د.محمد عبد الشافى Dr. Mohammed Abd Elshafy

03/07/2023

27/11/2022

عيادة زهراء المعادي شارع الخمسين فوق بندق وبن عبد المعبود الدور الثاني بجوار مطعم حسني جميع أيام الأسبوع دكتور / محمد عبد الشافي.

كتير أولادنا يكونوا محتاجين لسناكس فى وسط اليوم وللأسف ساعات بيحبوا ياكلوا حاجات مضرة ومليانة مواد حافظة زى الشيبسي مثلا .
دورنا اننا نقدم ليهم بدائل صحية وطعمها حلو زى الفشار مثلا.
الفشار من السناكس الصحية والمفيدة جدا للاطفال والكبار كمان.
●الفشار غني بالمواد المضادة للأكسدة.
●يساعد على الحماية من الأمراض لانه فيه ألياف كتير بتساعد على الهضم و بتمنع الامساك.
● غني ب التربتوفان و ده بيساعد المخ على إنتاج مادة السيروتونين اللي بيحسن المزاج و مستوى النشاط.
● غني أيضا ب فيتامين B المركب اللي بيقلل من التوتر و الضغط النفسي و العصبي و يخليك مبسوط.
بننصحك تقدمى فشار لأولادك بدلا من السناكس اللى مليانة مواد حافظة.

05/07/2022

اليكى الأوضاع الصحيحة للارضاع والالتقام فى صورة واحدة

05/07/2022

الرضاعه الطبيعه كنز كبير عند كل ام ومصدر المناعة الطبيعية ومصدر الحنان والأمان لطفلها.
لكل ام مهتمة تعرف معلومات اكتر عن الرضاعه الطبيعيه وعن أسئلة كتير بتدور فى بالها تابعونا فى سلسله بوستات عن الرضاعه الطبيعيه وابعتولنا كل أسئلتكم عن الرضاعه الطبيعية وهنرد عليكم.
هنبدأ بأول حاجه بتفكر فبها الام المرضعه وبتحس بيها
وهى إن اللبن فى الرضاعة الطبيعية خفيف اوقات وتقيل أوقات أخرى.

أكيد لأن اللبن بيكون خفيف وبيزيد كثافته في خلال الرضعة الواحدة لأن في بداية الرضعة بيكون كمية المياه والكربوهيدرات كتير عشان تروى عطشه.
لكن في أخر الرضعة بيكون اتقل ولونه ابيض عشان نسبة البروتين والدهون اكتر عشان يحس بالشبع.
وعلشان كده دايمًا بننصح بإن الأم تخلي الطفل يرضع من كل ث*ي إلي الأخر وماتبدلش للث*ي التاني إلا لما تحس أن الث*ي فضي تمامًا.
اصبري على طفلك لأن الرضاعه الطبيعيه عمليه شاقه والطفل محتاج يتعود عليها ويتعود على الالتقام بصورة صحيحة.

01/07/2022

بما ان الهيربس herpes منتشر عند معظم الاطفال ربنا يشفي كل طفل يارب.

فلازم نعرف ايه هو الهيربس ؟
وايه اعراضه ؟

الهيربس مرض فيروسي يصيب الاطفال بالحلق والاغشيه المخاطية .

يتنقل للاسف عن طريق الجو والتقبيل.

علشان كده من فضلكم بلاش بوس للاطفال الايام دي وبلاش بوس للأطفال عموماً.

☆طيب ايه أعراضه ؟

● التهاب بالحلق مع صعوبة بالبلع.

●فقدان الشهيه وهمدان وضعف.

● ارتفاع درجه الحراره وممكن تصل الي الأربعين.

● التهاب جلدي مع تقرحات بالفم.

☆و من اهم اعراض الهيربس herpes صعوبة في البلع و ان الطفل بيكون مش قادر ياكل من الوجع اللي في بوقه زي التسنين بالظبط وعنده فقدان شهية.

ودي افكار لبعض الوجبات اللي تنفع الاطفال وتساعدهم ياكلوا أثناء عدوتهم بالهيربس.

جيلي
كريم كراميل
زبادي
بليلة
شعرية باللبن
رز بلبن
مهلبية
عدس
شوربة شوفان
شوربة ماشروم
ملوخية
بطاطس مهروسة
بطاطا
زبادي بالشوفان
■ملحوظة طبعا الاكل للاطفال من غير توابل.

■مهم انهم يبعدوا عن اي حاجه sour(حمضية) زي البرتقال والليمون والطماطم واي حاجة سخنة.

■واهم حاجه انهم يحافظوا علي الجسم من ان يحصله جفاف ف لازم نكتر من شرب المياه والسوايل.

■الاكلات اللي فيها Lysine ده حمض اميني ، بيساعد ان الفيروس ميتضاعفش:
الخضروات ، بقوليات ، لبن ، جبنه، سمك. المهم يكونوا في صوره سهله البلع ليهم .

يعني الخضروات في شوربه مثلا
السمك باي طريقه لو مستوي كويس وطري وسهل البلع ليهم.

طبعا يبعدوا عن اكل المقلي وحاجات تجرح زورهم.
ربنا يحفظ أولادنا جميعا .

30/06/2022

كتير أولادنا يكونوا محتاجين لسناكس فى وسط اليوم وللأسف ساعات بيحبوا ياكلوا حاجات مضرة ومليانة مواد حافظة زى الشيبسي مثلا .
دورنا اننا نقدم ليهم بدائل صحية وطعمها حلو زى الفشار مثلا.
الفشار من السناكس الصحية والمفيدة جدا للاطفال والكبار كمان.
●الفشار غني بالمواد المضادة للأكسدة.
●يساعد على الحماية من الأمراض لانه فيه ألياف كتير بتساعد على الهضم و بتمنع الامساك.
● غني ب التربتوفان و ده بيساعد المخ على إنتاج مادة السيروتونين اللي بيحسن المزاج و مستوى النشاط.
● غني أيضا ب فيتامين B المركب اللي بيقلل من التوتر و الضغط النفسي و العصبي و يخليك مبسوط.
بننصحك تقدمى فشار لأولادك بدلا من السناكس اللى مليانة مواد حافظة.

29/06/2022

الارتجاع الصامت في الرضع

■ الارتجاع هو خروج الحليب من المعدة إلى المريء

▪️في حالة ارتجاع المريء العادي يندفع الحليب من الفم فيسهل التعرف عليه.

■ أما في حالة الارتجاع الصامت يخرج الحليب من المعدة الى المريء ، ويصل إلى الحلق والفتحة الخلفية للأنف، وقد يصل إلى الفم ويبتلعه الرضيع مرة أخرى، ...
لذا سُمي بالارتجاع الصامت،...

■ إذ إن أعراضه تحدث بالداخل، وهو أكثر ألمًا من الارتجاع العادي ، إذ إنه قد يؤثر على الحنجرة والجهاز التنفسي في بعض الأحيان...

■يشعر الرضيع بحرقة في المريء نتيجة لخروج عصارة المعدة الحمضية مع الحليب.

■ أسباب الارتجاع الصامت عند الرضع:

1- ضعف عضلة المريء نتيجة لعدم اكتمال نموها.

2- طبيعة نوم الرُضع على ظهورهم تزيد من احتمالية حدوث الارتجاع.

▪️ أعراض الارتجاع الصامت لدى الرضع :

1-رفض الرضاعة مع إرجاع الرأس إلى الخلف.

2- سماع صوت البلع في غير أوقات الرضاعة، نتيجة لارتداد الحليب لفم الرضيع وبلعه مرة أخرى.

3- خنفرة و انسداد بالانف مستمرة على طول وبتزيد بالليل أثناء النوم.

4- مشكلات في البلع (شرقة وسعال).

5-رغبة في القيء.

6- التهاب الحلق المتكرر.

7- وجود رائحة حمضية في الفم مع كثرة التجشؤ.

8-اضطرابات النوم ، خاصة عند نومه على الظهر.

☆ إذا لاحظتِ وجود أي من الأعراض السابقة على طفلك
عليكِ زيارة طبيب الأطفال لفحصه وتشخيص حالته ووصف العلاج المناسب له ، ..

☆ علاج الارتجاع الصامت :

▪️ أبرز طرق العلاج فى هذه الحالات هى :

1- تقسيم الرضعات علي كميات صغيرة و عدد مرات كثيرة
2- تكريع الطفل أثناء و بعد انتهاء الرضاعة
3- وضع الطفل فى زاوية ٩٠ درجة عند الرضاعة و رفع رأس الطفل ٤٥ درجة ووضعه علي جانبه عند النوم
4- منع الأم المرضعة من المشروبات التي تحتوي على الكافيين مثل الشاي و القهوة و النسكافيه و المشروبات الغازية
5- استخدام بعض الأدوية التي تقلل إفراز حمض المعدة مثل (نيكسيم أكياس) حسب وصف الطبيب
6-استخدام بعض الأدوية التي تقلل من حدوث الارتجاع مثل (جافيسكون ادفانس) حسب وصف الطبيب

●حالات ارتجاع المرئ الصامت حالة بسيطة جدا في علاجها لكن تحتاج إلي الانتباه جيدا لكل الأعراض مجتمعة من البداية و ربط الأعراض بعضها ببعض حتي نصل لتشخيصها و علاجها بسهولة

☆ يجب استبعاد إصابته بحساسية الألبان، إذ تتشابه كثير من الأعراض السابقة مع أعراض الحساسية بأنواعها المختلفة، لذا فإنه من الضروري زيارة لطبيب والتأكد من حالة رضيعكِ...

☆ الصعوبه فى هذا المرض ان هذة الاعراض تعتمد تماما على ملاحظه الام لطفلها.

23/06/2022

كتير بيجلنا اسئله عن التكيف وهل هو آمن للطفل ولا لأ ؟
جهاز التكييف آمن جدا على الأطفال بشروط:

1- درجة حرارة المكيف بين 24-26 C.

2- ابعاد الطفل عن اتجاه تيار الهواء الخارج من المكيف مباشرا.

3- ممنوع منعا باتآ التدخين داخل الغرفة المكيفة.

4- لوهنخرج من الغرفة المكيفة لازم نغلق المكيف بوقت كافى قبل الخروج للتأقلم على درجه الحرارة الخارجية.

واخيرا فى الجو الحر محتاجين نفكركوا بالنصائح الموجوده فى البوست ده على صفحتنا 👇
https://www.facebook.com/103063132378185/posts/132242156126949

20/06/2022

مهم جدا نتكلم مع اطفالنا من اول يوم لان ده بيساعدهم فى تنميه مهارات التواصل بشكل اسرع وافضل ، كمان بيساعدنا نتجنب تأخر الكلام لدى الاطفال ؛ علشان كده فى البوست ده هنقولك شويه نصائح علشان تقدرى تتواصلى بيها مع رضيعك :
● كلامنا مع الأطفال بيساعد في تطور اللغة ومهارات التواصل عندهم ازاى ؟
لانه بيكَّون لهم حصيلة لغوية كبيرة بتساعدهم على فهم اللغة أسرع وفهم الكلمات دي واستخدمها بعدين.

●نقدر نتكلم مع الأطفال في أي حاجة وكل حاجة بتحصل على مدار اليوم، هنعمل ايه، بنفكر في إيه، ايه خطتنا للنهاردة زى مثلا يالا نقوم نحضر الغدا ، يالا نفتح الباب ، ايه رايك نعمل كده وهكذا .
حتى لو مش فاهمك واحده واحده هيتفاعل معاكى ويكون حصيلة لغويه كبيرة .

●الأطفال من وقت الولادة بيخزنوا كمية معلومات هائلة عن العالم عن طريق المراقبة والاستماع.
في البداية هنحس اننا بنكلم نفسنا وإنه تواصل من طرف واحد
لكن أسرع مما تتخيلي هتبتدي تلاقي إستجابة منهم
يوقف عياط ويركز في كلامك، يبص في عينك، يبتسم لك، يناغي ويضحك، يحرك جسمه بحماس لكلامك، لحد ما نوصل لمحادثة بين شخصين.
●خلي كلامك مع البيبي عادة، هيساعد في بناء عقله، ويقوي العلاقة والتواصل بينكم وهتلاقيه بيتكلم بسرعه.
●اتكلمى معاه كأنك بتتكلمى مع شخص كبير وبلاش تصغير الكلمات إلى كلمات مش مفهومه لانه زى ما قلنا انه فى مرحله التخزين لو خزن الكلمه بنطقها غلط هينطقها غلط وهياخد وقت على ما تصححى النطق معاه.