Mohamed Seif Kids Clinic

15/06/2023

أعتذر عن التواجد في العيادة هذا الأسبوع والأسبوع المقبل لظروف خاصة
د. محمد سيف

02/06/2023

⚠️الادارة العامة للدفاع المدني تنبه المواطنين و
المقيمين للتالي

🛑 بسبب أزدياد درجات الحرارة خلال الايام القادمة بين 47 و 50 درجة مئوية وظهور سحب ركامية تسبب الكتمه في الجو وذلك على معظم المناطق
وهذه بعض التحذيرات والتنبيهات ...

🔴 يجب إخلاء السيارات من:
1- المواد الغازيه.
2-القداحات .
3-المشروبات الغازية.
4- العطورات وبطاريات الاجهزة بشكل عام.
5- يجب فتح نوافذ السياره بشكل بسيط ( تنسيم ).
6- عدم ملئ خزان وقود السيارة بالكامل
7- تعبئة وقود السيارة في الفترة المسائية.
8- عدم السفر بالسيارة في الفترة الصباحية.
9- عدم تعبئة إطارات السيارات أكثر من اللازم وخصوصا في السفر.

🔴 يجب الانتباه من العقارب والثعابين فسوف تخرج من جحورها بشكل ملحوظ وقد تدخل المزارع والبيوت للبحث عن البراد.

🔴 الاكثار من شرب الماء والسوائل.

🔴 الحرص على عدم تشغيل سخانات الماء.

🔴 الحرص على عدم وضع إسطوانات الغاز في الشمس.

🔴 التأكد من عدم زيادة الأحمال على عدادات الكهرباء وعدم تشغيل المكيفات إلا في أماكن تواجد العائلة وخصوصاً في أوقات ذروة الحرارة.

🔴 البعد عن التعرض لأشعة الشمس مباشرة وخصوصاً خلال الفترة من الساعة ١٠ صباحاً وحتى الساعة ٣ ظهراً.

🔵 وضع علب ماء في الشبابيك والاحواش والاسوار والمزارع والبلكونات. وذلك لري عطش الطيور والقطط وغيرها من الحيوانات ...

وأخيراً: فضلاً شارك بنشرهذه المعلومات فغيرك لا يعلم و قد يقرأها لأول مرة ...

مع تحيات الادارة العامة للدفاع المدني

22/03/2023

*الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،،*

*الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...*

مُبارٓكٌ علٓيْكُمْ شّٓهرُ رٓمٓضٓان
وكل عام وأنتم بخير ،،،

مواعيد العيادة في رمضان من الساعة ٧.٣٠ م ل ١١ م يوميا عدا الجمعة ⁦❤️⁩
دمتم بصحة وعافيه ⁦❤️⁩

11/03/2023

مع دخول موسم الامتحانات وبدايات رمضان
كتير من الأمهات بتشتكى من
ضعف الذاكرة عند الأطفال
مش بس الأطفال والكبار كمان 🤾🏾‍♂️🤼‍♂️
تعالو نعرف أسباب ضعف الذاكرة 👇👇👇👇👇
اول حاجه سوء التغذية مثل النحافة والسمنة وكثرة تناول الحلويات والسكريات ونقص بعض الفيتامينات في الجسم مثل فيتامين أ, ب, هـ والزنك والحديد وأوميغا 3 والبوتاسيوم والفسفور والأملاح ....
عدم شعور الطفل بالأمان والشعور بالخوف
اضطرابات النوم والنفسيه اللى بتأثر على الذاكره

طبعا احنا محتاجين نعرف ايه هى الحاجات الي بتساعد على تقويه الذاكرة✍️✍️✍️✍️

١.الدهون الصحيه مثل الاوميجا 3 تذود التركيز وتقوي الذاكره وموجوده في الأسماك الدهنيه مثل السلامون🦈🦈🦈 والماكريل وموجوده في المكسرات وزيت الزيتون

( ٢ ) فيتامين B مهم لتقويه الجهاز العصبي وتنشيط الدوره الدموية وعلاج الانيميا وموجود في اللحوم والكبده 🐂🐂🐂

( ٣) فيتامين C مهم لزياده امتصاص الحديد والوقاية من الانيميا وكذلك لرفع المناعة وموجود في الفلفل الرومي والجوافة والبرتقال🫑🫑🫑🍺🍺
( ٤) الزنك مهم جدا لزياده التركيز وموجود في اللحوم والبقوليات والمكسرات والفول السوداني والشيكولاته الداكنه والحبوب الكاملة.
🌽🍞🦜🦤
(٥) الحديد طبعا مهم لعلاج الانيميا والوقاية منها واهم مصادره هي المصادر الحيوانية مثل اللحوم الحمراء والكبده وفي حال تناوله من مصدر نباتي يفضل اضافه مصدر حيواني معه واضافه فيتامين سي لزياده الامتصاص
( ٦) ممارسة الرياضة بانتظام
⚽⛹🏼‍♂️🤾🏾‍♂️🤼‍♂️⚾⚾⚾🏀🏀🏀🏃‍♂️🏃‍♀️
د. محمد سيف

09/03/2023

 Functional infant Dychezia
 ‎الحزق عند الرضع

 ‎👈لازم نفهم الاول هو ليه الرضيع ده بيحزق؟
 ‎طبيعي لما نيجي لعملية التبرز انه بيحصل انقباض لعضلات البطن وانبساط لعضلات الحوض بطريقة متناسقة ومتناغمة ... لكن في الرضع خاصة خاصة تحت ٩ شهور ده مبيحصلش المجموعتين بينقبضوا وبالتالي بيحصل الحزق الشديد.

 ‎👈نسبته في الرضع اللي استوفو المواصفات اللي اتحطت لتشخيصه على حسب ROME IV CRITERIA
 ‎حوالي من ١ ل ٣٪ .

 ‎👈الاعراض:
 ‎مع الحزق و زمزءة الرضيع ، وجهه ممكن يحمر ويعيط لمدة تصل ل ١٠ و ٢٠ دقيقة.

 ‎👈العلاج
 ‎يتوقف على شكل حمام براز طفلك:

 ‎1️⃣اذا كان soft الطبيعي يعني طري (مش ناشف ولا في كتل ناشفة ولا قطره واسع) ... اذا اطمني مش هندي علاج الموضوع common في السن ده.
 ‎✋✋وحذاااري .. ايدك تجري على اللبوس عشان متخليش الطفل متعود انه بيعمل بها... ولو افترضنا انك هتدي من دماغك يبقى لاكتيولوز بس وممكن حاجة اسمها prune juice عصير البرقوق = القراصيا.

 ‎2️⃣اذا كان Hard يبقى في امساك معاه:

 ‎✋✋بنستبعد الاسباب المرضية للامساك .. ونتاكد ان الطفل عمل الحمام الاسمر ف اول ٢٤ ساعه ومفيش ترجيع اصفر او دموي ولا براز فيه دم وممخط.

 ‎👈👈اذا استبعدنا الاسباب المرضية يبقى الطفل ده عنده امساك وظيفي ويمكن إعطاء ملينات خاااصة اللاكتيولوز وهو أمان من سن يوم

د. محمد سيف
مدرس مساعد طب الاطفال وحديثي الولادة بمستشفيات جامعة الأزهر

26/02/2023

في الفترة الأخيرة بلاحظ ارتفاع حالات أطفال كتير عندهم حرارة مرتفعة مبتنزلش غير بصعوبة بالخوافض والكمادات
والحرارة ممكن تقعد بال٥ أيام موجودة
ونصايحي ببساطة الفترة ده في نقاط محددة
1. خللي دايما عند الأم ترمومتر لو الرقم بعد القياس الصحيح تحت الإبط أكتر من 37.2 تبقي فيه حرارة
2. الحرارة عرض مش مرض وبالتالي علاج سبب الحرارة مهم ( أغلب حالات الأطفال نزلات برد مع التهابات في الحلق والجيوب الأنفية ونسبة بسيطة نزلات شعبية)
٣ . أغلب أسباب نزلات البرد فيروسية وبالتالي بلاش نجري على المضاد الحيوي علطول
٤ . علاج الحرارة
# إرواء كويس سوائل كتييييييير
#تهوية كويسة في البيت بلاش نكمكم العيال مع الراحة بالمنزل
# الاستحمام بالماء الفاتر ( المياة اللي الطفل متعود تحميه بيها
# خوافض الحرارة المناسبة لسن الطفل
# علاج باقي الأعراض
٥ . علاج الأعراض التانية مع الحرارة مهم جدا ( تسليك الأنف بمحلول الملح وشفاط الانف...الكحة .. التهاب الحلق والأذن )

٦ . طفل تحت ٣ شهور لازم يتفحص كويس
٧ . مننزلش المدرسة أو الحضانة طالما فيه حرارة عالية لاضرر ولا ضرار
٨ . النظافة الشخصية بتفرق كتير نغسل ايدي الأولاد وبلاش بوس من الخد او نعطس في وش بعض
٩ . نزود مناعة أولادنا عن طريق الأكل الصحي ومقويات المناعة


ربنا يحفظ أولادنا وبناتنا ❤️❤️❤️
د.محمد سيف
أخصائي ومدرس مساعد طب الأطفال وحديثي الولادة بكلية الطب جامعة الأزهر ود.دكتوارة الجهاز الهضمي للاطفال.
عيادة النزهة ٢ اول شارع الخمسين بجوار معمل الجسر الدور ألول ( يوميا عدا الجمعة) ت 01152280768 ... Whatsapp 01122643665

https://www.facebook.com/profile.php?id=100064329482459

عيادة د.محمد سيف لطب الأطفال وحديثي الولادة ... يوميا عدا الجمعة اول شارع الخمسين النزهة الجديدة ٢

16/02/2023

ابتسامتهم تنور حياتنا ❤️❤️

15/02/2023

طفل رضيع بيبكي بصورة كبيرة جدا ومقريف
الأم قاعدة تدي دواء المغص وكل شوية يرضع لحد ما حالتها النفسية اصبحت مش كويسة
بنفحص الطفل لقينا الخراج ( الإلتهاب ) ده في أصبعه وطبعا في الشتا والسقعة الأمهات بيبقوا خايفين على أولادهم وبيلبسوعم ملابس كتيرة وجلفزات لليد والقدم
💐💐للأمهات افحصوا أولادكم كويس يوميا
💐💐للأطباء دور على المستخبي
د. محمد سيف مدرس مساعد طب الاطفال وحديثي الولادة بمستشفيات جامعة الأزهر

14/02/2023

بس يا دكتور أنا شايفة إن البخاخات غلط علي الأطفال وهيتعودوا عليها..

13/02/2023

08/02/2023

الان يمكنكم الحجز عن طريق الاتصال تليفونيا أو عن طريق الواتساب على رقم العيادة 01152280768
أو عن طريق رسائل الصفحة https://www.facebook.com/profile.php?id=100064329482459
د. محمد سيف أخصائي طب الاطفال وحديثي الولادة بمستشفيات جامعة الأزهر

عيادة د.محمد سيف لطب الأطفال وحديثي الولادة ... يوميا عدا الجمعة اول شارع الخمسين النزهة الجديدة ٢

04/02/2023

للاسف ناس كتير مش دكاتره فاتحه عيادات 😳😳😳
وده بسبب عدم الرقابة
وناس كتير كاتبه علي اليفط بتاعتها شهادات وهمية بتدعي ان هي واخداها علشان تخدع الناس 😔😔

دلوقتي تقدروا تتأكدوا من خلال الموقع الرسمي لنقابة الأطباء المصرية عن تخصص طبيبك المعالج 🙂
و إن كان مقيد بالتخصص اللي كاتبه علي اليافطه بتاعته أم لا
من خلال الرابط

https://ems.org.eg/ar/inquiries/doctor-specialist

و ذلك عن طريق كتابة أسم الطبيب في خانة البحث
زي الصورة كده

صحتنا و صحة كل افراد أسرتنا امانه

04/02/2023

طلعوا أولادكم يتشمسوا بلاش كمكمة في البيت
وبالليل نقفل شبابيك البيت

03/02/2023

عنوان عيادتنا الجديد
برج نور الإسلام أول عمارة بشارع الخمسين مع تقاطع ال 27بجوار معمل الجسر ⁦❤️⁩

03/02/2023

كلامي لأطباء الأطفال والصيدليات

بلاش الله يكرمكم أدوية تحتوي على مادة الامينوفيللين او السالبيوتامول عن طريق الفم للأطفال إطلاقا زي الميوكوفيللين والفينتولين والفاركولين شراب
بشوف حالات بيحصلها خلل في نبضات القلب بسببهم كتير ومفيش أي مصدر علمي اننا نكتبهم قبل ١٢ سنة

02/02/2023

شكرا جزيلااااااا د. أحمد رمضان زميلي الفاضل متألق دوما يا حبيبي

بمشيئة الله يبدا العمل بالعنوان الجديد من اليوم 7مساء
برج نور الإسلام تقاطع الخمسين مع ال 27بجوار معمل الجسر الدور الأول ⁦❤️⁩
د.محمد سيف

02/02/2023

شكرا جزيلااااااا د. حسن سنيوري ❤️❤️

بمشيئة الله يبدا العمل بالعنوان الجديد من اليوم 7مساء
برج نور الإسلام تقاطع الخمسين مع ال 27بجوار معمل الجسر الدور الأول ⁦❤️⁩
د.محمد سيف