تشيل مسؤليه لا ذنب لها فيها
دي مش أم طفلك دي اخته
دي انسانه لازم تعيش طفولتها.
ده اسمه إيذاء نفسي وجسدي وجنسي كمااااااان.

يخطئون من يعتقدون ان :((اللي اتكسر لا يمكن اصلاحه.))
09/11/2024

يخطئون من يعتقدون ان :
((اللي اتكسر لا يمكن اصلاحه.))

دهبياقوتالماظ👇👇👇لما تروح تتقدم لفتاه للارتباط في جلسه ما يسمى الاتفاق(Deal or No Deal)طبعا كل واحد من الحضور بكلمتهخال ا...
06/11/2024

دهب
ياقوت
الماظ
👇👇👇
لما تروح تتقدم لفتاه للارتباط في جلسه ما يسمى الاتفاق(Deal or No Deal)
طبعا كل واحد من الحضور بكلمته
خال العروسه وعم العريس وخالتو وعمتو وناس تاني كتير بصراحه لا داعي من وجودهم اصلا.
إلا إذا كنت انت كعريس وانتي كعروس معتقدين أنه ستدور معركه كلاميه وجب تجهيز الجنود والعتاد لها بين الأهل اللي ممكن أحدهم يبوظ الجوازه اصلا بسبب الكلام اللي زي ده 👇👇
الراجل بيجيب قيمته (بخصوص الشبكه الدهب) مع العلم ان قيمه الإنسان مش بالدهب
وكده كده كله رايح لك
طيب طالما كده ليه نجهد ونضغط ماديا على العريس
في أول خطوه جواز!!!؟؟؟

كلاكيت مش اخر مره👇👇👇👇*لما تقرر تخلي عمو او خالو يقوم بدورك في التربيه.*لما تقرر تسيب دورك انت الأب لماما بحجه ان الام هي...
31/10/2024

كلاكيت مش اخر مره
👇👇👇👇
*لما تقرر تخلي عمو او خالو يقوم بدورك في التربيه.
*لما تقرر تسيب دورك انت الأب لماما بحجه ان الام هي اللي بتربي وحضرتك اللي بتشتغل.
*لما تقرروا تسمحوا للاخرين بارهابه وتخويفه
(اسكت بدل ما اخلي عمو صاحب المحل يزعقلك)
أثناء التجول للتسوق☝️☝️
*لما يكونوا عاملين حفله (parents Day)
في المدرسه أو أي مكان وحضرتك ماتروحش بحجه انك مش فاضي (زي فيلم عندليب الدقي).
*لما ابنك يكون نفسه في هديه لعبه وحضرتك تفرض عليه حاجه تانيه وكأنك مش عارف ان لغه الطفل الأولى هي الهدايا
بس مش اللي على مزاجك بحجه اصل اللعبه يومين تلاته وهاتتكسر
لكن التيشيرت هايلبسه و....
كل ده ☝️☝️☝️☝️
اسمه إيذاء نفسي للطفل
نقول تااااااني ولا كفاااايه
للحديث بقية

برضه إيذاء نفسي👇👇👇*لما تقرر تحمل ابنك او بنتك مسؤليه رعايه اخوه الصغير وكمان ممكن تضربه بحجه انه مش واخد باله منه.* لما ...
17/10/2024

برضه إيذاء نفسي
👇👇👇
*لما تقرر تحمل ابنك او بنتك مسؤليه رعايه اخوه الصغير وكمان ممكن تضربه بحجه انه مش واخد باله منه.
* لما تقرر تعايره وكل شويه تفكره وتقوله :
انا شغال ليل نهار علشان اجيبلك الاكل والشرب.
*لما تقرر تنجب اكتر من طفلين مش عارف تديهم من وقتك، مش فلوسك.
نقول كمااااان ولا كفايه؟؟؟

كلاكيت تاني مره👇👇👇*لما تقرر ماتفرحش مع ابنك لما يقولك (يا بابا انا جبت 8 درجات من 10)علشان حضرتك عايز Fullmark بحجه كده ...
12/10/2024

كلاكيت تاني مره
👇👇👇
*لما تقرر ماتفرحش مع ابنك لما يقولك (يا بابا انا جبت 8 درجات من 10)
علشان حضرتك عايز Fullmark بحجه كده مستواه مش حلو ومش هايعرف يدخل كليه طب او هندسه زيك.
*لما تقرر ما تديهوش الفرصه انه يمسك فلوس تاني لان حضرتك يا بابا وماما مش ناسيين له انه ضيع (فقد) 20 جنيه قبل كده.
*لما يقولك يا بابا تعالي العب معايا شويه وحضرتك تقوله مش فاضي.

ده ☝️☝️☝️اسمه
إيذاء نفسي

((انا مش بحبك))👇👇👇دي جمله سمعتها من ابني لما قررت اعاقبه.سمعت الجمله دي قولتله :لكن انا بحبك جدا. قالي وهو بيبكي بحرقه :...
11/10/2024

((انا مش بحبك))
👇👇👇
دي جمله سمعتها من ابني لما قررت اعاقبه.
سمعت الجمله دي قولتله :
لكن انا بحبك جدا.
قالي وهو بيبكي بحرقه :
لا انت اكتر واحد مش بحبه
قلتله : لكن انا بحبك جدا قد السما.
بعد كده سيبته في اوضته وقفل على نفسه الباب شويه وتحركت لشغلي واحترمت مشاعره
ولما رجعت من شغلي كانت العلاقه كده 👇👇👇

شورت وفانله وكابالميراااث👇👇👇لما تقرر تلبس طفلك ملابس لا تناسب عمره وكمان تلغي حقه في اختيار ملابسه بنفسه وتقرر تمحو ذكري...
04/10/2024

شورت وفانله وكاب
الميراااث
👇👇👇
لما تقرر تلبس طفلك ملابس لا تناسب عمره وكمان تلغي حقه في اختيار ملابسه بنفسه وتقرر تمحو ذكرياته لما تجبره انه يلبس ملابس اخوه الأكبر وكانه ميراث (حسب الظروف) كل ده إيذاء نفسي وممكن كمان يبقى إيذاء جسدي.

على وش جواز👇👇👇( اللي زيك معاهم عيال)( دا انت على وش جواز)( اللي في عمرك معاهم عيال علي وش جواز)( بكره هايتجوز ويعقل)( لم...
04/10/2024

على وش جواز
👇👇👇
( اللي زيك معاهم عيال)
( دا انت على وش جواز)
( اللي في عمرك معاهم عيال علي وش جواز)
( بكره هايتجوز ويعقل)
( لما تتجوز وتخلفلها عيل هاتاخد بالها من بيتها)
دي ☝️☝️
بعض الجمل اللي بنقولها لما بنلوم شخص على سلوك غير جيد. وكأن المتزوجون هم اعقل الناس!!
علشان كده ايه هو السن المناسب
لزواج الولد والبنت؟؟؟

إيذاء نفسي👇👇👇لما تنادي على طفل بإسم يحمل تنمر أو انت تسمى ابنك اسم له معاني مش حلوه.
29/09/2024

إيذاء نفسي
👇👇👇
لما تنادي على طفل بإسم يحمل تنمر أو انت تسمى ابنك اسم له معاني مش حلوه.

"مش بطيخه"👇👇👇*لانه أعظم مشروع الهي. *لانه عندك فرصه الاختيار وليس الاجبار. *لانه عندك فرصه تطلب المساعده من مشيرين.*لانه...
26/09/2024

"مش بطيخه"
👇👇👇
*لانه أعظم مشروع الهي.
*لانه عندك فرصه الاختيار وليس الاجبار.
*لانه عندك فرصه تطلب المساعده من مشيرين.
*لانه ممكن تتعلم عنه من الكتب والكورسات التعليميه.
*لانه مقدس.
*لانه اثنان خير من واحد.
انه
👇👇👇👇
الزواج
علشان كده لما صاحبك يقولك كلام سلبي زي:
*يعني اللي اتجوزوا خدوا ايه.
*كده كده انت وحظك زي البطيخه.
*كل البنات كذا وكذا.
ونفس الكلام المرعب ده بيتقال لك انتي كبنت👇👇
*اهي جوازه والسلام.
*وظل راجل ولا ظل حيطه.
*وكلهم شبه بعض.
*مفيش راجل يستاهل دموعك.
*والحب هايجي بعد الجواز
انجزوا الخطوبه بدري بدري
ملوش لازمه تطول فترتها
البنت :(يا ماما عايزه اعرفه اكتر)
ماما:(بعد الجواز اعرفيه براحتك
وجوزك على ما تربيه
وانتي وحظك
والبنت ملهاش غير الجواز....)
عرفتوا ليه مش
بطيخه ⚠️⚠️⚠️

يا نااااااسيا هوووووياللي هناوياللي هناااااااكاسمعونيولو للحظهصدقوني...... مش بطيخه👇👇👇يا ترى هو ايهاللي مش بطيخه؟؟
25/09/2024

يا نااااااس
يا هووووو
ياللي هنا
وياللي هناااااااك
اسمعوني
ولو للحظه
صدقوني......
مش بطيخه
👇👇👇
يا ترى هو ايه
اللي مش بطيخه؟؟

مفاهيم خاطئة ❌️مهما بعلم ابني مابيتعلمش ❌️مافيش حاجة جايبه معاه نتيجه ❌️ده فاشل ومش زي باقي العيال ❌️ده اللي في سنه بيعم...
16/07/2024

مفاهيم خاطئة

❌️مهما بعلم ابني مابيتعلمش
❌️مافيش حاجة جايبه معاه نتيجه
❌️ده فاشل ومش زي باقي العيال
❌️ده اللي في سنه بيعمل كده واكتر

علم ابنك الصح من الغلط
وحطله قواعد ومبادئ في الحياة
وسيبه في موقف يتصرف لوحده
لازم تثق في امكانياته
زي بالظبط مانت بتتعلم تعليم كتير
عن الزواج وعن الاطفال وعن العلاقة مع الله
هل كل اللي اتعلمته طبقته في حياتك
مش كل حاجة بنطبقها
طيب يبقي لازم تعرف انه ابنك مش هايطبق كل اللي بيتعلمه منك
بس هايبقي عنده سلاح مهم في حياته بيستخدمه في وقت التحدي الصعب
علم ومتقلقش لو ابنك مش بينفذ دلوقتي هاينفذ وقت الاحتياج او الوقت المناسب لي
مش عايزين نبقي سلبيين
عايزين نبقي مستمرين علي التعليم
ربنا بيصبر علينا كتير وبيتأني برغم أخطأنا الكبيرة
خلينا نصبر علي ولادنا في امل كبير في تغييرهم
أطفالنا ارض فاضية محتاجة تتزع اكتب وحط فيها تعليمك وحوش فيها كل كنوزك لأنهم فعلا يستحقوا اننا نفرح باللي بنغرزوا فيهم
لأنك هايجي وقت وهاتحصد اللي زرعته

"دبله وطرحه 7"،،جهاز العروسين،،👇👇👇👇زماااان كان في إعلان في التليفزيون عن إحدى معطلات الجواز بحسب فكر معظم الناسوالتي اتح...
26/06/2024

"دبله وطرحه 7"
،،جهاز العروسين،،
👇👇👇👇
زماااان كان في إعلان في التليفزيون عن إحدى معطلات الجواز بحسب فكر معظم الناس
والتي اتحفظ عليها وكان الإعلان بيقول:
هاجيب جهازي منين؟
ماعندك جهاز العروسين
من عبد الرحيم عمرو
واهاتجوز... هاتجوز.
احنا هنا مش بنعمل دعايه للمكان
لكن هل فعلا جهاز العروسين من أهم معطلات الجواز؟؟
في الحقيقه المغالاه والمبالغه والإفراط في الفكره وتفاصيلها هي المعطل الحقيقي.
علشان كده لازم انتم كأهل العروسين بلاش تبوظوا الجوازه بسبب اشياء في الجهاز يمكن تأجيلها لما بعد الجواز او الغائها تماما او تقليل اعدادها او حتى التنازل عن نوع الماركه.
بلاش تدبحوا انفسكم وتضغطوها
وتحطوا جنيه على جنيه علشان نجيب البطاطين الكتير وادوات المطبخ اللي الواحد بيكبر وبيوصل للمعاش ومراته ماخرجتش الطقم الصيني من النيش اصلا 😂😂😂😂
للحديث بقيه

"دبله وطرحه 6" "ربنا يستر" 💐💐💐💐💐العريس وصل لبيت اهل العروسه ومعاه بوكيه ورد، مش بس كده، ومعاه عمه، وخاله، وعمته، وخالته ...
19/06/2024

"دبله وطرحه 6"
"ربنا يستر"
💐💐💐💐💐
العريس وصل لبيت اهل العروسه ومعاه بوكيه ورد، مش بس كده، ومعاه عمه، وخاله، وعمته، وخالته واخته وجوزها، وكمان اخوه الكبير وزوجته واكيد طبعا ابوه وامه.
ومحدش احسن من حد
برضه يشرفنا بالحضور في هذا اليوم الجليل كلا من :
خال العروسه وزوجته المصون
عم العروسه وأهل بيته جميعا
اخت العروسه الكبيره وزوجها طبعا وغيره وغيره.
كل الجمهور ده المفروض موجود علشان يساند الطرف اللي يخصه في
الإتفاق بين الطرفين على ما يسمى جهاز العروسه!!!!
((ربنا يسترها))
وكل واحد من الحضور بكلمته
وممكن يوصل الموضوع للفصال والشد والجذب
وبيكون مستقبل العروسين متعلق باتفاق (ربنا يستر) مين اللي هايجيب السجاجيد والستاير على مين والمطبخ بالرخام ولا من غير
وحاجات تانيه كتير لا تليق انها ممكن تكون معطل للجوازه
ولا اخفي عنكم مشاعر العروس في مثل هذا الموقف ولسان حالها :(يا ترى هايتفقوا ولا ايه)؟؟
ارجوكم راعوا في هذا اليوم ان الاتفاق يبقى بين أطراف محدوده جدا جدا
وانت ايها العريس لا تتخلي عن عروسك بسبب بعض المشتروات
ولا تضعها في هذا الموقف بين العائلتين فتصبح سلعه يتاجر بها.

"دبله وطرحه 5""علي وش جواز"💐💐💐💐💐💐باقي على موعد الفرح 6شهور بلاش تزنق نفسك لآخر ايام وتمشي ورا العادات والتقاليد زي مثلا ...
17/06/2024

"دبله وطرحه 5"
"علي وش جواز"
💐💐💐💐💐💐
باقي على موعد الفرح 6شهور بلاش تزنق نفسك لآخر ايام وتمشي ورا العادات والتقاليد زي مثلا :
*لازم الشقه تاخد الوش الاخير من النقاشه قبل الفرح بشهر علشان الشقه ماتتبهدلش.
طبعا ده غلط لان وارد يحصل ظروف تعطل الخطه.
*لازم العروسه تفرش شقتها اخر اسبوع قبل الفرح.
طبعا ده برضه غلط لان اخر اسبوع او شهر لازم يكون راحه جسديه للعروسين.
الضغط ممكن يوصلكم للمشاكل.
*لازم العريس يستلم غرفه النوم الخشبيه قبلها بشهر.
طبعا ده غلط
*بدله العريس وفستان الفرح
ايه المشكله ندور عليهم قبلها بشهور
*حجز الكوافير
*حجز القاعه
*حجز المصور
*تجهيز دعوه الفرح ودعوه الضيوف بدري علشان يرتبوا مواعيدهم وحياتهم.
*بلاش تضغطوا نفسكم في شراء كل حاجه لو الوقت زنق،
عادي جدا ينفع بعد الفرح
انتوا اهم من الجهاز و المشتروات وبلاش تصدقوا اللي بيقول :"اللي مش هايتجاب قبل الجواز مش هاتعرفوا تيجيبوه بعدين"
*لو انت مضغوط ماديا ينفع تركز في شراء الأساسيات يعني ينفع تأجل تشتري التليفزيون، غرفه الأطفال، السجاد، الميكرويف، التكييف، البطاطين، طقم الصيني وحاجات تاني كتير.
لانكم اهم من الأشياء اللي ممكن تضغطكوا
لانكم على وش جواز.

"هاتندم"👇👇👇👇👇هاتندم ايها الأبهاتندمي أيتها الاملما تلاقي بنتك اللي لسه متجوزه بقالها شهر أو اكتر عايشه حياه تعيسه ويمكن ...
14/06/2024

"هاتندم"

👇👇👇👇👇
هاتندم ايها الأب
هاتندمي أيتها الام
لما تلاقي بنتك اللي لسه متجوزه بقالها شهر أو اكتر عايشه حياه تعيسه ويمكن جايبه شنطه هدومها وراجعه على بيت ابوها والسبب ببساطه انهم مش متفاهمين.
طبعا مش دي الحلول ان الزوجه تسيب بيتها وتروح بيت ابوها حتى لو كان الاختلاف كبير الا في بعض الحالات الصعبه جدا التي تعرض حياتها للموت.
طيب هاتندما ليه ايها الأبوين؟؟
*علشان استعجلت في زواج بنتك بعد 6شهور من الخطوبه واقنعتها ان الحب يجي بعد الجواز والعشره وتربطيه بالعيال.
*علشان حضرتك ديكتاتوري مسيطر فاهم الحياه غلط، مكنتش بتوافق انهم يخروجوا مع بعض، ليه يا فندم؟؟
الأب : ماعندناش بنات تخرج مع ولاد
العريس : يا عمي انا خطيبها!!!
الأب : عندكم البلكونه اقعدوا فيها براحتكم.
وهكذا
*هاتندم علشان ما كنتش بتسمع لها لما كانت بتقولك يا بابا انا مش عايزاها
علشان كذا وكذا....
كانت ايجابتك لها :
انتي صغيره ومش عارفه مصلحتك فين...
ارجوك بلاش تجوز بنتك او ابنك قبل سنه من الخطوبه الرسميه واديهم فرصه يعرفوا بعض بكذا طريقه
سيبهم يخرجوا مع بعض في مناسبات مختلفه
سيبهم يتكلموا في التليفون مش الواتس اب
استقبل خطيب بنتك في البيت ومناسبات خاصه علشان تشوف طريقته في التعامل مع باقي افراد الاسره، وبلاش تخاف انك تفسخ الخطوبه حتى لو طالت لو حسيت ان العريس مش مناسب
وتقول جواك :
عايز استرها وانا عايش واطمن على مستقبلها (ربنا يطول في عمرك)
يا بنتي ظل راجل ولا ظل حيطه............
للحديث بقيه

Address

Cairo

Website

Alerts

Be the first to know and let us send you an email when Liza & Mony اصل و صورة posts news and promotions. Your email address will not be used for any other purpose, and you can unsubscribe at any time.

Videos

علاقتنا باودلانا اهم بكتير من الموبايل

مقدرتش اعدي مشاعر الطفلة دي 😭😭😭 اتوجعت جدا عشانها واطفال كتير بيحصل ليها كده ده اسمه إيذاء للطفل يعني ايه عشان ادرب طفلي علي اي رياضة يتوجع قدامي بالمنظر ده !!!! معلش يعني ايه النجاح والفرح في ان بنتي تفتح حوض بالعافية كده ؟؟ كل ده عشان الصورة اللي هاتتصورها وهي بتتضحك ده المدرب ماسكها بقوة ولا كأنه ماسك واحد حرامي دي همجية واجبار وتعدي علي حدود الطفل معلش انا اسفة ليكي بجد حقك علي للاسف اللي بيحصل ده عشان ماما هي اللي موافقة عليه وهي اللي سمحت للكابتن يعمل فيكي كده وخلت الناس تضحك علي وجعك عشان تتصوري صورة بنتك عمرها ماهتتبسط بالصورة دي للاسف الطفلة لما تشوف الفيديو ده هايكون سبب وجع بالنسبالها وخاصة ان الكل بيضحك علي وجعها في الالاف من الاطفال بتدرب بالعافية وبقسوة علي رياضة مابتحبهاش وبتجبر عليها عشان ماما وبابا يحققوا أحلامهم وياخدوا أهم حاجة صورة الناس كلها تشوفها بجد اللي بيحصل ده جهل وعدم وعي بمشاعر أطفالنا وطبعا المدرب بياخد راحته لان بابا وماما مش فارق معاهم مشاعر الطفل المهم الطفل ينجح بسرعة وطفلنا يكون شاطر يانااااااس الرياضة دي هواية الطفل مهم جدا يكون بيحبها وبيستمتع بيها مش بيتأذي منها متستغلوش عجز أطفالكم انهم مابيقدروش يقولوا لا او لأنكم انتوا اللي عاي

مين بيخوف عيالي وبيسيطر عليهم

Shortcuts

Share

Category