Dr. Amira Gamal Nasr psychiatry clinic

21/12/2021

فيديو مهم جدا شرفتني فيه د.مانيفال اسامه طبيبه النسا و الولاده و تاخر الانجاب في نقاش مهم جدا عن متلازمه تكييس المبيضين 🌹🌹🌹
في تاني حلقات نادي ميموريا الطبي 🎙🎙

21/12/2021

wait for us tonight 9.30 pm

18/12/2021

نتشرف نحن فريق ميموريا الطبي بإستضافه
د.مانيفال أسامة
طبيبة النسا و التوليد و تأخر الإنجاب
في تاني حلقه من حلقات نادي ميموريا الطبي
و الحلقه بعنوان
إضطرابات الدورة الشهريه ، متلازمة تكييس المبايض و علاقتها بالصحة النفسية للمرأه
في نفس معادنا من كل اسبوع الثلاثاء ٢١ ديسمبر الساعة ٩.٣٠ مساء بتوقيت القاهره
انتظرونا، حضروا كل اسئلتكم هنجاوب عليها ان شاء الله
مع تحيات فريق عيادة ميموريا للطب النفسي 🌹🌹

16/12/2021

انطلاقاً من إهتمامنا بالدعم النفسي للأطباء، كونهم ضمن الفئة الأكثر تعرضاً للضغط النفسي..
يسر عيادة ميموريا للطب النفسي الإعلان عن بدأ مجموعة دعم جديده قريباً بأسعار رمزية للزملاء📢📢
يقدمها
د. أسماء عبد الفتاح، أخصائي الطب النفسي و علاج الإدمان
و د. محمد عابد عبية، أخصائي الطب النفسي و علاج الإدمان

إذا كنت ترغب فى الإنضمام، برجاء ملئ الاستماره الالكترونيه

https://docs.google.com/forms/d/e/1FAIpQLSf-_bc2P4r2J7MfgNLeZvStGH25kBTckX_LzEX7EPwlrcKWJQ/viewform?usp=sf_link

و سيتم إرسال التفاصيل إليكم

14/12/2021

https://fb.watch/9UL8_Qe-vT/

اللي نورونا النهاده نتمني يكون الفيديو مفيد 🌹

14/12/2021

14/12/2021

14/12/2021

11/10/2021

Hurry up .... limited places 📣📣📣📣📣📣📣

05/10/2021

امهات كتير بتلاقي نفسها تحت ضغط كبير أنها تبقي كامله …
انها تعمل كل حاجه.......
امهات كتير بالنسبه ليهم الامومه ملهاش حته ناقصه!!!!
امهات كتير مش عارفه تتعامل مع اطفالها و مش عارفه ايه الصح ؟؟

عشان كدة حابين نقدم ورشه العمل دي عن خرافات الامومه المثاليه
اهلا بيكم تشاركونا الورشه يوم التلات ١٩ اكتوبر بمقر العيادة

يا ريت اللي مهتمه تملي الفورم دا و فريق العيادة هيتواصل معاها في اقرب وقت
https://docs.google.com/.../1FAIpQLSeNCNByZAD.../viewform
و لتاكيد الحجز ز الاستفسار يسعدنا التواصل معكم
من خلال التليفون او الواتس اب على رقم 01065830758
المكالمات من يوم الاحد للخميس من الساعه 2 ظهرا حتي 8 مساء
او من خلال ايميل العياده memoriaclinicnc@gmail.com
على ان يكون التواصل بالاسم رباعي و رقم التليفون لسهوله التواصل معكم
برجاء العلم انه لتاكيد الحجز يجب دفع المبلغ كاملا حيث ان اماكن الحضور محدوده
مع تحيات
عياده ميموريا للطب النفسي

01/10/2021

31/08/2021

09/08/2021

كل عام و انتم بخير 🌸🌸🌸

كل عام و انتم بخير بمناسبه العام الهجري الجديد ١٤٤٣ 🦋🦋
عيادة ميموريا للطب النفسي 🦋

17/06/2021

هكلمكو النهارده عن ال 😔😔 Grief 😞😞
بمناسبة الظروف اللى معظم الناس اللى في حياتنا و احنا كمان مرينا بيها أو بنمر بيها بسبب وباء الكورونا هنتكلم شويه عن الGrief أو مشاعر الحزن اللى بتحصلنا نتيجة الفقد 🙇🏻‍♀️🙇🏻‍♂️
طب هو ايه ال Grief اللي هو الفقد اصلا ⁉️ دا مسمي بيطلق على أي نوع من أنواع الخساره لأشياء زي فقدان الوظيفة أو مكان المعيشة كمثال أو خسارة أشخاص ليهم قيمة كبيرة في حياة الشخص و ده أهم نوع و دا في الفترة دي بنقابله يوميا في حياتنا من بداية الوباء اللعين و احنا بنعاني من فقدان الأشخاص اللى بنحبهم 🫂
تقريبا مفيش أسره و بيت مفقدش حد بيحبه الفتره دى 😭و في ناس خسرت شغلها و مصدر دخلها و فى ناس خسرت بيتها لأي سبب من الأسباب

الفقد او الGrief ليه مراحل بتعدى على كل شخص بيتعرض للموقف كلمتنا عن مراحل الفقد د. أسماء عبد الفتاح ف راديو ميموريا الحلقه التاسعه https://fb.watch/6b60FVSVZx/
و هم كانو الانكار , المساومة,الغضب,الاكتئاب, التقبل
كل شخص بيعدي بالمراحل دي بطريقه مختلفة عن الأخرين و ممكن ترتيبها يختلف بين الأشخاص و تتكرر خصوصا في المواعيد و التواريخ أو المناسبات اللى بتفكرنا بالشخص أو الشيئ اللى فقدناه و دي بتبقى ال
TRIGGERS
هو الحزن المرتبط بالفقد ده ممكن يستمر معايا اد ايه ؟
زي ما قولنا كل شخص مختلف عن الأخر في تقبله للفقد و كل فقد شدته مختلفه باختلاف اللى فقدته
كل واحد ليه طريقه مختلفه في الحزن بس مع الوقت الحزن بيقل و الغضب بيقل و الدنيا بتبدأ تتحسن و نبدأ نحس بالسعادة مره تانية بالتدريج ✨و نعود لمسار حياتنا 🏃🏻‍♀️ مش بالضروره ننسي الشخص و لكن بنتقبل عدم وجوده
في بعض الناس بتحدد فتره الGrief ده بوقت و هو من 6 شهور لسنه مثلا عشان الشخص يتقبل الخساره و يرجع يكمل حياته بس لو الحزن ده مأثر بطريقه سلبيه على حياة الشخص مأثر على شغله و بيته و علاقته بالناس و انتاجيته و اجتماعياته زي ما اتكلمنا كلنا قبل كده كتير كده الشخص ف الأغلب هيكون مصاب بمرض نفسي 🆘🆘 محتاج يشوف حد متخصص

طب اعمل ايه لو انا اتعرضت لفقد أروح لحد متخصص على طول ولا اأستنى ؟
أولا لازم نستوعب حاجه مهمه ان أنا كانسان من حقي تماما لما افقد شخص بحبه اني أعبر عن حزني أحزن وأعيط و أغضب بمعني تاني متحاملش على نفسي و اكتم لأن الحزن ده احساس طبيعي جدا ✅✅احنا مخلوقين بيه أدى لنفسي وقت أحزن و أعبر عن حزني و أفهم ان محدش له الحق انه يسلبني الحق ده 🛑
أحاول أتكلم مع الناس القريبين لو قادر و افضفض معزلش نفسي عن العالم قدر الامكان 🗣️🗣️
أخد بالى من نفسي أكل كويس و أنام كويس قدر الامكان أشغل نفسي بحياتى مره تانيه قدر الامكان أرجع لنشاطاتى وشغلى و أطلب الدعم من الأخرين كل ما أحتاج ل ده 🫂🫂
أروح لمتخصص امتى بقى ؟👩🏻‍🔬👨🏻‍🔬
لما أجرب كل ده و أحس ان لسه مش عارف أتعامل مع مشاعري اللى هي الحزن و الغضب و خلافه و ان المشاعر دى مأثره على وظائف حياتي و فعلا مش عارف أكمل أو اصلا من الأول الدنيا بايظه خالص و مش عارف أعمل أى حاجه من دول 🆘
ساعتها لازم الجأ للطبيب النفسي عشان يقيم حالتي و نتفق سويا أنا محتاج ايه و نحط خطه علاجيه مناسبه ممكن أكون محتاج دوا أو جلسات نفسيه أو الاتنين على حسب كل شخص و حالته لا تتردوا أبدا ف طلب المساعده 🚨🚨 د.اميره جمال الدين نصر
اخصائي الطب النفسي و علاج الادمان

12/05/2021

كل عام و انتم بخير 🎈🎈🎈 عيد سعيد 🎊🎊🎊

06/05/2021

التواصل 🎤
حياتنا قائمه على التواصل مع الآخرين... لتبادل الخبرات و المعلومات ، لتبادل المشاعر ، و لترتيب حياتنا و أولوياتنا!!!
و عشان يكون في تواصل، لازم يكون فيه طرفين.. واحد متحدث و التاني مستمع....
الإستماع جزء مهم جداً من عملية التواصل بين الناس..

طب ده مهم ف إيه ؟
- الفكره إن التواصل لما بيبقى فيه مشكلة، لما أبقى مش عارف/عارفه أتواصل مع الناس اللى فى حياتى ده بيأثر على جودة حياة الشخص..
زى مثلاً..
أم مش عارفه تتواصل مع أولادها سواء كان بسبب إنها مش قادره تستوعب انهم كبروا كمثال، أو بسبب إن فيه طفل عنده مشكلة نفسيه زى مرض فرط الحركه و نقص الإنتباه و هى مش عارفه تتعامل معاه
أو
زوجين عندهم مشاكل كتير لأن مفيش مشاعر بينهم أو بمعنى أصح مش عارفين يتواصلوا بطريقة صحيحة فمش عارفين يحسّوا ببعض!
أو
عندي مشكله مع أهلى و بطلت أتواصل معاهم عشان مش بيفهمونى مش عارف أتواصل معاهم!

**حياتنا معظم مشاكلها بسبب صعوبة التواصل و الفهم بين الناس..

طب إيه أمثله ممكن تسبب مشاكل فى التواصل؟
١. التوتر المستمر بيأثر بشكل مباشر.
٢. المشغوليات الكتير و الجدول المزدحم بالأهداف الغير واقعيه بيخلى في صعوبة تواصل بيني و بين الآخرين.
٣. صعوبة التعبير بالمشاعر و خصوصاً لو كانت سلبية ناحية بعض الأشخاص، ده بيسبب مشكلة فى التواصل معاهم
٤. معظم الأمراض النفسية بيكون فيها مشكله فى التواصل بشكل او بآخر..
زى مريض الإكتئاب مثلاً.. المريض أصلاً شايف الدنيا وحشة و مش قادر يقوم من مكانه فمش سامع و لا متواصل مع أى حاجة تخص العالم الخارجي.
زي الإضطراب الواجدانى ثنائي القطب من كتر الأفكار اللي بتنطط فى دماغى و النشاط و الضلالات المسيطرة أصلاً مش سامع اى حد غيري
و زى ما قلنا مرض فرط الحركة و نقص الإنتباه

إزاى أحسِّن من التواصل مع الآخرين ؟
١. لازم أركز مع أى حد بيتواصل معايا ماكونش مشتَت
٢. أشغّل ودني كويس قوي و استنى اللى قُدامى يخلص و بعدين أتكلم
٣. أتكلم عن مشاعري و مستنّاش اللى قدامى يستنتجها لوحده، و أكون صادق فى مشاعري
٤. ماحكمش على الآخرين و مقعدش طول الوقت أوجِه النقد للآخرين
٥ . عندى مشكلة فى مشاعري مأثره على نفسيتي و تواصلى مع الآخرين و علاقاتى.. لو حسّيت بأي مشكلة من دول، ماتتردتش فى طلب المساعده🆘 فورا من متخصص...

د.اميره جمال الدين نصر
اخصائي الطب النفسي و علاج الادمان

و لما نتكلم عن التواصل لازم نتكلم عن العلاقات 👪 استنونا فى اول الحلقات عن العلاقات بعنوان ((((لغات الحب )))) 😍😍
مع د. اسماء عبد الفتاح
فى راديو ميموريا 📻
الساعه ١١ مساء بتوقيت القاهره

04/05/2021

28/04/2021