Dina Bilal /دينا بلال

11/04/2025

عايز علاقاتك تبوظ؟!

الغي الحدود... ومتحطش أي حدود لأي تصرف مهما كان مؤذي، استقبل كل حاجة بصمت ورضا.

الغي الحدود... ومتبينش لحد إيه اللي بيضايقك وإيه اللي بيريحك، خلي كل حاجة مبهمة وعايمة.

الغي الحدود... هتفضل تقول "أيوة" على طول عشان خايف تزعل حد، وهتنسى تقول "أيوة" لنفسك واحتياجاتك، وهتلاقي نفسك عايش حياة مش بتاعتك.

الغي الحدود... هتفتح باب للتلاعب والاستغلال، والناس هتبدأ تتعود إنها تاخد منك من غير ما تدي، وهتبقى أنت الطرف اللي دايماً بيضحي وبييجي على نفسه.

الغي الحدود... هتخلي كل واحد يدخل حياتك زي ما هو عايز، ويعاملك بالطريقة اللي تريحه من غير أي احترام أو تقدير لقيمتك واحتياجاتك.

الغي الحدود... هتخلق توقعات غير واقعية عند الطرف التاني، وهتلاقيهم بيطلبوا منك أكتر وأكتر لحد ما تنفجر أو تنسحب وأنت محبط.

الغي الحدود... هتسمح للتطفل باسم الحب، وللاستغلال باسم العشرة، وللتجاوز باسم القرب.

العلاقات اللي بتدوم هي اللي بتحترم حدود كل طرف..

الحدود هي لغة احترام الذات في العلاقات، وبتحافظ على مساحة آمنة ليك ولعلاقاتك 🤍



#العلاقات

05/12/2024

ليس كل ألم يحتاج إلى إصلاح. بعض الآلام تحتاج فقط إلى من يجلس معها.

ميجان ديفين

21/05/2024

أولادك هما اللي بيعلموك إيه اللي محتاج تتعافى منه أو تداويه جواك.

طريقة تفكيرك ومشاعرك وسلوكياتك بتنعكس على تصرفات أطفالك.. أطفالك بتصرفاتهم بيعكسوا لك المشاعر والمشاكل الداخلية اللي ممكن تكون مش واعي بيها.

24/12/2023

صباح الخير 🤍

بطل تقول لنفسك إنك مش مؤهل، ولا مستحق، ولا خبرتك مش كفاية.
النمو بيحصل لما تبدأ تعمل حاجات مش مؤهل تعملها 💗

28/08/2023

إعادة تقييم العلاقة مش بالضرورة معناه أنك تنهي العلاقة، بتبقي محتاج شوية تعديلات عشان العلاقة تتحسن.
الحلو إنك تكون واعي وتلاحظ إيه اللي بيأثر عليك في العلاقة، وتحدد إيه هيكون شكل الخطوة الجاية (في حالة أنك عاوز تكمل).

#دينابلال
#أخصائيةنفسية

20/07/2023

إيه الحاجة اللي لو بعدت عنها هتبقي أحسن؟

19/06/2023

كلما زاد وقت طفلك أمام الشاشة يصغر دماغه أكتر ؟!

08/06/2023

29/05/2023

لشفاء المعركة القديمة بين الظلام والنور، قد نجد أن الأمر لا يتعلق بهزيمة أحدهما أو الآخر، بل يتعلق أكثر باختيار علاقتنا بكليهما.

جريج برادن

16/05/2023

في أشخاص بتروح للمختص ليتعافوا من ألم الماضي، لكن داخلياً بيظل الشخص متمسك بالمعاناة وكأنها جزء منه لا يمكن التخلي عنه...


#𝑫𝒊𝒏𝒂𝑩𝒊𝒍𝒂𝒍

16/05/2023

"الصدق نجاة"

طبعاً أول ما بنقرأ الجملة دي بتيجي علي طول في بالنا، أننا نكون صادقين مع الناس أو نقول الحق ومنكذبش!

طب عمرك فكرت تكون صادق مع نفسك، التوهان أو التشتيت زي أنا مش عارف أنا عايز إيه!
طب أختار ده ولا أختار ده..

ده سببه أنك مش صادق مع نفسك!
لا أزاي أنا صادق!

طب..
كام مرة وعدت نفسك بحاجة ومعملتهاش؟
كام مرة قولت كلام وعملت عكسه؟

أزاي نفسك هترشدك ..
وأنت اللي في داخل غير اللي في الخارج!

افتكر الآية دي
"إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ"