أخصائي التخاطب / أحمد سامي /Speech therapist /Ahmed samy

19/08/2025

11/08/2025

أطفالنا والموبايل: سـ.ـمٌّ قـ.ـاتل في ثوب المتعة!
في عالمنا اليوم، أصبح الهاتف المحمول جزءًا لا يتجزأ من حياتنا، بل ومن حياة أطفالنا أيضًا. فما بين الألعاب الجذابة، مقاطع الفيديو المسلية، وتطبيقات التعلم التفاعلية، يبدو الموبايل كصديق لا غنى عنه لطفل العصر الحديث. ولكن هل توقفنا لحظة لنتأمل الجانب المظلم لهذا الصديق اللامع؟ هل فكرنا مليًا في الأضرار الخفية التي يلحقها الموبايل بأطفالنا، ليس فقط على المدى الطويل، بل حتى في الوقت الحالي؟
إن الاعتقاد بأن الموبايل وسيلة لتسلية الأطفال وإبقائهم هادئين هو اعتقاد خاطئ ومحفوف بالمخاطر. فالساعات الطويلة التي يقضيها أطفالنا أمام الشاشات لا تمر مرور الكرام، بل تترك بصمات سلبية عميقة على صحتهم الجسدية والنفسية والعقلية.
على الصعيد الجسدي، تُعد مشكلات النظر في مقدمة الأضرار. فتعرض العين المستمر للضوء الأزرق المنبعث من الشاشات يؤثر بشكل مباشر على شبكية العين، وقد يؤدي إلى إجهاد العين الرقمي وجفافها، بل ويزيد من خطر الإصابة بقصر النظر في سن مبكرة. ولا يقتصر الأمر على العينين، فوضعية الجلوس الخاطئة أثناء استخدام الموبايل تسبب آلامًا في الرقبة والظهر، وتؤثر على العمود الفقري النامي، وقد تؤدي إلى مشكلات هيكلية على المدى الطويل. كما أن قلة الحركة والنشاط البدني بسبب الانغماس في الموبايل تزيد من خطر السمنة لدى الأطفال، وهي مشكلة صحية خطيرة لها تداعيات متعددة.
أما على الصعيد النفسي والعقلي، فالكارثة أكبر. فالإفراط في استخدام الموبايل يؤثر سلبًا على نمو الدماغ، خاصة في المراحل العمرية المبكرة التي تتسم بالنمو السريع والتطور المعرفي. الأطفال الذين يقضون وقتًا طويلاً أمام الشاشات غالبًا ما يعانون من مشكلات في التركيز والانتباه، وصعوبة في التعلم، وحتى تأخر في النطق وتطوير المهارات اللغوية. كما أنهم أكثر عرضة للاضطرابات السلوكية مثل فرط النشاط والعدوانية، وصعوبة في التحكم في الانفعالات.
وبعيدًا عن الجانب المعرفي، يؤثر الموبايل على صحة الطفل النفسية. فالانعزال الاجتماعي الذي يفرضه الانغماس في العالم الافتراضي يحرم الطفل من التفاعل المباشر مع أقرانه وعائلته، مما يؤثر على مهاراته الاجتماعية وتطوير الذكاء العاطفي. وقد يؤدي ذلك إلى الشعور بالوحدة، القلق، وحتى الاوتردد، الاكتئاب في بعض الحالات.
والنوم، الذي يُعد حجر الزاوية في نمو الطفل وتطوره، يتأثر بشكل كبير. فالضوء الأزرق الصادر من الشاشات يعطل إنتاج هرمون الميلاتونين، المسؤول عن تنظيم النوم، مما يؤدي إلى صعوبة في النوم واضطرابات في دورته، وينعكس ذلك سلبًا على نشاط الطفل وتركيزه في اليوم التالي.
لذا، أصبح لزامًا علينا كآباء ومربين أن نعي خطورة هذا الأمر. فالمسؤولية تقع على عاتقنا في حماية أطفالنا من هذا الخـ.ـطر الكائن في الشاشات. يجب أن نضع حدودًا واضحة لاستخدام الموبايل، ونشجعهم على الأنشطة البدنية والاجتماعية التي تُساهم في بناء شخصيتهم وتطوير قدراتهم بشكل صحي ومتوازن. تذكروا، صحة أطفالنا ومستقبلهم أثمن من أي متعة زائفة تقدمها الشاشات.

منقول للاستفادة
مع تحيات أخصائي التخاطب / أحمد سامي /Speech therapist /Ahmed samy

26/07/2025

لو عندك بنت قبل 10 سنوات.. لازم تعلميها الحاجات دي "ضروري جدًا" قبل ما يفوت الأوان!🩷
خدي نفس عميق يا ماما، وركزي في كل كلمة جاية.. مش لأنك محتاجة نصايح، لأ.. لأنك بجد بتحبي بنتك وعايزة تربيها صح 💔

بنتك قبل ما تتم ١٠ سنين، بتكون بتحط في قلبها وعقلها كل حاجة بتسمعها وبتشوفها منك، حتى لو ما فهمتهاش دلوقتي.. هتفهمها بعدين، وهتبني بيها نفسها.

وعشان كده.. لازم قبل السن ده، تعلميها حاجات "ما ينفعش" تتأجل:

---

👧 ١. علميها تقول "لأ" على اي حاجه مش مرتاحه ليها
قوليلها إن الرفض مش قلة أدب، وإن جسمها وقراراتها ملكها، وإن اللي يضغط عليها مش بيحبها بجد.

🧠 ٢. علميها تحب عقلها مش شكلها بس.
قوليلها إنها مش جميلة عشان شعرها طويل أو لبسها حلو بس..
لكنها جميلة لأنها ذكية، وفاهمة، وقلبها طيب.

🤍 ٣. علميها تحب نفسها قبل ما تستنى حب من أي حد.
قبل ما تقول "أنا بحبك" لحد.. لازم تقول "أنا بحب نفسي" من غير خجل.

🗣️ ٤. علميها إن رأيها مهم.
اسأليها عن رأيها.. في لبسك، في الأكل، في أي حاجة.. وخليها تحس إن صوتها مسموع، مش مهمَل.

🤲 ٥. علميها تحمد ربنا على كل نعمة، وتعرف إنها مش أقل من حد.
الناس مش متساويين في كل حاجة، لكن كل واحدة فينا عندها حاجة بتلمع.. خليها تكتشفها.

👗 ٦. علميها حدود الحياء مش الخوف.
علميها تستحي لما تغلط، لكن ما تخافش ، ولا تمشي مكسورة الخاطر عشان "الناس هتقول".

🧸 ٧. علميها تبكي من غير ما تتحرج.
قولي لها إن الدموع مش ضعف، الدموع نعمة، وإن البنت القوية هي اللي بتعرف تعبر عن وجعها.

🧕 ٨. علميها تحترم الكبير، لكن ما تسمحش لحد يأذيها حتى لو كبير.

📚 ٩. علميها تقرأ، تسمع، تسأل.. وتتعلم.
عن أمور دينها باستمرار ، دي الأرض الصلبه اللي هتقف عليها

🧩 ١٠. علميها إن الأنوثة مش في شكلها.. لكن في احترامها لنفسها، وثقتها في نفسها.

---

🌸 بنتك أمانة..
أمانة ربنا حطها في حضنك، مش بس عشان تأكليها وتلبسيها، لكن عشان "تبنيها".
خدي بالك منها قبل ما العالم يعلمها بطريقته اللي مش دايمًا رحيم 💔

كل حاجة بتقوليها، كل حضن، كل وقت بتقضيه معاها.. هو استثمار في إنسانة هتكبر تبقى أم قوية، ست محترمة، بنت واعية.

✋ ما تسيبيش الأيام تربيها لوحدها.. لأنك لو ما ربيتهاش بإيدك، هيتولى ده غيرك، ويمكن ما يرحمش.
منقول
مع تحيات أخصائي التخاطب / أحمد سامي /Speech therapist /Ahmed samy

26/07/2025

ابني ضر.ب اخوه عشان لعبة
قولتله كدة غلط يا حبيبي
متض.ربش اخوك تاني
فقام ضا.ربه بعد شوية
فقولتله لأ هازعل منك
إلعبوا حلو
فقام تاني يوم ضر.به اجمد
فقومت خاصمته
وبعدين صالحته وقولتله متعملش كدة تاني
بس لسه لحد دلوقتي بردو بيض.رب أخوه
اعمل ايه 😔
تفتكروا الطفل دا مبطلش ليه السلوك ؟🤔
هاه
ايوة صح
لأن مفيش عواقب للسلوك واضحة 🙈

لما طفل ال ADHD بيكرر
بيكون فيه حالتين
إما إنه ناسي أصلا إنه غلطه قبل كدة
بسبب مشاكل في الذاكرة العاملة
واتكلمنا قبل كدة في الموضوع دا
أو إنه فاكر بس مش مدرك ليه التصرف دا غلط
لان مفيش حدود وقوانين واضحة في البيت نمشي عليها

وهنا يجي دور الأم في رسم الحدود والعواقب
وتعديل سلوك الطفل 🤝
طب ندي مثال
✓ في البيت قانون بإن اللي بيغلط من غير قصد بيعتذر ونصلح غلطنا لو كان ينفع
✓لو الغلط اللي اعتذرنا عليه اتكرر نعتذر ونصلح غلطنا لو كان ينفع مع وعد بعدم تكرار الغلط
✓لو الغلط اتكرر للمرة الثالثة نعتذر ونصلح غلطنا مع تنفيذ عقوبة مضاعفة نكون متفقين عليها

دا في حال اننا مكناش قاصدين
طب لو قاصدين 🤔
✓ يبقى نعتذر مع التنازل عن معزز بنحبه للطرف اللي غلطنا في حقه
✓أو تقديم خدمة للطرف اللي غلطنا في حقه

كل دا بالاتفاق المسبق

إحنا لازم يتحط لنا قوااااعد ثابتة
ويكون لينا روتين واااضح
عشان منتوهش

طيب هايجي حد يقولي ما هو مبيفتكرش يتحمل ليه عواقب السلوك ؟🤷

احنا بنعمل كده عشان ندرب المخ المندفع عنده إنه لو غلط هايكون فيه عواقب
بدون ما نزعق أو نخاصم أو نغلط فيه
دي قوانين البيت
اللي تمشي على الكبير قبل الصغير
مفيش هنا تفرقة
ولا حد بيغلط اكتر من حد
كمان احنا بندي فرصة نصحح الغلط

من غير ما نقول

_ااااه مانت لو مركز مكنتش هاتعمل كدة🙄
_يا بني هو مفيش غيرك في البيت😏
_انا زهقت زهقت منك ومن عمايلك😡

القانون واضح وماشي على الكل
طبعا دا لا ينطبق على المذاكرة
أو المهارات اللي ناقصة عنده😅
اكتبولي في الكومنتات حاطين قانون ولا لأ ☺️

منقول
مع تحياتي أخصائي التخاطب / أحمد سامي /Speech therapist /Ahmed samy

25/07/2025

احذروا النكد قبل نوم الأطفال.

*الدقائق اللي قبل النوم أكتر وقت عقلنا بيخزن معلومات و مشاعر
بتأثر على أحلامنا و أفكارنا و رؤيتنا لليوم التالى ..

*مهم وضروري أن أطفالنا يناموا مبسوطين ..و حاسين بالحب و الأمان.
*يومهم بيكون مشحون أحداث و ضغوط و مشاهد مختلفة ..
محتاجين نفرغ السلبي منها و ندعم الحلو ... و نشحن طاقة ايجابية لليوم التالي ..

🤔🤔ازاى ممكن نساعد اطفالنا ⁉️⁉️

١.تجنب اللوم و التحذير و النتبيهات ...

٢.التقرب من الطفل ... الجلوس بجانبه فى السرير ... تحكي و تضحكي و تطبطبي و تقبليه بحنان ..

٣.تشكريه أو تثني على تصرف ايجابي و لو صغير قام به طفلك فى اليوم ... حتى لو كان مجرد إنه وصل صحنه للمطبخ بدل ما يتركه على السفرة .
٤.اسمحي له يساعدك ويشاركك الاعمال والمهام اليوميه والمنزليه .....مثل التنظيف وشراء اغراض المنزل.

٥.قراءة القرآن أو قصة لطيفة بها بعد ديني أو إخلاقي أو ترفيهي بسيط ..

٦.ارسمي خطة جديدة .. سفر ... خروجة أو زيارة .

٧.شجعيه و خليه يشوف نجاحه و انجازه فى اليوم التالي .
٨.حسسيه إن الإنجاز والهدف تم تحقيقه.

ببساطة و من غير أطالة ..
**تفادوا ...... و احذروا .... إن الطفل ينام دمعته على خده .
أو حزين بسبب دراسة.....أو سلوك عمله.
بسمة الحب و الأمان و الثقة على وجه طفلك قبل النوم .. بترسم و تلون احلامه قبل النوم........ و تصرفاته طول اليوم ...

وافتكروا و انتم بتنيموا اطفالكم
كل يوم فى السرير.........تطبطبوا
و تلمسوا شعرهم . و تقبلوهم بحب و حنان
و انتم بتغطوهم عشان يحسوا بالأمان

هذه اللحظة بتفضل فى ذاكرتنا حية و اضحة
من طفولتنا لآخر يوم فى حياتنا.🌷
منقول
مع تحيات أخصائي التخاطب / أحمد سامي /Speech therapist /Ahmed samy

25/07/2025

🛑الطفل من بعد السنة لحد أربع سنين أو أكتر علي حسب كل طفل بتجيله نوبات غضب (عياط وصريخ ودبدبة في الأرض)🤕
👈في حالة أنك معملتش له اللي عاوزه.. والنوبة دي بتستمر من دقايق لنص ساعة على حسب كل طفل ، وده أسلوبه في توضيح إعتراضه والضغط على المُربي علشان ينفذله اللي هو عاوزه .
👌 إذا شوفت أم سيباه يخلص عياط وقاعدة ساكته جنبه .. فلو سمحت ممنوع التدخل بأي شكل من الأشكال أو بأي تعليق أو بأي كلمة ياريت توفرها لنفسك بجد .
لما يهدأ الأم هتحضنه وتكلمه بهدوء.. لكن وقت نوبة الغضب ، هو لا هيسبها تلمسه ولا هيرضى يسمع .
‼️دي أم مش باردة.. ولا هو زنان
‼️دي أم مش قاسية.. ولا هو عنيد
هي مش مكبرة دماغها ، ولا هو راكب رأسه وصعب . هو مجرد طفل بيختبر الحياة وردات الفعل على سلوكياته.. والمربي محتاج يوضحله ما هو مقبول وما هو غير مقبول ، ويعرفه أن العياط والصراخ مش لتنفيذ طلباته اللي غالبا مؤذية 💯✅👌

🔥نركز ل❌العبارة السلبية✅البديل الإيجابي
👈١.لو مأكلتش هأكله لاخوك ❌
“جسمك محتاج يتغذى علشان تفضل قوي وصحي . حابب نأكل مع بعض؟”✅

٢.خد ده بس متعرفش إخواتك ❌
“لو معانا حاجة نحب نشاركها كلنا ، علشان نحس بالحب والعدل.”✅

٣. ذاكر عشان أحبك ❌
“أنا بحبك دايمًا، سواء ذاكرت أو لا، بس المذاكرة هتفيدك وتحقق لك حلمك.”✅

٤. لو ما بطلتش عياط هكرهك ❌
“أنا هنا، فهمني إيه اللي مزعلك؟ البكاء مش غلط، بس مهم نعرف سببه.”✅

٥. هغضب عليك لو معملتش كذا ❌
“أنا بعتمد عليك في كذا، وأنا واثقة إنك قد المسؤولية.”✅

٦. لو منمتش/مأكلتش أبو رجل مسلوخة هيجي❌
“النوم والأكل مهمين عشان جسمك يستريح وينمو، تحب نحكي قصة قبل النوم؟”✅

٧. ياللي مفيش منك منفعة … ❌
“أنا فخور/ة بيك إن شغلك حلو ، وممكن أساعدك إزاي نطوره أكتر.”✅

٨. حاسب لتقع/متشيلش الكوباية ❌
“لو وقعت مش مشكلة، هتتعلم تعملها أحسن المرة الجاية.” ✅

٩. مش كنتي ترتبي غرفتك الأول؟❌
“شكراً إنك ساعدتيني! تحبي بعد كده نبدأ بغرفتك؟” ✅

١٠. أنت غبي/عنيد/قليل الأدب ❌
“اللي حصل مش عاجبني، بس أنا عارف إنك تقدر تتصرف أحسن.” ✅

١١.مفيش فايدة فيك ❌
“أنا مؤمن/ة إنك تقدر تتحسن. كلنا بنغلط، والمهم نحاول تاني.”✅

١٢. شوف أخوك عامل إزاي؟❌
“أنا شايف/ة إنك مميز بطريقتك، وده شيء حلو ، كل واحد فينا مختلف.”✅

١٣. بطل كتر أسئلة ❌
“سؤال ذكي!تعال نكتشف الإجابة مع بعض”✅

١٤.مش فاضي❌
“أنا مشغول/ة دلوقتي، بس مهم كلامك. نحدد وقت سوا نتكلم فيه؟”✅

١٥.الضربة دي عشان ال عملته ❌
“اللي فات خلاص، تعال نشوف ازاي نتعامل مع الموقف لما يحصل تاني.”✅

١٦.حاولت بالذوق وهضربك ❌
“أنا مضغوطة وبتصرف غلط دلوقتي، خليني أهدى وبعدين نتكلم بهدوء.”✅

١٧. هموتك من الضرب لو مذاكرتش❌
“أنا حابة أساعدك تنجح، بس مش بالعنف. تعال نعمل خطة للمذاكرة مع بعض.”✅

١٩.هحرمك شهر ❌
“اللي حصل له عواقب، ممكن تحرم من اللعبة دي يوم، ونرجع نتفق إزاي نلتزم.”✅

٢٠. أوعي تدخن زيي أو تعمل كده تاني❌
“أنا غلطت في التدخين، وبتمنى متمشيش في نفس الطريق. ساعدني أبطّل كمان.”✅

🔥🔥نصائح عامة:
• امدحي السلوك لا الشخص: “أعجبتني طريقتك في…” بدل “أنت شاطر”
• افصلي الفعل عن الطفل: “أنا ماحبش الكذب” بدل “أنت كذّاب”
• استخدمي أسلوب التفاوض بدل الأوامر: “تحب تذاكر دلوقتي ولا بعد ما تاكل؟”
• عوّديهم على التعبير عن مشاعرهم: “حاسس بإيه؟”
• شاركيهم قيم العدل والرحمة والمسؤولية بطريقة عفوية ومستمرة
منقول
مع تحيات أخصائي التخاطب / أحمد سامي /Speech therapist /Ahmed samy

24/07/2025

ابني تم 11 ولا 12 سنة وصوته علي في البيت
وشخصيته اتبهدلت تماماً

هقولك أهم النصايح لتعامل مع المراهق من 10 ل 18 سنة :

1- وفر مساحة من الحوار
وخلي الحوار يكون مليان كلام إيجابي اللي يعزز عنده الأمان والثقة والتقبل.

2- خلي في بينكم أنشطة مشتركة تفرغ فيها طاقته وتبنى شخصيته العبوا رياضة سوا اطبخوا سوا العبوا بلايستيشن سوا.

3- اتكلم معاه بالتفصيل عن مراحل نموه وتغير الهرمونات في جسمه ومشاعره وتفكيره مع توضيح طريقة للتعامل مع التطور والتغير دا.

4- بلاش كل كلامك معاه يكون محاضرات ومواعظ وحكم عشان هيبعد عنك ومش هيكون عايز يسمعك.

5- بلاش بسبب سلوكياته تبين له أنك فقدت ثقتك فيه وشاكك فيه طول الوقت لأن هجيب نتيجة عكسية وسلوكياته هتسوء اكتر.

6- خد ابنك معاك في تجمعات أصحابك وخليه يشارك في حل بعض المشكلات ويدخل في المناقشات اللي بتدور بينكم خلي يكتسب الصفات الذكورية ويحس المسئولية والجراءة المقبولة في الحوار .

7- خليه يشارك في الأعمال التطوعية والخيرية بتساعد في امتصاص طاقاته وتزيد لديه الشعور بنفسه وغيره وتحجم رغباته المتزايدة وطموحاته في التملك والشراء والاكتناز.

8- لو عرفت أن على علاقة بالجنس الآخر اتكلم معاه بهدوء وعالج الموضوع بالنقاش مش بالعصبية و العنف لأنه هيتمسك بالعلاقة اكتر.

9- بلاش عقاب بالضرب لأنه كبر وشايف أنك بتقل منه ومن رجولته ودا هيخلي يتجرأ عليك ويضربك أو يحاول يدافع عن نفسه على الأقل ويزوقك بعيد عنه.

10- بلاش تبقى فوق رأسه وبتراقبه عشان تحميه من نفسه لا يقع في الغلط فيستناك تبعد عنه إن يخرج برا البيت يعمل الغلط .

انصح ابنك بهدوء وفكر في الوقاية قبل ما تحصل المشكلة خليك صحبه واتكلم معاه في كل حاجة قبل ما تحصل المشكلة وتدور على العلاج ، قرب منه وأسمعه بدل ما يدور على أي حد يسمعه والله اعلم الحد دا هيكون أمين عليه ولا هيشتغل الفجوة اللي بينكم 💔👌🏻
منقول
مع تحيات أخصائي التخاطب / أحمد سامي /Speech therapist /Ahmed samy

24/07/2025

أهمية اختبار الذكاء
إبني مش غب.ي عشان اعمل له اختبار ذكاء 😐
الجملة دي بسمعها كتير لما ام في الجلسات بطلب منها تعمل اختبار ذكاء (ستانفورد بينيه)
وخليني أقول ليه اصلا بطلبه🤔
⭕ أولا الاختبار بيكشف المهارات اللي ناقصة عند الطفل فنقوم نشتغل عليها👌
⭕ثانيا الاختبار بيكشف المهارات اللي الطفل متميز فيها فنقوم نشتغل عليها اكتر ونعززها😊

👈انما الرقم الاجمالي بالنسبة لي هو تحصيل مجموعة مهارات اكاديمية عند الطفل بتكون زي الترمومتر بالنسبة للاخصائي
ولكن
⭕ الاختبار ليه شروط مهمة هاقولها في اخر البوست💚

انما الاهم ايه هي المهارات بقى اللي الاختبار بيقيسها🤔
خد عندك يا سيدي
👈 المعالجة المكانية البصرية بمعنى قدرة الطفل على نقل الاشكال أو وصفها بدقة
👈 الاستدلال السائل اللفظي بمعنى قدرة الطفل على فهم الاسئلة والرد عليها زي ليه وامتى وفين وبم تفسر وكيف ودا بيبين مشاكل الادراك عند الطفل لو ناقصة أو بيبين اد ايه الطفل عنده موهبة في التحدث والرد على الاسئلة
👈 كمان الاستدلال السائل الغير لفظي ومقصود بيه انه يكون فاهم العلاقة بين الاشكال والاسئلة الرياضية زي اثبت ان المثلث مثلث🤣
👈 الذاكرة بأنواعها سمعية وبصرية ودي من الحاجات المهمة جدا اللي على اساسها بنقدر نشتغل مع الطفل على اللي يقويها لو ضعيفة
👈 صعوبات التعلم زي مشاكل القراءة والكتابة
👈 وغيره كتير
ولكن
ازاي اقدر اتأكد ان طفلي فعلا دي نتايجه الحقيقية؟
وزي ما قولتلكم شروط نجاح الاختبار
⭕ الطفل ميتقالوش تعالى رايحين امتحان انما تعالى نلعب شوية
⭕قبل ما يدخل الاختبار يحكي مع الاخصائي اللي هايعمله وياخد عليه وميكونش قلقان منه
⭕ميبقاش الطفل تعبان او مرهق او عاوز ينام واخده يعمل اختبار ذكاء 😅
⭕واخيرا وليس آخرا نشوف نموذج من اختبار ذكاء للاخصائي ونتطمن انه موضح كل حاجه فيه مش مختصر الاختبار😐

أخصائي التخاطب / أحمد سامي /Speech therapist /Ahmed samy

24/07/2025

عندما يلقي الطفل بجسده على الأرض ويضرب رأسه بسبب رفض طلباته، فإنه يعبر عن مشاعره بطريقة غير صحيحة لأنه لا يعرف بعد كيف يدير إحباطه. هذا السلوك شائع بين الأطفال الصغار (1-4 سنوات)، لكن من المهم التعامل معه بهدوء وحكمة حتى لا يصبح عادة.

كيف تتعاملين مع هذا السلوك؟

1. ابقي هادئة ولا تستجيبي لنوبة الغضب

✔ لا تصرخي ولا تغضبي، بل حاولي البقاء هادئة لأن رد فعلك القوي قد يزيد من المشكلة.
✔ لا تستسلمي لطلبه فقط لإيقاف السلوك، لأن هذا سيجعله يفهم أن البكاء والصراخ وسيلة للحصول على ما يريد.

2. تأكدي من سلامته دون إظهار قلق مبالغ

✔ إذا بدأ بضرب رأسه بالأرض، ضعي وسادة أو سجادة تحته بهدوء دون أن تعلقي كثيرًا، حتى لا يشعر أن هذا السلوك يجذب انتباهك.
✔ إذا كان في مكان خطير، احمليه وانقليه إلى مكان آمن دون تعنيفه.

3. تجاهلي السلوك مع مراقبته

✔ إذا كان طفلك في مكان آمن، دعيه يهدأ بنفسه دون إعطائه اهتمامًا زائدًا.
✔ أظهري له أنك غير مهتمة بالصراخ، لكنك مستعدة للاستماع إليه عندما يهدأ.

4. بعد أن يهدأ، تحدثي معه بحزم لكن بحب

✔ اجلسي معه على مستوى عينيه وقولي بهدوء: "أنا أفهم أنك غاضب، لكن لا يمكننا الحصول على كل شيء بالبكاء والضرب."
✔ استخدمي كلمات بسيطة تناسب عمره مثل: "إذا أردت شيئًا، تحدث معي بهدوء."

5. علميه طرقًا أخرى للتعبير عن مشاعره

✔ ساعديه على التعبير بالكلمات: "أنا غاضب لأنني أردت اللعبة."
✔ علّميه طرقًا أخرى لتهدئة نفسه، مثل أخذ نفس عميق، العدّ إلى 5، أو احتضان لعبة مفضلة.

6. كوني حازمة في قراراتك

✔ لا تتراجعي عن رفضك لمجرد أنه بكى، حتى يفهم أن الصراخ ليس وسيلة للحصول على ما يريد.
✔ إذا كان الطلب معقولًا، وضحي له متى يمكنه الحصول عليه: "لن تأكل الحلوى الآن، ولكن يمكنك تناولها بعد الغداء."

7. امدحيه عندما يتصرف بهدوء
8. ضعي يدك تحت راسه في المكان الذي يضرب راسه به دون ابداء اي رد فعل اخر
✔ عندما يطلب شيئًا بطريقة جيدة، قولي له: "أحب أنك تحدثت معي بهدوء، شكرًا لك!"
✔ التعزيز الإيجابي يساعده على تكرار السلوك الجيد بدلاً من العصبية.

متى يجب القلق؟

إذا استمر الطفل في ضرب رأسه بشدة وبشكل متكرر، أو إذا كان يؤذي نفسه بشكل خطر، فمن الأفضل استشارة طبيب أطفال أو مختص نفسي لمعرفة الأسباب العميقة لهذا السلوك.

باتباع هذه الخطوات، سيتعلم طفلك تدريجيًا كيف يعبر عن مشاعره بطريقة صحيحة دون اللجوء للعنف أو العناد.

منقول
مع تحياتي أخصائي التخاطب / أحمد سامي /Speech therapist /Ahmed samy

06/07/2025

برجاء قراءة الاعلان بشكل جيد
(يعلن مركز قدرات لتاهيل ذو الاحتياجات الخاصه)
عن احتياجه الى
1 -اخصائي تخاطب خبره لا تقل عن ثلاث سنوات طب عين شمس سمع وكلام او كلية متخصصة
2- اخصائي تنميه مهارات فصل
3- اخصائي تنميه مهارات وبطيء تعلم
4- مطلوب ناني للاطفال

السن لايزيد لشغل الاخصائين عن ٣٠ سنه
يفضل قرب السكن
للتواصل للجادين مع الرقم الموضح في الاعلان ٠
ويوجد فرصه تدريب مجاني العدد محدود باولويه الحضور
المقابله يوم السبت القادم والثلاثاء القادم فقط العدد محدود ٠
ملحوظة لا يوجد تعيين للطلبة تدريب فقط؛
وعند عدم وجود خبرة يمكن النزول تدريب مع اثبات الكفاءة يتم التعيين بعد التدريب.
العنوان /
1 شارع 306 المعادي الجديده داخل مسجد الهدى
للتواصل واتس فقط 01050096142

14/06/2025

مطلوب ناني ( داده ) + و مشرفة باص في مركز بالمعادي صقر قريش للتواصل
01152930144
للتفاصيل رجاء التواصل مع الرقم المسجل بالاعلان

14/06/2025