07/12/2025
في نسبة كبيره من الأشخاص عندها الأضطراب ده 🤦🏻♀️
أغلبنا اول ما يحصله موقف يزعله او حد عصبه ودخل في اكتئاب او بيعاني من التوتر وشويه زعل أول حاجه يعملها يطلب اوردرات 😀🫠 وبيحس وقتها براحة نفسيه وسعاده وكأن ال Shopping هو وسيلة هروب لكل شيء سلبي بنحس بيه وممكن يطلب حاجات مش ضروريه ومش هيستفيد منها بشكل كبير هو مجرد فرغ طاقة جواه وللأسف الموضوع بيزيد عن حده وبيكون الشخص محتاج لعلاج الاضطراب ده
أيه اللي بيحصل بعد كده 😏
الشخص بيندم وبيأنب نفسه وضميره ليه اشتريت كل ده حاجات مش مفيده مكنش لازم اطلبها في الوقت ده 🤦🏻♀️
ده غير الندم على الفلوس لانه وقتها بيكون الشخص بيطلب بدون وعي وبيقول مش مهم هدفع ويجي بعدها يقول يارتني ما دفعت 😂
طيب ازاي نعالج اضطراب الشراء القهري؟
🌻بدائل صحية للهروب من التوتر
رياضة – تنفس – كتابة – خروج بسيط… أي نشاط يقلل القلق من غير ما يسبّب خسارة
🌻علاج السبب الأساسي
زي القلق، الاكتئاب، نقص الثقة بالنفس… لأن علاج الجذور بيقلل السلوك القهري نفسه.
🌻خطط مالية واضحة
تحديد ميزانية شهرية، واستخدام كاش بدل الفيزا، وتسجيل كل المشتريات.
أحيانًا لما بتقفل مواقع الشراء وإلغاء الإعلانات يساعد جدًا
🌻دعم نفسي أو اجتماعي
التكلم مع متخصص أو شخص موثوق يقلل الضغط ويساعد في السيطرة
لطلب استشارة دعم نفسي من خلال الرسائل ♥️
ندا علاء / استشارية نفسيه - دعم نفسي
#استشارات #دعم #نفسي #شراء #اضطراب
