Inspire Academy

23/04/2025

14/01/2025

يعني ايه اتقبل

كل شويه يتقال تقبلوا الاحتلاف
تقبلوا مشاعركم
تقبلو الخسارة
تقبلوا الي الولاد بيعملو

تمام وزي الفل
بس اتقبل اصلا يعني ايه 😔🤕
وازاي اتقبل فجاه وانا اصلا مش متعوده علي كده
وليه يتطلب مني انا الي انا اتقبل
دي اسئله كتير امهات بتسالها وكلها اسئله هي عندها حق فيها

اتقبل يعني
عارف تأثير الحاجه دي عليك عامل ازاي ( مش اني موافق عليها)
يعني شايف انك من حقك تحس بالشعور دا في الموقف دا
محكمش عليك .... مش من حق حد يحكم علي حد
لا انا كمان ممكن احط نفسي مكانك عشان احاول افهم انت حاسس بايه
احترم أن ليك وجهه نظر( مش عشان مختلفين فانت مبتفهمش أو انا مبفهمش)
اعرف كل مرحله عمريه ابني بيمر بيها (وتغير هرمونات)😭🤣

يعني برده ايه المطلوب 🤕

يعني اسمعه من غير مااقطعه لحد مايخلص
مش هحكم عليه
رد فعلي يبقي هادي ومناسب الموقف
ممكن تسأله اساعدك بايه
محتاج ايه
حاول توري له جوانب الموضوع بس دا بعد مايهدي شويه ممكن أعلمه ازاي يتعامل مع المواقف

ولو انا مش مستعده بقول اني مش مستعده انا كمان
ممكن نعمل تمارين تهدئه سوا
اختار الوقت المناسب عشان يعرف اثر التصرف علي الاخرين ( الفكره أننا كتير بنفكر في نفسنا بس ودا مهم اني افكر في نفسي
بس مهم الناس الي انا عايشه معاهم هنا كمان بيفكروا ازاي وبيحسوا بايه ونتيجه تصرفاتي هتكون عامله ازاي ..... موازنه عشان انا مش عايش لوحدي
زي ماامطلوب اني اتقبل مطلوب انهم كمان يتقبلو

المفتاح أننا نركز علي التصرف مش علي الشخص
احنا بننكر السلوك بس بنتقبل الاشخاص

07/12/2024

🔴 لأنكِ أنتِ السر وراء تميّز طفلك! ✨
انضمي الينا في ورشه "أم واعية" ❤️

⬅️📆 يوم الخميس 12 / 12
⬅️⏰ من الساعه 11 صباحا حتى الساعة 2 ظهرا

🟡 هل تواجهين مشكلات مع طفلك؟ دعينا نساعدك في تحويل التحديات إلى فرص نجاح.

- العناد المستمر ورفض القيام بالواجبات
- الغضب السريع أو الصراخ لأسباب بسيطة
- الغيرة بين الإخوة التي تسبب المشاجرات
- ضعف التواصل بينك وبين طفلك
- الشعور بالتقصير بعد انتهاء يومك

🟡 إذا كانت إجابتك نعم ⬅️ فهذه الورشة مخصصة لك 😉

ماذا ستتعلمين في الورشة؟
- كيفية فهم الأسباب الحقيقية لسلوك طفلك.
- حلول عملية للتعامل مع العناد والغضب والمشكلات اليومية
- استراتيجيات لدعم طفلك نفسيًا وعاطفيًا
- طرق استغلال نقاط قوته لبناء مستقبله بثقة

🚨 الحجز متاح حتى اكتمال العدد 🥰
🔴 يمكنكم التواصل الآن لمزيد من التفاصيل والحجز

📍 29 شارع حي الأشجار متفرع من شارع الخمسين زهراء المعادي
📞 01033165792

29/10/2024

الرحمه بتحتاج قوه لضبط الرحمه
عشان متبقاش لين أو ضعيف أو مستباح
الرحيم ليه مواقف قوه
والقوة عين الرحمه
ساعات بنحتاج مواقف فيها واقفه جامده
في ظاهر الأمر قوة لكن هي قمه الرحمه

اغلب الناس الي مش بتاخد مواقفايما بتقول اصل انا كنت طيبه ومش هيبقي طيبه و الفكره السلبيه بتاعتنا عن الطيبه وبيكفروا بطيبه القلب
دي ناس استلمت وافتكرت أن الرحمه مش انك تاخد موقف ووقفه

محتاجين موازنه بين الرحمه والقوة
والحزم واللين

27/10/2024

كتير اوي بنلاقي عندنا كراكيب كتير كده
حاجات بنقول اكيد ليها لزمه بعدين وحاجات ملهاش لزمه

بس هي الكراكيب دي مش حاجه عشوائية بس هي تشبث بجزء من ماضينا كأننا خايفين أننا كل ماهنطلع حاجه معناها أننا بننسي الأشخاص وبننسي الذكريات
بنحس انها امتداد للأشخاص الي فقدناهم في رحلتنا

لكن في الحقيقة هي الكراكيب دي مش هتعيد الناس الي راح ومشوا بالعكس ساعات كتير بتعمل ثقل ع القلب ووجع
التخلص منها مش خيانه بالعكس هي تحرر من الثقل ومن الحزن ومن الوجع
كل قطعه بنتخلي عنها بتدي مساحه للسلام الداخلي
بالتخلص منها بنظي القلب مساحه أنه يحتفظ بالذكريات المعنويه اكتر من الذكريات الماديه

ألم الفقد سبحان الله هيفضل جزء من الرحله بتاعتنا
والتخلص من الكراكيب جزء للتعافي من ألم الفقد

ممكن نعمل صندوق صغير نحط فيه حاجات بسيطه ذكريات
الحاجات الي بتخلص منها اتاكد انها هتروح لناس محتاجينها اكتر مني
ويارب ارزقنا التعافي من كل الأشياء المؤلمه

21/10/2024

اتقلنا واحنا صغيرين أن أنت بتجيب 10/10انت كده ذكي وممتاز
وكمان الام بتحب الابن الشاطر الي درجاته كلها 10/10في كل المواد 🙃 عمري ماعملتها فمش عارفه عامه بتتعمل ازاي بس الامهات بتحب أن ولادها يجيبو 10/10

طيب بعد ماكبرنا بقي هل فعلا الي بيجيب الدرجات النهائية هو الذكي
للاسف دي كذبه كبيره
لأن فيه سؤال مهم اوي انت ذكي في ايه 🙃
حد.ممتاز عبقري في الدراسة بس اجتماعيا مفيش اي مهارات
حد اجتماعيا جميل ومحبوب وبيحس بالناس وذكاءه الاجتماعي أو العاطفي موجود ومفيش ذكاء اكاديمي أو كتابي أو دراسي

حد ماهر في الحركه والرياضه زي محمد صلاح
زويل ذكي في الكيما بس منعرفش في الحركي ايه
احمد شوقي ا. نجيب محفوظ
ناس كتير منعرفش عنهم اي حاجه بس اسمهم موجود عند ربنا هو عالم بيهم وبنفوسهم

الذكاء هو حب الحاجه وممارستها

بلاش حاجات زي دي تخليني اخسر ولادي اني مش عارفه هو مميز في ايه
مظلمش نفسي انا كمان في دوامه الميديا اني مش لاقيه نفسي ومش ذكي عشان مش بشتغل أو عشان قاعده في البيت
أو عشان مش عارفه اربي ولادي
كلنا فينا حته كويسه الفكره بس اعرف استخدمها ازاي وامتي
وأولادنا كمان فيهم حته كويسه بنردمها بالتقليل منهم
الحياه صعبه مش سهله فبلاش نصعبها علي نفسنا وعلي الي حوالينا

13/08/2024

الي فهم البوستر الجديد ل toystory 5 يبقي جامد.
شكلنا هنشوف جزء صعب شويه بس للاسف واقع بيعيشه الجيل الحالي

01/08/2024

عايز تسيبه إيه لعيالك؟
فلوس؟
ما انت شايف العيال ال عيمين ف فلوس أهاليهم ف الساحل هم الأكثر (يَعًا) وسط الناس.

تعليم صوري وعمرنا ف اقساط مدارس التلت حروف؟
ما انت شايف حواليك بيفنوا 16 سنة تعليم ويخرجوا زي ما ولدتهم أمهم، ولا أي حاجة، وسواء هيشتغل دكتور، ولا هيشتغل عامل بيشيل طوب، إيه ضمنك انه هيكون سعيد ف حياته او يكون حتى متعلم الحاجات ال تخليه يعرف (يفوت ف الدنيا) ايا كان شغال ايه؟

تعلمه دين على طريقة أغلب الناس؟
تبقى أعمى لو مش شايف إن الكثير جدا من الأطفال ال طلعوا من بيوت فيها الأب او الام متشددين دينيا سواء مسلمين او مسيحين (بيعلموا دين الناس)، وفاكرين انهم بيحافظوا على الدين وبيزرعوه ف العيال، العيال دي هي الأكثر مروقا من الدين ونقما على اي شيء له علاقة بالدين.

عايز تسيب لابنك ايه؟
عن نفسي ملاقتش إجابة السؤال ده غير عند ربنا:
"وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا"

أن اتقي الله فيهم وفي الناس، وأقول قولا سديدا لهم وللناس.

وقول سديد.. يعني يحقق أهدافه، فلو هدفي (الصحة العقلية) و(النفسية) و(الجسدية) ليهم..

يبقى مقولش كلام مُحبط يأذيهم نفسيا، مأذيش باليد، مخليهمش حزانى ومنقوص حقهم وتفوت طفولتهم وهم مش واخدين نصيبهم من السعادة والبهجة ف الدنيا.

قول سديد.. يعني محرمش من تعليم حقيقي في مقابل تعليم صوري عشان دي نظرة المجتمع او (ما تخليك زي كل الناس)..

سديد يعني محرمش من غذاء يفيد او اتيح ما قد يضرهم أو أقصر في نموهم الحركي والجسدي

قول سديد. يقف سدا يمنع "يمنع الظلم والجور" ويتسدد ناحيه أهدافه ليحقق "الحق والعدل" لهم ولمن حولهم..

القول السديد شيمة من شيم (الحكمة) فأقدر ألخص (قولا سديدا) إني أكون شخص حكيم معاهم سواء تربية او تعليم او تغذية او او..
أن يكون ميراثي المتروك لهم قول نافع لهم ونافع للناس.
وكلمة سديد، لم تذكر في القرآن قط غير في هذا الموضع فقط

والاتقاء يعني الابتعاد عما قد يحقق سوءا (ولو باحتماليه) لهم أو للناس من حولهم، أي "مخافة الضرر" حتى ولو كان الوقوع غير مؤكد، ففقط احتمل وقوعه يستوجب "الاتقاء"، وده مفهوم واضح قد ايه هو جميل..

ووجدت أن النصيحة الإلهية تجمع بين (العمل والقول) الاتقاء عملا، والسداد قولا
فاتخذتها منهجا لي.. اتقي الله في أطفالي وفي الناس.. واقول قولا سديدا لهم وللناس.
لا أخشى في هذين (الاتقاء والسداد) لومة لائم أو مخافة إنسان.

انت بقى قولي عشان عايز أعرف الافكار والآراء وبدون ما حد يحكم على حد..
عايز تسيب لعيالك إيه؟

31/07/2024

ألا إن البلية في الولد كربٌ وهمّ

اللهم لا تبتليني في أولادي واصنعهم صنعة صالحة
آمين

27/07/2024

اغلبنا الفترة دي بتاعت امير في مصر اتربينا علي كدا ... والغريبة انك لما تلاقي عيلة ايموووشنال اووي وعاطفية حتلاقيهم بيواجهوا جمود من المجتمع يصدمهم ...

23/07/2024

انا عايز اعرف حاجة.. الناس اللي بتشتكي ان الاطفال بتتنطط وتجري وتتشاقي عايزين ايه من الطفل ..يلبس البيجامة فوقيها الروب ويقعد يقرأ معاك الجورنال ..حضرتك ده سنه وهي ديه حياته..وبعدين وحضرتك كنت طفل كنت مساعد مخرج برنامج العلم والايمان مثلا؟؟😂