18/04/2026
فى #عالمـالعلاقات »»العلاقات العاطفية مش لقاء عابر بين
قلبين💞
ولا لحظات حلوة بنحاول نمدّها فتعيش أكتر.
دي سَكن… وسُكنىّ… وأساس بنرتاح عليه من تعب الأيام
وبهدلة الحياة فينا ..
بس أحيانًا… إحنا مش بنختار السَكن المناسب،
إحنا بنهرب للسكن اللى فاكرينه أفضل بالسُكنى،
زى العنكبوت 🕷️اللى بيبنى بيت🕸️
على حيطان مش بتاعته، عارف أن خيوطه اللى بينسجها
وهنة وخايبة وضعيفة ..
تصطاد لكن عمرها ما تعمل عِش ..
كثير منا بندخل العلاقة وإحنا شايلين فراغات جوانا،
ونتوهّم إن مجرد المشاركة هتملّيها …
وإن وجود حد جنبنا كفاية يعوض اللي ناقص فينا.
فنتمسّك بإحساس مؤقت،
ونبني عليه أمل كبير،
لحد ما نكتشف إن اللي اتبنى… كان قائم على
احتياج، مش اختيار.
وساعتها… السكن ما يبقاش راحة،
يبقى محاولة مستمرة للترميم في حيطان مش ثابتة.
ويمكن الأوجع مش في الاختيار الغلط بس…
لكن في إننا نخضع لتلاعب حد سَكن معانا
هو كمان بيدوّر يعوض نقصه… لكن بأذيتنا.
حد شايف نقط ضعفنا كويس،
وعارف إن جوانا أماكن مكسورة من زمان…
زي عفش قديم مهلوك،
أول ما تقعد عليه… يقع بك.
فتقع…
وتتعور…
بس التعويرة مش في الجسم…
التعويرة في القلب.
وفيه نوع أخطر … تعويرتهم فى الروح والعقل
الناس اللى بتبيعلك وهم الأمان،
تديك “عقد ملكية” بكلام معسول،
و وقت طويل كله أحلام واوهام
وهم في الحقيقة مستأجرين مؤقتين، وعارفين
كده من البداية …
ناوين يدخلوا حياتك من غير نية استقرار،
يعيشوا على حساب مشاعرك،
ولما يزهقوا… يمشوا،
سايبينك تدفع تمن اللي اتكسر.
دول بالذات ما بيدفعوش إيجار…
دول بيسيبوا فواتير نفسية.
وده مش معناه ان العلاقات الناجحة مش اللي مفيهاش وجع…
لكن هى اللي مفيهاش استغلال للوجع.
مفهاش عقود ملكية مزيفة او مؤقته ..
عشان كده…
ما تدخلش أي حد حياتك بدور “مالك”
قبل ما تتأكد إنه يعرف يعني إيه مسؤولية السكن.
اسأل:
هل بيحتوي… ولا بيستهلك؟
هل بيبني… ولا بيستغل؟
عنكبوت🕷️... ولا نحلة🐝
لأنك مش محتاج حد يديك وعد بالبيت…
إنت محتاج حد… ما يهدّش البيت على اللي باقي منك."
مش محتاج خيوط .. محتاج مملكة ..
و زي ما قال "نيتشه"
"ليس غياب الحب، بل غياب الصداقة هو ما يجعل العلاقة تعيسًة."
العلاقة العاطفية اللى مليانة ومبنية، ومتغذية ثقة وآمان وإستقرار
و وضوح وإختلاف مش خلاف »»» هى احسن العلاقات اللى
تحييك وتعيد ترميمك ...
#دنياـالعلاقات
#الشخصيةـالنرجسبة #النرجسى #الامـالنرجسبة
#عالمـالعلاقات
