صفحة ماما صفحة عربية تهتم بكل مايخص صحة الطفل والأم معاً
هدفنا نشر التوعية الصحية السليمة لكل فرد في العائلة
معاً يمكننا تصحيح كل المفاهيم الخاطئة عن صحة الطفل
24/11/2024
بلاش خروج النهاردة عشان قلبة الجو دي والتراب مع الهوا ممكن يجيب برد وحساسية للاطفال ، نريح في البيت مع سوائل دافئة كتير
🔔أقل من ٦ شهور .. بلاش ماء عشان منلخبطش املاح الدم .. الا اذا ابتدينا اكل بعد ٤ شهور ممكن ندي ١٠ سم بعد الوجبة.
🔔من ٦ شهور لسنة .. من ٨٠٠ مل ل لتر ف اليوم ... يعني ٤ كوب ماء ع الاقل ف اليوم .
🔔من سنة لسنتين .. من لتر ل لتر و ٢٠٠ ملي .. يعني من ٥ ل ٦ كوب ماء.
يعني بعد سنة مش اقل من لتر في اليوم.
16/11/2024
الطفل اللي بيعمل براز مرة واحدة في الأسبوع معندوش امساك
لو عايزة تعرفي يعني ايه امساك وعلاجه ايه بصي علي أول كومنت
👇
16/11/2024
افضل علاج الكحة في الأطفال
١- تسليك الأنف بمحلول ملح
٢- جلسات بخار ماء دافئ
٣- سوائل دافئة ٣ مرات يوميا
24/09/2023
مفيش حاجة اسمها لبني خفيف 😏 في نوعين من لبن الأم ( أول اللبن وأخر اللبن ) لو عايزة تعرفي نوع اللبن وأهميته ومين فيهم بيعمل مغص ومين بيزود الوزن بصي علي أول كومنت 👇
🏃🏃ده واحد من أهم التطعيمات اللي لازم نحرص ان نديها لاطفالنا .. و ده ﻷن بكتيريا المكورات الرئوية المسببة للالتهاب الرئوي مسئولة عن حوالي 80% من الامراض البكتيرية اللي بتصيب الاطفال خصوصا في الشتاء ..
-🌺🌺التطعيم ده بيدينا حماية كويسة جدا ضد : الالتهاب الرئوي و النزلات الشعبية و اللوز و التهاب الاذن الوسطى و حتى التهاب اغشية المخ (الالتهاب السحائي)
- 💐💐التطعيم يعطى من عمر شهرين و حتى عمر ٥ سنين .. و الافضل يتاخد خلال اول ٦ شهور .. ٣ جرعات بين كل جرعة و التانية شهرين يعني عند 2، 4، 6 شهور و بعديها جرعة منشطة عند سنة ونص
🚨 لو اكبر من ٦ شهور ممكن يتاخد بعد كدة عادي جرعة عند 6شهور وجرعة عند 8 شهور وجرعة منشطة عند سنة ونص
🚨 لو عمره اكبر من سنه لحد سن ٥ سنين ممكن يتاخد جرعتين الفرق بينهم من 2 إلي 6شهور
08/09/2023
موسم الشتاء قرب .. اهم تطعيم هو مصل الانفلونزا وتطعيم المكورات الرئوية عشان نقلل موضوع الالتهاب الرئوي والنزلات الشعبية
05/09/2023
خلاصه الكلام في المغص في الأطفال 😖👶
أسبابه ؛
١- بيبلع هوا كتير وهو بيرضع
٢- استخدام السكاته أو اللهايه كتير زيادة عن اللازم 😏
٣- اللبن الصناعي 😑
٤- أكل الام 🤱 زي الكرنب والقرنبيط والفول والطعميه والتوابل الحارة زي الشطة والفلفل واللوبيا والعدس والترمس
والكافيين الكتير زي الشاي والقهوة اكتر من ٣ مرات في اليوم
وكمان منتجات الألبان ( مش هتمنعيها بس حاولي تشربي لبن خالي اللاكتوز أو كلي منتجات البان التقيلة زي الجبنة القريش والشيدر والزبادي والقشطة ) وكلي فاكهة سليمة بلاش فاكهة عصائر أو معلبة
العلاج 💊
تعليمات للام ؛
١- نظمي أكلك وخلي بالك من اي أكل يزود المغص ومش هقولك امنعي كل حاجة .. بس خلي بالك من الكميه
١- يمسك الحلمه كويس ومندخلش هوا في الفم خالص
٢- يرضع رضعه كامله من صدر واحد .. أقل حاجة ربع ساعه لحد ماصدرك ينشف ولو لسه جعان تنقلي علي الصدر التاني 🙏
٣- نكرع الطفل في وسط الرضاعه وبعد الرضاعه .. ونصبر عليه لما يتكرع خبطي علي ضهره شوية عشان يطلع اي هوا في بطنه 🌚
٤- ظبطي أكلك ياماما .. وخفي محشيات وفول وتوابل 😂
ولو انتي عندك قولون عصبي خدي علاجك بانتظام وامشي علي نظام غذائي مريح للقولون
٥- بلاش سكاته الا للضرورة وبلاش لبن صناعي الا بامر الدكتور 🧑⚕️
تمارين للمغص 🕺
١- تمرين العجله ( نتني ونفرد رجل الطفل اكتر من مرة عشان يطلع غازات اللي في بطنه ) 🚲
٢- مساج علي بطن الطفل بزيت وحركي ايدك علي بطنه علي شكل دايرة
٣- ننيمه علي بطنه شوية وندلك ضهره
٤- حمام مايه دافيه وزيت وشامبو وقعديه في الميه 🛀
الادويه 💊
أغلبية العلاجات بتحسن شوية المغص لكن مش بيروح .. فحطي في دماغك ان الطفل هيفضل يمغص ويرتاح علي طول وشوية كويس وشوية يعيط 😭 فبلاش توهمي نفسك بعلاجات كتير عشان كلهم زي بعض
١- سايمثكون وسايمديل ودينتينوكس .. يعتبروا الافضل
٢- ماء غريب او ماء نونو أو اكوابلس .. بينفعوا في بعض الأطفال
٣- الاعشاب ممكن ندي للطفل مرة واحدة في اليوم بعد عمر ٤ شهور ومن غير سكر ولا عسل 🍬
٤- لبن خاص بتاع حساسية الألبان لو الطفل اتشخص أنه عنده حساسية لاكتوز أو حساسية البان 🖐️
في الاخر .. المغص ده طبيعي طالما الطفل طبيعي ومفيهوش اي مشاكل تانيه .. يبقي نستحمل شوية معلش 🖐️ تخيلي طفل بيشرب لبن بس ومعدته لسه بتتكون فطبيعي يبقي ممغص
نستحمله ونعمل الي قلنا عليه وهو هيبقي كويس وكل مايكبر الموضوع بيقل ويتحسن 👶🤱
Be the first to know and let us send you an email when ماما-Mama posts news and promotions. Your email address will not be used for any other purpose, and you can unsubscribe at any time.
