Mina Uro Clinics - عيادات الدكتور مينا ناجح لجراحات المسالك البولية

11/12/2025

Another case of radical nephroureterectomy with bladder cuff
الحالة دي ليها قصة طويلة شوية لان تشخيصها كان صعب انما تحليل شكوي العيان اول باول و عدم الاستهتار بكلامه كان هو مفتاح تشخيص الحالة اللي اعراضها كانت بعيدة تماما عن الاعراض المعتادة لمرضي اورام المجري البولي

المريضة حضرت في الاول كل اللي بتعاني منه ارتفاع بدرجة الحرارة و الم بالجانب الايسر
تم وصف العلاج و تحسنت الحرارة و تم عمل اشعة مقطعية علي المسالك اللي وضحت مجرد انسداد بسيط بالحالب الايسر و مذكرش وجود اي اورام
تحسن الالتهاب و الوجع و عدنا السونار بعدها لقينا لسه درجة الانسداد موجودة المريضة مدتش اي تاريخ مرضي لحصوات قبل كدا
و عبقرية استاذنا الاستاذ الدكتور Emad Ramsis Farid في السونار زكرلنا ان في تخانة في جدار الحزء الاسفل من الحالب
تم اتخاذ قرار عمل منظار حالب ايسر تشخيصي و تركيب دعامة
المنظار وضح وجود ورم اسفل الحااب تم اخذ عينة و اضحت وجود ورم سرطاني اسفل الحالب
تم تحضير المريضة للعملية و تم عمل عملية استئصال جذري للكلية اليسري و الحالب الايسر و جزء من المثانة
مرت العملية بنجاح المريضة احتاجت ليومين اقامة فقط
خرجت بعدها بصحة جيدة جدا نشكر ربنا
نشكر مستشفى مارمينا - طاحونة البابا كيرلس علي المجهود الجبار للفريق الطبي بالمستشفي

A case of lt radical nephroureterctomy with bladder cuff

الاهتمام باعراض البول و خاصة النزيف البولي و انسداد الكلي و ارتفاع درجة الحرارة نتيجة انسداد الكلي من اهم الاعراض التي يجب احترامها و استشارة جراح المسالك فورا
منتظرين استفسارات حضراتكم
٠١٢١٢٦٥٣٤٩١
٠١٢٨٥٣٤٥٦٢٠

عيادة شبرا
٦٨ ش شبرا
سبت و اتنين و اربع ٨ م
عيادة مصر الجديدة
٢ ش اللوكاندة
سبت و اتنين و خميس ٦ م

28/11/2025

حالة اليوم radical nephroureterctomy
هي من الحالات الصعبة من بداية تشخيصها
المريض حضر يعاني من نزيف بولي متكرر من شهور دخل عمليات مع جراحين اخرين بدون حل
من اول ما اخدنا التاريخ المرضي و فحص المريض و الاشعات كويس كان التشخيص بالنسبة لينا واضح و هو احتمالية ورم بالحالب او حوض الكلي
و فعلا بمجرد طلب الرنين اتاكدنا ان التشخيص اللي وصلناله من اول مرة في العيادة هو الصح
عملنا منظار حالب مرن و اخدنا عينة اكدت التشخيص و اوضحت وجود اورام متعددة في الحالب الايسر و حوض الكلي اليسري
حضرنا المريض لعمل استئصال جذري للكلي و الحالب و جزء من المثانة
نشكر ربنا العملية تمت بنجاح . و خرج المريض بعدها بسلام و عاد لحياته بشكل كامل دون اي متاعب او مضاعفات .

شكرا مستشفي الحياة الكوربة Hayat Hmc بكل طاقمها علي المجهود المبذول مع المرضي لتقديم افضل خدمة طبية لاصعب الحالات مستشفي الحياة الكوربة
و شكر خاص لاساتذتنا في التخدير الاستاذ الدكتور جمال فؤاد و الاستاذ الدكتور كريم يوسف
A case presented with persistent frank hematuria . Mri showed lt ureteric mass . Flexible ureterscopy and biopsy showed TCC of multiple ureteric tumors and renal pelvic tumor .
Underwent lt radical nephroureterectomy and partial cystectomy .

اعراض النزيف البولي مهم جدا الحضور لعيادة المسالك و المتابعة . لان بعض الحالات تحتاج لاشعات للاطمئنان علي سبب النزيف البولي
لان التشخيص المبكر مهم جدا للحالات دي
في انتظار استفسارات حضراتكم
٠١٢١٢٦٥٣٤٩١
٠١٢٨٥٣٤٥٦٢٠

28/11/2025

يسعدنا استقبال مرضي كارت سند .

23/11/2025

استكمالا لسلسلة حكاوي جراحية ( حالة استئصال جذري للبروستاتا )
دي حالة مريض حضر باحتباس و تضخم بالبروستاتا و بالفحوصات تبين وجود ورم سرطاني بالبروستاتا
تم عرض طرق علاج علي المريض سواء اشعاع او جراحة و ميزات و عيوب كل طريقة
تم القرار بعمل استئصال جذري للبروستاتا
و للعلم المريض كان قد خضع لعمليات متكررة بالقولون و المستقيم مما يزيد من صعوبة العملية
تم عمل العملية بنجاح
استئصال جذري للبروستاتا و الحويصلات المنوية و الغدد الليمفاوية و اعادة توصيل مجري البول
خرج للمريض بسلام و رفع القسطرة و عاد الي حياته المعتادة و بتحكم للبول مع اتباع تعليمات التبول
و دي نتيجة تحليل ال psa بعد العملية ب ٤ شهور اوضحت خلو المريض من اي اورام او انسجة اخري للبروستاتا والشفاء التام الحمد لله و دي النتيجة المرجوة من العملية لمريض سرطان البروستاتا

الاطمئنان علي تضخم البروستاتا و عمل تحليل دلالات الاورام بانتظام و زيارة عيادة المسالك للمتابعة تحمينا من المخاطر في العلاج و تدينا اختيارات كتير للشفا باذن ربنا

منتظرين استفسارات حضراتكم
٠١٢١٢٦٥٣٤٩١
٠١٢٨٥٣٤٥٦٢٠

عيادة مصر الجديدة
٢ ش اللوكاندة امام قصر الاتحادية
سبت و اتنين و خميس من ٦ الي ٨ م

عيادة شبرا
٦٨ ش شبرا
سبت و اتنين من ٨ الي ١٠ مساء اربع من ٧ الي ٩ م

02/11/2025

استكمالا لسلسلة حكاوي جراحية
مريضنا كان يعاني من نزيف بولي
تم التشخيص بوجود ورم بالمثانة وواخذ عينة و تبين وجود ورم سرطاني عميق لطبقة عضلات المثانة تم تحضير المريض لعمل عملية استئصال جذري للمثانة و البروستاتا و الحويصلات المنوية و الغدد الليمفاوية و تحويل مجري البول

دي نتيجة عينة استئصال جذري للمثانة و البروستاتا و الحويصلات المنوية و الغدد الليمفاوية
و تحويل مجري البول لمثانة من الامعاء بعد توصيل الحالبين
نشكر ربنا العملية تمت بنجاح دون اي مضاعفات جراحية
تحسن وظايف الكلي للمريض بعد العملية لان الورم كان مسبب انسداد لاحد الحالبين
مر علي العملية شهور المريض الان بحالة جيدة و يمارس عمله بالصعيد و حياته بصورة كاملة
تم عمل اشعات متابعة بعد العملية اكدت الشفاء التام و عدم وجود اي اورام بعد العملية

النزيف البولي من اهم الاعراض لمجري البول خصوصا للمريض المدخن بشراهة . متكسلش ابدا الحضور لعيادة المسالك حين حدوث اي نزيف بولي

منتظرين استفسارات حضراتكم
مواعيد عيادة شبرا
سبت و اتنين من ٨ الي ١٠ م اربع من ٧ الي ٩
٦٨ ش شبرا

عيادة مصر الجديدة
سبت و اتنين و خميس من ٦ الي ٨ م
٢ ش اللوكاندة بجوار جروبي الكوربة

٠١٢١٢٦٥٣٤٩١
٠١٢٨٥٣٤٥٦٢٠

14/07/2025

استكمالا لسلسلة حكاوي جراحية اللي بنشرح فيها حالات صعبة ربنا ادانا نعمة و استخدمنا في شفاها
الحالة دي كانت حالة ورم في الكلي ، المريض يعاني من قصور كلوي بسيط
انما قررنا نديله فرصة كاملة لاستئصال الورم بس اي استئصال جزئي للكلي
بدل من استئصال الكلي بالكامل
الصعوبة هنا كانت ان الورم داخل جوا نسيج الكلي endophytic mass
زي ما واضح في صور الاشعة
و رغم الصعوبة دي ربنا اكرمنا و قدرنا نستأصل الورم بس و نحافظ علي الكلي و في نفس الوقت تم استئصال الورم بالكامل زي ما واضح في تقريرتحليل الانسجة

الاطمئنان علي صحتك امانة عندنا و محاولة الوصول لافضل اختيار للمريض و انه ياخد افضل فرصة و اعلي جودة للعلاج هو دايما هدفنا

مواعيد عيادة مصر الجديدة
٢ ش اللوكاندة امام قصر الاتحادية و بجوار جروبي الكوربة
سبت و اتنين و خميس من ٦ الي ٨ م

عيادة شبرا
٦٨ شارع شبرا
سبت و اتنين من ٨ الي ١٠ م
اربع من ٧ الي ٩ م

28/02/2025

https://www.facebook.com/share/v/1Di8sMiTfC/

26/02/2025

استكمالا لسلسلة حكاوي جراحية
الحالة دي كانت تعاني من نزيف بولي مستمر بعد رفض الجسم لكلية مزروعة
المريض كان بيعاني من انيميا مستمرة و نزيف بولي مستمر و مزمن و عايش علي نقل دم
جالنا كان الحل هو استئصال الكلية المزروعة
العملية دي من اصعب و ادق العمليات في المسالك لان بعد الزرع و ادوية المناعة و رفض الكلي بيكون في تليف شديد حول الكلية المزروعة و التصاقات شديدة
و الكل عارف ان جراحين مسالك قليلين اللي بيشتغلوا عملية استئصال الكلية المزروعة يكاد يكونوا معدودين

نشكر ربنا المريض بعد ما لف علي اماكن كتير و مقدرش حد يشخصه و الكل ابلغه انه مبيعهلش النوع ده من العمليات و خوفه الشديد من العملية قبل ميجيلنا

طمنا العيان و عملنا التحضير الجيد للعملية و دخل المريض و عملنا العملية بنعمة ربنا بنجاح و خروج المريض في اليوم التالي بحالة جيدة تماما و دون حتي الحاجة لنقل دم و تحسنت الحالة تماما و توقف النزيف البولي اللي كان يستنذف صحة المريض

في انتظار حضراتكم في عيادات الدكتور مينا ناجح للاستفسار او المتابعة
٠١٢١٢٦٥٣٤٩١
٠١٢٨٥٣٤٥٦٢٠

عيادة مصر الجديدة
٢ ش اللوكاندة الدور التاني بجوار جروبي الكوربة
سبت و اتنين و خميس من ٦ الي ٨ م

عيادة شبرا
٦٨ ش شبرا
سبت و اتنين من ٨ الي ١٠ م و اربع من ٧ الي ٩ م

22/02/2025

استكمالا لسلسلة حكاوي جراحية اللي بسجل فيها حالات صعبة ربنا ادانا فيها نعمة و قدرنا نحسن حالة المريض
المريض من احدي محافظات الصعيد جالنا بورم كبير في الكلية اليسري و قريب من مدخل شريان و وريد الكلي و ده بيخلي فرصة استئصال الورم بس صعبة و غالبا بنضطر لاستئصال الكلية كلها
انما المريض للاسف كليته اليمني فاشلة و مفيهاش وظيفة يعني المريض معتمد علي الكلية اليسري اللي فيها الورم فقط
لف علي جراحين كتير و كان الرد مفيش اي فرصة لاستئصال الورم فقط و لازم استئصال الكلية كلها و يعيش المريض علي غسيل كلوي مستمر
جالنا المريض و قررنا ندي العيان الفرصة الكاملة و نحافظ علي الكلية
و بالفعل ربنا قدرنا نعمل استئصال جوئي للكلية و شيلنا الورم فقط و حافظنا علي الكلية و انقذنا المريض من غسيل كلوي مستمر
في واحدة من اصعب حالات الاستئصال الجزئي اللي ربنا كلل تعبنا فيها بالنجاح باستئصال الورم بالكامل بحد امن و الحفاظ علي كلية المريض

في انتظار حضراتكم في عيادات الدكتور مينا ناجح للاستفسار او المتابعة
٠١٢١٢٦٥٣٤٩١
٠١٢٨٥٣٤٥٦٢٠

عيادة مصر الجديدة
٢ ش اللوكاندة الدور التاني بجوار جروبي الكوربة
سبت و اتنين و خميس من ٦ الي ٨ م

عيادة شبرا
٦٨ ش شبرا
سبت و اتنين من ٨ الي ١٠ م و اربع من ٧ الي ٩ م

06/02/2025

28/08/2024

نتشرف باستقبال حضراتكم في عيادات الكرمة بمصر الجديدة ☺️
يوم الخميس من ٤ الي ٦ م