12/07/2025
في راجل دخل المستشفى وهو مش قادر يبلع، مش قادر يتنفس كويس، وكل شوية يكح ويحاول يطلع حاجة من زوره… لما عملوله منظار، اكتشفوا كارثة!
الراجل بلع كمية كبيرة من بذور الشيا على الناشف، وبعدها شرب مياه… البذور بدأت تمتص المية وتنتفخ بسرعة رهيبة جوا المريء لدرجة إنها عملت انسداد كامل… كأنك بتحط اسفنج ناشف في ماسورة وبعدين تضيف عليه مياه! 💥
الناس فاكرة إن بذور الشيا حاجة صحية خلاص، وننسى إنها ممكن تبقى خطر لو استخدمناها غلط.
❌ متاخدش بذور الشيا كده نية وتشرب وراها مياه.
✅ الصح إنك تنقعها الأول في مياه أو لبن لمدة 15-20 دقيقة على الأقل. ساعتها البذور هتكون امتصت السائل وانتفخت برا جسمك، مش جواه.
بذور الشيا مفيدة جداً، فيها ألياف وأوميجا 3 وبتشبع، بس زي أي حاجة… الاستخدام الصح هو اللي يفرق بين فائدة ومصيبة.
