مدرسة الجراحه النفسية

29/09/2024

إيمانا منٓا بضرورة نشر الوعى المجتمعى وأن الصحة النفسية هى مفتاح أى نجاح فى الحياة .
تعلن مدرسة الجراحة النفسية عن إعادة فتح باب التسجيل لمبادرة ( الدعم النفسى ) المُدعٌمة .
المبادرة تقدم جلسات دعم نفسى مجانا لطلبة المدارس والجامعات ، وجلسات مُدعٌمة بسعر رمزى لغير الطلبة .
المبادرة ستستمر لمدة ثلاثة أشهر بداية من شهر أكتوبر وحتى نهاية شهر ديسمبر .
للتواصل والاشتراك فى المبادرة
Wa.me/+201000039440

07/09/2024

كورس لعبة المال
احنا كعرب اغنياء بافكارنا و مواهبنا حقيقي عندنا ثروة مش عارفين نستغلها بسبب البرمجيات اللي اتبرمجنا عليها اللي بسببها مخليانا نعيش في وعي الفقر و طول الوقت بنلف في دايرة محتاج فلوس عشان أسد احتياجات الأساسية.
احساسي ان دلوقتي الوقت المناسب اننا نخرج برة وعي الفقر و ندخل جوة وعي الغنى.
-الكورس هيساعدك تغير أفكارك و برمجياتك عن المال اللي من خلالها ممكن تبدأ اول طريق الثراء المالي من خلال مفهومه المعنوي و الفكري و المادي.
-الكورس هيكون اكتر من دورة و هيكون فيه تدريبات عملية من خلالها هنقدر نتعرف على الجزء الخفي جوانا و نقط النقص اللي جوانا و نطلعها على السطح و نحررها. و عشان اساعدكو اكتر تتعمقو داخل نفسكو هيكون في جلسة مجانية في آخر الكورس.
نيتي من الكورس:
زيادة الوعي العربي بمفهوم سيكولوجية المال و تغيير برمجياته و علاقته بالمال و يكون بداية طريق الثراء المالي.
تابعو الصفحه واستنو تفاصيل اكتر عن الكورس ومعاد الكورس

https://youtube.com/?si=ULpUsv8-bFvcMU_f

28/08/2024

10/08/2024

التمسك بالماضي
ليه ممكن حد يتمسك بألم الماضي باوجاعه و ذكرياته
علي رأي الدحيح (انت مش مسؤول عن احداث الماضي بس مسؤول عن التعافي من الماضي.)
عشان تطور لازم تتعلم التخلي و التسليم.
ممكن الماضي كان بيخدمك زمان بس دلوقتي بيعطلك.
الاختيار في ايدك يا تنوي تتخلي يا تفضل متمسك ...
في اكتر من نقطة تخليك تتمسك
١-وعي الضحية و عدم تحمل المسؤولية
٢-هروب من الجانب المظلم جوايا
٣-ان يكون الألم مصدر امان بالنسبالي معرفش غيره فا خلينا في اللي نعرفه احسن.
٤-خوف من المستقبل.
٥-خوف من المواجهة و الفشل من التغيير.
لو اتعرض عليك تشوف النسخة المظلمة منك هل هتفتح الباب و تواجه ولا هتقفل الباب و تبني باب حديد و إقفال اكتر و تقرر منشوفهاش لحد متكبر اكتر و اكتر؟
طريق التشافي محتاج مواجهة واحدة واحدة هتطلع للنور شويه هتلاقي نفسك بترجع لورا و شوية هتلاقي نفسك بتطلع لقدام.
هتطلع السلم ١٠ خطوات بس ممكن تنزل خطوتين تحت تعافي الماضي بس يوم متطلع تاني هتطلع ٤ خطوات و تعوض اللي انت نزلتهم.
الرجوع لورا عمره ماكان بيضر بالعكس دا عشان تعافي أجزاء منك اللي محتاجة معافاه.
تقبل نفسك بحلوها و مرها و خلي نيتك و هدفك واضح قدامك عشان لو توهت ترجع تاني لطريقك.
الطريق بيبدأ بالنية اطلق نيتك و استقبل تدابير الخلاق.

10/08/2024

إمتى بنقول (لا)
(لا) كلمة معناها إنك مش موافق على طلب معين ،إنك مش عاوز حاجة معينه
طيب بنقولها إمتى ؟
بنقولها اما حد يطلب مننا طلب وإحنا مش عاوزين نعمله
طيب انت بتعرف تقول (لا) ؟
لا مبعرفش .
طيب ايه اللى بيمنعك تقول (لا) ؟
خوف أو تأنيب .
إنا بأنب نفسى أو بخاف من تأنيب الناس ليا .
طيب إيه رأيك لو تتعلم تقول (لا) من غير ما تكون خايف من تأنيبك لنفسك أو تأنيب الآخر ليك .
ده هنتعلمه مع بعض فى ورشة كيف تصنع حدودا




#ورشه

05/08/2024

ادراك الفكرة و عكسها....
الإدراك دا معطل كبيير في حياة الشخص.
الإدراك دا بيجي ازاي؟
هي عبارة عن صدمة أدركت فيها مشاعر معينة بس السلوك عكس المشاعر دي.
لما مصدر القدوة بالنسبالي و التقديس يعمل عكس الصورة اللي انا شايفها...
بيحبني بس بيضربني..
متدين بس بيسرق...
الإدراك دا بيخليك تشك في كل حاجة اولهم نفسك.
تخيل حجم الألم اللي الشخص دا بيكون عايشه في يومه سينسور الصح و الغلط مبقاش موثوق فيه.
ادراك متعب جدا بيولد مشاعر القلق و الخوف و التوهان....
بيخليك كل ما تقرر تمشي في طريق تلف و ترجع عكسه و تجرب طريق تاني.
طيب لو فعلا عندنا الإدراك دا هنعمل ايه؟
عشان تتأكد من اي طريق لازم نجربه ...الاستمرار في الطريق اللي انت محدده هو الفيصل بالنسبالك .
وضع الهدف بوضوح مع يقين ان انا بسعي و هتعلم من الطريق دا حتي لو مكنش صح .
وضع احتمالات كتير للطريق عشان مش من اول مطب نلف و نرجع.
فحص أفكارنا هي نابعة منين خطوة مهمة جدا و تشتغل عليها.
الطريق هيبين نقط ضعفنا و قوتنا .نستغل دا و نطور نفسنا.
الوصول للهدف هو رحلة بنخوضها و هيتحقق لما نكون مستعدين ليه و اتعلمنا كل اللي احنا محتاجينه عشان لما نوصل ميضعش مننا.
ركز في الطريق و استمتع باحلا ما في اللحظة حتي لو فيه ألم....

04/08/2024

فى مواقف كتير بنمر بيها بنتصرف تصرفات تجاه اشخاص موجودين فى حياتنا ونرجع نندم عليها
وقت من نحس بعدم تقدير من الاشخاص دول
طيب انت عارف انت كنت بتعمل كده ليه ؟
هو ده اللى هنتعلمه مع بعض فى ورشة كيف تصنع حدودا
انضموا لينا من خلال جروب الواتساب فى اول كومنت

01/08/2024

كام مره حد طلب منك حاجه انت مش قادر تعملها وقلت حاضر
كام مره جيت على نفسك علشان الدنيا تمشى .
كام مره حسيت انك مش مرتاح فى المكان اللى انت فيه بس فضلت تفضل ساكت وموجود مكانك.
ها …افتكرت كام موقف على كل سؤال؟ كتير مش كده
طيب أيه رأيك اللى أنت بتيجى على نفسك فيه علشان الدنيا تمشى ،طلع الدنيا مش بتمشى ولا حاجه .
كل اللى بيحصل إن أنت بتتحمل فوق طاقتك وفى النهاية
يا الدنيا تتعقد لإنك مش قادر تستحمل اكتر من كده
يا اما العلاقات دى بتنهار .
وايه السبب يا ترى فى كل اللى بيحصل ده ؟
لأن حضرتك مش عامل لنفسك حدود .
طيب يا ترى ايه هى الحدود ، وازاى بتحافظ على علاقتنا وتحميها وتخليها علاقه متوازنة وصحية لجميع الأطراف
ده اللى هنتعلمه مع بعض فى ورشه لمدة ٣ ساعات
حضور أو أونلاين
لمزيد من التفاصيل برجاء الانضمام لجروب الواتساب
فى اول كومنت



#ورشه

18/07/2024

كملتى ٤٠ او ٥٠ سنة وحاسة ان العمر جرى بسرعة من غير متحسى بيه

-حاسة ان ولادك كبروا والدنيا فضيت فجأة من حواليكى

-حاسة انك قدمتى كتيرررر لكل اللى حواليكى واكتشفتى ان الشخص الوحيد اللى نسيتيه فى دوامة الحياه هو نفسك

-حاسة كإنك كنتى راكبة قطر وعمال يجرررى بيكى وفجأة وصل لاخر محطة ونزلك فى مكان غريب عليكى ومتعرفيهوش وحسيتى بالوحدة والغربة

-حاسة انك خلصتى كل المهام بتاعتك ومش عارفة ايه اللى هتعمليه فى المرحلة اللى جاية فى حياتك

طيب ادركتى كل دا وقررتى انك تغيرى من حياتك او تتعلمى حاجة جديدة ولكن فيه اصوات من جواكى او تعليقات من اللى حواليكى بتقولك بقى بعد ماشاب ودوه الكتاب ..او احنا بننهى الحياة مش بنبتديها او غيرها من العبارات المحبطة

لو انتى فى المرحلة دى وعندك احاسيس من اللى فوق دى 👆
انضمى لورشة انتى وازمة منتصف العمر
وعلشان تعرفى تفاصيل اكتر انضمى لجروب الواتس اب فى اول تعليق