13/10/2024
كتير من الامهات بتشتكى ..ابنى دايما بيشتكى بمغص....دايما مش مرتاح ...بيصحى من النوم بمغص ....مش عارف ياكل ...
طب يا تري ايه اسباب المغص عند الاطفال؟؟؟؟
في اسباب كتير منها :
_الامساك
_التهابات مجري البول
_النزلات المعويه
_لو بنت فى سن البلوغ (الم الدورة)
_و ممكن يبقي ما فيش سبب معين و ده غالبا بيروح لوحده بس لازم نستبعد باقي الاسباب الاول
*طب اعمل ايه يا دكتور ؟؟؟
لازم الطفل يرتاح ...يشرب سوايل كويس بس نبعد عن العصاير و المياه الغازيه ...الاكل خفيف لا محمر و لا مسبك ...نشجع الطفل يروح الحمام كل شويه
* طب امتى اقلق و اروح للدكتور ؟؟؟
لو لاقيت الطفل بقي
_شاحب
_ايده و رجله ساقعين
_همدان خالص و مش بنشاطه و _مدروخ
_مش بيصحى من النوم بسهولة
_بيرجع ترجيع اخضر او فيه دم
_البول او البراز فيهم دم
_المغص جامد و مش بيخف بالمسكنات
و طبعا فى اسباب تانيه مهمه للمغص في الاطفال الرضع هنقولها باذن الله فى البوست الجاى☺️☺️
العنوان
٩ش سرايا المنيل امام كليه اسنان القاهرة فوق دجاج كنتاكى مركز عيادات (العيادة)
المواعيد
الخميس ٦ م _٩م
للحجز
+20 1024070248
