20/09/2025
أيوه.. وبالدليل العلمي والتوصيات الطبية البريطانية💜...
✍️ التوصيات الطبية للكلية الملكية لأمراض النساء والتوليد في انجلترا والمعهد البريطاني القومي للجودة RCOG / NICE :
✅️لو أول توأم بالرأس، والحالة مستقرة، الطبيعي خيار آمن ومعتمد.
⚠️ القيصري بنلجأ له فقط في الحالات اللي فيها خطورة، ذي:
أول توأم مش بالرأس أو توأم مشترك في نفس الكيس (MCMA) أو مضاعفات مع الحمل تستوجب القيصرية ذي نزيف أو ضعف في النبض.
⭕️هل نعطي كورتيزون قبل ولادة التوأم؟
كتير مننا بيتساءل: أدي ولا ما أديش ستيرويد (كورتيزون) قبل ولادة التوأم؟
خليني أوضحلك الصورة طبقا للتوصيات البريطانية (NICE - RCOG):
🔹 لو الست حامل في توأم ثنائي المشيمة (DCDA)، وهتولد عند أو بعد الأسبوع ٣٧، ومفيش أي مشاكل طبية...
يبقى مالوش أي داعي ندي كورتيزون.
💊 الكورتيزون بيتاخد علشان يساعد على نضج رئة الجنين لو الولادة هتكون بدري (قبل ٣٤ أسبوع غالبا)...
لكن بعد ٣٧ أسبوع، الأجنة غالبا بيكونوا جاهزين للتنفس الطبيعي من غير مساعدة لو الولادة طبيعية.
🔸 بنفكر ندي الكورتيزون فقط في الحالات اللي فيها:
خطر ولادة مبكرة قبل ٣٤ أسبوع أو هنعمل قيصرية بدري....
⭕️يعني إمتى نولد التوأم طبيعي؟
فيه شروط لازم تكون موجودة علشان نولد طبيعي بأمان:
1. وضع أول توأم (Twin 1) يكون نازل بالرأس.
2. الحمل يكون مستقر من غير مضاعفات (زي تسمم حمل شديد، أو مشيمة منزاحة، او اي سبب اخر للقيصرية )
3. التوأم يكون في أكياس منفصلة (DCDA أو MCDA)، وده بيكون الأغلب في التوأم .
4. الطبيب المتابع للحالة واللي هيولد يكون عنده خبرة في توليد التوأم طبيعي.
5. الولادة تكون في مستشفى مجهز بـحاضنات ورعاية أطفال حديثي الولادة.
👭 التوأم الأول بيتولد بالرأس عادي والتوأم التاني بيتولد طبيعي بعد الأول بفاصل ١٠–٣٠ دقيقة، أحيانًا بنساعد بالزق علي البطن او سحب البيبي المقعدي والمستعرض أو تدوير داخلي للبيبي (لازم خبرة الطبيب )
فيه احتمالية ١٠ % انك تحتاجي قيصريةللتوأم الثاني (بفضل الله عمرها ما حصلت معايا في ٢١ سنة ).
⭕️ طيب لو التوأم مشترك في المشيمة لكن منفصل الأكياس (MCDA)؟
مفيش مانع من الولادة الطبيعية بس لازم الأم توافق ان فيه احتمالية ١٠ % ان فور ولادة التوأم الأول ممكن تنفصل مشيمة التوأم التاني لكن غالبا بتتم الولادة بدون مشاكل وهتلاقوا في لينكات القصص اللي انا كتباها حالة أم طبيبة صيدلانية لتوأم
مشترك المشيمةومنفصل الأكياس وولدت طبيعي بتحفيز هرموني .
✍️إليكم ٦ قصص ولادات التوأم طبيعي حقيقية اشتغلتها في مصر السنتين اللي فاتوا ونشرتها علي صفحتي
منهم ٤ ولدتهم أنا وواحدة ولدت في البيت من ورايا وواحدة كانت حالة لزميلة بعتت لي قصتها...
⭕️الأم هنا توأم وفيباك ولدتها احدي الزميلات وبعتت لي القصة
https://www.facebook.com/share/p/1HJ1phmoxg.com
⭕️الأم هنا تسمم حمل وتوأم وولدتها طبيعي بالتحفيز الهرموني.
https://www.facebook.com/share/p/16JHU72BGg.com
⭕️الأم هنا سكر حمل وتوأم وولدتها توأم طبيعي بالتحفيز الهرموني
https://www.facebook.com/share/p/19i9FdaSV1.com
⭕️الأم هنا توأم مشترك المشيمة وكل واحد كيس حمل لوحده ولدتها طبيعي بتحفيز هرموني يومين - كانت اطول ولادة...
https://www.facebook.com/share/p/1K4jYk2556.com
⭕️الأم هنا توأم حمل إخصاب معملي ICSI وولدتها طبيعي بالتحفيز الهرموني
https://www.facebook.com/share/p/16FoVff7V1.com
⭕️الأم هنا توأم وقيصرية سابقة ولدت فيباك التوأم في البيت من ورايا طبعا لكن جت المستشفى للمضاعفات. وربنا ستر.
https://www.facebook.com/share/p/1CQv3LUXZU.com
❤️ابحثي عن طبيب مدرب وداعم وبالتوفيق❤️
