31/07/2025
💔 في المجاعة مفيش رفاهية الأكل، ولا تحليل دم، ولا متابعة صحية... فيه جوع، ضعف، وخوف.
👥 ناس كتير من اخواتنا دخلوا في حالة حرمان طويلة جداً، جسمهم بقى هش، والمخزون الغذائي بقى شبه منعدم. ولما يوصلهم أكل، خصوصاً نشويات، جسمهم ممكن مايتحمّلهاش، ويدخل في حالة اسمها متلازمة إعادة التغذية - Refeeding Syndrome.
📉 دي حالة بتحصل لما المعادن الأساسية في الجسم تكون ناقصة، ولما الأكل يدخل فجأة، الجسم بيتلخبط:
- الفوسفور بينزل قوي، وده مهم جداً للطاقة ووظائف الجسم
- البوتاسيوم والماغنسيوم بيقلوا، وده بيأثر على القلب والأعصاب
- فيتامين B1 كمان بيكون ناقص، وده ضروري لحرق النشويات
- العضلات بتضعف، والمناعة بتنهار
🥄 الحل الواقعي؟
✅ لو وصل أكل، لازم يدخل بهدوء:
- كميات صغيرة جداً، وبلاش نشويات كتير من الأول
- نبدأ بخضار مطبوخ، شوية بروتين نباتي لو موجود (عدس، فول، حمص)
- نوزّع الأكل على مدار اليوم بدل وجبة واحدة كبيرة
- نحاول نضيف زيت نباتي علشان الجسم يستفيد بطاقة بدون تحميل على المعادن
- لو في أي نوع مكمل غذائي بسيط، زي ملح أو خميرة ، ممكن يساعد الجسم يعوّض شوية
🔴 معظم الحالات تظهر خلال 3 إلى 5 أيام من بدء التغذية، وخصوصًا في الأطفال وكبار السن والمرضى الذين فقدوا أكثر من 10% من وزنهم (كل أهلنا المجوعين للأسف!)!)
1️⃣ ابدأ الأكل ببطء شديد - في حال تواجد الطعام - قم بتقسيمه إلى كميات صغيرة وقم بزيادته على مدار أيام:
اليوم الأول: ربع رغيف كل 4–6 ساعات
اليوم الثاني: نصف رغيف مقسوم على 4 وجبات
اليوم الثالث: رغيف كامل مقسوم على اليوم
ثم زد تدريجيًا في الكمية خلال أسبوعين
2️⃣ إذا وجدت فيتامينات أو أدوية، فهذه الأربعة أهم من الطعام نفسه:
الفوسفور - فيتامين ب1 (الثيامين) - المغنيسيوم - البوتاسيوم
3️⃣ بعض المصادر الطبيعية (التي قد تجدها في المساعدات الانسانية التي تصل أو حتى حولك في البيئة):
🔹 الفسفور موجود في القواقع البحرية وبلح البحر وحتى الطحالب البحرية ورؤوس الأسماك والعظام المغلية
🔹 المغنيسيوم موجود في الطحالب وبذور القمح (النخالة) و القواقع البحرية وحتى ماء البحر (ولكن بكميات صغيرة جدًا ومخففة إن استُخدم للطهو)
🔹 البوتاسيوم موجود في ماء سلق البطاطس و قشر البطاطس وماء سلق العدس أو الفول وقشر الموز حتى لو كان جاف وحتى ماء نقع الطحالب
🔹 فيتامين ب1 (الثيامين) موجود في قشر الحبوب الكاملة (القمح/الشعير) و خميرة الخبز والبقوليات المنقوعة (العدس والفول) والكبد الحيواني وحتى الحشرات مثل الجراد (الضرورات تبيح المحظورات)
4️⃣ اعرف أعراض وعلامات متلازمة اعادة التغذية وفي حال ظهور أي منها توقف فوراً عن الأكل وحاول تعويض الاملاح وارجع للوجبات الصغيرة المقسمة:
❗انتفاخ القدمين
❗ضعف شديد في العضلات
❗تشنجات أو إغماء أو اضطراب في الوعي
❗اضطراب أو سرعة في ضربات القلب
---
🎯 في المجاعة، الوعي ممكن ينقذ حياة. لو وصلك أكل أو ساعدت حد، لازم تعرف إن الجسم محتاج خطة، مش تخمة. الشبع السريع ممكن يبقى خطر كبير.
🤲 ربنا يفرّجها على كل اخواتنا ويجعلنا سبب خير وتوعية.
المعلومة في الوقت الصح ممكن تخلّي الحياة تستمر.
