16/08/2025
من الحاجات اللي بتلفت نظري في العيادة طريقة تعامل الأزواج مع زوجاتهم
شفت اللي بيقلل من شكوى مراته ويستهون بيها
وشفت اللي بيحكي شكوى مراته زي ما تكون شكوته هوا بالتفصيل كأنه حافظها
و شفت اللي شايف ان مراته معندهاش حاجة ومحتاجة دكتور نفسي ودواء نفسي، ايوة والله بيقول كده رغم ان عندها مشكلة حقيقية ومحتاجة علاج.
الغريب في الامر ان الصنف التاني اسهل صنف بيخف لأنه في رأيي لقى طبيب كتبله دوا وزوج يسنده ومصدقه وبيدعمه كمان.
والصنف التالت فعلًا ما بيخفش بسهولة غير لما أنا كطبيب احارب الاول عشان أقنعه يصدق نفسه الاول من كتر ما شاف ان شكوته ملهاش لازمة.
مفيش حد مننا يقدر يعيش مرتاح من غير دعم نفسي مهما كانت قوتنا وصلابتنا❤️
