https://www.facebook.com/102883938835990/

Dr. Mona Elgazzar Clinic, closed, Cairo (2026)

26/11/2025

بتشربي مايه اد ابع باليوم ؟؟
المية ليها دور مهم جدًا في رفع معدل الحرق… بس مش بطريقة “سحرية”. لما تشربي كمية كافية من المية يوميًا، جسمك بيقدر يقوم بكل العمليات الحيوية بكفاءة أعلى—ومنها التمثيل الغذائي وحرق الدهون. كمان شرب المية قبل الوجبات بيساعدك تقللي كمية الأكل وتحسي بالشبع أسرع. ولو استبدلتي العصاير والمشروبات المحلّية بالمية، هتقللي سعرات كتير من غير ما تحسي. خلي المية جزء ثابت من يومك، وافتكري إن تنظيم الأكل والنوم والحركة معاهم بيعملوا الفرق الحقيقي

د.مني الجزار ( أخصائية التغذية العلاجية والتخسيس وهيلث كوتش )
#دايت

25/11/2025

ماتنسيش ان اي مشوار بيبدأ بخطوه ❤️ واي حاجه محتاجه توصلي ليها محتاج مجهود حتي لو بسيط لكن مره علي مره المجهود دا بيكبر ويزيد ويتحول لطاقه كبيره قادره تغيير حياتك كلها لبني آدم مختلف بأفكار مختلفه وسلوك مختلف ❤️

د.متي الجزار ( أخصائية التغذية العلاجية والتخسيس وهيلث كوتش )

24/11/2025

كتبتلك نظام غذائى لجرثومة المعده جربي تلتزمي بيه شهر 🤝

✨ الفطار

اختاري وجبة واحدة:
• كوب زبادي + معلقة عسل + معلقة شوفان
• بيضة مسلوقة + 2 توست بني + خيار
• تفاحة مسلوقة + شوفان مطبوخ بالمية
• بطاطا مسلوقة + زبادي رايب

⸻

✨ سناك (بين الفطور والغداء)
• موزة
• كمثرى
• حفنة لوز غير محمص
• كوب ريحان أو نعناع دافئ

⸻

✨ الغداء

اختاري واحدة:
• فراخ مشوية + أرز أبيض + خضار مسلوق
• سمك مشوي + بطاطا مسلوقة
• تونة مصفّاة + سلطة خضراء بدون طماطم وليمون (استخدمي زيت زيتون فقط)
• شربة خضار خفيفة

⸻

✨ سناك العصر
• كوب زبادي
أو
• شاي أخضر خفيف بعد الأكل بساعة

⸻

✨ العشاء

اختاري واحدة:
• كوب لبن رايب + توست بني
• بيضة مسلوقة + خضار مسلوق
• زبادي + معلقة عسل

وحاولي العشاء يكون قبل النوم بـ 2–3 ساعات.

⸻

⭐ نصائح مهمة جدًا
• اشربي مياه دافية خلال اليوم
• امضغي الأكل كويس
• تجنبي الوجبات الكبيرة… خليها مقسمة على 4–5 وجبات صغيرة
• لو فيه غثيان أو حرقان: الجنزبيل + نعناع مفيدين
• الزبادي والبروبيوتيك بيساعدوا على العلاج جدًا
• النوم بعد الأكل ممنوع
• لو فيه التهابات شديدة: قللي الألبان يومين وعدّيهم تدريجيًا

د.مني الجزار ( أخصائية التغذية العلاجية والتخسيس وهيلث كوتش )
للمتابعات الاونلاين والعياده ابعتوا ماسج ❤️

17/11/2025

الأنيميا مش نوع واحد، وعلشان التشخيص يكون دقيق لازم نعرف النوع الأساسي. دي أشهر الأنواع اللي بنشوفها طبيًا:

👈🏻أولاً: الأنيميا الناتجة عن نقص العناصر الغذائية

1)
أنيميا نقص الحديد
الأسباب: نقص تناول الحديد، نزيف (الدورة – قرحة – بواسير)، الحمل.
التحاليل:

• CBC (صورة دم كاملة)
• Serum Ferritin (الفيريتين/مخزون الحديد)
• Serum Iron (الحديد)
• TIBC أو UIBC
• Transferrin Saturation

2)
أنيميا نقص فيتامين B12
الأسباب: سوء امتصاص، جراحات المعدة، نقص بالمصادر الحيوانية.
التحاليل:

• CBC
• Serum Vitamin B12
• Homocysteine (يرتفع)
• Methylmalonic Acid (MMA) (يرتفع غالبًا)

3)
أنيميا نقص حمض الفوليك (Folate)
الأسباب: سوء تغذية، حمل، أدوية معينة.
التحاليل:

• CBC
• Serum Folate
• Homocysteine (يرتفع)

————————————

👈🏻ثانيًا: الأنيميا بسبب أمراض مزمنة أو التهابات
الأسباب: أمراض مناعية، التهابات مزمنة، أمراض كلى، أورام.
التحاليل:

• CBC
• Ferritin (يكون غالبًا طبيعي أو مرتفع)
• Serum Iron (منخفض)
• CRP / ESR (دلائل الالتهاب)
• Kidney function (وظائف الكلى أحياناً)

————————————

👈🏻ثالثًا: الأنيميا الانحلالية (Hemolytic anemia)
يحدث فيها تكسير سريع لكريات الدم الحمراء.

التحاليل:

• CBC
• Reticulocyte count (مرتفع)
• LDH (مرتفع)
• Bilirubin (غير مباشر مرتفع)
• Haptoglobin (منخفض)
• Direct Coombs Test (لو كان السبب مناعي)

————————————

👈🏻رابعًا: الأنيميا الناتجة عن أمراض نخاع العظام
مثل: Aplastic anemia، أو بعض الأورام.
التحاليل:

• CBC
• Reticulocyte count (منخفض غالبًا)
• Bone marrow biopsy (عينة من نخاع العظم للتشخيص)

————————————

👈🏻خامسًا: أنيميا وراثية
أهم الأنواع:
1) الثلاسيميا (Thalassemia)
2) أنيميا الخلايا المنجلية (Sickle cell anemia)

التحاليل:

• CBC
• Reticulocyte count
• Hemoglobin electrophoresis (تحليل الفصل الكهربائي للهيموجلوبين)
• Genetic testing (أحياناً)

اشهر ٣ أنواع للأنيميا( نقص حديد أو B12 أو فوليك ) وبلاش تيدأ علاج من نفسك من غير تحاليل ، لأن كل نوع ليه علاج مختلف، والعلاج الغلط ممكن يبوّظ الصورة التشخيصية أو يعمل مشاكل تانية…

قولولي بقي ف الكومنت عملتوا اي تحاليل للأنيميا قبل كدا ؟؟

10/11/2025

كتير بنسمع عن “مقاومة الإنسولين” ومش فاهمين معناها الحقيقي 👇

الإنسولين هو الهرمون اللي بيساعد الخلايا تدخل الجلوكوز (السكر) وتستخدمه كطاقة 🔋
لكن لما الخلايا تبتدي تقاوم الإنسولين، السكر يفضل عالي في الدم، والبنكرياس يفرز إنسولين أكتر وأكتر.

وهنا تبدأ الحلقة المغلقة:
• الإنسولين العالي 👉 يخزن دهون
• يمنع الجسم يحرق الدهون
• يخليكي جعان طول الوقت
والنتيجة = زيادة وزن وصعوبة في الخسارة

💪 إزاي نحسّن حساسية الإنسولين؟

✨ قلل السكريات والنشويات البيضاء
✨ زود البروتين والدهون الصحية
✨ اتحرك بعد الأكل حتى لو 10 دقايق مشي
✨ نام كويس وخفّف توترك
✨ وممكن تستعين بمكملات زي الماغنسيوم، أوميغا 3، فيتامين D

التحكم في الإنسولين = المفتاح الحقيقي للطاقة، المزاج، ونزول الوزن المتوازن 🔑

دكتوره مني الجزار ( أخصائية التغذيه العلاجيه والتخسيس وهيلث كوتش )

09/11/2025

أوقات بنحس بتعب مش طبيعي، نوم كتير بس مفيش طاقة،
مزاج متقلب، تركيز ضعيف، وكل حاجة بقت مجهود.
بس ده مش كسل…
ده جسم بيحاول يقول: “أنا محتاج راحة”.

الإجهاد الكظري بيحصل لما الضغط، القلق، والسهر يفضلوا شغالين من غير توقف،
والجسم يفضل يحارب علشان يكمّل.

ابدأ تهدي الوتيرة،
نام بدري، كُل كويس، قلل كافيين، وادّي لنفسك فرصة تستعيد توازنك.

الراحة مش ضعف،
الراحة علاج. 🌿

هاكتبلكم هنا بعض المكملات المساعده لتقليل وتيرة الإجهاد الكظري

* فيتامين C: بيساعد على توازن الكورتيزول وتقوية المناعة.
* مجموعة فيتامينات B (خاصة B5 و B6): ضرورية لإنتاج الطاقة وتقليل التوتر.
* المغنيسيوم: بيريّح الأعصاب وبيساعد على النوم.
* أوميغا 3: بتقلل الالتهابات وبتدعم التركيز والمزاج.
* أشواغاندا : أعشاب بتساعد الجسم يتأقلم مع الضغط العصبي.
* فيتامين D والزنك: بيدعموا الهرمونات والمناعة

ملحوظه ناخذ بالنا اننا مش ضروري نبقي محتاجين كل المكملات دي …
بس لو هانصح بالاستمرار ع فيتامينات معينه اكيد هاتكون الاوميجا ومجموعه فيتامين ب خصوصا لو في تعب مستمر ف الأعصاب وحرقان و فيتامين د لو ناقص مع الكالسيوم والماغنسيوم قبل النوم وفيتامين سي والزنك طبعا لتجديد الخلايا وتقويه المناعه … نقدر ناخد فتره ونوقف وهاكذا ..

د.مني الجزار ( أخصائية التغذية العلاجية والتخسيس وهيلث كوتش )

08/11/2025

متخيل إن جسمك فيه أكتر من 100 تريليون بكتيريا نافعة ومفيدة !!!؟؟
د.مني الجزار ( أخصائية التغذية العلاجية والتخسيس وهيلث كوتش )
للأستفسار عن برامج المتابعه الأونلاين "ابعتوا ماسج "

05/11/2025

اكتبي ف الكومنت "ديتوكس صحي"وهابعتلك برنامج ديتوكس يحسن من كفاءة الجسم ويقلل الإرهاق الكبدي 🤝
د.مني الجزار ( أخصائية التغذية العلاجية والتخسيس وهيلث كوتش )

02/11/2025

قولولي جربتوا دايت الديتوكس قبل كدا ولا لاء ؟؟
شاركوني تجربتكم في الكومنت 💖
#تغذيه #تخسيس

29/03/2025

العيد فرحة، ومن أجمل مظاهره اللمة، الضحك، ورائحة الكحك الي بتملي البيت. ماتخليش هاجس السعرات يحرمك من الاستمتاع بالعيد واللحظات الجميلة!

✅ السر في التوازن، وليس الحرمان – تقدري تستمعي بقطعة أو قطعتين من الكحك لكن حرمان نفسك تمامًا ممكن يخليكي أكثر عرضة للشعور بالحرمان والتعويض المفرط بعد كدا .

🍪 نصيحة بسيطة:
• اختاري النوع المفضل الي بتحبيه وخدي كمية معتدلة بعد الوجبه لكن بلاش يكون هو الوجبه الاساسيه

• حافظي على نشاطك البدني ، المشي يفي بالغرض!.

🎯 قطعة كحك لن تفسد مجهودك، لكن الاعتدال هو المفتاح. اسمحي لنفسك بالاستمتاع من غير شعور بالذنب، لأن العيد بهجة وتوازن، وليس حرمانًا ♥️
#تغذیه

Dr. Mona Elgazzar Clinic

26/11/2025

25/11/2025

24/11/2025

17/11/2025

10/11/2025

09/11/2025

08/11/2025

05/11/2025

02/11/2025

29/03/2025

Address

Telephone

Website

Alerts

Shortcuts

Share

Category