08/03/2026
هوه أنا ليه ماخستش زي صاحبتي اللي بتاخد نفس نوع الحقن دي !!!!!!!!!!!
((( ٣ حالات إستجابتهم للحقن بتكون أقل من باقي الناس )))
لو بتاخد اي نوع من انواع حقن التخسيس و بتلاقي نتيجتك اقل من كل اللي الناس اللي بتاخدها حواليك فا مش شرط يكون معناه ان دكتورك مش كويس او ان نوع الحقن مش حلو لان غالبا ممكن تكون واحد من التلات حالات دول :
😍 الحالة الأولي انك يكون جسمك دخله مادة السيبوترامين قبل كده و دي الادوية المنتشرة ع النت اللي ف علب صفيح و اللي بتتباع ف عيادات بير السلم و دايما بتكون عبارة عن شريط فيه ٦ كبسولات و اللي بيديهالك بيغير لك شريط كل مرة و المادة دي بتخسسك فعلا وقتها لكن بعدها حرقك بيتدمر تماما و جسمك بيتعود ان قفل الشهية بييجي من حاجة بتشتغل ع المخ بس فا مهما خدنا بعدها ادوية او حقن بتشتغل علي الجهاز الهضمي الجسم مش بيحس بيها فا بنضطر نعلي الجرعات عشان الحالة تحس بالشبع اللي بيحسه مريض تاني بياخد نص الجرعة دي
😍 الحالة التانيه حالة بتاخد ادوية اكتئاب و الادوية اللي بتشتغل علي مستقبلات السيرتونين و اللي اغلبها بترفع هرمون البرولاكتين و بتزود قابلية الجسم للبناء بالإضافة لإنها أصلا بتفتح الشهية فا بتعمل اكشن معاكس للأكشن بتاع الحقنه فا المحصلة النهائية دايما هتكون نتيجة اقل من العادي
😍 الحالة التالته حالة بتاخد حبوب منع حمل و دي للأسف بتفضل تزيد في الوزن إلي ما لا نهاية عشان بردو الحبوب دي شغلها علي الهرمونات و بردو بتزود معدل البناء و بتموت الحرق تماما و بتعمل نفس اللي بتعمله مضادات الاكتئاب
طيب هل لو انتا واحد من التلاته دول مش هتخس مع الحقن ؟؟
الإجابة هتخس بس بمعدلات اقل شوية من الناس التانيه و هتحتاج دايما انك تاخد جرعات اعلي شوية من الناس التانيه تحت إشراف دكتورك طبعا
الخلاصة لو انتا من التلات حالات دول ماتستعجلش النتيجة
هتجيب نتيجة بس بمعدل اقل شوية
متقارنش نفسك بحد تاني
و خلي بالك ان لكل قاعدة شواذ
يعني وارد تبقي من التلات حالات دول و استجابتك للحقنه تبقي زي باقي الناس .. بس دي نسبة قليلة جدا
الكلام اللي فوق ده مش كلام كتب
يعني اللي اخترعو المونجارو و الويجوفي و كل انواع الحقن ماقالوش الكلام ده
بس ده خبرتي مع آلاف الحالات و بنقلها لكل الناس
كل سنة و انتو طيبين
دكتور حسام عبد الغني 😍😍😍
