05/09/2021
داخلين موسم الشتاء وهنتسأل كثير على تطعيم او لقاح الإنفلونزا الموسمي الجديد 2021-2022
كلنا عارفين ان العام الماضى نزل التطعيم الرباعي Tetra
ودا بيحمي من 2 سلالة من A و 2 سلالة من B
والمجموعة A و المجموعة B
هم الأكثر خطورة من مجموعات فيروسات الإنفلونزا والتى تسبب Pandemic
التطعيم يحتوي فقط على 4 سلالات من فيروسات الانفلونزا
ودا بناء على توقع منظمة الصحة العالمية وخبراء علم الفيروسات بأن 4 دول هم الاكثر احتمالية انهم ممكن يشكلوا خطورة واصابات هذا العام
يعنى كل سنة ممكن يتغيروا ?? نعم بالظبط
ممكن يتغيروا عشان كدا الشركات مش بتبدأ تصنيع غير بعد ما يخلصوا القعدة دى
مرة اخري دول 4 سلالات فقط والانفلونزا سلالات كثيرة وعديدة
دا غير ان فيروسات البرد common cold مختلفة تماما عن فيروسات الإنفلونزا !!
يعنى التطعيم ممكن لا يحمي من سلالات الانفلونزا الاخري
او سلالات البرد
ولكن هناك Cross Immunity
ممكن تلعب دور
والاجسام المضادة اللى اتكونت فى جسمك تقدر تحميك
ودا شىء مش مضمون
ولكن بنلاحظة خلال فترة الشتاء ان عدد نزلات البرد بيقل مع اللى بياخدوا التطعيم
الجرعة
ودا حصل فيه تحديث هذا العام
بينزل عندي نوعين
ال Vaxigrip
و Influvac Tetra
والاثنين رباعى
الاثنين بيتاخدوا من عمر 6 شهور
السنة اللى فاتت
كان ال Vaxigrip فقط هو اللى بيتاخد من عمر 6 شهور
وال Influvac من عمر 3 سنوات
السنة دى الاثنين من عمر 6 شهور حقنة كاملة
ولو الطفل تحت 9 سنوات ولم يحصل على تطعيم الانفلونزا من قبل
بياخد جرعة ثانية من التطعيم بعد 4 اسابيع ودا لو اول مرة فى حياتة
بعد كدا كل سنة جرعة واحدة فقط
الجرعة هى الحقنة كاملة وهى 0.5 مللى
بتتحقن عضل ويفضل عضلة الكتف Deltoid Muscle
التطعيم بيتم تصنيعة بإستخدام بيض الدجاج المخصب
لذلك ممنوع مع اللى عندهم حساسية من البيض ودا مانع الاستخدام الوحيد
ينصح بة لكل الاطفال وكبار السن والحوامل
ودول الاكثر عرضة للإصابة بإلتهاب رئوي بعد فيروسات الانفلونزا
لو هتاخد تطعيم كورونا جرعة اولى او ثانية
لازم على الأقل تفصل اسبوع ما بين تطعيم الانفلونزا
وتطعيم كورونا على الاقل 7 ايام ومش هتفرق مين الاول ومين الثاني
دا كلام ال CDC ويفضل لو تنتظر 14 يوم..
