محمد تركي -أخصائي نفسي أكلينيكي

22/08/2025

دي الحلقة بتاعتي في برنامج Help Your Self ✨ شوفوها وقولولي رأيكم 🙏🏻

00:00:00 - المقدمة: ليه مش بستمتع بحياتي؟02:40:00 - مشكلة عدم الاستقرار والهروب من المواجهة 05:15:00 - بداية الحوار مع الأخصائي النفسي دكتور محمد تركي06:0...

08/07/2025

الحزن مش لازم يبقى مرتب…
مش لازم تحس زي ما كنت متوقع.
ومش لازم تمشي بخطوات معينة عشان تقول “أنا بتعافى”.

كل واحد بيحزن بطريقته،
وكل ما بعدنا عن شكل الحزن المثالي،
كل ما ارتحنا شوية من العار والتشويش اللي بييجي مع الفقد.

#الفقد

02/07/2025

إحنا عارفين إن في حالة البتر الجسدي، بيكون فيه روابط عصبية معينة في الدماغ مسؤولة عن تسجيل وجود الأطراف.
وأعتقد إن اللي بيحصل في استجابتنا للحزن، إن فيه أجزاء مننا إحنا كمان مسجلة في الجهاز العصبي.

فلما جزء مهم مننا، زي طفل أو شريك أو فرد قريب من مننا أو صاحب، بيتم انتزاعه من حياتنا، بنفضل فاكرين وجوده.
وبنمر بعملية غير إرادية بنحاول فيها نرجّع علاقتنا بحد إحنا عنه.
.
#الحزن #الففد

12/06/2025

الناس الواثقة بتفكر في اللي عملوه.
أما المتلاعبين، دايمًا بيهربوا من المواجهة وبيشيلوا اللوم من على نفسهم.
‏
‏

23/04/2025

عمرك ما كنت زيادة عن اللزوم.
ولا كنت محتاج زيادة، ولا حساس أكتر من الطبيعي، ولا صعب يتقالك “أنا بحبك”.
إنت كنت طفل صغير… بيدوّر على أمان، وحنية، وحد يفهمه.
اللي حصلك مكنش ذنبك، ومبقاش لازم تشيل الحمل ده لوحدك.
من حقك تزعل على الحب اللي مخدتوش.
من حقك تحمي هدوءك وسلامك النفسي.
من حقك تبني حياة تحس فيها بالأمان، حتى لو محدش بناهالك قبل كده.

وتبدأ منين؟
تبدأ إنك تقول الحقيقة، حتى لو صوتك بيتهز.
تسمح لنفسك تحس بالمشاعر اللي زمان اضطرّيت تدفنها عشان تعرف تعيش.
تحط حدود تخلّي جسمك يرتاح.
تفكك الكدب اللي اتقالك عن قيمتك.
تبطل تجري ورا ناس مش شايفين حبك له قيمة.

وتبدأ تدي الحب ده… لنفسك.الشفاء بييجي طبقة طبقة.
وكل واحد وليه سرعته.
وبييجي يوم…تصحى فيه تحس إن الطفل اللي جواك
مبقاش خايف من الوجع.
بقى آمن… بين إيديك.🤍

10/04/2025

ناس كتير ماشية في الحياة شايلة جروح عاطفية تقيلة من غير ما تاخد بالها إن اللي شايلينه أصلًا مش بتاعهم. دي بقايا مشاعر من ناس تانية معرفوش يكونوا موجودين علشانهم.
الشفاء بيبدأ لما نعترف بالحقيقة دي – إن تصرفاتهم أو سكوتهم مكانوش بسببك، لكن بسببهم هما. الإهمال العاطفي بيخلي الواحد يحس إنه مكسور أو تايه أو مش كفاية، بس في اللحظات دي بالذات، بيكون عندك فرصة إنك تسترد قوتك.

الشفاء يعني إنك تبدأ تكون موجود لنفسك بالشكل اللي أهلك معرفوش يكونوا فيه ليك.
يعني تتعلم تثق في مشاعرك، وتسمعها، وتطبطب عليها، وتلبّي احتياجاتك بالرعاية والحنان اللي ماخدتهمش زمان.
يعني تدي لنفسك الحب والفهم اللي اترفضوا عنك، وتلاقي جواك القوة إنك تسامحهم وتسامح نفسك كمان.
يعني تكتب قصة حياتك من أول وجديد – قصة مش مبنية على حدودهم، لكن على صمودك وقدرتك تكسر الحلقة.

وأيوه، الطريق مش سهل.
في أيام هتحس إن الجرح غويط أوي، وإن الحمل تقيل على قلبك.
بس اختيار الشفا هو إنك تختار تعيش حياة تكون أنت اللي ماسك دفتها، مش ماضيك.
أنت تستاهل تعيش في سلام، وفي فرح، وفي علاقات تحس فيها إنك متقدر ومحبوب.
تستاهل تبني مستقبل مش مربوط بجراحك القديمة.

12/03/2025

💕

اهتم بصحتك النفسية مع ا. محمد تركى أخصائي نفسي إكلينيكي ومعالج بالمخططات المعرفية
متخصص في علاج الصدمات النفسية المعقدة، صدمات الطفولة، وحالات الفقد.
يتميز بتخصصه في علاج اضطرابات الشخصية مثل
اضطراب الشخصية الحدية، النرجسية، والوسواسية

بالإضافة إلى علاج اضطرابات القلق، الاكتئاب، الرهاب الاجتماعي، اضطراب الوسواس القهري (OCD)، والإدمانات المتنوعة.

الخلفية المهنية:
يمتلك أ. محمد أكثر من 6 سنوات من الخبرة في مجال العلاج النفسي. حصل على درجة البكالوريوس في علم النفس من جامعة المنصورة، بالإضافة إلى دبلومة العلاج بالمخططات المعرفية من المؤسسة الدولية لعلاج المخططات (ISST). حالياً، يتلقى إشرافًا ليصبح معالجًا معتمدًا في هذا المجال. شملت خبراته العمل في مستشفيات نفسية وعيادات خاصة، بالإضافة إلى تيسير مجموعات دعم للأفراد الذين يواجهون حالات الفقد والصدمات.

النهج العلاجي:
يعتمد أ. محمد على أساليب علاجية متنوعة تستند إلى الأدلة العلمية، بما في ذلك العلاج بالمخططات المعرفية (ST)، العلاج المعرفي السلوكي (CBT)، العلاج السلوكي الجدلي (DBT)، المقابلة الدافعية (MI)، والعلاج بالتقبل والإلزام (ACT). تمكنه هذه الأساليب من تقديم دعم شامل للأفراد الذين يعانون من الصدمات واضطرابات الشخصية.

الفلسفة الشخصية:
يؤمن أ. محمد بأن الصدمات، رغم قسوتها، يمكن أن تكون فرصة للنمو والتغيير الإيجابي إذا تمت معالجتها بشكل صحيح. يسعى دائماً إلى توفير بيئة علاجية داعمة يشعر فيها العملاء بالأمان والتفاهم، مما يعزز رحلتهم نحو التعافي.

للحجز والاستعلام
01020816978

عيادات سوا للطب النفسى
القاهرة - المعادي الجديدة - شارع اللاسلكي

23/02/2025

لما الحدود تجيب نتيجة عكسية

في أوقات، الحدود بدل ما تحمينا، بتسبب مشاكل أكتر—خاصة لما تكون جامدة زيادة أو مش واضحة للناس اللي حوالينا.

سبب تاني ممكن يخلي الحدود تفشل هو إنها متكونش متقالة من الأساس. لما الحدود تفضل جوا دماغك بس ومحدش يعرفها، بيحصل لخبطة وزعل من غير ما حد يفهم السبب.

19/02/2025

‎الـ Green Flags معناها إن فيه احترام، ثقة، وتطور بينكم.
‎أما الـ Red Flags فهي علامات بتقول إن فيه تحكم، تلاعب، وسُمّية.

‎اختار العلاقات اللي تطمنك، مش اللي تستنزفك! 💙

‎

15/02/2025

متفضلش ساكت لو عندك حاجة لازم تتقال، وفي نفس الوقت، متتكلمش لمجرد إنك تملّى السكوت.

لو موافق، قولها بصراحة من غير لف ودوران، ومتحاولش تلبس كلامك أقنعة.

ولو رافض، خليك واضح ومتبهمش ردّك، لأن الرفض المُبهم ساعات بيبان كأنه قبول ضعيف، وده ممكن يوقعك في مواقف مكنتش عايزها من الأساس.

باختصار، خليك صريح مع نفسك ومع اللي حواليك، علشان محدش يفسر سكوتك أو كلامك غلط.