Pioneers Clinic

05/06/2023

الحمد لله
احلى حاجه حب و دعوات الناس

04/06/2023

هنتكلم النهارده عن موضوع مهم جدا يهم كل واحد فينا
هناك بعض الأعراض اللى ممكن يشتكى منها كبار السن وقد تسبب خطأ فى التشخيص ان لم نأخذ فى الحسبان الاحتمالات الهامة و الخطيرة الأخرى
من أشهر هذه الاعراض شكوى وجع فى فم المعدة او فى منطقة اعلى البطن فى المنتصف

شكوى متكررة و مشهورة و اشهر سبب لهذا الوجع هو التهاب فى المعدة او اى اضطراب فى الجهاز الهضمى وعلاجه بسيط ان شاءالله
لكن
فى بعض المرضى لازم نستبعد سببين خطيرين
١- جلطة فى القلب .. ايوه ممكن يكون السبب جلطة فى القلب لاقدر الله ولازم نستبعده خصوصا لو مريض ضغط او سكر او مريض قلب اصلا.
٢- ارتفاع شديد فى نسبة السكر بالدم يؤدى الى غيبوبة سكر.

حفظ الله كل اهلنا وبارك الله فى عمرهم وصحتهم
كبار _السن _في _ القلب
Priority _for_pioneers

07/10/2022

د داليا حسين تهنئكم بالمولد النبوى الشريف
أعاده الله علينا وعليكم بالخير واليمن والبركات
وصلى الله وسلم وبارك على سيدنا محمد وعلى آله وصحبه أجمعين

24/08/2022

ليه كبار السن اكثر عرضة للجفاف ومحتاجين رعاية خاصة فى فصل الصيف ؟
كل ما يكبر فى السن بيقل الاحساس بالعطش يعنى بيكون جسمه محتاج للميه لكن هو مش حاسس

طيب وهل ده خطر ؟
طبعا ده شديد الخطورة وممكن يؤدى الى الجفاف
اللى بدوره بياثر على كل وظائف الجسم فيؤدى الى
ارتفاع وظائف الكلى و الفشل الكلوى
الدوخه و عدم القدرة على التركيز اللى ممكن يؤدى الى السقوط و الكسر لا قدر الله.
الجفاف الشديد يؤدى الى تدهور درجة الوعى و زيادة فرصة حدوث جلطات..

طيب ازاى نحميهم من خطرالجفاف ؟
١.الحرص على شرب حوالى ٣ لتر يوميا حتى بدون الاحساس بالعطش.
٢.نحاول قدر الإمكان يكون جو الغرفة مناسب لتفادي أي تعرق أو برودة.
لأن العرق مرهق جدا له وبيكون سبب في الجفاف للمريض غير إنه سبب لحدوث فطريات في الأماكن المغلقة مثل منطقة الإبط أو تحت الثدي غير طبعا الرائحة الكريهة للمريض.
وتهوية المكان أساسية جدا جدا جدا كل يوم !

طيب و بالنسبة للعناية الشخصية فى فصل الصيف ؟.
نقطة مهمة جدا لتفادي التسلخات:
لما يكون المريض نايم على ظهره حاول الفخذين يتم إبعادهم قليلا بحيث يحصل تهوية للمنطقة بين الفخذ ومخرج البول
و تكون الملابس خفيفة وواسعة وتكون كلها قطن
لون الجلد:
الطبيعي في لون الجلد يكون لونه وردي !
لكن لو بدأ يتغير للون الأحمر الغامق (يعني نفس اللون لما يحصل معنا التهابات في الجلد) خاصة في منطقة الظهر
غالبا بيكون بداية تقرحات فراش !
وهنا مهم جدا نحافظ على التقليب كل ساعتين واستشارة الطبيب

اللون الأبيض بين الأصابع بيكون سببه فطريات وغالبا سببها التعرق وعدم تجفيف بين الأصابع بعد الاستحمام !
وعلاجه: تجفيف المكان مع استعمال كريم مضاد للفطريات واستشارة الطبيب إذا لم تتحسن
مهم جدا تجفيف المنطقة تحت الثدي بالنسبة للمرأة لأنها منطقة رطبة بسبب العرق وعدم تعرضها للهواء وبالتالي سهل جدا يحصل فيها تسلخات بسبب الفطريات وعلاجها علاج للفطريات مع التجفيف أول بأول

الاستحمام:
في الصيف ممكن يكون بشكل يومي بماء دافيء لأنه بيحسن وصول الدم للجلد وبالتالي يفادي حدوث أي قرح أو عدوى.
غير إنه بيحافظ على نظافة الجسم ذاته من أي روائح كريهة

ويتم التجفيف جيدا بأي شيء قطن وخاصة في ثنيات الجسم مثل بين الفخذين والإبط وتحت الثدي للمرأة وبين أصابع القدم ! ويكون التجفيف بطريقة الضغط الخفيف وليس بطريقة الحك.

ومهم جدا ترطيب الجلد لان جلدهم بيكون رقيق و حساس

حفظهم الله وشفاهم وعافاهم....

د داليا حسين
استشارى طب المسنين
مدرس بكلية الطب جامعة عين شمس

للتواصل عبر الواتساب https://wa.me/message/ZEGQDPXBK6O4C1

10/08/2022

19/05/2022

العمر مجرد رقم:
بشكل عام في بلادنا:
مجرد من المرأة توصل سن الـ 40 بتروح تشتري عكاز وتعمل نفسها عجزت حتى لو لسه شابة وزي الفل !
مجرد ما المرأة ابنها يتجوز ويبقى له زوجة، بتعمل نفسها عجزت وتخلي مرات ابنها اللي تشتغل !
مجرد ما الرجل يوصل الـ 50 أو يطلع على المعاس يبقى كدة عجز رسمي !
مجرد ما الرجل ابنه يبدأ يبقى معاه فلوس يبقى كدة بقى عجوز بكل ما تعنيه الكلمة !
(عجوز في اللغة العربية للنساء وشيخ في اللغة للرجال كبار السن ... لكن هنا اللغة الدارجة فقط)
طبعا فيه ناس مختلفة تماما عن الكلام ده !
اللي بيعمل الكلام اللي فوق ده من وجهة نظري ممكن ربنا يحاسبه على تدميره لنفسه بدون داعي !
العمر مجرد رقم زي ما بيقال !
احنا اللي بنعجز نفسنا على الفاضي بكلام فارغ ووهم !
لما ربنا يرزقك الحج أو العمرة وتروح تشوف بتوع جنوب شرق آسيا،
هتلاقي الواحد أو الواحدة عندهم 200 سنة ! وماشيين أسرع من الشباب ! وحاملين على ظهرهم أمتعة أثقل من وزنك ! وعادي جدا والدنيا زي الفل معاهم !
بلاش تدمر نفسك بدري بدري علشان ربنا هيسألك عن عمرك وتضييعك له !
عمرك مجرد رقم فقط !
لكن صحتك مستمرة لحد ما ربنا يأذن لك بعد طول عمر وحسن عمل !
بلاش تركن بدري بدري !
اتحركي كتير في بيتك ومكان ! واخدمي نفسك بنفسك بلاش تركني على مرات ابنك بدون داعي أو حتى بداعي !
اتحرك كتير في شغلك وشارعك ومشوارك !
بلاش تركن بعد المعاش وحاول تتحرك وتشوف لنفسك أي شيء تنفع نفسك به دين ودنيا وصحة وعافية
الحركة بركة وهي من أعظم نعم الله للعبد
اتحركوا، تصحوا !
اتحرك تفضل طول عمرك بصحتك مهما كان رقم عمرك
اتحرك كتير جدا ولو تعبت من الحركة هتنام شوية وهتصحى زي الفل !
الرحكة عمرها ما جابت مرض !
لكن مجرد ما تقعد هتلاقي المرض قعد جنبك وجاورك ومش هيسيبك !
امشوا في مناكبها وكلوا من رزقه
زي ما ربنا أمرنا في سورة الملك
مهما كان سنك، إنتي مش عجوزة ! إنتي شابة ولكن عجزتي نفسك بنفسك !
أنا أعرف ناس عندها ضغط وسكر وووو ! وسنهم كبير ! لكن بفضل الله شباب عمر وصحة ربنا يبارك لهم !
بيتحركوا كتير ومتعايشين جدا مع أمراضهم وكأن شيئا لم يكن
لأنه كما قال رسول الله -صلى الله عليه وسلم-:
فمن رضي فله الرضا
ومن سخط فله السخط
راجع نفسك
وراجعي نفسك
العمر مش هيرجع تاني
.
وربنا ييسر لنا ولكم كل خير
ويديم علينا وعليكم العافية بكل خير وسعادة

30/04/2022

29/09/2021

ما هو مرض خشونة الركبة؟

هو عبارة عن حالة مرضية يصاب فيها الشخص بنوع من التحلل والتفتت في الغضاريف التي توفر الدعامة المرنة بين عظام المفصل.

ومع الوقت تصبح فرص تلامس عظام المفصل في منطقة الركبة أعلى مع كل حركة، وذلك نتيجة ترقق الفاصل الغضروفي، وكذلك قد يتسبب هذا الاحتكاك الحاصل بألم وتورم وتصلب أو حتى بظهور النتوءات العظمية.

كيف تتعامل مع خشونة الركبة⁉️
هناك تعليمات يجب على مريض خشونة الركبة أن يتبعها؛ لأن أهميتها تفوق أهمية العلاج الدوائي،
و هذه التعليمات تشمل:
🔶فقدان زيادة الوزن، و هذه من أهم الاشياء التي تساعد مريض خشونة الركبة، وتحسن من حالته.
🔶تجنب الوقوف لفترة طويلة؛ لأن هذا يزيد الضغط على مفصل الركبة أكثر.
🔶تجنب استخدام السلالم في الصعود والنزول قدر الإمكان، واستخدم المصعد.
🔶اذا لزم طلوع السلم وغير متاح لك المصعد يجب:
💚ان تطلع بالراحة جدا على السلالم وتجنب ثني المفصل أكتر من ٩٠ درجة.
💚استند على درابزين السلم جيدا.
💚وانت طالع ضع رجلك السليمة اولا ثم التانية على نفس السلمة وليست اللي بعدها.
🔶 يفضل إنك ترتب الدولاب أو الخزانة بحيث إن أثقل شيء يكون في مستوى خصر المريض ولا يضطر ان يثني ركبته ليحضره.
🔶تناول الأطعمة المفيدة للعظام، مثل منتجات الألبان والأسماك، وتجنب المشروبات الغازية لأنها بتقلل من تركيز الكالسيوم في العظام.
🔶 بالنسبة للسيدات ارتداء الكعب العالي في حالة خشونة الركبة من أكثر الأشياء المؤذية.
✨ وطبعا لو حابب تتطمن على كبير سن عندك في clinic
د داليا حسين
استشارى طب المسنين
جامعة عين شمس
✍️ للحجز والاستفسار كلمنا دلوقتي على:01021020641
للتواصل عبر الواتساب https://wa.me/message/ZEGQDPXBK6O4C1
العنوان مجمع عيادات نوفا التخصصية، ٥٩ ش الزهراء الرئيسى، بجوار الجامع الكويتى، زهراء المعادى.

11/09/2021

أسباب التبول اللاإرادي عند الكبار

-مرض السكر
-فرط نشاط المثانة: تقوم عضلات المثانة بالضغط على المثانة عندما تكون مستعدًا للتبول، ولكن إذا كنت مصابة بفرط نشاط المثانة فإنها تضغط بشكل مبالغ فيه وفي الأوقات الخاطئة، بالتالي يحدث التبول اللاإرادي.
- ضعف عضلات الحوض و المثانة
-تناول بعض الأدوية
-قصور في التخزين: قد تؤثر بعض الأمراض على قدرة الجسم على تخزين البول وحفظه، ومن هذه الأمراض:
سرطان المثانة.
سرطان البروستات.
أمراض الدماغ والعمود الفقري، مثل اضطراب النوبات، والتصلب المتعدد، ومرض باركنسون.
-انسداد مجرى البول (الأنبوب الذي يحمل البول من المثانة).
-الإمساك.
-البروستات متضخمة.

كيف يمكنك علاج التبول اللاإرادي عند الكبار؟
هناك الكثير من الإجراءات التي يمكن أن تتبعها لعلاج التبول الاإرادي عند الكبار وتشمل:
1. تغيير العادات اليومية مثل:
حاول إعادة تدريب المثانة: اذهب إلى الحمام في أوقات محددة خلال النهار والليل وحاول ببطء زيادة مقدار الوقت بين زيارات الحمام لكي تدرب مثانتك جيدًا، وانتظر 15 دقيقة في كل مرة تذهب بها إلى الحمام، سيؤدي ذلك إلى تدريب المثانة على تحمل المزيد من السوائل.
لا تشرب السوائل قبل النوم: بهذه الطريقة لن تنتج الكثير من البول، ويفضل تجنب الكافيين والكحول التي من شأنها أن تحفز المثانة.
استخدم المنبه: اضبطه لإيقاظك في أوقات منتظمة أثناء الليل حتى تتمكن من الذهاب إلى الحمام.

2- ممارسة تمارين تساعد على تقوية عضلات قاع الحوض، وتعد أفضل لعلاج حالات سلس البول الناجم عن الشعور بالضغط.

3- تناول الأدوية.

📌ولو حابب تتطمن على كبير سن عندك #عيادة _pioneers بتوفرلك أفضل رعاية طبيه في مجال رعاية كبار السن.
وكمان متوفر عندنا خدمة الزيارة المنزلية لكبار السن لأن صحتهم أولويتنا.
✍️ الحجز والاستفسار كلمنا دلوقتي
ت: 01021020641
للتواصل عبر الواتساب https://wa.me/message/ZEGQDPXBK6O4C1
العنوان مجمع عيادات نوفا التخصصية، ٥٩ ش الزهراء الرئيسى، بجوار الجامع الكويتى، زهراء المعادى.