22/06/2022
استكمالا لبوست ال Vitamins
ال fat soluble vitamins
اللى هما فيتامين K,E,D,A 👍😉😊 , لو عندك اى فيتامين من دول لازم تنصح عميلك انه ياخدها مع دهون صحية زى الnuts او زيت الزيتون او الزبادى او البيض او ال omega 3 لانها من افضل الدهون الصحيه الى فوايدها كتيره غير انها بتساعد الفيتامينات الى ذكرتها فى الامتصاص وبالتالى استفادة الجسم منها تكون اكبر 💌
📌 فيتامين أ (A) :
بيذوب فى الدهون فبيتاخد بعد الاكل ،
من ال vitamins الى ليها دور فى الرؤيه 👀، والحفاظ على الجلد والبشرة وازاله التصبغات عشان كدا مشتقاته موجودة فى اغلب ال منتجات الموضعيه واشهرهم كريم اكرتين وجل ادبالين 💖 ،،وكمان مهم فى الجهاز المناعى .
📌 معلومه كمان عن vit A ،
احد مشتقاته موجود فى اقراص Net look (مادة ال isotretinoin )الى بتستخدم لعلاج حب الشباب فبنلاحظ ان الدكتور بيوصى باخدة مع كوب لبن ؛ لان vit A بيحب يكون مع ca , zn
*** بعض الاشخاص بيشتكوا بعد اخذ vit.A انه بيعمل اعراض جانبيه زى وجع البطن او الاحساس بالغثيان 😪 فعشان نقلل من الاعراض دى يفضل ناخده بعد الاكل مباشرآ
📌 فيتامين D :
يفضل اخذه بعد الاكل ،
بلاش قبل النوم لانه بيقلل من انتاج الميلاتونين المسؤول عن النوم وبالتالى هيعمل ارق ،
واتذكر حاله مرة جت اشتكت من عدم قدرتها على النوم بقالها فترة ، وبعد ماسألتها لو بتاخد ادويه فذكرت انها بتاخد اقراص ossofortin وكانت بتاخدة قبل النوم فهو السبب فى عدم قدرتها على النوم 😪
📌 فيتامين E :
من الفيتامينات الى الجسم بيحتاجها بكميات بسيطه لكن مهم جداا ،لانه مضاد اكسدة قوى ، وبيخلص الجسم من ال free radicals الى بتدمر الخلايا ، فهو مهم للحفاظ على صحه الجسم ، وبيحب الذوبان فى الدهون الصحيه لذلك افضل وقت ناخده هو بعد الوجبه الرئيسيه بردو
📌 فيتامين K :
كذلك الفكرة هو من الفيتامينات المحبه للذوبان فى الدهون فافضل وقت هو بعد الاكل، وليه اهميه كبيرة فى عمليه تجلط الدم الطبيعى وسرعه التئام الجروح
📌 وبكدا اكون ذكرت الفيتامينات الى بتحب الذوبان فى الماء والمحبه للدهون ودا عشان نحصل على اقصى استفادة منهم 💖
♤ كمان عنصر الحديد :
من العناصر الهامه ومهم للاشخاص الى عندها انيميا وللحوامل 🤰 ، فأفضل وقت ناخده بعيد عن الاكل ،
كمان لو عايزة ازود امتصاصه مأخدوش مع منتجات البان لان فيهم كالسيوم وال ca بيعيق امتصاص الحديد 😪
لكن لو اخدنا زنك zn , او vit.c او vit.E مع الحديد هيزيد
امتصاص الحديد 👌☺
📌 الكالسيوم ca :
افضل وقت ليه قبل النوم لانه كمان بيساعد على النوم وينفع ناخده لوحده او الافضل بعد الاكل ، ونفس الفكرة بلاش معاه حديد لانهم بيعيقوا امتصاص بعض 🤥
**عشان كدا الست الحامل الى بتمشى على اقراص حديد وكالسيوم فالدكتور بينصحها بالبعد فى اوقات اخذهم يعنى تاخد الحديد الصبح والكالسيوم بليل 👌
📌 عنصر الماغنسيوم mg :
زي الكالسيوم افضل وقت ناخده بليل قبل النوم لانه بيحسن من النوم 😴
📌♡نيجى للسؤال المهم ؟!🤓
لو انا مش باخد كل حاجه منفصله وباخد Multivitamins فيه مجموعه فيتامينات ومعادن معا ؛
ببساطة بشوف انهى عناصر فيه اكتر الwater soluble ولا الfat soluble و على اساسه بناخد الجرعه ، لكن فى العموم اقراص المالتى فيتامين بتكون من قرص لقرصين بعد الوجبه الاساسيه ❤
دمتم بخير دائما 💌🌸
