https://www.facebook.com/103105972115487/

Dr. Magdi Pharmacyصيدليه دكتور مجدي وحيد ابو العنين, Cairo (2025)

26/11/2025

الشتاء هيجي وهنحتاج نوصف بخاخات للجيوب الانفيه تحتوي علي steroids طبعا اغلبنا بيكون في حيره في الاختيار ما بين المواد الفعاله الموجوده لذلك انا جاي اقولك ان الـ mometasone هو الاقوي ثم يليه fluticasone ثم يليه الـ triamcinolone الثلاثه الي علي اليسار الاقوي من اليسار الي الاقل علي اليمين عشان تحفظهم لكن هنا بتقابلنا مشكله كتير مننا بيعاني منها هو عدم تحسن المريض بسرعه مع البخاخات دي ياتري ايه السبب ؟
__
السبب هو ان الـ onset بتاع البخاخات دي كلها يبدا بعد 12 ساعه ويوصل لاقصي درجه من فاعليته في خلال اسبوعين او ثلاثه من الانتظام عليه عشان نلاقي النتيجه الكويسه .
__
طيب انا عاوز حل اسرع واقوي ؟
الاسرع هو النقط الـ decongestant لكن النقط دي منعرفش نستخدمها اكثر من 5 ايام علشان الـ rhinitis medicamentosa والي بنقول انه هيتعود علي النقط دي وبالتالي انا عاوز حل افضل ومخرج من الموضوع دا
____
يجي هنا الاختراع الي علي اليمين دا وهو بخاخه ticanase plus او بخاخه الـ azelast plus وهنا دي تركيبه ما بين azelastine الي بيشتغل علي الهيستامين بسرعه جدا يعني في خلال نصف ساعه بتلاقي نتيجه ودا الي بيعمل التحسن السريع وبعدين علي ما مفعوله يروح يبدا ساعتها تاثير الـ fluticasone والي بيمتد لفتره

للتواصل والاستفسار يرجى الاتصال ع الأرقام التاليه👇
٠١٠٠٦٣٧٣٤٤٨
٠١٠٥٠٣٣٣٨١٤
٠١٠٢٨٤١١٧١١

17/10/2025

بنهتم بصحتكم دايمًا 💙
دلوقتي متوفر في جهاز جلسات بخار تنفس مجاني 🌬️
لو عندك كحة، حساسية صدر، أو صعوبة في التنفس — تقدر تيجي تعمل الجلسة بكل راحة وبدون أي تكلفة 🩺

📍العنوان: [بيلا ف الشارع ال ع اوله محطة الصرف المجاوره لمسجد التقوى]
للتواصل والاستفسار 👇👇
010 28411711
01050333814

06/09/2025

🎯 تطعيم الإنفلونزا الموسمية ٢٠٢٥/٢٠٢٦
📌 أهم الأسئلة الشائعة

---

❓ إيه هو تطعيم الإنفلونزا الموسمية؟
هو تطعيم ضد فيروس الإنفلونزا، وبيُسمى “موسمي” لأن الفيروس بيتحور كل سنة وبتظهر سلالة جديدة، عشان كده التطعيم بيتجدد سنويًا.

---

🛡️ بيحمي من إيه التطعيم؟
بيحمي من أدوار الإنفلونزا الشديدة اللي بتسبب:

• حرارة عالية
• كحة شديدة
• التهابات رئوية ممكن تحتاج حجز في المستشفى لا قدر الله

وده غير دور البرد البسيط اللي بيكون مجرد رشح. التطعيم بيمنع تطور الدور البسيط لمضاعفات خطيرة.

---

👶👨‍🦳 مين يقدر ياخد التطعيم؟
التطعيم متاح للأطفال من عمر ٦ شهور وللكبار.
لكن مهم جدًا للفئات الأكثر عرضة للمضاعفات:

• الأطفال اللي عندهم حساسية صدر أو أنف
• الأطفال اللي عندهم مشاكل في القلب
• أي حد عنده ضعف في المناعة

---

💉 إيه هي جرعة التطعيم؟

• التطعيم عبارة عن حقنة عضل للكبار والصغار
• الأطفال من عمر ٦ شهور (أول مرة): جرعتين بينهم شهر
ولو خدوه قبل كدا ياخد جرعه واحده
• الأطفال فوق ٨ سنين: حقنة واحدة حتى لو أول مرة
• الكبار: حقنة واحدة كل موسم
متوفر بالعيادة الآن مصل الانفلونزا الموسمية للعام الجديد 2026/2025

التطعيم ممنوع ل :

١_الاطفال الذين يعانون من حساسية بيض
٢_الاشخاص الذين عانوا من اعراض عنيفة عند اخد اللقاح
٣_الاطفال اقل من 6 شهور

يادوووووب نلحق نطعم قبل المدارس و نحمي ولادنا
---

📢 التطعيم متوفر لدينا
لحجز المصل اتصل ع ارقامنا👇
٠١٠٠٦٣٧٣٤٤٨
٠١٠٥٠٣٣٣٨١٤
٠١٠٢٨٤١١٧١١
العنوان: محافظة كفرالشيخ مركز بيلا بجوار مسجد التقوى ف منتصف الشارع ال ع أوله محطة الصرف

06/09/2025

كريم العناية بالبشرة المتكامل اجمد اختراع

المنتج وفوائده👇👇
• المنتج ده حرفيا اختراااع 🤩يقدر يغنيكي ع خمس منتجات وده لأنه مش مجرد مرطب بس
• هيديكي تفتيح ونضاره وترطيب
• تركيبته مميزه جدا مش موجوده ف كريمات تانيه
• يعتبر بديل لأشهر الكريمات الكوري

المكونات الفعاله

👇👇وده لأنه بيحتوى على👇👇
• ١٠% فيتامين سي يعني وداعًا لأكسدة البشره⛔️
• ٢% هيالورنيك اسيد⛔️
• سيراميد⛔️
• كولاجين⛔️
• نياسيناميد⛔️
• جلوتاثيون⛔️
• خلاصة العرق سوس وال بيساعد ع التفتيح وبيدي نضاره للبشره⛔️

فوائد المنتج بالتفصيل
• 🤔التركيبه دي ع بعض بتعمل اي 🤔
• بتفتح وتقلل التصبغات وترطيب البشره بعمق
• كمان بيدي جلو حلو اوي للبشره خصوصا ان ملمسه جل كريم
خفيف جدا وامتصاصه كمان سريع جدا
• كمان هو ممتاز جدا للاستخدام قبل الميكب
• وبيعالج حروق الشمس وف ناس استخدمته معانا للغرض ده وبعد يومين بالظبط بشرتها رجعت احسن من الاول
• بيفتح وبيدي نضاره للبشره

⛔️ناخد بالنا⛔️
• بس مش مناسب للحوامل ولا البشره ال فيها حبوب ملتهبه يعني عالجي الحبوب الملتهبة واستخدميه
سعره اقل من ١٠٠ جنيه

العنوان :محافظة كفرالشيخ مركز بيلا ف نص الشارع ال ع اوله محطة الصرف بجوار مسجد التقوى
لطلب الاوردر كلمونا ع ارقامنا
٠١٠٠٦٣٧٣٤٤٨
٠١٠٥٠٣٣٣٨١٤

07/07/2025

لما بشوف الناس اللي بتشتكي من زن العيال ودوشتهم وشقاوتهم بفتكر كلمة قالها لي دكتور أحمد خالد توفيق عن الأطفال:
“الجري وراهم أحسن من الجري بيهم”
اللي عنده طفل سليم معافى مهما زن ومهما جري وراه وهو جوه بيته يصلي ركعتين شكر ويحمد ربنا كتير. ويفتكر إن فيه ناس مقضية عمرها تجري بيهم عالسكك بين المستشفيات..
وفيه ناس بتدفن عيالها بإيدها وتروح البيت تذبح الذكريات بسكين.
فيه أمهات بطلات مجاهدات بتجري بإبنها اللي عنده إعاقة خصوصا الإعاقة الذهنية اللي مايعرفهاش ولا بيضحكلها ولا بيكلمها ورغم دا ماسكة فيه وما بتطيقش عليه الهوا ولا تتمنى ترتاح من تعبها معاه لإن عندهم أسمى شعور انساني في الكون...
عشت عشر سنين في وسط الأمهات دي
منهم أم ما انساش كلمتها بعد ما ابنها "المُبتلى ذهنيا" وصل تلاتين سنة وهي لسه بتجري بيه وتقول:
“طب بس يضحكلي ضحكة واحدة قبل ما أموت”.
طب يعرفني بس ويعرف اني عشت جنبه وماسيبتوش ..
طب ما يضحكش بس ربنا يمد في عمري عشان ما اسيبهوش لحد يبهدله بعد ما اموت
لو ابنك في حضنك و بيبتسملك وبتتكلم معاه بس تاعبك ومغلبك ومجريك وراه احمد ربنا كتير إنك مش بتجري بيه
افهم انك في نعمة كبيرة قوي تستحق الشكر الوفير .

تتمني لكم دوام الصحه والعافيه 💙
أدام الله عليكم النعم ،
ودفع عنكم النقم،
ويسر لكم ما تتمنون من خير.. 💙💙

01006373448
010 28411711
0473600022

27/05/2025

اتمنى لكم دوام الصحه والعافيه 🌹
بمناسبة مرور أربع سنوات ع افتتاحنا حابين نعملكم عروووض لفتره محدوده من الآن إلى نهاية شهر سته🥳🎁🎁
وبنبدأ بأول عروضنا💥💥
ونقول👇👇
Welcome summer 🥳🔥
صيف يعني حر وعرق وللأسف رائحه عرق كريهه🤧
وعلشان كده عملنالكم عرض ع دراكون رول اون 🎁🎁

💥💥اشتري واحد واحصل ع العبوه التانيه مجاناً 💥💥💥

يلااا الحقووو العرض لفتره محدوده وحتى نفاذ الكمية 🥳🥳🥳🥳🥳🔥
مستنيين اي يلا اتصلو ع ارقامنا واطلبو المنتج أو شرفونا ف الصيدليه 👇👇

🌟🌟🌟العنوان : بيلا بجوار مسجد التقوى ف نص الشارع ال ع أوله محطة الصرف وال بيودي ع طريق حازق

23/05/2025

عملائنا الكرام 🥳🔥
تتمنى لكم دوام الصحه والعافيه
بما إننا ف فصل الصيف فكلنا بنكون عاوزين نعرف معلومه مهمه جدا وهتفيدنا علشان نقدر نعدي الصيف من غير ما بشرتنا تتأثر و النهارده هنتكلم ع موضوع مهم جدا وهيفيد الكل 🙂👇👇
❌❌السؤال الشائع ازاي اعرف نوع بشرتي 🌝

معرفة نوع بشرتك خطوة مهمة لتحديد روتين العناية المناسب لها إليك خطوات بسيطه و سريعه لتحديد نوع بشرتك 👇👇

أول حاجه لازم نعرفها قبل ما أقولكم ازاي تحددو نوع بشرتكم لازم لازم تعرفو نوع بشرتكم🤔

• الأنواع الأساسية للبشرة :

1️⃣ . البشرة العادية :
- ناعمة، متوازنة (لا دهنية ولا جافة).
- مسام غير واضحة.
- قليلة المشاكل مثل الحبوب أو الجفاف.

2️⃣. البشرة الجافة :
- تشعر بالشدّ أو الخشونة أحيانًا.
- قد تظهر قشور أو احمرار.
- مسام ضيقة جدًا.
- عرضة للتجاعيد المبكرة.

3️⃣. البشرة الدهنية :
- لامعة (خاصة في منطقة T: الجبهة، الأنف، الذقن).
- مسام واسعة وواضحة.
- عرضة للرؤوس السوداء والحبوب.

4️⃣. البشرة المختلطة :
- دهنية في منطقة T (الجبهة، الأنف، الذقن).
- جافة أو عادية على الخدين.
- مسام متوسطة إلى واسعة.

5️⃣. البشرة الحساسة :
- تتهيج بسهولة (احمرار، حكة، أو شعور بالحرقان).
- قد تكون جافة أو دهنية ولكنها شديدة التفاعل مع المنتجات.

• كيف تحدد نوع بشرتك :

1️⃣. اختبار الغسول :
- اغسلي وجهك بغسول لطيف.
- جففيه واتركيه دون وضع أي منتجات لمدة 30-60 دقيقة.
- لاحظي كيف تبدو بشرتك:
- لامعة في كل مكان؟ → دهنية .
- جافة أو مشدودة؟ → جافة .
- لامعة في منطقة T فقط؟ → مختلطة .
- مريحة ومتوازنة؟ → عادية .

2️⃣. اختبار المناديل الورقية :
- اضغطي مناديل ورقية نظيفة على مناطق وجهك بعد 3 ساعات من الغسل.
- إذا التصقت الزيوت في كل مكان → بشرة دهنية .
- إذا التصقت بمنطقة T فقط → بشرة مختلطة .
- لا توجد زيوت ظاهرة → بشرة جافة أو عادية .

3️⃣. ملاحظة المشاكل الشائعة :
- الحبوب واللمعان؟ → دهنية .
- التقشر والاحمرار؟ → جافة أو حساسة .
- مزيج من الدهون والجفاف؟ → مختلطة.

نصائح إضافية :
- البشرة الحساسة : تتفاعل مع العطور أو المكونات القاسية.
- البشرة المعرضة لحب الشباب : قد تكون دهنية أو مختلطة.
- البشرة الناضجة (40+) :
قد تميل إلى الجفاف بسبب قلة إنتاج الزيوت .

بعد تحديد نوع بشرتك، اختاري المنتجات المناسبة (مثل الغسول الخالي من الزيوت للبشرة الدهنية، أو المرطبات الكثيفة للبشرة الجافة). إذا كانت بشرتك حساسة، استخدمي منتجات خالية من العطور والكحول.

> ملاحظة: قد يتغير نوع بشرتك مع العمر، الفصول، أو التغيرات الهرمونية، لذا أعيدي تقييمها بين الحين والآخر.

لو وصلتي النقطه دي ولسه مش عارفه تحددي نوع بشرتك كلمينا ع ارقامنا أو ابعتولنا ع رسائل الصفحه واحنا هنساعدك ف تحديد نوع بشرتك وتحديد الروتين المناسب ليكي

أرقامنا👇👇
01006373448
010 28411711

20/05/2025

عملائنا الكرام تتمنى لكم دوام الصحه والعافيه😍
ورجعنالكم بمفاجأة الصيف للسنادي وبعد نتائج كتير ناجحه 🥳
أخيراً وبعد طول انتظااار نقدر نعلن وبكل ثقه عن تركيبتنا الفريده والمذهله للتخلص النهائى من جلد الوزه أو ما يعرف ب strawberry skin 🍓
طبعاً كلنا لازم نعرف يعني ايه جلد الوزه أو أي هو الشكل ال ف الصوره ده وايه هي أسبابه 🤔 وشوية معلومات سريعه عنه👇
💥أولًا💥جلد الوزه بينتج نتيجة تراكم الكيراتين ف المسامات مكان خروج الشعر من مسام الجلد فبيدفن الشعرايه ويمنعها من الخروج لسطح الجلد وهنا يظهر الشكل الموضح بالصوره
💥 ثانياً 💥فبالتالي بنحتاج نستخدم حاجه keratolytic يعني تقشر طبقة الكيراتين دي بس مش اي مقشر ينفع لازم حاجه تقدر ع الكيراتين وخاصه بيه مش اي مقشر والسلام🙂 وبنحتاج كمان نستخدم حاجه قابضه للمسام علشان نصغر المسام ال هي بالأساس بيتكون عليها طبقة الكيراتين دي 👌💫

وده ال عملناه ف تركيبتنا الخاصه بالتخلص من جلد الوزه نهائياً وللأبد للاستمتاع ببشره ناعمه وخاليه من أي عيوب ومترطبه 💯💯💯💯
يلا مستنيين اي 🤔اتصلوا بأرقامنا أو ابعتولنا ع الواتساب او الماسنجر وستقوم أخصائية البشره لدينا بالرد ع استفساراتكم واسألتكم ف الحااال💥💥💥🥳
01006373448
010 28411711

18/05/2025

Attention please 🔥🔥
Summer back🥳💥💥
تتمنى لكم دوام الصحه والعافيه 🌹🌹
ونتمنى لكم صيفًا أقل حراره وأقل تأثيرًا بالسلب ع بشرتكم😂🤍
ولذلك عملنالكم باكيدج الصيف للعنايه بالبشره من الحر والشمس والعوامل الخارجيه للحفاظ ع البشره رطبه وغير مؤكسده وخاليه تماماً من الاسمرار وحروق الشمس وزيادة تعرق البشره بما يعرف بمشاكل البشره الدهنيه🔥🔥🔥
الباكيدج الخاص بالبشره الدهنيه ف غيرررر اي باكيدج ممكن تكوني سمعتي عنه لأننا هنخلي بشرتك مترطبه وكلها نضاره وبأقل سعر ممكن تتخيليه وكلها منتجات طبيه لشركات معروفه بس عندنا غيررررر لأن أسعارنا هتكون تنافسية وأقل سعر بمناسبة بداية الصيف 💥💥💥💥

يلااا مستنيين اي الحقوا كلمونا وقوليلنا اي مشاكل بشرتك علشان نجهزلك أفضل باكيدج وخلى النتيجه علينا لأننا واثقين من الباكيدج الخاص بينا

⛔⛔ومتنسوش تسألونا ع باكيدج جلد الوزه لتتخلصي نهائياً من جلد الوزه الذي يسبب لكي الإحراج ونضمن لكي نتائج مضمونه وتخلص نهائياً من جلد الوزه بنسبة ١٠٠٪

يلاااا مستنيين اي ابعتولنا ع رسائل الصفحه والتيم هيرد عليكي ويفيدك بالمناسبة ليكم أو ابعتولنا ع رقمنا ع الواتساب 👇👇👇
01006373448

25/04/2025

الأدوية دي مش منومه ⚠️⚠️

الأدوية دي بتستخدم تحت [إشراف طبي متخصص] بيحددلك الجرعه المناسبه لحالتك ، ولازم يبقي فيه متابعه منتظمة منك انت شخصياً حتي لو كان الطبيب اللي كتبلك حاجه فيهم مطلبش منك اعادة.

كل الأدوية دي من مضادات الاكتئاب وأدوية نفسيه ليها تأثير مباشر على المخ وبتغير كيمياء الجهاز العصبي، واستخدامها من غير إشراف طبي ولفترات ممكن يسبب مضاعفات خطيرة زي اضطراب في ضربات القلب، هبوط في الضغط، نوبات، تعود وادمـ..ان عليهم مش هتعرف توقفهم خالص أو حتى كمان مشاكل نفسية أكتر.

فنصيحه لوجه الله .. بلاش تاخد أي نوع منهم من دماغك ولا تسمع لحد حبيبك بيقولك جرب الدواء ده هيخليك تنام
أو حتي تشوف فيديو بيرشح استخدامهم من غير ماتروح تكشف!

أنا كتبت البوست ده بعد ماشوفت بعيني اكتر من حد بيستخدم الأدوية دي من دماغه ومش عارف يوقفها وكل مادا بيزيد في الجرعه وفي نفس الوقت باين عليهم انه مش طبيعيين وحالتهم صعبانه عليا.

نكشف ياجماعه ونتابع علشان نرجع طبيعة جسمنا وشخصيتنا وحالتنا لأحسن حال.

30/03/2025

تهنئكم بحلول عيد الفطر المبارك أعاده الله علينا وعليكم بالخير واليمن والبركات وكل عام وانتم بخير 🤍🎉

💥💥طبعاً بنفكركم إننا شغالين أيام العيد ومتاح توصيل لأي مكان داخل بيلا
لطلب الاوردرات والاستفسار فيما يخص الادويه والمستحضرات يرجى ارسال رساله على الواتساب أو الاتصال على أحد الأرقام التاليه👇👇
01006373448
010 28411711
01050333814

21/02/2025

مع العلم أن النجاة منه من المستحيلات الا من كتب الله له عمر ...
#وزارة الصحة والسكان اصدر ت أول بروتوكول علاجي للتسمم بقرص (حبة الغلة).. وتعليمات للمستشفيات بالتنفيذ منذ العام ٢٠٢٢ وللتذكير
تضمن البروتوكول للتعامل مع قرص الغلة بأنه ممنوع إدخال ماء إلى جوف المريض أو عمل غسيل المعدة بمحلول ملح أو برمنجانات بوتاسيوم.

كشفت وزارة الصحة عن كيفية التعامل مع حالات التسمم بقرص الغلة منها:

١- يعطي المريض زيت جوز الهند أو زيت البرافين من ٢-٥ زجاجات (٥ مل) إذا كان المريض قادرًا على البلع أو عبر الرايل إذا كان غير قادر علي البلع ويبقي الزيت ببطن المريض حيث يقوم الزيت باحتواء الحبة والأهم أنه يحافظ على الرابطة بين الألومنيوم والفوسفيد فيمنع تصاعد غاز الفوسفين الذي يقوم بالتأثير علي عضلة القلب.

٢- يتم إعطاء بيكربونات الصوديوم ١-٢ أمبول وريدي كجرعة مبدئية قبل ظهور نتيجة التحليل لاحتواء الحمضية الناتجة.

٣- لا يوجد مضاد مخصص لعلاج ولا يعطى فحم نشط ليس له أي دور.
٤- ينقل المريض إلى قسم رعاية مركزة لتلقي الإجراءات اللازمة.
٥- ويتم عمل تحليل غازات الدم ويتم تصحيح البيكارب بالدم إلى أن يصل إلى ٢٠.
٦- عمل رسم وإنزيمات قلب لبيان تأثيره في القلب فاذا كان يعمل بكفاءة يتم إعطاء المحاليل الوريدية لرفع الضغط وإذا كان هناك ضعف أو فشل بعضلة القلب لا تعطى المحاليل الوريدية لأنها ستكون حمل زائد على القلب ويعطي النور أدرينالين بواسطة مضخة محاليل بمعدل ٥-٢٠ ميكرون في الدقيقة في حالة هبوط القلب وهو مفضل عن الدوبامين لأن المريض لديه عدم انتظام في ضربات القلب
٧- يعطى المريض مضاد للتقلص وحقن لتقليل الامتصاص.
٨-ضع المريض على أكسجين.

Dr. Magdi Pharmacyصيدليه دكتور مجدي وحيد ابو العنين

26/11/2025

17/10/2025

06/09/2025

06/09/2025

07/07/2025

27/05/2025

23/05/2025

20/05/2025

18/05/2025

25/04/2025

30/03/2025

21/02/2025

Address

Telephone

Website

Alerts

Contact The Practice

Shortcuts

Share

Category