كبسولة جمال

22/01/2025

ظني فيك يا سندي جميل
واكتر من ٤٦ ألف متابع هنا والله ظني فيكم خير
لذلك أطلب منكم الدعاء لي
بالشفاء ورفع الغمه بحق كن فيكون

22/01/2025

إجابة سؤال هام جداً
أعرف منين أن الضغوط والأزمات النفسية مسببتش ليا خلل في عقلي أو أعصابي؟؟

12/12/2024

"إنتي ممنوعة من إتخاذ قرار في حياتك الفترة الجاية"
كلمة قاسيه وقوية وانتو بتقروها دلوقتي ويمكن كتير يرفضها ويمكن كتير يحكم عليا كمان
فما بالكم باللي بتسمعها أو بيسمعها مني في السيشنز!؟
وزي ما اتعلمنا أسأل ورا الدافع
متحرمنش نفسك من نعمة إجابة سؤال (ليه!؟)
ليه بتقولهم كده؟؟؟
لأن في دوشة وفيضان ولخبطة المشاعر الإنسان بيحب غلط! بيكره غلط!
في دوشة وفيضان ولخبطة الأفكار الإنسان بيقرر غلط!
لذلك أنجح رجال وسيدات المجتمع مستحيل ياخدوا قرارات سريعه أو وقت ضغط نفسي
حتى بيجوا في الأفلام والمسلسلات بالشكل ده
وتبقى قاعد تتفرج وتقول يا سلام على العقل والوعي!!!
ما هو ده مش من فراغ!
دي ناس دفعت اتمان غاليه اوي للوصول للحكمة والوعي ده
الخلاصة والعلاج زي ما اتعودنا.....
لما تبقي عارفه نفسك down ونفسيتك زي الزفت
شوفي حد أمين عليكي تتكلمي معاه
وأمين هنا أقصد في كل مجالات الحياة
مش قصدي دكتورك النفسي بس
لأن دكتورك مش بيفهم في شغلك مثلاً
دوري ودور دكتورك أيا كان هو مين أن نعلمك ده
نعلمك إزاي تلاقي بني ادمين تحسي معاهم بالأمان وقت الضعف ولخبطة المشاعر والأفكار
قصدي حد أمين عليكي في شغلك يعني ينصحك بأمانة علشان متهديش اللي بنتيه في سنين
حد أمين عليكي في بيتك يعني ينصحك إنتي وأولادك وجوزك بأمانة
حد أمين عليكي في عيلتك يعني ينصحك إنتي وأخواتك وأهلك بأمانة
حد أمين عليكي في أصحابك وغيره وغيره وغيره
عرفتوا ليه في أوقات الإنسان (ممنوع من إتخاذ قرار في حياته!!!؟؟)
لأن الإنسان بيبقى حقيقي مصاب بالتهاب شعوري أو فكري
Emotional & Mental Inflammation
يعني التهاب في عقله الباطن كله
بالتالي نسبة الحكمة في القرار لا تتعدى الـ ٣٠% على أحسن تقدير وغالباً هتنيلها وتعكها أكتر للأسف
السؤال اللي بيطرح بلح وخير وده وقته دلوقتي
هل في حد أمين عليا (بالوصف اللي فهمته دلوقتي) في كل مجال من مجالات حياتي؟؟؟
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

08/12/2024

في ماسبيرو العريق وضيافة مجموعة قنوات النيل للدولة
كان تصوير موفق ورائع لحلقة عن
(ماذا يريد آدم من حواء؟ وتأثير السوشيال ميديا على علاقتهم)
مع الإعلامي الجرئ أ. محمد الطوبجي
والإعداد والتنظيم الجميل من أ. نيرمين
يذاع اليوم الأحد 8 December الساعة 6 PM والإعادة الساعة 4 AM
على قناة النيل للعائلة
ربنا يجعله علم ينتفع به لـ آدم وحواء ولكل أهلنا وبلدنا
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

02/12/2024

الوقت ملك الله
ليه!؟
خلق الله البشر ومكنهم من الأرض تمكينا
لدرجة التعامل والاحتماء والإستفادة من الظواهر الطبيعية الشديدة
إلا الوقت!
ليه!؟
سؤال فيه مفتاح للخير ومغلاق للشر
سؤال في وقته
سؤال ليه أهله وناسه
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

27/11/2024

لو القوي تسرع يحصل ايه!!؟؟؟
القوي لا يتسرع!
ليه!؟
لأنه عارف أنه قوي
فعارف أن قوته ليها تمن وتأثير وتوابع ونتائج
القوي كل الأطراف تجري عليه وتتسابق علشان تكسبه في صفها
لذلك القوي لا يتسرع أبدا
طيب مين القوي؟؟؟
الأب وسط بيته
الأم وسط أولادها وبناتها
الأخ الكبير أو الأخت الكبيرة
لو فرق السن بينه وبين حد من أخواته (٥ سنين فأكتر)
ولو القوي اتسرع؟؟
يبقى ضل الطريق
ضل الهدف اللي موجود علشانه
بالتالي بيبقى زي رصاصه اضربت في صديق
قنبلة وانفجرت في أهلها أو أيد صاحبها
بالتالي دمار للأسرة كلها
الخلاصة
على القوي تحمل مسئولية قوته
وإلا .....
طيب ولو أب أو أم أو أخ أو أخت كبار بس مش أقوياء؟؟
لو برضاهم وهما مفوضين حد تاني وباقتناع جميع أفراد العيلة؟
يبقى خير للجميع إن شاء الله
طيب لو سلبية منهم أو هروب من المسئولية؟؟
يبقى دمار برضه
ولو تفويض منهم ومرفوض من أحد أفراد العيلة ومش عاوز حد غيرهم يتولى المسئولية؟؟
يبقى يحترم قرار الرافض أو خوفه أو رفضه لتولي آخر
طيب وحق الأب أو الأم أو الأخ أو الأخت الكبار دول في التنحي!؟ أو التفويض!؟ ده كده مش ظلم ليهم وعدم احترام برضه لقرارهم!؟
إجابة السؤال الجدلي الفلسفي ده قديمه وهي
مش بمزاجك
ده دور وترتيب إلهي في الأرض
بمعنى!!؟؟؟
يعني محدش بيختار أبوه ولا أمه ولا ترتيبه في وسط أخواته
كل ده ترتيب إلهي
تقوم بدورك اوك
تتعلم تقوم بدورك برضه اوك
تفوض حد تاني في دورك برضا الجميع برضه اوك
لكن تنتهك ترتيب وقانون الله في تكوين العيلة دي وتقولي حق التخلي!!! ولا التفويض!!!
طيب والحل النهائي؟؟؟؟؟
ما تقوم بدورك في الكوكب ومتتعبناش!
أو اتعلم تقوم بدورك في الكوكب ومتتعبناش!
أو اقعد وفهم وطمن كل الأطراف دي واقنعهم وبعد كده فوض براحتك أو تخلى براحتك
ولو محصلش؟؟؟؟؟
هي دي العائلات اللي بتتعالج نفسياً لأجيال وأجيال!
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

12/11/2024

في قعدة ما: طيب أنت شخصيا يا جمال كمعالج نفسي ايه اكتر حاجه بتستفزك مننا؟
قولت: أسئلتكم اللي بره المنهج!
قالوا: مش فاهمين!
قولت: لما اتسأل منكم ومن أهلي ومن أصحابي ومن سواق الاوبر ومن الجيران ومن الجزار والفكهاني وغيرررررهم
أسئلة إجابتها مش عندي بجد!
ومش عند أي حد وخلاص!
وخد عندك أمثلة زي
ايه رأيك في التعليم والتابلت و و و!؟
ايه رأيك الطرق والكباري و و و!؟
ايه رأيك في العدل بين الزوجات!؟
ايه رأيك في رحلات الفضاء للمريخ والقمر!؟
ايه رأيك في ارتفاع أسعار الطماطم!؟
طيب ايه رأيك في زراعة البنجر ولا الرز ولا قصب السكر!؟
شايف المنطقة الإقتصادية لقناه السويس هتجيب فلوس امتى!؟
فيا أهل الخير
يا أهل الفتوى
يا أهل الهري
يا أهل إني أشغل عقلي بأي حاجه إلا تطوير نفسي
مش معنى أنك قاعد مع معالج ولا دكتور ولا شيخ ولا مهندس ولا ظابط ولا قاضي ولا ولا ولا
يبقى معناه أنه فاااهم في كل حااااااجه!!!
أنا لا أفهم في تطوير المناهج بربع جنيه علشان تسألني رأيي في تطوير التعليم في مصر صح ولا غلط!
أنا لا أفقه شئ في تخطيط الطرق والمدن علشان اقول رأيي في الكباري والطرق!
أنا معرفش الفرق بين البقدونس والكزبرة علشان اعرف بنزرع ايه فين وليه!
أنا مش عارف أدير أموري الماليه الشخصية أصلا علشان أقول رأيي في مؤشرات الإقتصاد واحنا كده رايحين في داهيه ولا ماشيين صح!
أنا يدوب حافظ سور من القرآن الكريم زي أي مسلم بيصلي بيهم فروضه فمش هعرف اجاوب على سؤال ديني حضرتك بتدور على إجابته من ٢٠ سنه!
ابووووووس طراطيف صوابع ايديكم ارحمونا بقى
لأني مش بتكسف وبقولك جاي تسألني ليه!؟
ما تبعت للحكومه اسألها زي أي مواطن! ولا ما تسأل حد فاهم بجد في التخصص ده!
ايه مزاجك في أنك أول ما تشوف حد فاهم في تخصصه تروح نازل فيه أسئلة تخص الدولة كلها وتخص الفضاء الخارجي كمان!!!!! وأسئلة كنت ناسيها من ٣ إعدادي!!!
لأنه بجد موضوع مستفز وللأسف كتير من الشخصيات العامة التانيه بيتكسف يقول (معرفش / مش تخصصي) ويبقى لابس قناع أنه لازم يرد
أكبر بقى يا حماده من فخ الايجو بتاعك أنه عاوز تصنفني وتصنف أي حد بتتعرف عليه جوا دماغك مؤيد ولا معارض لنظام سياسي ما! أو مؤيد ولا معارض لأيديولوجية ما! وأنه لو قال كذا يبقى اوك ولو قال العكس يبقى مش اوك!
أنت كبرت دلوقتي يا حماده وبقيت راجل محسوب علينا وعلى الدولة!
وإنتي كبرتي يا قطه وبقيتي آنسه ولا هانم!
عندهم عقل ووعي أنه ميشغلكش غير أن اللي ادامك فاهم في التخصص الفلاني وهينفعك فيه وبس!
أما ألاعيب الايجو بتاعك ولعبة التصنيف وأحلام السياسي ولا المناضل القديم ولا أحلام الشيخ الصغير ولا أحلام المهندس اللي اتقتل جواك اللي كنت عايشها أيام المراهقة دي روح العبها بعيد عننا الله يكرمك
والأصح روح اتعالج منها
علشان هتريح وترتاح
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

07/11/2024

حقاً كما قالوا (صلاله سويسرا الشرق)
من سلطنة عمان لعمل جلسات لحبايبنا وأهلنا وأصدقائنا
بلد جميله جمال لدرجة أني كنت بوقفهم بالعربيات في نص الطريق وننزل نتصور ونكمل
وأكرمنا الله بعمل جلسات استشفائية راااائعة في حضن سهول وجبال وطبيعة وطاقة ولا أروع بجد "سبحان المبدع"
ربنا يقدرني دائماً على مساعدتهم ونفعهم
ويوصلوا للحياة والعلاقات اللي يتمنوها وببحلموا بيها يارب
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

31/10/2024

يا جماعه أنا بشتغل الجلسات مع الشباب من سن ١٨ سنه وأكبر
علشان فيه رسايل كتير وصلت من أمهات وآباء لعمل جلسات لأبنائهم
طيب بنتنا دي قصتها ايه؟
دي والدتها ووالدها بيعملوا جلسات معايا فلما واجهوا المشكلة دي مع بنتهم طلبوا المساعدة وربنا قدرني وساعدتها في كام مقابلة قبل أو بعد جلسات والديها
بس كده
وبدون مقابل طبعاً أولا لأني مش بشتغل مع السن ده جلسات وثانيا لأنها زي بناتي طبعاً وكفايه دعوات أمها وأبوها بس
فعذرا لكل أب وأم بعتوا أو عاوزين يبعتوا ولكن الجلسات مش هتكون مفيدة لأقل من ١٨ سنه
حتى لو خالفني في الرأي زملاء كتير
لأن في أدوات علاجيه أكثر إفادة للسن الأصغر ده
مش لم فلوس وخلاص هو
فعذرا ليكم تاني وربنا يطمنكم على أولادكم ويرزقنا جميعاً برهم

29/10/2024

أجمل سؤال في الغيرة اتسألته واتفاجأت صراحه
كان من بنوته ١٥ سنه
سألتني والدموع في عينيها: بغير من ناس اعرفهم بيعيطوا (بكاء) على سجادة الصلاة أو في قراءة القرآن أو في الصلاة على النبي صلى الله عليه وسلم
وسألتهم انتو إزاي كده!؟ قالوا حبهم لله ورسوله!!!
وأنا زعلانه من نفسي جداً وبسأل نفسي
هو انا كده مش بحب ربنا ورسوله؟؟ وإزاي ازود حبي ليهم؟؟
السؤال يبان سؤال ديني بحت محتاج أحد مشايخنا يرد عليها
بس بعدها بكام ثانيه افتكرت كل حاجه اتعلمتها وان "محور عقولنا هي علاقتنا" وبالتالي سؤالها نفسياً وعلمياً عن تحسين ((علاقتها)) بخالقها ونبيها
والمرحلة اللي بعد كده هي أحد مشايخنا يقعد معاها ويقولها طرق العبادات أو الدراسات الأفضل المناسبة ليها ولسنها لتقوية هذه العلاقة
فقولت: الله واحد أحد زي ما اتعلمنا ولكنه خلقنا مختلفين جداً بشكل مذهل
مختلف لدرجة اختلاف بصمات أصابع الإخوة من نفس الأب والأم
بالتالي فطرة كل إنسان مننا مختلفة عن التاني يا بنتي
بعض البشر شايل حب الله ورسوله في عينيه
فكل ما ذكرهم عيط أو بكى ويبقى مثال لغيره في حب الله ورسوله
وبعض البشر شايل حب الله ورسوله في أيده
فماشي يساعد بماله أو بعضلاته ويمد أيده بالخير والسلام والمساعدة ويبقى مثال لغيره برضه في حب الله ورسوله
وبعض البشر شايل حب الله ورسوله في مخه
فماشي يعلم الطلبة أو الناس أو يعالجهم ويبقى مثال لغيره في حب الله ورسوله
وبعض البشر شايل حب الله ورسوله في رجليه
فتلاقيه بيجري في الخير والصلح ويسافر بلاد وبلاد ويبقى مثال لغيره في حب الله ورسوله
وغير وغيره وغيره بقى
ربنا خلقنا مختلفين علشان نكمل بعض
فبلاش تزعلي وتحزني نفسك وتقولي ليه مش بعيط في الصلاة أو الأذكار!
حزنك ده في حد ذاته بيظهر قد ايه حبك الكبيييير لله ورسوله يا بنت يا طيبه
المهم يا بنتي تعرفي انتي شايله حب الله ورسوله فين فيكي؟؟؟
سكتت شوية وقالت: عرفت وفهمت ومش هقولك علشان هتفضل بيني وبين ربنا زي ما علمتني
ضحكت وقولت: براڤو عليكي وربنا ينمي ويبارك ما بينك وبينه
سألتني: طيب إزاي أقوي حبي لله ورسوله؟ إزاي أزوده؟
سكت شوية وقولت: المعرفة
يعني معرفة الله ورسوله
يعني العلم
يعني (علم معرفة الله ورسوله)
الحب يكون بالمعرفة واليقين
يعني معرفة الله وأنبيائه ورسله والقرآن الكريم وأحكامه
واتعلمي درسك (اكتر حاجه شاغله بالك وعلى لسانك هي اللي هتستقر في قلبك ووعيك)
معرفة النبي صلى الله عليه وسلم بالصلاة عليه وتعلم علم الأحاديث الشريفة وكيف عاش النبي
كل ما كانت جهودك كبيرة ومخلصة في المعرفة كل ما زاد الله ذلك الحب بذلك القدر
لقيت دموعها نشفت وعينيها نورت وخدودها فتحت زي الورود ما شاء الله
بعدها كلمت والدتها أن جه وقت أن تبدأ دراسة وعلم على يد أحد المتخصصين لتشبع شغفها الجميل بشكل سليم
خلوا بالكم من عيالكم
هما بكرة بتاعنا اللي هنحصده
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

26/10/2024

عدد الزوجات والأزواج اللي بيجوا يعملوا جلسات علشان يثبت لنفسه ان شريك حياته مريض نفسي!
عدد يخض برضه
عدد ميطمنش خالص على أمهات وآباء الأجيال اللي هيتجوزوا أولادنا وبناتنا بكرة وبعده
أو الأجيال اللي هتحكم البلد الفترة الجايه
طيب ليه بيعملوا كده؟
دوافع نفسيه كتير زي
حد منهم عاوز يطلب الطلاق مثلا وجاي يبرأ ذمته من شريكه وعياله وهد الأسرة عندي ويشيلني الليلة
أو جاي يبرأ نفسه ادام نفسه ان حلال في شريكه بقى القرف أو النكد أو الخيانه أو سحب فلوس أو أو أو
وغيرها كتير أسباب نفسيه شخصية قديمه أو انتقامية جواهم
جايين يرموها في حضني أنا!!!
وهما هما دول اللي بيجوا مرة واحده ومش بيجوا تاني
وبيدوروا على حد تاني يسمعهم اللي عاوزين يسمعوه
طبعا فيه ناس كتير برضه متضررة من علاقات كتير في حياتها وبشتغل معاهم جلسات بس النسبة اللي بتكلم عنها بقت تخض
(((وبقى الموضوع ترند في المجتمع)))
وكله جاي أصلا مشخص شريك حياته أنه Toxic!! علشان قراله كلميتن أونلاين عن النرجسية ولا غيرها من الأمراض النفسية!
عموما لا نملك إلا التوعيه أهو والدعاء
ربنا يخفف عليهم ويثبتنا على طريق كلمة الحق
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

عدد الزوجات والأزواج اللي بيتصل وبيبعت
علشان يثبت أو يطلع شريك حياته مريض نفسي!
عدد ميطمنش
عدد يقلق
عدد يخض كل متخذ قرار وصاحب علم
مش بس على ثبات الأسر المصرية
وبالتالي ثبات الدولة والأمن القومي بس دي مش قصتكم
اللي تفهموه ويمكن يفرق معاكم
العدد يقلق ويخض على دين الناس وثباتها أمام شهوات الدنيا!!!
هو أحنا اخر جيل اتربى على المعاشرة بالمعروف أو التسريح بإحسان!؟
ولا احنا آخر جيل اتربى على مهما كان اسمه أبو أولادي أو أم أولادي!؟ مادام مفيش فُجر في الخصومه
ولا احنا آخر جيل اتربى على الخوف من ربنا عموماً بقى!!؟؟؟
((استقيموا)) لأنكم مش قد نتائج اللي بتطلبوه
اللي فهم ارتاح
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

25/10/2024

عدد الزوجات والأزواج اللي بيتصل وبيبعت
علشان يثبت أو يطلع شريك حياته مريض نفسي!
عدد ميطمنش
عدد يقلق
عدد يخض كل متخذ قرار وصاحب علم
مش بس على ثبات الأسر المصرية
وبالتالي ثبات الدولة والأمن القومي بس دي مش قصتكم
اللي تفهموه ويمكن يفرق معاكم
العدد يقلق ويخض على دين الناس وثباتها أمام شهوات الدنيا!!!
هو أحنا اخر جيل اتربى على المعاشرة بالمعروف أو التسريح بإحسان!؟
ولا احنا آخر جيل اتربى على مهما كان اسمه أبو أولادي أو أم أولادي!؟ مادام مفيش فُجر في الخصومه
ولا احنا آخر جيل اتربى على الخوف من ربنا عموماً بقى!!؟؟؟
((استقيموا)) لأنكم مش قد نتائج اللي بتطلبوه
اللي فهم ارتاح
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

23/10/2024

الأبناء شئ مختلف في حياتنا (Hidden Dynamics)
إزاي!؟
هقولكم حقيقه حصلت معايا زمااان وفهمتها قريييب!
وأنا في الجامعة زمان ولما كنت بعمل أي حاجه مندفعه زي أغلب الشباب في السن ده يعني
كان أغلب الدكاترة الكبار (اللي خلفوا وولادهم كبروا شوية)
زي رئيس قسم وطالع كده لحد العميد أو رئيس الجامعة أو قائد الحرس الجامعي
يقولولي
(هعديها بس مش علشانك . علشان قلب أبوك وأمك اللي هيتحرق عليك وعلى مستقبلك وأنت ولا في دماغك!! وعلشان تعبهم عليك في مصاريف الكلية اللي أنت مش عارف بيتعبوا في الجنيه إزاي علشان أنت تيجي هنا)
وكنت بضحك بسخريه من جوايا واقول في سري أنجز وكفايه هري وكلام عواجيز وأفلام!!!!!
بس لقيت واتفاجئت واتصدمت واستغربت واتشقلبت
ان أول ما يرزقنا الله بأولادنا عقلنا وقلبنا بينشغل بيهم دايما
بشكل وغريزة وعاطفة إلهية غريبه عجيبه
هدفنا بيختلف
سعينا بيختلف
فرحتنا بتختلف
حزننا بيختلف
حتى
نومنا بيختلف
كلام مش هيفهموا إلا أغلب الأمهات والآباء
لذلك عيني عليهم وعلى علاقاتهم بأولادهم طول الـ Sessions لأنها بتغير في الإنسان كتير
الباقيين يستنوا ويدعوا ربنا يكرمهم بهذه النعمه والأمانة الربانيه "الجميله المتعبه"
هون الله على قلب كل أم وكل أب ورزقهم سعيهم لأولادهم ورزقنا الله برهم إن شاء الله
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

19/10/2024

لا في زعل ولا اكتئاب ولا مرض من قلة الناس!
ولا في زعل ولا اكتئاب ولا مرض من قلة الونس!
ولا في زعل ولا اكتئاب ولا مرض من قلة الإجتماعية!
بل العكس صحيح تماماً!!
وشوفنا بعنينا ناس دخلت قبورها بسبب ناس
بل أقرب ناس ليهم!
الاعتزال والبقاء في دائرة مختاره محسوبة محدودة معدودة منتقاة أصبح درجة ومرتبة وحالة ووعي وثقافة الفاهمين المؤمنين المتعلمين المثقفين الهادئين الاصحاء الأغنياء
اللي فهم ارتاح
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
https://www.alarabiya.net/culture-and-art/2024/10/19/%D8%A7%D8%B9%D9%84%D8%A7%D9%85%D9%8A-%D9%85%D8%B5%D8%B1%D9%8A-%D8%B4%D9%87%D9%8A%D8%B1-%D9%8A%D9%82%D8%B1%D8%B1-%D8%A7%D8%B9%D8%AA%D8%B2%D8%A7%D9%84-%D8%A7%D9%84%D9%86%D8%A7%D8%B3-%D8%AD%D9%81%D8%A7%D8%B8%D8%A7-%D8%B9%D9%84%D9%89-%D8%B5%D8%AD%D8%AA%D9%8A-%D9%88%D9%86%D9%81%D8%B3%D9%8A%D8%AA%D9%8A-

18/10/2024

إنتي أو كتير حواليكي مبدأهم (هعمل كل حاجه إلا العلاج)
زي هدفعلهم فلوس أكتر بس نفوت ونعدي!
هقولهم حاضر ونعم علطول!!
مش هقولهم لأ!
مش هاخد حقي منهم!!
أو مش هقولهم حاضر!
متستغربيش لما تلاقي ده في نفسك أو في حد بتنصحي فيه وهو مكمل أو هي مكمله!!!
ده نوع من أنواع الـ EGO وإسمه إدمان الألم
Pain Addiction
وزيه زي أي إدمان
بعد ما يشفط كل صبرك ووقتك ومجهودك وفلوسك
بعد سنييييين معاناة من اللي فوق دي
يلبسك في الحيط
ويسيبك عريانه بشكلين لا ثالث لهما
أولا بشكل مرض من اللي بيدخل المستشفيات ده في يوم وليلة
ثانياً من النوع اللي بيجيب اكتئاب حاد وإحباط شديد وحزن رهيب وتدمير لعمر فات وعمر جاي
يعني بشكل علمي نفسي بحت الشكلين هما
أولا عريان ادام نفسك وده أسوأ حاجه حد يعملها في نفسه
ثانياً عريانه ووحشه وسيئه قدامهم!!!
علشان إزاي دمك يخلص ومش تنزفي زي ما متعودين عليكي تنزفي!!! ويتقالك
انتي اتغيرتي!! من امتى إن شاء الله!؟ مين لعب في دماغك!؟ استهدي بالله كده هما يومين وهترجعي زي الأول!!؟
هون الله علينا وعليهم ونور الله بصيرتنا وبصيرتهم
لأن العلاج النفسي والعضوي وقتها بيبقى إلزام مش إختيار للأسف
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available Offline and Online.
#كبسولةجمال

14/10/2024

مهما زادت المناصب أو الشهرة أو المال أو العمر نفسه
جزء الأب والأم في شخصيتنا هيفضل مسيطر على بالنا
لحد ما نقرر نفتحه ونعالج اللي محتاج يتعالج فيه
شجاعة واحد من أشهر مصممي الأزياء بالعالم تطرح الموضوع القديم المتجدد للواجهة والنقاش بكل قوة وجرأة
الوحش النفسي ده احنا ككبار ماشيين بنقابله كل يوم لحد انهارده وبهدلنا أيام وليالي
وكاتم على قلبنا وحمل على أكتافنا
فما بالك بأولادنا!!
مين عنده شجاعة مواجهة الوحش النفسي ده وعلاجه واحده واحده لتوفير حياة أفضل لأولاده؟؟
يعني حياة أحفاده وأجيال جايه كتير من نسله!؟

كشف مصمم الأزياء هاني البحيري، كواليس بداياته مع التصميم، وكيف طوّر نفسه فيه بمرور الوقت، وعن تعاملاته مع ألمع الشخصيات في المجتمع بالرغم من صِغر عمره، وكيفية اكتش....

10/10/2024

خطورة التقرير ده مش ليكي إنتي أو أنت
خطورته أن واحد من كل ٨ حواليك عندهم مشكلة نفسية
يعني يا أنت يا ابنك يا بنتك يا جوزك يا مراتك
متخيلين التقرير مرعب إزاي؟؟؟؟؟
متخيلين بيحصل ايه في مع العيال دي لما بيقعدوا لوحدهم في اوضهم؟؟؟
متخيلين بيحصلهم ايه أو (بيسمحوا أن يحصلهم ايه) لما ينزلوا المدارس ولا الكليات ولا الدروس أو حتى الشغل؟؟؟
متخيلين بجد حجم الكوارث والمصايب اللي في التقرير؟؟؟
متخيلين النار والسرطان الفكري والنفسي اللي بينهش في بيوتنا!!!
ولا لسه عايشين في مية البطيخ بتاع العلاج النفسي ده رفاهية
أو المصيبة الأكبر تكون عايش في مية اللفت بتاع العلاج النفسي ده عيييييب وعاااار!!!
أحب اقولكم بكل سرور أن العلاج والدعم والإرشاد النفسي بقى للطبقات الهاي كلاس خلاص
يعني للناس الـ VIP في المجتمعات خاصة العربية الجميلة بتاعتنا
عندهم ثقافة ووعي كده أن كل بيت لازم يكون ليه المرشد أو المعالج النفسي الخاص بيهم
ده حتى في معالجين ودكاترة كتير لو لقوا مستوى تعليم أو شغل الأب أو الأم أو الشباب مش في مستوى معين
بيرفض التعامل معاه!!! لأنهم بيقلبوا الجلسات جدال!
بالتالي المعالج أو الدكتور ده هيبذل مجهود مضاعف معاه!!!
عن إنسان عنده قدر كبير من التعليم والثقافة والمعلومات وأسس الدعم النفسي على الأقل طبعاً
حد جاي فاهم يعني ايه علاج ودعم وإرشاد نفسي مش حد جاي يجرب أو يثبت علم مثبت في كليات وجامعات!!
خلاصة الكلام
حد جاي فاهم خطورة تقرير زي ده للأسف
خلوا بالكم من نفسكم
والأهم خلوا بالكم من بناتكم بالله عليكم وشبابكم
لأن هما بكرة بتاعنا لما نكبر
هما بكرة بتاع شغلنا وتطوير حياتنا
هما بكرة بتاع بلدنا ودولتنا
والأخطر هما بكرة بتاع دينا وقيمنا وتقاليدنا وأمهات وآباء الأجيال الجايه
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال

الخوف من الوصم وقلة الوعي المجتمعي وغياب الدعم من التحديات التي تواجه من يعانون من مشكلات نفسية وعقلية في مصر.

02/10/2024

(إدارة الألم) و (الرعاية التلطيفية)
فرع جديد يدمج أجزاء من علوم النفس والطب معاً
لمن يبحث عن حجز مكان له في الساحة العلمية الجديدة
وبرضه وطبعاً (وما أوتيتم من العلم إلا قليلا) صدق الله العظيم
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#كبسولةجمال
https://www.skynewsarabia.com/technology/1744900-%D8%A7%D9%84%D8%B1%D8%B9%D8%A7%D9%8A%D8%A9-%D8%A7%D9%84%D8%AA%D9%84%D8%B7%D9%8A%D9%81%D9%8A%D8%A9-%D8%AA%D8%AD%D8%B3%D9%8A%D9%86-%D8%AC%D9%88%D8%AF%D8%A9-%D8%AD%D9%8A%D8%A7%D8%A9-%D8%A7%D9%84%D9%85%D8%B1%D8%B6%D9%89-%D8%A7%D9%84%D8%B3%D8%B1