Dr. Ramy Gaber; OMFS

12/06/2025

حاليا كتير مننا بيلجأ لاستخدام وسائل التواصل الاجتماعي لل
Personal branding
بأساليب مختلفة..فيه اللي بيحط صور حالات، وفيه اللي بيكتب معلومات طبية ، وفيه اللي بيحاول يشرح ويبسط مواضيع طبية معقدة.... الخ

في عيب قاتل للحكاية ديه خاصة من ناحية تبسيط العلم، ان في جزء كبير من الأطباء الغير مختصين بيتعامل مع البوستات و الصور ديه على انها معلومات علمية موثقة ، في حين انها في أحسن الظروف هتكون مجرد قشور مكتوبة صح لموضوع معقد. المشكلة انه بينسى او بيتغافل عن ان الشخص اللي كتب المعلومة المبسطة ، المفروض انه اتعلمها في مكانها الطبيعي سواء من الكتب او في برنامج تعليمي متخصص او دراسات عليا مش من الانترنت.

العلم الحقيقي مكانه الكتب و قاعات المحاضرات مش على وسائل التواصل الاجتماعي.

يا ريت نفتكر دايما ان مهما كان الموضوع مشروح كويس في بوست او صور، وراه مجهود كبير و قراية ومذاكرة.. يعني مينفعش نتعامل مع البوستات على انها مصدر شامل ووافي .

23/05/2025

عندي كام نصيحة للشباب الباحثين عن فرص عمل في مجال طب الأسنان. النصائح ديه من خبرة تقرب من العشرين سنة من الممارسة في مصر ، ومن حسن حظي اني اشتغلت في أغلب المستويات من أول المستوصفات المجهولة في المناطق الشعبية لغاية أكبر أسامي من مراكز الأسنان.

الكلام هيفيد أكتر الشباب اللي عندهم خبرة عملية ولو بسيطة.

١- لو هتنزل بوست طلب عمل ، يا ريت تنزله باسمك... انا ليه كصاحب عيادة اتواصل مع حد مجهول مش عارف حتى اسمه، حركة زي ديه هتقلل فرصك

٢- وانت بتعرض خبرتك العملية، ابعد عن المبالغات الغير منطقية. يعني ميبقاش خبرتك ٣ سنين بعد التخرج و تقول انك شغال ٢٠٠٠ حالة زراعة مثلا او متمكن من الجراحات الكبرى..... الخ

٣- على قد ما التوثيق و تصوير الحالات مهم، بس هو مش كل حاجة. لسبب بسيط ، ناس كتير بتاخد صور من الانترنت و تنسبها لنفسها. الأهم من صور الحالات ، ان يكون في اشخاص
Reference
ممكن نرجع نسألهم عنك وعن شغلك . ولو صاحب العيادة اللي كنت شغال معاه انا اعرفه شخصيا (المجال اوضة وصالة ) . كلامه هيكون عامل مهم و حاسم في التعيين او الرفض.

٤- على قد ما تقدر طور من نفسك ومهاراتك، التعليم الطبي مش بيقف طول العمر و الدنيا بتتغير بسرعة جدا. آخر ١٠ سنين او ٥ سنين، حاجات كتير اختفت و ظهر بديلها.

٥- لو انت لسة متخرج او في امتياز. دور على عيادة تنزل فيها متفرج او مساعد عشان تستفيد حاجة او اتنين حتى لو بدون مقابل مادي او مقابل مادي ضعيف. ١)التعامل مع المرضى وادارة العيادة. ٢) خبرة علمية عملية لو الطبيب متميز في مجاله.

٦- العيادة اللي هتنزلها لازم يتحقق فيها شرطين. ١) التعامل باحترام، لو مش موجود امشي. ٢) تكون في نفس المستوى او التخصص اللي انت عايز تشتغل فيه، غير كدة هتبقى بتضيع وقتك.

٧- الاشهر في المجال مش دايما الافضل او الاشطر (في كتير متميزين فعلا، عشان محدش يفهم غلط)، هو اشطر في التسويق والدعاية لنفسه. بس في ناس أقوياء جدا و عياداتهم مبهرة و مش محتاجين التسويق والدعاية.

٨- لو جاتلك فرصة شغل، لازم تشوف نقطتين مهمين تقيم بيهم المكان قبل الفلوس. ١) هل العيادة فيها ابسط الامكانيات المطلوبة لتقديم خدمة طبية محترمة، ٢) اخبار مكافحة العدوى ايه ؟.. يعني اسأل نفسك سؤال، لو حد من عيلتك هترضى تشتغله في العيادة ديه ولا لأ. لو اجابتك اه يبقى تمام، لو جاوبت بلأ يبقى متشتغلش ، واللي مترضاهوش لأهل بيتك مترضاهوش للناس.

انا عارف ان المنافسة بقت صعبة و الفرص تبان معدومة، بس مع السعي الابواب بتتفتح. وربنا يوفق الجميع

18/04/2025

الحمد لله..

My latest international publication in the reputable journal "dentomaxillofacial radiology" with my colleagues and professors at the oral and maxillofacial radiology department.

ده تالت بحث مرجعي systematic review
أشارك فيه و يتم نشره دوليا في مجلة علمية متخصصة مرموقة.

17/04/2025

مجهود مشكور من النقابة لحصر أعداد المسجلين بكشوف النقابة و عمل دراسة مبدئية... بس الحقيقة عشان يكون تأويل الأرقام واقعي و ذو قيمة، لازم يكون في حصر و تفصيل أكتر للأرقام عشان يكون في تخطيط استراتيجي حقيقي..
عدد المسجلين بدفاتر النقابة لوحده مش كفاية و غير مفيد، هاكتب شوية أمثلة لبعض الأرقام المهمة (ممكن يكون تدقيق أغلبهم محتاج مجهود بس تقدر تحصل على مؤشرات قريبة من الصحة):
١- عدد الممارسين للمهنة فعلا في جميع القطاعات (القطاع الخاص، وزارة الصحة، الجامعات ، الهيئات.... الخ) مع بيان نسبة كل قطاع.
و ده ببساطة تقدر تعرف منه القوة العاملة كام بالظبط

لأن مثلا عدد الأطباء على المعاش ، معناه أطباء فوق الستين.. مش معناه انهم غير ممارسين للمهنة.

٢- عدد اطباء الأسنان خارج مصر...
٣- عدد الحاصلين على درجات علمية و مهنية بعد المؤهل الأساسي.. مع بيان التخصصات
٤- عدد العيادات الفعلي في مصر

كل ديه أرقام تخليك تعرف عدد القوى العاملة و توزيعهم على اماكن الشغل و تخصصاتهم... و بناء عليه تعرف تحط خطة استراتيجية لاحتياجاتك في مختلف القطاعات و التخصصات.. الخ

عدد المسجلين في النقابة و عدد الطلبة لوحده مش كفاية

14/04/2025

نتكلم بجد شوية عن الدكاترة المصريين اللي بيهاجرو.
ناس كتير بتشيد بأغلب الدكاترة خارج مصر و بالذات المتواجدين في الدول الأوروبية..
هنا في سؤال بيطرح نفسه ، هل الدكاترة المصريين فعلا أشطر من غيرهم ؟
اجابة السؤال ده من وجهة نظري و خبرتي الشخصية تتلخص في كلمة واحدة "النظام".
اللي اشتغل في القطاع الصحي الحكومي في مصر سواء في الجامعة او وزارة الصحة. هو حرفيا بيغزل برجل حمار و بيطلع منها منتج في أوقات كتير بيكون كويس جدا. يعني مثلا بالنسبة للتخصصات الجراحية هيكون مطلوب منك قبل العملية كجراح انك تتأكد من توافر كل مستهلكاتك و آلاتك قبل العملية ولو مش موجودين تتصرف في بدائل ممكنة. ده بخلاف المفاجئات اللي ممكن تقابلك وانت بتشتغل زي ان فجأة الموتور مثلا يعطل و ملوش بديل او عامل العمليات يختفي او التمريض جزء منه يخرج يرتاح و يسيبك... الخ

مشاكل و مفاجئات انت بتتعامل معاها و تحلها طول مانت متواجد في مكان شغلك. و ده كله ملوش علاقة بتدريبك ولا مؤهلاتك، ولكنه بيديك طاقة ابداعية لحل المشاكل.

كل ما سبق من مشاكل و عوائق يكاد يكون ملوش اي وجود في أغلب البلاد اللي عندهم نظام صحي منضبط و متقدم. يعني انت كجراح كل المطلوب منك انك تحجز العملية ، و انت متطمن بنسبة ٩٠% انت احتياجاتك وبدايلها موجودة.. لو مش متوفرة غالبا المستشفى هتتصرف او هتقولك انك مش هتقدر تشتغل حاليا.

لو حصل اي شيء مفاجئ جوة اوضة العمليات، الدكتور المصري هيتصرف و أغلب الوقت الأجنبي هيعطل مهما كانت المشكلة تافهة. انا بنفسي مرة كنت حاضر في أوضة عمليات في واحدة من أكبر مستشفيات أوروبا، الجراحين وقفو شغل و عطلو لمجرد ان مقاس الخيط الطبي اللي محتاجينه مش موجود ، في حين ان كان دولاب الخيوط مليان كل المقاسات و الأنواع البديلة متوفرة.

مشكلة تانية حقيقية بقى موجودة في مصر هي غياب أسس العلاج لمختلف الأمراض guidelines

و أغلب الوقت الخطة العلاجية هتكون مرجعيتها معلومات و خبرات الطبيب المسئول عن العلاج. و من هنا بييجي وجود اختلافات فجة بين الأراء الطبية داخل نفس التخصص.
في أغلب الدول اللي عندها نظام صحي متطور، هيكون في قواعد علاجية لأغلب الأمراض و المشاكل سواء جراحية أو غيره. و بالتالي خلافات الأطباء بتكون محدودة نسبيا و لكنها موجودة.

و من هنا بييج سبب تميز الدكاترة المصريين و الهنود في البلاد المتقدمة. ان عندهم طاقة ابداعية عالية لحل المشاكل (و من رأيي المصريين أجرأ على الابتكار وطرح الحلول) بتتوجه للعلاج الفعلي بدل محاربة طواحين الهواء + نظام وقواعد علاجية بيتحركو من خلالها.. فمش محتاج انه يألف خطة علاجية من الهوا أو يفتي.

14/04/2025

بمناسبة الكلام عن هجرة الأطباء بسبب الكلام المستفز للاعلامي الشهير..
لسة حاصل موقف معايا شخصيا من يومين ، حد نعرفه حصله ظرف طبي بسيط ولكنه طارئ مرتبط بطب الأسنان وجراحة الوجه والفكين في لندن. سمعت منه القصة و قلتله استنى اشوفلك دكتور مصري معرفة في لندن عشان انا مش واثق في اللي شافوك.
اللي فاجئني ان هو كمان رأيه كدة انه مكنش مقتنع بالدكاترة اللي شافوه و غالبا هينزل يكمل علاجه في مصر.

الدكاترة المصريين مشرفينا في كل حتة 😁

27/03/2025

For young surgeons interested in raising their level in oral surgery. This is a short course for a limited number of attendees

Surprises from Ain Shams University Continuing Dental Education are not over yet!!!
is a whole different mood!!🎉

Join "Mastering the Removal of Impacted Teeth, A Condensed Course for Young Surgeons" with Assoc. Prof. Dr. Ramy M. Gaber

Condensed course consists of:
✅️ 2 Day Intensive Lecture & Live Demo followed by Preclinical Hands-on Workshop & Practice (May 31st and June 1st)
Followed by
✅️ 1-on-1 Mentoring accompanying each participant as each performs 3 specialized cases (scheduled individually - flexible)

🎯Practice with Confidence! Gain Mastery!

💡
Don't miss out on this opportunity to

🥼Register now and secure your spot!

🎲 6 seats only!

🔗https://forms.office.com/r/2vrDYAR1LM

26/02/2025

https://www.facebook.com/share/p/1DuEdbk5od/