د وائل مسلم - أخصائي طب و جراحة العيون

05/03/2024

15/10/2023

اللهم سلمهم و سدد خطاهم و تقبل منا و منهم و اعذر تقصيرنا في حق أهالينا في فلسطين

31/07/2020

كل عام و انتم جميعا بخير 🐏🐏😀😀

18/07/2020

البوست اللي فات وضحنا ان ڤيتامين (أ) اللي موجود بكميات كبيره في الجزر ما بيزودش قوة الابصار👓👓 بشكل مباشر
لكن له وظائف مهمة لصحة العين و هي :

١- تكوين مادة هامة جدا للرؤية في الاضاءة الضعيفه و عشان كده نقص ڤيتامين ( أ) يؤدي الى صعوبة الرؤية بالليل 🌃

٢-الحفاظ على سلامة الخلايا المكونة للطبقة السطحيه للعين بما فيها القرنية و نقص ڤيتامين ( أ) يؤدي الى جفاف شديد في سطح العين و قرح بالقرنيه

٣- حماية عدسة العين من المياة البيضاء لان ڤيتامين (أ) يعتبر من اقوى مضادات الاكسده و هي مهمة جدا لصحة عدسة العين

17/07/2020

هل فعلا أكل الجزر بشكل منتظم ممكن يقوي النطر ؟؟

طبعا المعلومه بالشكل ده مش ❌صحيحه❌
و اكل الجزر مش ممكن يزود قوة الابصار بشكل مباشر ☹️

صحيح الجزر مصدر غني بفيتامين "أ"،
و هو من الڤيتامينات المهمة لصحة العين .
لكن مش هو المصدر الوحيد
و في مصادر تانيه لفيتامين "أ" زي الحليب و البيض
-------------------------------------
اومال جت منين حكاية ان الجزر بيقوي النظر دي ؟🤔🤔🤔

أصل الحكاية دي كانت خدعة استخدمها الانجليز في الحرب العالميه التانيه

لما قدر الجيش الانجليزي يسقط عدد كبير من طيارات الالمان

و ده بسبب استخدامهم لتقنية جديده في الرادار

و عشان التقنية دي تفضل سرية
بدأ الانجليز في نشر اشاعة

بتقول : ان جنود وطياري الجيش البريطاني بياكلوا كميات كبيرة من الجزر،

و ده زود قوة نظرهم و ساعدهم على إسقاط الطائرات الألمانية

ده غير ان كلمة جزر و نظر بينهم سجع و ده خلى الخرافه دي تنتشر اكتر في الوطن العربي و تتعمل أغاني كمان 🤓🤓

في البوست الجاي ان شاء الله هنعرف الدور الحقيق لڤيتامين (أ) في صحة عنينا و هنعرف كمان ايه هي باقي الڤيتامينات المهمة لنظرنا 👀

16/07/2020

كلام مهم جدا لازم نفهمه كويس



مفيش حاجة اسمها عرض عيد الأم / اجازة الصيف / شهر رمضان فيتعملك خصم على عملية الليزك ( تصحيح الإبصار )

العملية لها أدوات و مستهلكات يتم استخدامها و الشركات ال بتوردها متعرفش العروض دي ولا بترخص من تمن المستهلكات دي .. ف اي خصم هيتعملك على تكلفة العملية هو في الحقيقه خصم من جودة العملية ال هتعملها و نتيجتها .. ك استخدام نفس المشرط الجراحي مرتين ل مريضين مختلفين !

مفيش حاجة علمية اسمها السوبر ليزك دي اسماء تُجارية يتم تداولها لجذب الراغبين في تصحيح الإبصار

الليزك مبيقويش حدة الإبصار.. فقط هتستغنى عن النضارة بنفس حدة إبصارك لما بتلبس نضارتك

مفيش حاجة اسمها الجهاز اهم من الدكتور .. الجهاز مهم جدا اه لكن لازم تكون عارف الدكتور و كشف عليك و شاف فحوصاتك كويس و يكون ع قدر من الأمانه انها لو متنفعكش يقولك ف وشك متنفعش و يكلمك عن البدائل لو تناسبك

أخيرًا والله الليزك ما بيقوي النظر ، لو بتشوف تلاته متر بالنضاره مش هتشوف سته متر بعد الليزك ، هم هم التلاته من غير النضاره

16/07/2020

لو حسيت بشكة شديدة بشكل مفاجئ

و بدأت عينك تحمر و تلتهب و تدمع كتير و مش قادر تفتحها في النور
و حركة الجفن بقت مؤلمة

فغالباً دخل في عينك جسم غريب أو رايش

الرايش بيكون ملتصق بقرنية العين او تحت الجفن
و لازم تروح للدكتور بسرعة و ما تحاولش ابدا تشيل الرايش باي طريقة لان ده ممكن يضر القرنية جدا و يسبب قرحة يصعب علاجها جدا و ممكن تهدد النظر

لأي استفسار ابعتلي رسالة على الصفحة او على الواتساب

15/07/2020

هل لو لبست النظارة هتعود عليها و نظري هيضعف ؟
فديو سريع بنجاوب في على السؤال ده

29/06/2020

سنك فوق الاربعين ؟؟
فجاة حسيت انك مش عارف تقرا او تركز في الموبايل ؟؟؟
بتحس باجهاد و صداع لو قريت او ركزت في حاجه قريبة و لو لمدة بسيطه ؟؟
ما تقلقش خالص
انت تمام و نظرك تمام و ما ضعفش و لا حاجه
صعوبة الرؤية القريبة بيحصل لكل الناس بعد سن الاربعين
و ده لان في عضلة في العين بتشتغل لما نبص لاي حاجه قريبه
العضله بتضعف بعد سن الاربعين
و الحل بسيط جدا و هو لبس نظارة للرؤية القريبة او نظارة قراءه