Dr mama Amany kids clinic د/أماني أحمد

26/04/2024

14/12/2022

الستات المصريات عاملين ملاحم والله،
الجروبات كلها طرق للتوفير..
نقسم قرص غسالة الأطباق على ٤،
نخلط بطاطس مع الفراخ عشان نزود حجمها، نعمل فراخ كدابة..حمام كداب..بط قليل الرباية، نستفيد من الهدوم القديمة ونعيد تدويرها،
اللي عندها حاجة مش عايزاها تبيعها بأقل من سعرها واهو البايع والمشتري يستفيدوا،
أي واحدة تلاقي عرض تجري تقول يا بنات كذا عامل عرض على البامبرز، عرض على المناديل إلخ.

كل شوية بوست عن بدايل محلية أرخص، أو عروض مطاعم، وصفات لحاجات رخيصة في اللانش بوكس عشان الأطفال.

كل شوية بوست بيسأل ازاي أمشي البيت بمبلغ كذا؟ والكومنتات كلها أفكار: هاتي فرخة قسميها وقطعيها شاورما بالبصل ومعرفش ايه هتكفي يومين، هاتي كام كيلو خضار معرفش اعملي فيهم ايه هيملوا مكان، إلخ..

والفكرة أن حبايبي بيعملوا ده بكل رضا، وبيحسوا بالإنجاز لما يوصلوا لطريقة توفير جديدة، وفي النص ناسيين نفسهم، لأن دايما في أولويات..للبيت..والأطفال.

واللي بيأثر فيا كمان بوستس" النهاردة عيد جوازنا، مفيش فلوس نحتفل برا، ايه أرخص حاجة تفرح ممكن أعملها في البيت؟"..يعني حتى دي كمان بتفكر فيها. ومن كل الأعمار والله بيحاولوا يوفروا ويمشوا أمورهم بمنتهى الصبر.

ربنا يعين الجميع، ويجازي الناس خيرا على صبرها وتعبها، ويسامح اللي ييجي بعد كل ده يغلط في الستات المصريات، والله يا بني ما حد هيستحمل العيشة دي غيرها.

11/12/2022

الطفل يأخد كالسيوم لما يتم ٦ شهور ونوقف فيتامين د
الصح: فيتامين د بيتم اخذ جرعه وقائيه منه ولا يتم وقف هذه الجرعه بعد ست شهور
ولا يتم اخذ كالسيوم الا في حاله عمل تحليل يثبت نقص الكالسيوم

10/12/2022

الرضاعه الطبيعيه مهمة جدا اكيد ومفيش خلاف علي ذلك
بس لو سمحتم مينفعش ام تكون عندها اكتئاب ما بعد الولادة واضح وضوح الشمس
وكل اللي حواليها يضغطوها نفسيا لدرجة توصلها لانها تدخل في اكتئاب شديد
لو مش قادرين ندعمها نفسيا بالصوره السليمة ياريت ناخد راي مختص
بلاش نحط حمل علي ام لسه خارجة من ولادة وحمل
وتعبانه لوحدها
ادعمو الامهات بصورة سليمه

09/12/2022

وزارة الصحة تعلن إيجابية حالة إصابة بفيروس جدري القردة


تعلن وزارة الصحة والسكان، إيجابية حالة إصابة بفيروس جدري القردة (Mpox) لشخص يبلغ من العمر 39 عاما، واتخاذ الإجراءات الوقائية تجاه المصاب ومخالطيه اللصيقين، ونقل المريض لتلقى العلاج بأحد المستشفيات التابعة للوزارة، مشيرة إلى أن الحالة الصحية العامة للمريض مستقرة.

يأتي اكتشاف هذه الحالة في إطار رفع درجة الاستعداد والجاهزية للأمراض المستجدة ودقة نظام الترصد القومي للأمراض المعدية ذات الأهمية الوبائية الذي يمكنه الاكتشاف الفوري لأي أمراض معدية.

30/11/2022

من اهم النقاط اللي بتشغل الامهات زيادة وزن ابنها
وده بيكون جزء مهم في المتابعه الدوريه للطفل خاصه اول سنتين في العمر
لكن جزء مهم جدا جدا للطبيب ايضا متابعه النمو البدني والعقلي والمعرفي والسلوكي للطفل
لازم الام تبقي فاهمة ان ده لا يقل اهميه عن متابعه نمو وزن الطفل
كل تطور سواء معرفي وسلوكي او حركي وبدني بيكون له متوسط عمر بيظهر فيه هذا التطور
لكن ده مش شرط يكون العمر اللي بيحصل عنده التطور لكل الاطفال
لازم الطفل يتم تقييمه بصورة دوريه وشامله
لمتابعه هذا التطور


#تطورات

30/11/2022

30/11/2022

اتكلمنا في البوست أللى فات عن أنيميا نقص الحديد
وازاى حاجه زى دى سهل تجنب حدوثها
والمفروض إنها تتعالج لو حصلت في أقرب وقت
إمتى أنا كأم اشك إن إبني عنده أنيميا
خلينا نتفق إن لو ابنك بيشتكي من حاجه من الحاجات دى
أو آنتى ملاحظه حاجه من أللى هنقولها في بوست لازم تروحي للدكتور يفحص الطفل
وتانى بقول دكتور يفحص الطفل مش نروح نسحب صورة دم لأن التشخيص مش بصورة الدم فقط
*لو ابنك بيشتكى إنه بيتعب بسرعة
*ابنك بينهج من أقل مجهود
*إبنك بيشتكي من وجع في صدره خاصه مع المجهود
*طفل بهتان ولونه شاحب
*صداع ودوخه في بعض الاحيان
*إجهاد وضعف عام
*ضعف الشهيه وبعض الأحيان الطفل بيأكل حاجات غريبه زى الجير والتراب والرمل والصابون
*طفل وزنه ونموه متأثرين أو ثابتين
*طفل أيده ورجله ساقعين حتى لو جو دافيء
*ظوافره شكلها غريب وضعيفه وتتكسر
لو اى حاجه من دول روحي للدكتور المتابع لابنك لفحصه وعمل الفحوصات الازمه

29/11/2022

متنسوش
مش مسموح ابدا بهز الاطفال الرضع بالطريقه دي
الحركات العنيفه ورفع الطفل لاعلي وهزه
ممكن لاقدر الله يؤدي لنزيف في المخ مما يعرض حياة الطفل للخطر
دمتم واطفالكم سالمين

28/11/2022

ده القوام المناسب لبدايه الاكل عند سن ٦ شهور
ماينفعش يكون سائل عن كدة