الراقي الشرعي محمد عطيه - مركز مصرللرقية الشرعية

  • Home
  • Egypt
  • Cairo
  • الراقي الشرعي محمد عطيه - مركز مصرللرقية الشرعية

الراقي الشرعي محمد عطيه - مركز مصرللرقية الشرعية مركز مصر للرقية الشرعيه و علاج المس و العين و السحر و الحسد و الحجامه النبويه

نقوم في مركز مصر للرقية الشرعيه - الراقي الشرعي محمد عطيه بتقديم ما بوسعنا لمساعدة الاشخاص الذين اصابهم اي من الامراض الروحيه مثل المس و العين و السحر و الحسد
راغبين من هذا العمل الدعوه الي الاسلام الصحيح و تصحيح العقيده الاسلاميه طبقا لما ورد في الكتاب و السنه و ما تقره وزارة الاوقاف المصريه و الازهر الشريف .

21/04/2026

⚠️ ١٠ اعراض تدل على اصابتك بالعين و الحسد .. قولي عندك كام عرض منهم ؟ ولو مهتم صل ع النبي ﷺ

20/04/2026

⚠️ هذا العرض يدل إنك لديك سحر في بطنك.. أخبرني متى يحدث معك ؟ ولو مهتم صل ع النبي ﷺ #السحر #العين #الحسد

20/04/2026

⚠️ يا شيخ انا كل ما أروح لراقي بشتمه و اقل أدبي عليه كده انا ممسوس ؟
كده إنت تسأل نفسك سؤال لو الراقي ظابط و وقفك في كمين هتعرف تتحول عليه ؟ ولا هتلم نفسك عشان ما يعملش معاك الجلاشه ؟
شوف اجابتك هتكون إيه هتعرف ده مس أو قلة أدب 😂

⚠️ كل مرة الجوازه تقرب… الدنيا تبوظ من آخر لحظه ؟في بنات و ومطلقات مشكلتها مش إن محدش بيتقدم… مشكلتها إن القبول ييجي، وا...
20/04/2026

⚠️ كل مرة الجوازه تقرب… الدنيا تبوظ من آخر لحظه ؟

في بنات و ومطلقات مشكلتها مش إن محدش بيتقدم… مشكلتها إن القبول ييجي، والكلام يتم، وبعدها يحصل نفور، خنقة، تردد، أو انقلاب مفاجئ من الأهل أو الطرف التاني كأن في حاجة شدت فرامل الموضوع.

عشان نفهم القصه دي إحنا محتاجين نجاوب على 3 أسئلة: ليه نفس السيناريو بيتكرر؟ وليه الرفض ييجي في آخر لحظة بالذات؟ وليه مع الكلام في الجواز يشتغل ضيق الصدر، الأرق، أو حلم الامتحان والتأخير؟او المشي حافي

الزتونة؟ في حالات كتير ده مايبقاش "نصيب" وبس… ده باب تعطيل أو نفور بيشتغل وقت الإتمام مش وقت البداية.

باختصار ممكن يبقا سحر أو مس أو عين... ده محتاج تشخيص...
بس لو ده بيتكرر معاكي و عاوزه خطوه كبدايه و سريعه ، اقرأي 7 ليالٍ قبل النوم سورة النور على مية، واشرب منها و اعتساي منها الصبح ، وكرري الدعاء 100 مره يوميا : "اللهم أبطل كل تعطيل ونفور عن زواجي" وراقبي: هل هيظهر تثاؤب، دموع، خنقة، ولا راحة؟

احكيلي: أغرب مرة حسيت إن الموضوع كان هيكمل فعلًا… وبعدها اتقلب في لحظة؟

ولو استفدتي متنسيش تدعيلي و صلي على النبي ﷺ

20/04/2026

أربع حالات لتعطيل الزواج
الاولى الخطيب لا يأتي
الثانيه الخطيب يأتي و لا يرد بالقبول
الثالثه الخطيب يأتي و يتفق و يختلف على اخر لحظه
الرابعه الاهل هم سبب التعطيل
أي حاله تزصفك آكتر ؟

20/04/2026

4 حاجات لا تهملهم وإنت بتتعالج من أي أصابه لأنك مش هتستفيد.. الصلاه في وقتها اذكار الصباح والمساء والنوم..ولو مهتم صل ع النبي ﷺ

⚠️ مش كل نفور بينك وبين شريك حياتك يبقى طباع أو ملل… أوقات تبقى عين داخلة على العلاقة نفسها، فتلاقي الحب موجود، لكن الرا...
19/04/2026

⚠️ مش كل نفور بينك وبين شريك حياتك يبقى طباع أو ملل… أوقات تبقى عين داخلة على العلاقة نفسها، فتلاقي الحب موجود، لكن الراحة مكسورة، والكلمة بتوجع، وكل حاجة صغيرة تقلب شد وخناق وزعل.

لو عندك واحد أو أكتر من دول:

خناقات بتقوم على أسباب تافهة

ضيق من الزوج أو الزوجة من غير سبب مقنع

برود مفاجئ بعد أيام كانت حلوة

كل واحد حاسس إن التاني “مستفزه”

رغبة في السكوت أو الهروب بدل القرب

ومشاكل كتير قدام الناس، أو بعد زيارة ناس، أو بعد مناسبة كان فيها كلام وإعجاب

ومعاها كمان:

كتمة أو تنهيدة وقت الكلام مع بعض

صداع أو ثقل رأس بعد الخناق

شد في الرقبة والأكتاف

ضربات قلب أو توتر وقت القرب

مغص أو غثيان بسيط من غير سبب واضح

أرق أو صحوة مخنوقة بعد زعل بينكم

ولو بتتكرر أحلام زي:

حد بيبص لكم

مرايات

حد بيفرق بينكم

البيت متلخبط

أو كل واحد في مكان بعيد عن التاني

جرّبوا المجربة دي 3 أيام:

اقرؤوا على 2 لتر مية وعلى زيت زيتون نفس الآيات دي:

﴿وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ﴾
21 مرة

﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾
21 مرة

وبعدها كرروا: اللهم أخرج كل عين حاسدة، وكل عين مفرقة، وكل عين معطلة أصابت قلبي وقلب زوجي/زوجتي، اللهم رد بيننا المودة والرحمة، واصرف عنا النفور والخناق والضيق
100 مرة

الطريقة:

كل واحد يشرب من المية 3 مرات يوميًا.

قبل النوم، كل واحد يدهن الصدر ومقدمة الرأس بزيت الزيتون المقروء عليه.

الزوج والزوجة يقعدوا قدام بعض دقيقتين بعد العشاء، وكل واحد يحط إيده على صدره ويكرر الدعاء 33 مرة.

لو ينفع، اقرأوا الآيتين على بعض بصوت هادي مرة واحدة يوميًا.

وفي البيت، رشّوا شوية من المية المقروء عليها عند باب الشقة وغرفة النوم لمدة 3 أيام.

المتوقع أثناء التطبيق:

تثاؤب

دموع خفيفة

تنهيدة

هدوء بعد توتر

نعاس

أو خفة في الصدر والكلام يبقى أهدى
كمّلوا وما توقفوش.

الزتونة… العين بين الزوجين غالبًا ما تكسرش الحب مرة واحدة، هي تكسر الراحة الأول: كلمة تتفهم غلط، قرب يبقى تقيل، وموقف صغير يولع يوم كامل. والخطر إنكم تفتكروا المشكلة في الشخصية، مع إن اللي اتضرب فعلًا هو المودة.

احكيلي: النفور بينكم بيظهر أكتر في إيه؟ الكلام؟ القرب؟ كثرة الخناق؟ ولا الصمت والبعد رغم إن لسه فيه حب؟

ولو استفدت متنساش تدعيلي و صلي على النبي ﷺ

19/04/2026

⚠️ أقصر و أقوى رقيه شرعيه لخروج العين و المس من جسدك لو مهتم صل ع النبي ﷺ

19/04/2026

بعد قليل أقصر رقية شرعيه فقط في دقيقه و نصف ستشعر بخروج العين و المس من جسدك لو مهتم صل ع النبي ﷺ و شاهد الفيديو القادم

⚠️ مشهد بيتكرر عند ناس كتير جدًا…ترجعوا من زيارة أو مناسبةفتلاقي:واحد ماسك دماغهواحد بطنه تقلبتطفل زنّ وعيطوالمود كله ات...
19/04/2026

⚠️ مشهد بيتكرر عند ناس كتير جدًا…

ترجعوا من زيارة أو مناسبة
فتلاقي:

واحد ماسك دماغه

واحد بطنه تقلبت

طفل زنّ وعيط

والمود كله اتشقلب

والغريب إن السبب الظاهر يكون صغير جدًا…
كلمة
موقف
أو حتى من غير سبب مفهوم

وهنا الناس بتغلط في التفسير.

يقولك: أصلنا اتحركنا كتير
أصل اليوم كان طويل
أصل الأطفال اتبهدلوا

ممكن…

لكن مش كل مرة البيت يرجع من الزيارة متلخبط
يبقى الموضوع إرهاق وبس.

عشان الصوره توضح... إحنا محتاجين نفهم 4 حاجات:

1️⃣ ليه بعض الزيارات بيبان أثرها أول ما نرجع؟
2️⃣ ليه أول حاجتين بيتأثروا غالبًا هم الدماغ والبطن؟
3️⃣ إمتى أقول ده تعب طبيعي… وإمتى أشك في عين أو سحر مأكول أو مشروب ؟
4️⃣ وإيه أول إسعاف سريع أعمله قبل ما البيت كله يتقفل؟

تعالى نوضحها 👇

الزيارات والتجمعات بيحصل فيها:

كلام كتير

نظر كتير

تفاصيل كتير

احتكاك بناس كتير

وأحيانًا مدح وسؤال وتفصيل في النعم زيادة عن اللزوم

ولو أهل البيت أصلًا قابلين للتأثر
أو خارجين أصلاً بتعب بسيط
الأثر يظهر بسرعة بعد الرجوع.

الزتونة؟
الأثر بعد الزيارة غالبًا يحب يضرب في مكانين:

1) الدماغ

عشان يطلع في صورة:

صداع

شرود

ثقل فوق العينين

عصبية

نوم مش مظبوط

2) البطن

عشان يطلع في صورة:

قولون

غازات

مغص

دخول حمام بشكل غريب

تقفيل نفس

وعشان كده ناس كتير أول ما ترجع من عزومة تقول: أنا مش عارف مالي… بس أنا مش مرتاح.

طب إمتى أقول ده طبيعي؟

غالبًا تعب عادي لو:

حصل مرة وعدّى

اليوم كان طويل فعلًا

مفيش نفس السيناريو بيتكرر

مفيش توتر مكمل معاك بعد كده لمدة أيام أو شهور

وإمتى أقف وأفهم؟

لما تلاقي:

نفس الفيلم بيتكرر بعد زيارات معينة لبيت ناس معينه .

البيت يتوتر بعد كل تجمع تقريبًا

الأطفال يتغيروا أول ما ترجعوا

الصداع أو القولون يضربوا فجأة

خناقة تقوم على كلمة

أو نفور وتقفيل من غير سبب مقنع

هنا لازم تفهم إن التكرار مش بريء.

وفي أحلام ساعات تيجي بعدها وتأكد لك إن في أثر

زي:

البيت ضلمة أو ملخبط

طفل بيعيط أو بيضيع

أكل واقع أو مبهدل

حشرات في البيت

أو حد باصص لكم وساكت

مش كل حلم دليل…
لكن لما الحلم ييجي مع نفس السيناريو المتكرر بعد الزيارة
هنا الصورة بتوضح أكتر.

طب أول ما نرجع البيت نعمل إيه؟

مش هقولك برنامج طويل…

أول إسعاف سريع بعد أي زيارة:

1️⃣ أول ما تدخلوا البيت
اهدوا الكلام شوية
وقولوا: بسم الله

2️⃣ اتوضوا
ولو فيه طفل متغير اغسلوا له وشه كمان

3️⃣ حضّروا مية
واقرأوا عليها:

الفاتحة 7 مرات

آية الكرسي 3 مرات

الإخلاص 3 مرات

الفلق 3 مرات

الناس 3 مرات

واشربوا منها شوية
خصوصًا اللي عنده:

صداع

قولون

ضيق

أو طفل متغير فجأة

وأنا عاوز أسألك بصدق:

بعد الزيارات…
أكتر حاجة بتضرب عندكم إيه؟

الصداع؟
القولون؟
الخناقة؟
عياط الأطفال؟
ولا النوم الوحش؟

اكتبها في تعليق
عشان الحلقة الجاية هنتكلم عن:
ليه بعض الأطفال بعد الزيارة يرجعوا مرهقين أو مفزوعين أو مش طايقين البيت؟

ولو استفدت متنساش تدعيلي و صلي على النبي ﷺ
لو الكلام ده نور لمبه عندك متنساش تتابعني عشان اقولك المفيد و ابعت البوست ده لحد بتحبه يمكن تنقذه و تاخد الثواب.

19/04/2026

تحصين البيوت 50٪ من العلاج ومسح العتبات 70٪ من التحصين و الطريقه سهله اقرأ الرقيه في ماء و ملح كثير و امسح بفرشاه قويه العتبات

18/04/2026

⚠️ لو صدرك مقفول و نغسك ضيق و مكتئب و ملكش نفس تعمل حاجه اسمع الرقيه دي و اكتب حسيت بايه و متنساش تبعتها لحد بتحبه و صل ع النبي ﷺ

Address

مركز الشيخ محمد عطيه/فيصل
Cairo

Opening Hours

Monday 10am - 4pm
Tuesday 10am - 4pm
Saturday 10am - 4pm
Sunday 10am - 4pm

Telephone

+201001223318

Website

Alerts

Be the first to know and let us send you an email when الراقي الشرعي محمد عطيه - مركز مصرللرقية الشرعية posts news and promotions. Your email address will not be used for any other purpose, and you can unsubscribe at any time.

Shortcuts

Share