https://www.facebook.com/pg/Noha.samy.life.coach963/services/

Noha samy relationship coach, Cairo (2026)

22/02/2026

اللى سأل عن احداث #مسلسلـامـمتوحشة
هل هى قصة حقيقية ؟!!
نعم: قصة الأم المتوحشة تستوحي أحداثها من واحدة من القضايا التي هزّت الشارع الكويتي، والمعروفة باسم فتاة السالمية، وهي القضية التي كُشف عنها بعد العثور على جثة الفتاة على شكل هيكل عظمي داخل حمام منزلها بعد سنوات من وفاتها ..

🟥 فى التحقيقات بعد اكتشاف الواقعة الام قالت:

👈"انا كنت بربيها ، قيدت حركتها عشان متخرجش
تم تقيد الفتاة بسلسة كلاب حول رقبتها وتقيدها فى
مواسير دورة المياه " ..

"هى كانت مش محترمة ومش بتسمع الكلام"
"حبستها فى مكان لوحدها (دورة المياه) "
"عشان تتربى"

"كنت بضع لها الاكل بس هى رفضت تاكل"

' دخلت عليها لقيتها قطعت النفس "

وبالفعل الفتاة توفيت ، والام لم تبلغ عن الوفاة
وفضلت الجثة لمدة خمس سنوات داخل المنزل
الى ان بلغ عنها الابن بعد خلاف ما بينهم ...

🟥 حد اخذ باله الأم قالت ايه فى التحقيقات عشان تبرر
مرضها النفسى ؟!! (حتى بعد وفاة ابنتها) !!!

شوهت اخلاق البنت بالايحاء انها غير محترمة !!
مما يجعل تفكير الاخر يذهب لمعانى غير اخلاقية، ويعطيها
المبرر كسلطة اخلاقية من حقها تربى ..

الاساءة الجسدية والنفسية بربط رقبتها بسلسلة كلاب
وتقيدها فى دورة المياه !!
تبريرها لهذا الفعل هلى انه تربية وليس تعنيف واذلال
وتحقير واهانة ..

الاساءة النفسية والمعنوية والجسدية فى حبسها فى دورة المياه!!
والايحاء انه مكان انفرادى تكون فيه لوحدها، كايحاء
انها بتحافظ عليها فى مكان آمن ..

تاكيد ان البنت هى اللى رفضت الاكل، فهى السب فى موتها !!
تقمص دور الضحية، وانها ام كانت بتراعى بنتها، بس البنت
هى المصممة على اذى نفسها ..

" المراة النرجسية اسوء شخصية تلعب دور الامومة "

⚡ #الامـالنرجسية عندها استعداد تضحى بابنائها وتأذيهم
فى سبيل متفقدش سيطرتها، وهيمنتها ، وتحكمها ..
السلطة عندها امان واستقرار لوجودها، وخضوع الابناء الاداة
اللى بيتحقق
بيها الامان والاستقرار ..

#الامـالمرجسية مجرد التفكير او اخذ قرار من ابناىها لأنفسهم
تعبره تحدى لسلطتها و كسر لهيبتها و اختراق لمملكتها، يستحق
السحق والتشويه ..

#الامـالنرجسية تشعر بالسعادة ىالسلطة والتحكم والهيمنة والامان
عند اذلال ابنائها والتحكم بهم و التزامهم بقواعدها ونظامها ..

#الامـالنرجسية اى تصرف من الابناء خارج السيناريو الخاص بها يعتبر تعدى
مباشر من الابن او الابنة عليها يستحق العقاب الشديد ..

#الامـالنرجسية لا تتحمل مسؤلية افعالها البشعة على ابنائها
بل تُحمل سوء سمعتهم الكاذبة من طرفها ، اللى هى اصلاء
سبب فى اشاعة تشويه سمعتهم ..

🎯 السؤال : الام المتوحشة فى زيها ؟!!!

⚡ نعم .. #الامـالنرجسة موجودة واثارها على الابناء بشع ومدمر
لكن قدسية الدور، واعراف والمجتمع يمنع محاسبتها، او تسليط
الضوء عليها، لكونها تمثل سلطة الهية، وسلطة اخلاقية ..

#المراةالنرجسية من اسوء مخلوقات الكوكب
اولا : لانها نرجسية ..
ثانيا : لانها تحمل لقب ام ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

21/02/2026

من أسوء العلاقات فى #عالمـالعلاقات هى علاقة #الأمـالنرجسية
مع أبنائها، وخاصة لما تستغل السلطة الإلهية المقدسة فى بث شرها
وغضبها على مخلوقات ضعيفة تسمى الأبناء ..

فى #مسلسلـالأمـالمتوحشة بنشوف نموذج للأم اللى تحبس الأنفاس بجد، بتمارس كل انحرافتها النفسية و اضطرابها السلوكية على بنتها المراهقة وابنها ذى الإحتياجات الخاصة،
تحت راية انها أم بتحبهم .. بتخاف عليهم .. ضحت عشان تربيهم

⚡ الأم النرجسية أم محتاجة مُحاكمة قاسية، يكون العقاب فيها
أبدى، على إستغلالها لكلمة حُب وهى كائن معدوم العاطفة
يتمحور حوالين ذاته الهشة المتضخمة ..

🟥 إيه الأساسات اللى بتقوم عليها اى ام نرجسية ؟!!

🎯 الأساس النفسي للام النرجسية :

1️⃣ النرجسية الدفاعية :
الأم عندها شعور هش بالنفس، وحاجة ماسة للسيطرة على كل من حولها لتعويض شعورها بالفراغ الداخلي أو العجز. والرفض
والدونية اللى بداخلها ..

تستخدم حبها الظاهر كغطاء: “أنا بحبكم” = أداة تحكم.
لكن اي استقلال أو قرار من الابنة بيعتبر تهديد لوجودها،
فبتتصرف بعنف نفسي.
(يعنى مش غريب لما الأم تتحكم فى النَفَس اللى الابنة بتتنفسه
وتتحكم فى حياتها، عشان متفقدش سيطرتها عليها )

2️⃣ الخوف المرضي من الفقدان :
كل فعل أو كلمة من الابنة ممكن يُفسّر عندها كخيانة، كتمرد
گخطر ..
وده بيخلق لديها سيطرة مفرطة، لأنها خايفة تفقد مصدر سلطة
أو تقدير.
(يعنى عادى لما الام تاخذ كل كلمة الابنة تقولها على انه ضدها
وتعمل عليها حوار ، وتحاسبها على نِيتها اللى مُتخيلاها )

3️⃣. الغيرة المرضية مِن وعلى :
"على" الأم بتغار من أي علاقة تقرب البنت من أي حد (زوج المستقبل، أصدقاء، مدرسين).
الغيرة مش مجرد شعور، ده محرك للسلوك: تلاعب، تشويه، إسكات أي منافس محتمل يفقدها سيطرتها .
(يعنى مفيش غرابة لما الأم دى تطفش عرسان لبنتها، او تبعد صحاب بنتها عنها، او تكره المدرسين فيها) ..

"مِن" تغار الام النرجسية من الإبنة وخاصة ان كانت تمثل لها التمرد، تتفوق عليها فى الثأقبول والمحبة، والجمال، والطباع الرحيمة
فهنا تصبح نِد لها وعدو سرس يجب هزيمته و أسره ..

🎯 الأساس السلوكي للأم النرجسية :

1️⃣ استخدام السلطة الأبوية كغطاء :

كل تصرف مؤذي أو تحكمي منها بتلبسه صورة “أم مضحية”.
لو الأبنة اعترضت أو فضحتها ، تلصق لها تهم تشوه سمعتها
وتفقدها مصداقيتها :
زى البنت "بتكذب، بتتخيل، غير محترمة”.
ده بيخلق شبكة دفاع نفسي قوية حوالين تصرفاتها.
(منستغربس لما الأم النرجسية تتطلع بنتها كذابة وغير محترمة عشان تبرر استخدام سلطتها كأذى، وتعاقب بنتها لإنها بتربيها
وبتهذبها ) .

2️⃣ التلاعب النفسي :
تستخدم إلقاء اللوم، الإحساس بالذنب، وإعادة تفسير الأحداث لتبرير أي تصرف.
الأم مش بس عاطلة عن التعاطف؛ هي تستخدم غياب التعاطف كسلاح.
(يعنى حتى التعاطف معدوم لكنه بتستخدمه سلاح عشان تبرر تصرفاتها، يعنى لما الام دى تحسس بنتها انها إبنة جاحدة
ومش مقدرة تضحية أمها، طبيعى جدااا،
و طبعا احنا فهمنا الحقيقة !! .

3️⃣. التشويه الاجتماعي :
الأم تعرف تحيط نفسها بجدار إجتماعي: الأب، المدرسة، الجيران.
أي صرخة استغاثة للبنت تتجاهل، لتبقى الضحية مفصولة إدراكيًا عن الدعم.
ده معناه ( نجاح #الامـالنرجسبة تحسس الإبنة إنها “لوحدها”، فتزيد سيطرة الأم. والنجاح ده يمنحها حماية مجتمعية لإنحرافها
وصلاحية لتصرفاتها المؤذية ).

🟥 #الامـالنرجسبة تنحرف تدريجياً
هى ليست أم متوحشة فجأة، لكن سلوكها متدرج يبدأ ب:
السيطرة على الحياة »»
التشويه النفسي »»
إسكات الضحية »»
حماية سلوكها بحماية مقدسة»»

1️⃣ هل الحب مبرر لأفعال #الامـالنرجسية ؟
أحيانًا كلمة “حب” بتستخدم كغطاء للأذى والاضطراب النفسى
#الأمـالنرجسية تستخدام كلمة حب كـ أداة سيطرة

تلصق تهم بالإبنة عشان تبرر عقابها..
تشوه صورة الإبنة أمام الأب أو المجتمع..
تستخدم السلطة الأبوية كعقاب أخلاقي ..
وده بيقول ان ده مش مجرد قلق أمومي… ده تحكم ممنهج.
على اساس السلطة الأبوية كغطاء نفسي
🎯 في النظم الأبوية :
الكبير لا يُسأل »»
الأم “مقدسة” »»
الطاعة أعلى من الحقيقة »»

🟥نتيجة العلاقة بين #الأمـالنرجسية المتسلطة والبنت نفسيًا وسلوكيًا، وتأثيرها على الضحية والمحيط:

1️⃣ تأثير الأم النرجسية على البنت (الضحية) :-

⚡ضعف الثقة بالنفس:
البنت تتعلم داخليًا إن صوتها مش مسموع، ورأيها مش مهم.
أي استقلالية أو قرار بيخضع للعقاب أو اللوم النفسي.

⚡ شعور بالعزلة :
الأم تعزّل البنت اجتماعيًا، والعزلة دي تولد شعور إنها لوحدها بالكامل، وده بيقلل قدرتها على الدفاع عن نفسها أو طلب المساعدة.
⚡. اضطراب الهوية :
لما كل شيء يُفسّر من منظور الأم، البنت ممكن تشك في حقيقتها:
“هل أنا فعلاً غلطانة؟ هل إحساسي طبيعي؟”
ده يؤدي لشعور بالارتباك الداخلي والخضوع النفسي.

2️⃣ تاثير النرجسية على الأم (المسيطرة):-

☠️ شعور وهمي بالسيطرة :
كل سلوك ضار أو تحكمي على الابنة يعيد للام إحساس بالقوة.
لكن داخليًا، وجودها مرتبط بخوف مستمر من فقد السيطرة.
وده اللى بيخليها تزيد فى الأذى عشان تشعر بخضوع الابنة
وتطمن ..

☠️. استمرار العزلة العاطفية :
رغم مظهر السلطة، الأم غالبًا وحيدة نفسيًا.
أي علاقة مبنية على الخوف أو التلاعب لا تعطي دفء أو اتصال حقيقي وده اللى بيزيد قسوتها وسيطرتها على الابناء "مفيش غيرهم" ..

3️⃣ على المجتمع حولهم (الام والضحية) :-
💔 المجتمع (الأب، المدرسة، الجيران) بيشوف تصرفات الام
النرجسية كـ “حق شرعي” بسبب السلطة الأبوية،

💔 الحق ده يسهّل استمرار الانحراف، ويخلق تواطؤ صامت.

🔑 الخلاصة
العلاقة دي تخنق الضحية نفسيًا واجتماعيًا.
المتسلط (الأم) ممكن يظهر قوة خارجية، لكنه داخليًا هش وقلق.
المجتمع، بالسكوت أو التواطؤ، يسهّل استمرار الضر

العلاقة دى محتاجة وعى من الاب والمدرسة والمجتمع، ان مش
كل سلطة مقدسة هى سلطة الهية مُنزهة، لا يمكن محاسبتها ..

الام برغم مكانتها، ولكنها فى الاخر شخص ربما يكون مضطرب ومنحرف سلوكيا، ويحتاج لمراقبة وحاسبة،

"مش كل وَلىِ يصلح للولاية، ولا كل أم تقدر تقوم بدورها المقدس"

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

19/02/2026

نحمل تاريخًا عصبيًا موروثًا،
لكننا لسنا محكومين به .

الألم رفيق ... نعم ... لكنه ليس شريكًا.

هو يوقظنا، يذكرنا، يمر بجانبا… لكنه لا يحدد مسارنا.

نحن من نصنع المعنى من حياتنا، .

حتى في الرحلة العابرة، حتى في التسليّة المفيدة …
حتى فى حلقات المقامرة .. حتى وسط مجالس المنافقين
حتى فى اللقاء العابر الذى اسرنا ..
حتى فى اللحظة الفانية التى لم ينتهى أثرها ..

نعم نشعر، نتألم، ثم نختار أن نحوّل الألم إلى وعي لا إلى عائق.

لو آمنت أن الموت حياة، والحياة رحلة تُلح بالمغامرة، فكيف نخاف
من مجرد رفيق ينتهي بالموت؟

التجربة، الوعي، المعنى… كل ذلك لا يزول مع شكل جسدي أو ألم عابر. فإنه مستمر ، من نطفة لنطفة ..

لم تعد الإشكالية الأن فى العقل ، بل لإشكالية فى عقارب الساعة ،

التاريخ العصبي الموروث… التجارب الذاتية، والوراثة تعلمنا
لنكون،
لكن اختيارك، إدراكك، و وعيّك هي التي تحدد من أنت الآن.
انت لست مَن صنعوك .
أنت لست مجرد سلسلة موروثة،
بل نقطة انطلاق للوعي ، للحياة ذات المعنى،

وجدت تخلق أثر يتجاوز وجودك المادي، ويُصلح خطايا المذنبون
الراحلين من عقود وسنين،

أتيت لفكك لولب الظلال البشرية التى امتداد من أجيال سابقة بتجاربها،

وها أنا تأتى بكل حرية تقطع حلقاتها، التى ستظل، موجودة كمرشدين فقط
وليسوا قادة، لك، ربما أنت القائد الأول، او مَن بعدك، للأجيال القادمة ..

كن انت من يبدأ وينهى ما حدث ...

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

18/02/2026

أكتر حاجة بتقتل المتعة عند #النرجسي… إنك تبقي فاهمة
الاسكريبت بتاعه...

خلي بالكم على السحور 🌙 هيبدأ الفيلم الممل بتاعه
لحد بكره على الفطار 😂

وطوال الشهر الكريم🌙

ولأنك بقيتى فاهمة ده للاسف هتقتلى المتعه عنده 😀

هو بيعيد نفس المشهد كل مناسبة

و انتي بقيتي قاعدة في الكواليس بتقولي:

"آه دلوقتي هيقول كذا… أهو قال."

وده بيخلي الإحساس عندك يتحول من غضب »» لزهق

خلى بالك :
الغضب بيغذي اللعبة عنده.
الخوف بيغذي اللعبة عنده.
حتى الألم بيغذي اللعبة عنده.

لكن الملل والتجاهل !!

الملل بيموّت اللعبة.👌
التجاهل بيخَلص اللعبة. 👌
خليكى مَلانة وتجاهليه »» بس بالعقل مش استفزاز👌
الموضوع بسيط: تجاهل احترافي.

قوليلي…
هو لسه بيأثر فيكي؟
ولا بقى مجرد مسلسل معاد الحلقة ؟

وكل عام وانتم بخير .. رمضان كريم .. 🌙💥

والله يكون فى عونكم مع النرجسى من الليلة الى بعد
العيد 🙏

دُمتم سالمين 🫂💪

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

16/02/2026

وصلت للتو إلى ‏‏30 ألف‏ متابع‏ 🫂!
شكرًا على المساهمة في الدعم. لم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏ 🎈30,000🎈🎉🤗🙏

15/02/2026

فى #عالمـالعلاقاتـ #النرجسية القرود الطائرة، أعوان النرجسى
هم فحيح الأفعى ولدغتها، وشعلة النار فى كل علاقة
بين نرجسى وضحيته ..
فى #مسلسلـقسمةـعدل كرم وزوجته هم اعوان النرجسى وقروده الطائرة، زى ما قال الكتاب، هم أذرعه الخفية والعلنية لكسر الضحية
وابتزازها، وتشويها، حتى يستطيع النرجسى اعادة إحكام السيطرة عليها، وإخضاعها لمملكته النرجسية المريضة مرة اخرى ..

كرم و زوجته فى زيهم كثير واساسين فى كل علاقة نرجسية
سواء كان أخ، اخت، اخت زوج، زوجة اخ، ام، اب، اقرباء..

🛑 دورهم إيه هؤلاء القردة فى قصة كل نرجسى وضحيته؟!!

-نقل الأخبار من هنا »»» لهنا مع إضافة تحابيش لزوم المصلحة
او حسب الأهواء الشخصية ..
ـإرضاء النرجسى إبتغاء رضاءه، او خوفاً منه، او مقابل منه..
ـكراهية شخصية الضحية لإختلافها عنهم ..
ـشعور الحقد والغيرة والنقص الداخلى لدى هولاء القرود ..
ـ إقتناعهم باكاذيب النرجسى وشعورهم بواجب الدفاع عنه
لانه ضحية فى نظرهم ..
ـالشعور بالمسؤلية الزاىفه إتجاه الضحية، حتى لا تصبح
عبء عليهم، او فى مسؤليتهم فى الحقيقة ..
ـ إستغلالهم للنرجسى، واستغلال النرجسى لقناعاتهم
ومعتقداتهم الأصيلة ..

🛑 إيه اللى بيحرك القرود داخليا اتجاه الضحية، عشان يقوموا
بالدور المريض ده ؟!!!

بالنسبة لاخت الزوج اللى بتلعب الدور ده، او ام الزوج ، او الاخت
نفسها، أو إبنة الخال او العم، او الصديقة
👇
الست اللي أخوها اختارها وخيره ليها فى البداية،
الست اللى اتاخذ منها راعيها وتقديره كان ليها،
الست اللي أخدت مكانها في الأولوية والاهمية،
الست اللي ممكن يكون عندها قبول أو أنوثة أو استقرار
القردة الطائرة مفتقداه،
صورة "الزوجة المقبولة" اجتماعيًا عنها كانثى بتقوم بدور
فالحسد هنا مش بس على شخص الزوجة …
الحسد على الدور والمكانة والشعور..
👇
تعلق زائد (Emotional Enmeshment)
إحساس إنها شريكة النرجسى النفسية فقط
أو إن الزوجة أصبحت مصدر أمانه الوحيد
عندما يتزوج النرجسى… ده بتفسَّره داخليًا كـ "خيانة" أو "استبدال".
الغيرة هنا بتبقى طفولية جدًا في جذورها 👧
👇
الحقد وده مش شعور أساسي… هو طبقة فوق:
شعورها بعدم الاستحقاق
شعورها إنها أقل من الزوجة،
مقارنة مؤلمة داخل نفسها مع الزوجة،
بدل ما تواجه ألمها… بتسقطه على الزوجة،
الزوجة هنا "شماعة" علشان تواجه بيها إحساسها الداخلي بالنقص.
👇
حساسية شديدة من المقارنة
عقلية تنافسية مع الزوجة على المكانة،
إحساس إنها الأحق بكل شيء يخص النرجسى،
صعوبة تقبل فقدان السيطرة وفقد مكانتها .
👇
كل حدث صغير بيتفسَّر كتهديد لوضعها،
لو الزوج دافع عن زوجته = تأكيد إنها خسرت
لو الزوجة نجحت أو كانت هادية = تهديد صامت
لو البيت مستقر = دليل إنه "مش محتاج لها"
لو العلاقة ناجحة تشعر إنها فاشلة »» مننساش المقارنة .
فالغيرة بتتحول لعداء مستمر .

🛑 إيه اللى بتعمله من شغل قرود فى العلاقة ؟!!!
اللعب بينهم (النرجسى والزوجة) كوسيط مزيف :
بتوصل كلام محرّف، يوحى بالمعنين
إشعال الخلافات الصغيرة كوقود
إيحاء ان الزوجة إمراة لا تحترم
تشويه سمعة و مكانة الزوجة عند الزوج ومن حولها..
👈 النتيجة؟ الزوجة تبان المشكلة… وهي تفضل في صورة “الملاك” اللى يستحق الإحترام، والعطاء، والأحقية، والمكانة ..
👈 تبان أجمل .. أذكى .. اقرب .. أكثر تضحية .. مُنقذة
كأنها في سباق غير معلن، لكن أهدافه واضحة .
👈 إستحقاقية مفرطة ..
👈إسقاط نفسى (تتهم الزوجة بعيوبها هيا)
👈 عقلية ندرة (الحب محدود) يا دوب انا الاولى
فتعمل على أنهاء مكاونة و وجود الزوجة ..

🛑 النرجسى مستفاد إيه من القرود اللى زيها ؟!!
هي تغذي إحساسه إنه مظلوم ..
هو يعطيها مكانة “المدافعة عنه” ..
هى وسيلته واداته لكسر الضحية وإخضعها بشكل
غير مباشر ..
الاتنين يتفقوا ضمنيًا إن الزوجة هي المشكلة
وده بيخلق عزلة نفسية شديدة للزوجة، و وسيلة ضغط
على نفسيتها، وتشويش على حقيقة #النرجسى الموذية ..
يستفيد من التنافس (التثليث) الصراع عليه.
يستمتع بالإحساس إنه محور الصراع.
يفضل "محبوب من الاتنين".
الزوجة تفضل في وضع دفاع مستمر، والقردة فى وضع
هجوم مستمر بلا نهاية .

🛑 القردة بيعملوا إيه على ارض العلاقة !!
تحريض ناعم على الضحية .
🔹 تشويه غير مباشر للضحية
🔹 إظهار نفسهم الأقرب والأفهم للنرجسى
🔹 خلق مقارنة دائمة فى صالح القرد ،
🔷 التدخل بدون استئذان،
🔷 التدخل فى تفاصيل العلاقة
🎯 الهدف: تبقى موجودة في كل زاوية… حتى ما يبقاش في مساحة خاصة للزوجين..
🎯 الهدف: ضرب ثقة الزوجة بنفسها، وزرع فكرة إنها غير كافية.
🎯الهدف: كسب ثقة النرجسى وإثبات الولاء له والطاعة

🛑 اما القرود الرجال، الاخ، او الاب، او اخو الزوج، العم،
الخال، فبيكون طنطيتهم على شجرة العلاقة لأسباب
مختلفة .. يعنى
👇
شعور بالحمية الذكورية مع شبيهه (الزوج) الذكر ..
قناعة القرد بعدم أحقية الزوجة فى الإعتراض ..
الخوف من وصمة العار فى حالة الأنفصال
وتحمل مسؤليتها مجتمعياً ..
المصالح المشتركة بين القرد والزوج النرجسى ..
معتقدات ذكورية بحته ناتجة من تقاليد واعراف ..
الإسقاط النفسى على الزوجة خوفا من أن زوجتة
تاخذ نفس المنعطف فى رفض الزوج النرجسى ..
الشعور بالغضب من الزوجة فى شكل إزاحة على زوجة
النرجسى ..
إنكار ذكور أن الذكر لا يخطأ فهو من حقه يفعل والزوجة
تطيع فقط ..
الأفضلية الجنسية و الولاية الذكورية على الأنثى ..

❌ لو حياتك كضحية لعلاقة نرجسية فيها قرود طاىرة،
إعملى لهم الف حساب اكثر من النرجسى نفسه،
لأنهم الاذرع الخفية للنرجسى فى تدميرك الفعلى
وبجانبك او حتى بعيد عنك ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

11/02/2026

في #عالمـالعلاقاتـالنرجسية جمال فى #مسلسلـقسمةـعدل
هو النرجسى الخبيث زى ما قال الكتاب بالظبط 👌
هو مش بس نرجسى ، ده نرجسية مصحوبة بسمات:
معادية للمجتمع
سادية نفسية
استغلال ممنهج

تعالوا نعرف النرجسى الخبيث شكله إيه من خلال تصرفات جمال فى المسلسل ؟!!

1️⃣ حرم بناته ماديًا وضغط عليهم معنوياً للضغط على الأم
(الزوجة) عشان ترجع لما قررت تنفصل
ده مش غضب.
ده استخدام الأطفال كأداة عقاب،
الأب الغاضب ممكن يهمل »» لكن هنا فيه:
عقاب متعمد 👌
ربط الاحتياجات الأساسية لبناته من مصاريف المدرسة،
والدخول للنادى، ومصاريفهم الأساسية، وعلاج البنت المريضة، والاستمرار العيش فى بيتهم قصاد
رجوع الزوجة ليه »»» ده ابتزاز مادى، عاطفى، ونفسى مباشر
ده سلوك تحكم قهري مش مجرد أنانية،
والأهم إنه مُدرك اللى بيعمله وبيقول علنى لو رجعتى كل
ده ه‍يتحل !!!
خلو بالكم النرجسى بينظر للأبناء على أنهم اداة او أسلحة
يهزم بيها الزوجة، ولا يتعامل معهم على أنهم جزء منه ..

2️⃣ تشويه صورة (الزوجة) أمام:
أخواتها
بناتها
ده اسمه:
Triangulation + Smear Campaign
تقنيات كلاسيكية عند الشخصية النرجسية الخبيثة:
صناعة "قرود طائرة" من أهل الضحية عشان يكونوا أذرع فتاكة تفتك بالضحية وهو بعيد تماماً .. فيصبحوا جواسيس عليها
ينقلوا أخبارها، اذزع ضغط عشان يضغطوا عليها برغبات
النرجسى،
يعنى بيعرف يوصل للضحية، ويدمرها نفسياً وإجتماعياً، دون ان يظهر فى المشهد، عشان الضحية توصل لفكرة واحدة، ان هو الحماية ليها، ومفيش غيره يقبلها فى الحياة، لانها مرفوضة من اهلها،

ناجح إنه يخلق رواية موازية يقلب فيها الأدوار
(هو الضحية – هي المعتدية اللى بتهدم البيت)
وده بهدف : عزل الضحية نفسيًا واجتماعيًا عشان ترضخ للسيطرته ..
ودايما كلمته الشهيرة "انا بحاول أصلح وهى بتخرب"

3️⃣ نرجسية ذكورية مُعتدية :
كتب الفيلا (امان واستقرار بناته وزوجته) باسم الزوجة الثانية لأنها حامل بولد، حرمهم من حقهم فى الامان والاستقرار
برغم ان الزوجة الاولى طلبت قبل كده يكتب الفيلا باسم بناتها
ورفض رفض قاطع، لكن مع الزوجة الثانية وافق بسهولة

وده يكشف زاوية مهمة عند النرجسى 👌:

إن قيمة الشخص عنده مرتبطة بإشباع احتياجه فقط
الحب عنده = منفعة ليه فقط.
امتلاك مشروط بمصلحتى فقط .
اعطيك قصاد تشبع رغباتى واحتياجاتى .

محدش يسأل ثانى هو ليه كويس مع اخواته، زوجته الثانيه، عشيقته، وأنا كضحية "لاء" 👉

4️⃣ سلوك إجرامى نفسياً :
حرض على سرقة ذهب زوجته، عن طريق أخوها(قرد طائر) لإضعافها،
ده:
تخطيط لإيذاء مُتعمد .
كسر أمان مادي لإضعافها .
خلق أزمة مصطنعة هو اللى مدبرها، عشان يرجع يتحكم .
ده مش بس نرجسية…
ده سلوك إجرامي نفسيًا.

5️⃣ الخيانة المتكررة + عدم تحمل مسؤولية :
علاقاته النسائية كثيرة، برغم إهماله لمراته، وعدم تحمل
مسؤلية بناته، وإنشغاله بنفسه فقط،
ده يعكس:
استحقاق دون حق.
غياب شعور بالذنب.
سطحية عاطفية.
اعتمادية على الزوجة.

6️⃣ المنطقة الأخطر إعتياده الغش دون شعور بالذنب :
عارف انه بيستورد فراخ فاسدة، ومع ذلك بيقدمها فى المطعم
كوجبات بأغلى ثمن،
لأن:
مفيش ضمير مهني
مفيش تعاطف مع أذى محتمل
المكسب فوق حياة البشر
ده مؤشر قوي على:
سمات معادية للمجتمع (Antisocial) ..

7️⃣ اعتماده على الخداع والكذب والتدليس :
اتفق مع المحامى إنه يطلعه فقير معدم عشان ميقومش بالتزامه اتجاه زوجته وبناته مادياً، ويتحكم لها نفقة تناسبهم
وكمان بيقايضها انا لو رجعت مش هتتبهدل كده،
يعنى متعمد اذلالها واهانتها، وبهدلتها، عشان خرجت من تحت سيطرته ..

🛑 والكارثة ان #النرجسى يفعل كل شروره تحت شعار الحب
فى كل كلمة يقول لضحيته انا بعمل كده عشان بحبك وعايزك
ترجعى،
تخيلوا تبريره لأفعاله المريضة المؤذية، بيكون بدافع الحب !!

❌النرجسى بيعمل ايه فى الضحية اللى بترفضه :

✔️ استحقاق مرضي يصل الى تدمير الضحية ..
✔️ استغلال ممنهج لإخضاع الضحية لقبوله ..
✔️ انعدام التعاطف يصل الى تدمير الصحية نفسياً ومادياً
✔️ تشويه سمعة الضحية كإنتقام لرفضه، وضغط عليها مجتمعياً.
✔️ استخدام الأطفال كسلاح للضغط على الزوجة وإضعافها.
✔️ استهانة بسلامة الآخرين لغياب الضمير والشعور بالذنب .
✔️ قدرة على الكذب وبناء روايات لتبرير دنائت أفعاله .
✔️ تحكم مادي للسيطرة وإخضاع الجميع لتلبية إحتياجاته.

👈 هو ده النرجسية الخبيثة + سمات سيكوباتية وظيفية

مفيش نرجسى بعد الرفض او الانفصال لم يمارس كل انماط
الاذى
مع ضحيته بالشكل ده مع اختلاف كل قصة ..

متستغربوش إن شخصية زى كده ممكن تنجح ماديًا
لكن أخلاقيًا ونفسيًا إتأكدوا إن عنده فراغ عميق وذات هَشة

الضحية لما بتتحول لناجية، بتظهر حقيقة ذاته الهشة الضعيفة ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

09/02/2026

فى #عالمـالعلاقات بعد كثير من العلاقات على مدى حياتك،
غصب عنك ه‍تعيش شعور أنت مش فاهمه !!
شعور افتقادك لشيئ إنت مش عارفه لكن جواك عارف انك مفتقده !!
الشعور ده بيبقى عامل زي فراغ ليه صوت، بس ملوش اسم.
مش حُزن صريح، ومش اشتياق لشخص واضح…
يمكن حنين لشيء ما حصلش،
أو حصل واتاخد منك بدري.

أكتر حاجة بتوجع في الشعور ده إنك:
حاسس إن في حاجة ناقصة
بس مش عارف تحط إيدك عليها، جواك يقين إنها حاجة
كانت حقك
في يوم من الأيام، بس إيه هى مش عارف !!..

أحيانًا بيطلع الشعور ده من:
احتياج قديم ما اتشبعش ..
أمان ما اكتملش ..
حُب كنت مستنيه أكتر ما أخدته ..
أو نسخة منك ما عاشتش زي ما كانت تستاهل.

وبيفضل الشعور جواك كده…
مش بيطلب حاجة محددة،
بس بيقول: “أنا هنا… ما تنسانيش.”

الإحساس ده مش عايز حلول،
هو عايز يُسأل:
"إنت تعبت من إيه؟"

مش: ليه أنا كده ❌
ولا: المفروض أبقى أحسن❌

سوال منك »»» يا جوايا ، إيه اللي أنهكك؟

وغالبًا هتلاقي الإجابة حاجة زي:
طول الصبر،
كثرة الفهم،
كتم الاحتياج،
إنك دايمًا القوي،
أو إنك مبتطلبـش ..

هو صوت داخلي بيقول: "أنا عايز أعيش وأنا موجود، مش بس شغال."

وعيك بإن اللى اتاخد منك ومارجعش مش حاجة واحدة،
هو حاجات اتاخدت على فترات لحد ما بقى الغياب طبيعي.
خليني أقولها لك بهدوء ومن غير تجميل:
اتاخد منك الحق إنك تكوني محتاج،
اتعودت تكون اللي تحتوي،
واللي تستوعب،
واللي تعذر،
واللي تقوم تاني.

وفى كل ده محدش وقف وقال لك:
"طب وإنتِ أخبارك إيه ؟"

اتاخد منك الشغف البسيط، مش الأحلام الكبيرة
لكن الحاجات الصغيرة اللي كانت تفرّحك: الاندفاع
الفضول
اللهفة
الإحساس إن بكرة ممكن يكون حلو عادي

دلوقتي: لا وحش
ولا حلو
بس… باهت.
وده أصعب من الحزن.

احساس ان اتاخد منك الإحساس إنك مُختار
وده خلّى فيك سؤال ساكت:
" هو أنا مطلوب… ولا مفروض؟"
"هو " إيه اللى إتاخد منى، مين اللى أخد !! "

الحقيقة :

اللي أخد منك… مش شخص واحد، مش حاجة
اللى أخد منك ترااااكم.

و خليني أقرّب الصورة أكتر 👇
جزء منها أخدوه ناس محتاجة أكتر مما قادرة تعطيك
ناس:
ارتاحت على فهمك ليهم ..
احتمت بقوتك اللى بيشيل ضعفهم ..
استندت على صبرك على أنانيتهم ..

من غير ما يسألوا : ده مكلّفك إيه؟!!!
مش لأنهم أشرار،
لكن لأنك كنت دايمًا بتقول: ماشي… أقدر .. أفوت .. أكبر
أعدى .. يمكن .. أحاول .. أستحمل ..

جزء منها أخدته علاقات كنت فيها المصدر مش الشريك
إنت اللي تحتوي ..
إنت اللي تبرّر ..
إنت اللي تصلّح ..
إنت اللي تكمّل الناقص ..
ومع الوقت …
بقيت موجود عشان تقوم بوظيفة ..
مش عشان وجودك كافى ..

جزء كبير… أخدته نسختك القوية
آه…
إنت نفسك.
النسخة اللي قالت:
لازم أستحمل
ما ينفعش أطلب
لو ضعفت هقع
القوة أمان ..

انت حسيت باللى اتأخد وحزنت، لما اللى تاخد محدش رجّعه.
لما:
وجعك اتشاف واتعدّى ..
تعبك اتفهم واتساب ..
صمتك اتفسّر على إنه رضا ..
الغياب اللي ما حدش سأل عنه…

وده يولّد الحسرة.
الحسرة مش على الماضي..
الحسرة على نفسك..
على اللي كان ممكن يحصل لو حد واحد بس قال:
"استني… إنتِ كفاية." وما حصلش
" الحسرة عليك، وعلى اللي ما عرفش يحافظ"

كل ده إتحول لفقد معنى وجودك ،
عشان كده بقيت مُرهق ممتلئ بالفراغ
شغال لكن مش موجود

وعشان تبقى واعى باللى جواك، إفهم إن المرحلة دي اسمها:
"فراغ مُرهق"
هو الوقوف بين نسختين نسخة استُهلكت
ونسخة لسه ما اتولدتش
إنت عايش وحدة كانت رحم
مش بيت.
وده مكان مخيف ..

"وحدة" عَملت اللي عليها:
كشفتك لنفسك ..
لمّت شتاتك ..
رجّعت لك صوتك ..
خلّتك تشوف عمقك من غير تشويش ..

لكن الوجع اللى جواك ده ابتدى لما حاولت تعيش في الرحم
وإنتِ خلاص اتكوّنت..

عشان الحقيقية، بتقول
الرحم بيحضّن عشان يخلّق، مش عشان يسكّن فيه.

إنت وصلت

“أنك كفاية… بس مش معمول تعيش لوحدك.”
" برّه لسه ما فيش بيت، وجوّه ما بقاش ينفع "

خد الجملة دي وخلّيها معاك شوية:

أنا مش بخون نفسي لما أحتاج غيري.
أنا بكمّل خلقتها..

أنا ممكن ما القيش نفسي فيك .. لكن ممكن أللاقى لغتي معاك،
أنا أستحق الحضور .. س مش عند أي حد، ولا بأي تمن.
العلاقات الأمنة ممكن توفر بيت يتسكن فيه،
كل اللى عليك الفترة دى مش تعيش الوحدة، لكن تدور على بيت
تسكن فيه، منغير ما تدفع كثير ...

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

07/02/2026

فى #عالمـالعلاقات فى العلاقات #النرجسية بالأخص وفى
العموم تلاقى محور الأذى كله بيكون سببه رفض
طرف »» الرجوع »» للطرف الثانى،
فبيكون رفض العلاقة والشخص زِر إطلاق النار، وبداية التشويه النفسى والمعنوى، وبداية الحرب من الطرف المرفوض (الزوج)
ضد الطرف الرافض (الزوجة)

🛑 فى #العلاقاتـالزوجية لما الزوجة بترفض الرجوع محدش
بيكون عايز يفهم
إنها رفضت لإنها فهمت حاجة مهمة:
الرجوع من غير تغيير = تكرار الأذى
الرجوع منغير تقدير وامان = عدم إستقرار

هي ما بترفضش الزوج كشخص… هي بترفض النسخة اللي بتكسرها..
النسخة اللى بتهز سلامها واحترامها لنفسها ..
النسخة اللى هدمت أمانها وقوتها عشان تقدر تكمل وتحافظ
على الاستقرار ..

‼️ محدش فكر إزاى ممكن ترجع لرجل هى فقدت إحترامها
ليه ؟!!
‼️محدش حاول يقوله إتغير وخليك قد المسؤلية وخليك سمد حقيقى ليها، او إقبل الرفض وسيبها تمشى .

👈 هو نفسه(الزوج) ما بيحاولش يغير من نفسه، برغم إنه عارف
عيوبه، اللى هدمت كيان العلاقة !!

🛑 مشكلة أزواج كثير شخصيتهم معجونة بالأنانية و الكبر
والإستغلال، وعدم اللامبالاة بإحتياج زوجاتهم
بيفتكروا بعد كل تخلى، وإهانة، وتشوبه، واذى
إن الزوجة اخرها، تهديد، تجريد من الحقوق، وكلمتين كذب،
ومحاولة زائفة بالإعتذار، ثمن
إنها ترجع عن قرار رفضها ليه
وبينسوا إن اللى إتربت فى بيت أبوها شبعانة إحترام لنفسها
وتقدير لقيمتها، وإدراكها لمعنى المسؤلية،مش زى اللى اتربى فى بيت ابوه جعان للقيمة والإحترام، والمَرجلة الحقيقية ...

فى #مسلسلـقسمةـعدل
كانت علاقة زوجية شكلها يبدو مستقر شكلياً، لكن تحت السطح بِركة راكدة من عدم الالتزام، والأنانية، وعدم مسؤلية، وعدم تقدير، والخيانة ..
لكن كمان كان فى إستمرارية عشان الحياة تستمر و الأسرة تحافظ على كيانها..
لكن فى لحظة لما شعرت الزوجة بالتخلى، وعدم الأمان، وان زوجها لايصلح ان يكون سند وأمان ليها، لاء دى كمان كان ورقة ضغط عليها بتحاول تقيدها وبتساعد على تجردها من حقوقها،

»»» بدأت المهزلة ...

والمهزلة دايما بتبدأ بعد ما الزوجة تقول “مش راجعة”،
يتضغط عليها لمجرد انها رفضت تكمل، والضغوط اللى بتتضغط على أى زوجة مصممة على رفض الرجوع

1️⃣ ضغط الذنب »»» يتلعب على وتر:

“إنتِ بتخربي بيتك بإيدك”
“أنتِ كده أنانية”
"بتظلمى ولادك "
👈 كأنها السبب في الفشل، مش رد فعل على أذى طويل.

2️⃣ ضغط الاستنزاف النفسي :

شد وجذب بين إهانات وتهديدات، ثم كلام متناقض
ثم تليين بعد قسوة، ثم محاولات إنها تشك في نفسها
كل ده عشان يخليها تشك فى نفسها و تحس:
هو أنا قاسية؟
هو أنا متسرعة؟
أستحمل شوية يمكن؟
👈 وده ضغط خبيث بيبدل الأدوار ويجعل المؤذى ضحية، والمأذى هو المستبد .

3️⃣ ضغط الالتفاف على قرارها فقط للرجوع

" ارجعي علشان الوضع يستقر وحياتكم تستقر”…
مش “ هو كزوج فاهم غلطته ومستعد يتغير”

"إرجعى وربنا يسهل ويتغير " »» وعد من غير فعل
ترجع من غير ما يتغيّر »» اقبلى انانيته وعدم مسؤليته.
👈 تُجبر الزوجة على قبول العيوب عشان الرجل مينفعش يتغير هى اللى تغَير من نفسها وتقبل الأذى .

4️⃣ ضغط المجتمع :

رسائل مباشرة وغير مباشرة:
“الست تستحمل أى حاجة”
“الطلاق وصمة عار ”
“الرجالة كده إقبلى واسكتى”
👈 تتحطّ في خانة: الست اللي رفضت تكمل لأنها بتتبطر … مش اللي اتأذت وصبرت وإستحملت لما طاقتها خلصت .

5️⃣ ضغط تحجيم ألمها :

تقليل من الأذى اللي عاشته
كأن تعبها “مبالغ فيه”
أو “مش مستاهل طلاق”
👈 وده معناه: وجعك مش معترف بيه، إنت فاشلة لانك مكملتيش إستحمال .

6️⃣ الضغط الأخطر: قلب الأدوار والابتزاز العاطفى:
فجأة بقى:
هو الضحية »»» هي القاسية
وهو “عايز يصلّح” »»» هي “رافضة الخير”
👈 ده تشويه نفسي صعب، وزيف للحقيقة، ومدخل لضغط مجتمعى ونفسى بيهزم الضحية لو عندها هشاشة نفسية.

7️⃣ ضغط تشويه السمعة والإذلال:

تحريض الجميع ضدها »»» عشان تشعر بالنبذ والوحدة
الضغط على إخواتها بحرمانها من ورثها »» عشان تكون فى
إحتياج ليه ..
التخلى عنها »» معاه دليل برأتها وتركها تتحبس وتتبهدل
وهو واقف ساكت .

‼️ محدش فى كل ده سأل الزوجة ليه رفضت ترجع؟

الكل بيهاجىها، بيتهمها، بيضغط عليها، لمجرد انها متنفعش
ترفض، وكإن هى الطرف اللى المفروض عليه يتنازل ومش
من حقه يقول "لاء" عشان استقرار البيت ..

🛑 القصة مش استقرار ، القصة ثقافة مشوهة بتقول ان الرفض
مرفوض حتى لو فيه أمان حقيقى للطرف الثانى ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

01/02/2026

فى #عالمـالعلاقات فى جروح من علاقات المفروض تكون مصدر الأمان لنا، لكنها تصبح مصدر تهديد لوجودنا، دون ان ندرك، انها مصدر
قناعتنا ان " العالم مكان غير آمن " ..
قوة #مسلسلـالبطل إن شخصياته نابعة من جرح واحد،
هو "جرح الأب" لكن الترجمة النفسية للجرح ده مختلفة عند
كل شخصية.
وخلينا نمسكها بهدوء 👇

👈 اولًا: العامل المشترك بينهم الثلاثة (صلاح – دنيا – المحروق)
جرح الأب اللى بيساوى جرح القيمة والأمان ..

الثلاثة اشتركوا في الجرح مع إختلاف نوعه :
أب/ متسلط/ مُهين/ قاسى / مخيف / غير مُحتوٍى
النتيجة = ➜ "لازم أكون قوي/مفيد/مسيطر عشان ما أتهانش"
غياب أب فعليًا أو نفسيًا
النتيجة = ➜ "أنا محتاج أستحق الحب/ محتاح الآمان"

لكن…
👈 كل واحد من الشخصيات فيهم إتشكل الجرح جواه بشكل
مختلف، وده اللى جعل كل واحد فيهم يختار آلية دفاع مختلفة.
حسب الأثر النفسى والقناعات اللى سبها الجرح ده ..

🥷 صلاح 💔 "جرح الأب المتسلط"
شكله إيه؟!!!!!!!!
👈 اب فى شكل اوامر ونواهي = "أنا عارف مصلحتك”.
أب يقسو باسم التربية = مشاعر الطفل مش مهمة.
أب بيصرخ مفيش إنجاز مفيش قبول = الحب المشروط.

⬅️ الرسالة النفسية للطفل:
الخضوع = قبول »»» الطاعة أمان”
إقمع عاطفتك = مشاعرك ملهاش قيمة »»» التعبير عن المشاعر
ضعف
حبه مشروط »»» منغير انجاز ماليش قيمة عنده ..

💔 بيطلع الابن إزاى الاثر النفسى يعنى ؟!!!!

شخص مسؤول زيادة عن اللزوم/ صعب يطلب مساعدة .
جلد ذاتي قوي= انا المسؤل ، انا السبب.
يا إما مستسلم / يا إما تمرد بعنف على أى سلطة.
السيطرة= القوة / المشاعر = ضعف
الحب = ثمن لازم يدفع = تضحية بإحتاجاتى النفسية.
آلية الدفاع:
🔹 التحول إلى الأب نفسه المسيطر، الناقد .
لا يسمح لنفسه يضعف⬅️ لازم إنجاز = ليا قيمة.
نَقد ولوم ⬅️ جلد ذات دائم وأبدى

💔 قناعات صلاح :
“لو وقعت، محدش هيشيلني” "لازم اكون قوى"
"لازم اضحى عشان أستحق الحب"
"لازم أنجاز عشان اكون مقبول وأتشاف غير كده مليش
قيمة "
“الراجل اللى يشيل” ⬅️ بس من غير ما يطلب او يتوجع .
"اى سلطة بقابلها عايزة تتحكم فيا عشان تذلنى وتهينى"
"لو إنهارت وإنسحبت أنا مش راجل أنا ضعيف وجبان"
عشان كده ⬅️ بيحمى غيره ويضحى بنفسه
بيدخل معارك مش بتاعته عشان يقول انا موجود ..........................

🖤 المحروق – جرح الأب المهين ..
شكله إيه ؟!!!!
👈 أب مُهين، بيكسر “إنت فاشل / غبى / ما بتفهمش”
سخرية/ مقارنة/ تكسير ثقة/ عنيف لفظيًا أو نفسيًا
بيضرب/ بيحرق/ الحب شبه معدوم.

⬅️ الرسالة النفسية للطفل:
“قيمتى قليلة… وأنا مش كفاية”
الشعور بالعيب/العار ⬅️ إحساس داخلي إن فيّ حاجة غلط
حرمان العاطفي = محدش هيحبني بجد⬅️ مفيش تعاطف
تعويض مفرط= يا إما أذل نفسى، يا إما أبقى قاسى ومسيطر.
شعور بالدونية = رغبة في الانتقام من النسخة القديمة من نفسه
غبعاقب الاخرين .

🖤 بيطلع الابن إزاى؟!!!!
شخص عدواني/مخيف/ صعوبة شديدة في الثقة
غضب مكبوت أو انفجارا/ عنف = حماية

🖤 قناعاته المحروق :
🔹 التحول للظل (الشر) = إختار القسوة = إختار التخويف
لأن الضعف عنده = موت
" إقتل الطفل اللى اتكسر جواك خليك وحَش" ..
"خافوا منى عشان محدش يقرب "..
" مش هتأذى ثانى حتى لو ه‍موت اللى قدامى"
"إفقد إنسانيتك = بقى أسير غضبه"...........................

❣️ دنيا – جرح الأب الغائب/غير الآمن
شكله إيه ؟!!!
👈 اب مش موجود وقت الاحتياج/ بارد، مش داعم
موجود لكن “مش شايف”/ رافض / متخلى ..
⬅️ الرسالة النفسية للطفل:
الهجر = "محدش مضمون… وأنا لوحدي”
حرمان العاطفي = احتياج للحب لكن مع شك فيه ..
التخلى = أنا غير كافية لا استحق الحب ..
الاتكال أو الاستقلال الزائف = مفيش آمان ..

❣️ بيطلع الابن إزاى؟!!!!!

قلق في العلاقات/ قلق وخوف من التعلق..
يا إما تعلّق مرضي/ يا إما انسحاب كامل ..
الإستقلالية المرضية = تجنب العلاقات ..
يقظة مفرطة = السيطرة على كل شيئ أمان"

❣️ قناعات "دنيا" :
" قلبى مفتوح… لكن عقلى واقف حارس
" انا مش كفاية انا ما أستحقش الحب "
“لو حبيت بزيادة… ممكن أضيع”
" هو هيكمل معايا ولا ه‍يتخلى عنى زي أبويا"
"مفيش حد يستحق ثقتى "

🛑 الخلاصة النفسية العميقة "لجرح الأب"
الأب مش بس “شخص" »»» الأب هو أول سلطة
وأول مرآة يقولك »»» إنت مين/ تستاهل إيه؟
العالم أمان ولا تهديد ..

❌ لو المرآة اتكسرت إيه اللى بيحصل ؟!!!
الطفل يكبر وهو بيحاول يصلّحها/ أو يهرب منها
أو ينتقم/ او يخضع وينسحب

🟦 التلاث شخصيات ولاد نفس الألم …
الجرح واحد، لكن الترجمة النفسية مختلفة عند كل شخصية.
🥷 واحد بقى بطل ( يبحث عن المثالية)
🖤واحد بقى وحش(شرير يشعر بالدونية) ..
❣️واحدة بقت باحثة عن أمان( متجنبة للحب) ..
الاب علاقة آمان بتخلق تواصل آمن بين الشخص وعالمه
لو بقت تهديد أصبح العالم مكان غير آااااااااااامن ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

Noha samy relationship coach

22/02/2026

21/02/2026

19/02/2026

18/02/2026

16/02/2026

15/02/2026

11/02/2026

09/02/2026

07/02/2026

01/02/2026

Address

Telephone

Website

Alerts

Contact The Practice

Shortcuts

Share

Category