13/12/2024
السلام عليكم ورحمه الله وبركاته 🌿
تعالوا اقولكم كام معلومه مهمه بخصوص الفيتامينات🗣️ هل ي دكتور اى فيتامين يتاخد فى اى وقت 🤔؟ لا طبعا🙀 تعالى بقا اقولك المفيد 👌
💥اولا كده الحديد والزنك ودا زى ( فيروجلوبين أو فيروترون أو زينكترون.....الخ ) لازم يتاخدو على معده فاضيه طب يعنى قبل الاكل بساعه طب مهو كده ي دكتور هيوجع معدتى ويخلينى ارجع هقولك خلاص ناخده بعد الاكل بساعتين 🤝
💥تانى فيتامين معانا وهو الكالسيوم والماغنسيوم ودا زى ( ماغنسيوم بلس أو اوستيوكير أو كالسيترون او كال ماج ....الخ) ودا يفضل بعد العشاء عشان بيعملوا استرخاء العضلات
💥تالت حاجه معانا وهى ال اوميجا ثري و فيتامين د و دا زى ( اوميجا ثري بلس و ليمتليس اوسوفورتين ....الخ) افضل وقت وهو بعد الغدا عشان امتصاصهم بيزيد فى دهون
💥اخر حاجه بقا multi vitamins ودي افضل وقت ليها الصبح بعد الفطار عشان تمدنى بالطاقه طول اليوم زى (سينترم و مودافيت و و ليمتليس مان و ويل مان .....الخ)
📢📢يسلام بقا لو اخدت اقراص الحديد ب عصير برتقال او اخدت معاها اى حاجه فيها فيتامين سي دا هيخليه امتصاصه احسن بكتيرررررررر😇بلاش نشرب بعده شااااى ☕
⛔⛔ بلاش ناخد فيتامين ب12 بليل لانه هيعملك ارق وهيخليك متعرفش تنام ودا زى (اقراص دلتافيت و ميلجا ...الخ) واخده قبل الاكل او بعد الاكل عادى
🍃طولنا عليكم بس كله عشان تهمنا صحتكم دمتم سالمين 😘❤️
