09/01/2026
بنقسمه لاربع انواع كبار:
1️⃣التهاب الشرايين الكبيرة حجماً: يؤدي الي التهاب في شريان حجمه كبير زي الاورطي او فروعه ويسبب تمددات شريانية او جلطات وانسداد في الشرايين اللي بتوصل الدم لاعضاء الجسم المختلفة واسمائهم:
✔️مرض التهاب الشريان الصدغي Giant cell arteritis:
التهاب في الشرايين المغذية للرأس يؤدي الى صداع شديد🧠 وقد يؤدي الى التهاب العصب البصري وفقدان مفاجيء للبصر👁
✔️مرض تاكياسو Takayasu arteritis:
الاشهر انسداد شرايين الطرف العلوى واللي المريضة في الاغلب بتشتكي من الم شديد وكلبشة في دراعها كله بعد اقل مجهود أوفي الطرف السفلي يبقى كلبشة في الرجل او عضلة السمانة بعد مشي مسافة معينة 🚶♂️
2️⃣التهاب الشرايين المتوسطة حجماً:
✔️ مرض التهاب الشرايين العقديPolyarteritis nodosa:
واللي ممكن يظهر في صورة قرحة بالجلد او التهاب اعصاب طرفية يؤدي الى سقوط القدمين او اليدين او تأثر الشريان الكلوي وتأثر وظائف الكلى
3️⃣التهاب الشرايين الصغيرة حجماً:
واللي يندرج تحتها امراض كتير اشهرها
✔️ الذئبة الحمراء SLE
✔️مرض wegener's granulomatosis (GPA)
وهنا بيظهر التهاب الاوعية في صورة غرغرينة في الاطراف او تقرحات في الجلد او طفح جلدي زي ارتكياريا او بطش حمراء
4️⃣التهاب الاوعية المتنوعة الحجم يعني صغيرة ومتوسطة وكبيرة سواء شرايين وممكن أوردة اشهرهم:
✔️مرض بهجت: وهنا الجلطات ممكن تيجي في الأوردة او الشرايين من أي حجم
✔️مرض burger: بيظهر مع 🚬 بشراهة و يؤدي الى انسداد الشرايين الطرفية مما قد يؤدي الى غرغرينة او قصور في الدورة الدموية
❓️التشخيص مش دايما بيبقى سهل وقاطع بين الانواع دي وممكن نلاقي اكثر من نوع او مرض في مريض واحد
🩸التحليلات المشتركة بينهم هي عوامل الالتهاب العالية زي سرعة الترسيب و crp لكن كل مرض وليه تحاليل وفحوصات ومعايير لتشخيصه
💊العلاج المشترك هو الكورتيزون وفي الاغلب بجرعات عالية في البداية ومعاه مثبطات مناعة باختلاف انواعها على حسب المرض (باستثناء مرض burger) اللي علاجه مش مثبطات مناعة لكن بيتعالج مع طبيب جراحة الأوعية سواء بأدوية سيولة او تدخل جراحي
😷بعض الحالات بتحتاج تدخل جراحي بعد السيطرة على نشاط المرض بالادوية المثبطة للمناعة
👈دور ادوية المانعة للتجلط( السيولة) مهم احيانا بس مش في كل الحالات زي بعضها بل احيانا بيكون ممنوع
🤕لو بتشتكي من أي ألم في الاطراف بيزيد مع المجهود او جلطات وريدية متكررة او او جلطات مخ او قلب لا قدر الله في سن صغير يبقى تزور طبيب #الروماتيزم و #المناعة
