27/01/2021
أيه الأدوية الآمنة التي تستخدم لتقوية المناعة في الأطفال؟
🔹 أكتر سؤال بسمعه من الأمهات "ازاي اقوي مناعة ابني يا دكتور ؟"
🔹 طبعا الموضوع ده متشعب و بيدخل فيه عوامل كتيرة جدا بس هتكلم النهارده عن أدوية بترفع مناعة الطفل بس قبل ما اتكلم في الموضوع ده لازم نأكد عليكم إن أهم عامل للمناعة هو الأكل الصحي المتوازن وبلاش أكلات السوبرماركت و الفاست فودز اللي بيدمروا المناعة
ادوية المناعة لها أنواع كتير هتختار منها ما يلي :
1️⃣ ادوية لرفع مناعة الطفل ضد حساسية الصدر و الأنف :
▪️الادوية دي بتقوم بدور مهم في تقليل عدد مرات تعب الطفل بامراض حساسية الصدر و الأنف تحديدا و بتقلل من حدة التعب على الطفل كل مرة و الادوية دي في منها نوعين :
💎 أقراص للمضغ في مثل سينجيولير(singulaire) و كاست (kast) للأطفال أكبر من 4 سنوات
💎 أكياس بودرة تأخذ علي زبادي أو عصير مثل سينجيولير (Singulaire) أو ويست اير (westaire)
أو لى لى بيل (LiLipel) أكياس للأطفال 1 - 4 سنوات
▪️الجرعة و طريقة الاستخدام :
جرعة الادوية دي بتختلف علي حسب كل حالة و شدتها و عمر الطفل بس عامة الجرعة المعتادة هي قرص أو كيس يوميا ليلا لمدة 1 - 3 شهور (حسب تقييم الطبيب)
▪️ أفضل توقيت لأخذه :
الفترة الأنسب لاستخدامها هي فترة تغيير الفصول بدءا من شهر 9 (بداية الخريف) و شهر 3 (بداية الربيع)
2️⃣ أدوية رفع المناعة لامراض الجهاز التنفسي و التهابات الحلق و اللوز و الجيوب الأنفية (البكتيرية) المتكررة منها :
💎 برونكوفاكسوم (Broncho - Vaxom)
▪️دواء برونكوفاكسوم للأطفال (Broncho-vaxom)
عبارة عن كبسولات بيتم تفريغها على كوب ماء أو عصير أو على زبادي و بتتاخد بشكل يومي لمدة 10 أيام كل شهر لمدة 3 شهور متتالية
▪️الدوا ده شبيه جدا بالتطعيم فيه مكونات ميكروبات بتسبب التهابات الحلق و الجهاز التنفسي للاطفال و بعد ما الطفل بياخده بيرفع مناعته تجاه الميكروبات دي و بالتالي بيقلل من نسبة تكرار التهابات الحلق و الجهاز التنفسي و هذا التأثير قد أثبت بواسطة التجارب للوقاية الفعالة وتنشيط المكروفاج وزيادة دورة الكرات البيضاء والجلوبيولين المناعي التي يفرزها الغشاء المخاطى للجهاز التنفسي.
▪️الاستعمال:
يستعمل في الوقاية من التهابات الحلق و اللوز و الجيوب الأنفية و الأذن و التهابات الجهاز التنفسي البكتيرية عموماً
▪️الجرعة و طريقة الاستخدام :
في حالات الوقاية من الأمراض في الأطفال تعطى كبسولة واحدة يومياً لمدة 10 أيام كل شهر لمدة 3 شهور علماً بأن برونكو – فاكسوم كبسول للأطفال يمكن فتح الكبسولة بسهولة وإضافة محتوياتها على قليل من الماء أو عصير الفواكة أو اللبن
▪️أفضل توقيت لأخذه :
ممكن يتاخد في أي وقت من السنة لكن أنا شخصيا أفضل الطفل ياخده قبل الشتاء تحديدا شهور 9 - 10 - 11
3.ادوية ترفع المناعة بشكل عام :
▪️منها الأعشاب مثل ايميولانت شراب و منها أدوية المحتوية علي لبن السرسوب (colostrum) مثل ايميوجارد أكياس بودرة
3️⃣ إميولانت شراب (Immulant) :
▪️يحتوي ذلك على خلاصة عشبة إشنيسيا التي لها خواص فعالة في تقوية جهاز المناعة بشكل عام
▪️الاستخدام :
أحد أنواع الأدوية التي تعالج ضعف الجهاز المناعي الذي يصيب الكثير من الأطفال بشكل عام خاصة في فصل الشتاء حيث تتأثر المناعة بشكل كبير مما يسبب عدم القدرة على التغلب على نزلات البرد أو مقاومة الأمراض
▪️الجرعة و طريقة الاستخدام :
تختلف حسب عمر ووزن الطفل لكن الجرعة عادة في الأطفال أكبر من عمر سنة بتكون 5 سم بالفم مرتين يوميا لمدة أسبوعين
▪️أفضل توقيت لأخذه :
ممكن يتاخد في أي وقت من السنة لكن أنا شخصيا أفضل الطفل ياخده قبل الشتاء و المدارس تحديدا شهر 9
4️⃣ اميوجارد أكياس (Immugaurd) :
▪️يحتوي علي لبن السرسوب (و هو اللبن اللذى يحصل عليه الطفل من صدر الأم بعد الولادة مباشرة) , الذى جعل الله سبحانه وتعالي تركيبته اقوي تركيبة لزيادة مناعة الطفل لمقاومة الامراض , وللاسف نجد ان هناك سيدات كثر يقومون بحرمان اطفالهم من هذا اللبن بحجة التعب , وبعد ذلك نجد ان مناعة الطفل ضعيفة .
▪️كل كيس من الإميوجارد (1st 6 hrs. B.Colostrum)
يحتوي علي مجموعة من الإميونوجلوبيولين و اللاكتوفرين و البروتين متعدد الجزيئات والليمفوكينز و الإنترفيرون والإنترليوكنز و مجموعة من عناصر النمو الهامة مثل (IGF-1 and IGF -2) و (ß – TGF – α & TGF) وكمان بيحتوي علي مجموعة من الفيتامينات والعناصر الهامة للجسم.
▪️الاستخدام :
يستخدم في زيادة مناعة الطفل من نزلات البرد و النزلات المعوية المتكررة والاسهال والترجيع بالاضافة للبرد والنزلات الشعبية و التهاب الحلق و اللوز و الجيوب الأنفية المتكررة (الفيروسية و البكتيرية)
▪️طريقة الاستخدام :
تفرغ محتويات كيس إميو جارد في 50 ملل ماء فاتر سبق غليه مع التقليب المستمر حتي الذوبان. و يتناول علي معدة فارغة علي الأقل 30 دقيقة قبل تناول الوجبات.
▪️الجرعة :
تختلف حسب عمر الطفل و حالته لكن الجرعة المعتادة
من 6 شهور حتي سنتين كيس يوميا لمدة شهر
من سنتين حتي 6 سنوات كيسين يوميا لمدة شهر
▪️أفضل توقيت لأخذه :
ممكن يتاخد في أي وقت من السنة لكن أنا شخصيا أفضل الطفل ياخده قبل الشتاء تحديدا شهر 9 للوقاية من أمراض الشتاء و قبل الصيف شهر 6 للوقاية من النزلات المعوية
الفيتامينات و المعادن التي تحسن جهاز المناعة الطبيعي :
5️⃣ فيتامين (C) و فيتامين (E) و فيتامين (A) و الزنك و الأوميجا 3 ) لذلك ينصح بإعطاء بعض الأطفال الأدوية المحتوية علي الفيتامينات و المعادن لتقوية جهاز المناعة مثل سانسوفيت أو سفن سيز و هكذا
6️⃣ التطعيمات زي تطعيم الأنفلونزا الموسمية و تطعيم المكورات الرئوية و الروتا
❤️ في النهاية لازم أوضح إن الرضاعة الطبيعية والتغذية السليمة والمتوازنة هم أساس جهاز مناعة الطفل
الادوية مش سحر و مفعولها مش هو اللي هيخلي الطفل ميتعبش خالص الادوية دورها انها تخفف شوية من معاناة مناعة الطفل ضد بعض الامراض و اكيد اختيارها و تحديد الانسب ليها في يد الطبيب المعالج للطفل
✅ شير و فيد غيرك 💕
قطعه 6364 الحي الخامس-الهضبه الوسطي-المقطم بجوار ملحق كليه الهندسه الجامعه الحديثه
01022113999 📞
