https://www.facebook.com/103162695115344/

Dr Ahmed Gamal, Cairo (2025)

14/12/2024

تعالى أقولك على الڤيتامينات اللي أنت محتاجها علشان تقوي عظمك🦴

✨ فيتامين أ (A)
مسؤل عن دور كبير في بناء العظام وبيقلل نسبة حدوث كسور
موجود في👇
السمك - اللحوم - الكبدة - الشمام -الجزر- البيض - المانجو - السبانخ - البطاطا

✨فيتامين ك(k)
بينشط البروتينات اللي بتساعد الكالسيوم إنه يترسب في العظام وتمنع ترسبه في القلب والشرايين والثدي والكلى
موجود فى 👇
البروكلي المطبوخ - اللفت - السبانخ

✨فيتامين ب12(B12)
بيقوى العظام ونقصه في الجسم بيسبب إرتفاع خطر الإصابة بهشاشة العظام
موجود في 👇
منتجات الألبان - البيض - السمك - اللحوم - الدواجن - المحار

✨فيتامين سى (C)
يدخل في تكوين الكولاجين اللي بيزود من كثافة العظام
موجود في 👇
البروكلي - الفلفل الحلو - القرنبيط - الليمون والبرتقال - اللفت - الفراولة

لازم تطمن على صحتك كل فترة وتعرف نسبة الفيتامين لأنها بتأثر بشكل كبير على صحة عظمك

دُمتم سالمين ❤️

12/03/2024

من تأهيل اللاعب أحمد حشمت لاعب البنك الأهلى بعد عمليه أستئصال لغضروف الركبه ورجوعه للملاعب مره أخرى 💪

▪️د/أحمد جمال
دكتور العلاج الطبيعى وإصابات الملاعب لدى مؤسسه Eg physio بمجموعه مستشفيات كليوباترا◾️
▪️دكتور العلاج الطبيعى بمستشفى ٦أكتوبر للتأمين الصحى▪️

10/03/2024

‏كل عام وكل الأمه الاسلاميه بخير ورمضان مبارك عليكم
‏أعاده الله علينا وعليكم بالخير واليمن والبركات🌙❤️

23/02/2024

🔴التواء الكاحل (Ankle Sprain)

مين قال إن التواء الكاحل بيصيب الرياضيين بس❌

التواء الكاحل من الاصابات اللي ممكن تحصل يوميا لاي شخص مش بس الرياضيين🚫

🟥العوامل التي تؤدي إلي إحتمالية التعرض للإصابة :

♦️المشي او الجري علي سطح غير مستوي.
♦️إرتداء حذاء غير مناسب
♦️سقوط من على السلالم
♦️ضعف عضلات الساق و الجذع و نقص في مرونة الانسجة و العضلات.
♦️إصابة سابقة ل الأنكل مع عدم علاجها بالشكل الأمثل .

🟥ما هي الأعراض التي تظهر علي الشخص المصاب ؟

◀️حدوث ورم في الكاحل مصحوباً بألم تختلف شدته طبقا لحجم الإصابة.

◀️ ضعف حركة المفصل المصاب مثل عدم القدرة علي المشي

🟥فى حاله التمزق من الدرجه الأولى والتانيه يجب عمل الأتي 👇

1-إستخدام "الأدوية" لتقليل {التورم و الالم} ..

2- استخدام الثلج علي "منطقة الإصابة" .

3- وضع "رباط ضاغط" علي الكاحل لتقليل التورم .

4- عمل تمارين تقوية و اتزان لعضلات الكاحل

🟥أما فى حاله التمزق من الدرجه الثالثه يلزم التدخل الجراحى

25/12/2023

⚠️⚠️عندى غضروف يا دكتور ..أعمل له عملية ولا لأ؟!!⚠️⚠️
🚨🚨وهل لو معملتش عملية الغضروف هيجبلي شلل ومش هعرف أتحرك تانى!؟

🔔السؤال ده محير جدا لناس كتير وبسببه بيفضل المريض يلف سنين على كل دكاترة مصر لا منه مرتاح من الألم ولا عايز يعمل عملية طب تفتكر يعمل إيه؟؟

🔴مبدئياً خلينا نتفق إن العمليات في العمود الفقري لازم تكون هى الاختيار الأخير مش معنى كدة إن العمليات وحشة لا بالعكس لما بتتعمل للمريض اللى محتاجها فعلاً بتكون النتائج ممتازة لكن بشكل عام خلينا نكون متفقين إن ٩٠٪ على الأقل من مرضي الانزلاق الغضروفي بل وتزحزح الفقرات كمان هيخفوا لوحدهم بدون تدخل جراحى بالطرق اللي شرحتها بالفيديوهات السابقه علي الصفحه دي
🔴خلينا نقول إن أصعب قرار هو قرار العملية وكفاءة الطبيب مش بتتقاس إنه بيعرف يعمل العملية بس الكفاءة والأمانة بالأساس بتكون في تحديد مين اللى محتاج العملية ومين مش محتاجها مين اللى لما يعمل العملية هيكون أفضل بكتير ومين لما يعملها مش هتفرق معاه ومين اللى لو عملها هتكون حالته أسوأ !؟؟

🔴عوامل كتير بتتدخل في اتخاذ قرار زى ده من ضمنها الوزن والسن وطبيعة الألم هل هى من الضغط على العصب يبقي هتتحسن ولا آلام مفاصل فمش هتستفيد من العملية ولا آلام عضلات فهتستفيد بالعلاج الطبيعي ولا من الوزن الزائد فهتستفيد بالتخسيس وغيره فحاول دايما تتحرى الدقة قبل ما تاخد قرار العملية .

🔴هنا لازم نقول إن معظم السمعة غير الجيدة لعمليات العمود الفقري بتكون بسبب الجزئية دى
صعوبة التفريق بين المريض اللى محتاج يعمل عملية وملوش حل غيرها والمريض اللى مشكلته حاجة تانية ولو عمل العملية مش هيتحسن بل وأموره هتبقي أسوأ هنا بتكمن أهمية القرار الطبى اللى على أساسه المسار العلاجى للمريض بيختلف كليا نفس الأشعة لاتنين من المرضي واحد منهم يتقال له لازم عملية و واحد تانى يتقال له لو عملت العملية حالتك هتسوء اكتر وده ده حسب نوعية الألم الموجود عند كل مريض والرنين والأهم من ده كله نتيجة اختبارات الكشف وربط التلاته ببعض وده مبيحصلش عن طريق كشف خمس دقايق وخلاص واللى مستحيل يتعرف غير مع دكتور أمين☑️

د/ أحمد جمال
أخصائى العلاج الطبيعى والإصابات الرياضيه

20/12/2023

🚨من الأسباب التي قد تؤدي إلى آلام الرقبة :

🔴وضعية نوم خاطئة: ويلاحظ فور الإستيقاظ من النوم
وجود آلام بها وصعوبة تحريكها؛ والسبب الرئيسي هو
إستخدام مخده غير مريحة

🔴تمزق عضلات الرقبة: بسبب حدوث ضغط مفاجيء
عليها، نتيجة حمل شيء ثقيل على الرأس أو السقوط
وإصطدام الرأس

🔴إستخدام الأجهزة الألكترونية : سواء الهاتف المحمول
أو الكمبيوتر، والبقاء في وضعية مائلة للأمام لفترة طويلة
للنظر في هذه الأجهزةوالإمساك بالهاتف على الأذن من خلال ثنى الرقبة ورفع الكتف لفترة طويلة مما يسبب آلام الرقبة

🔴الإصابة ببعض الأمراض : نتيجة بعض الأمراض المؤثرة
على الرقبة التي ينتج عنها آلام شديدة وتشنجات، مثل
الإنزلاق الغضروفي وإصابات الرقبة والعمود الفقري،
وإلتهاب المفصل الروماتيدي

د/أحمد جمال
أخصائي العلاج الطبيعى والإصابات الرياضيه

23/10/2023

🔴فى البوست ده هنتكلم عن 5تمارين مهمين فى علاج👈 خشونه الركبه👉
وتحت كل صوره هتلاقوا كلام بيشرح عمل كل تمرين
🔴للأستفسار عن أى مشكله تخص العظام والعمود الفقرى والإصابات الرياضيه أبعتلنا ماسچ على الصفحه

دكتور/أحمد جمال أخصائى العلاج الطبيعى والإصابات الرياضيه

17/11/2022

⛔هنتكلم النهارده عن خشونه الركبه (Knee Osteoarthritis) وده مرض شائع فى كثير من الناس
خلينا ف الاول كدا نعرف يعني اي خشونه الركبه وازاي الخشونه دي بتحصل واى الدرجات بتاعتها ؟
طبعًا كلنا عارفين إن أي مفصل بيكون جواه غضاريف (الغضروف هو جزء المفصل الذي يبطن نهايات العظام ويسمح بسهولة حركة المفاصل)
مع تقدم العمر بيحصل تآكل ف غضروف الركبه، ف التآكل الي بيحصل دا بيؤدي لاحتكاك بين العظام وبعضهافدا بيؤدي ف النهايه لظهور الأعراض ( ألم وفقدان الحركه ف مفصل الركبه).
طيب اي بقا هيا العوامل الي بتؤدي إلي خشونه الركبه ؟
🚫 زياده الوزن ودي أول وأكتر سبب بيؤدي لخشونه الركبه
🚫 عوامل وراثيه
🚫 الإناث أكتر إصابه من الرجال
🚫 ضعف عضله الفخد
🚫إصابات الملاعب، والحوادث، مثل انقطاع الأوتار والأربطة، أو الإصابة بالكسور.
🚫الأمراض الروماتزمية مثل الروماتويد.
🚫العيوب الخلقية مثل تقوس الساقين.
طيب امتا بقا أبدأ أشك إني عندي خشونه ف الركبه؟
1️⃣ ألم ف الجزء الداخلي من الركبه وغالبا بيكون وأنا محمل علي الركبه او حتي مع الراحه وممكن الألم دا يصحيني بليل من النوم
2️⃣هلاحظ إني أول ما بصحا من النوم إن ركبتي مش عارف أفردها أو أتنيها ومع الوقت والحركه أحس إنها فكت
3️⃣ألم لو أنا ثبت ركبتي ف وضع واحد لفتره طويله
4️⃣ تسمع صوت طرقعه ف ركبتك وبتكون أحيانًا معاها وجع وأنت ماشي او وأنت بتقعد او وانت بتقف
5️⃣الركبه المصابه بتكون وارمه وسهل إني أخد بالي لو قارنتها بالرجل السليمه

⏪اى هى درجات خشونه الركبه؟؟
1⃣الدرجة 1: فيها يُصاب الشخص بنمو طفيف لنتوءات عظمية تتطور في المنطقة التي تلتقي فيها العظام ببعضها في المفصل، وعادةً لا يعاني المريض في هذه المرحلة بأي ألم أو انزعاج.
2⃣الدرجة 2: تشير هذه الدرجة إلى خشونة الركبة الخفيفة، وستظهر الأشعة السينية نتوءًا عظميًا أكبر بينما يبدو الغضروف على حالته، أي أن المسافة بين العظام طبيعية ولا تحتك ببعضها البعض، ومع ذلك فقد يبدأ الشخص في هذه المرحلة بالشعور بالألم بعد يوم طويل من المشي أو بعد الركض، وعند استخدامه المفصل بشكل متكرر مثل عند الركوع أو الانحناء.
3⃣الدرجة 3: يمكن الإشارة لهذه المرحلة بخشونة الركبة المعتدلة. يظهر تلف واضح في الغضروف في هذه المرحلة، وتبدأ المسافة بين العظام في الضيق، لذا يعاني المريض من ألم متكرر عند المشي، أو الركض، أو الانحناء أو الركوع، وقد يعاني أيضًا من تصلب الركبة بعد الجلوس لفترة طويلة أو عند الاستيقاظ من النوم، وقد يتورم المفصل بعد وقت طويل من الحركة.
4⃣الدرجة 4: وهي المرحلة الشديدة من خشونة الركبة، ويعاني الأشخاص في هذه المرحلة من ألم شديد وانزعاج عند المشي أو تحريك المفصل، نتيجة تقلص المسافة الطبيعية بين العظام بشكل كبير. في هذه المرحلة يتآكل الغضروف بالكامل تقريبًا، فيصبح المفصل متصلبًا وربما لا يتمكن المريض من تحريكه (تتعطل وظيفة المفصل).
✅دور العلاج الطبيعي ؟
بيعطيلك نتايج فعاله بنسبه ٩٠ ف الميه وبيقتل الألم الموجود ف الركبه وبيقوي العضلات الضعيفه فبيقلل الضغط والحمل الي نازل علي الركبه
وفي حاله أن المريض أهمل ومقللش وزنه وبدأ علاج طبيعي بيدخل المريض ف المرحله المتقدمه من الخشونه الي بيكون حلها الوحيد عمليه جراحيه استبدال مفصل الركبه.
والعلاج طبيعي بينقسم معانا إلي :
1️⃣أجهزه كهربيه منها
1-Faradic لتقويه عضلات الفخد الأماميه والخلفيه
2-TENS لتسكين الألم الموجود ف الركبه
3-ultrasound يقلل الإلتهابات ويقلل الألم وبيساعد ف الالتئام عن طريق تحفيز إنتاج الكولاجين
2️⃣ العلاج اليدوي ودا بنشتغل فيه أكتر علي زياده المدي الحركي للركبه عن طريق techniques معينه بنعملها احنا ف شغلنا
3️⃣ التمارين العلاجيه والي بتهدف لتقويه عضلات الفخد الأماميه والخلفيه الضعيفه
وبتزود المدي الحركي وبتمنع دخول المريض ف مضاعفات الخشونه
4️⃣ تثقيف المريض من خلال :
١- يشرب مايه كتير
٢- أنه يمشي كنشاط يومي
٣- ممنوع يحط رجله ف وضع واحد لفتره طويله
٣- يتجنب أنه يقعد علي كراسي قصيره
٤- بلاش يطلع السلم كتير ولو مضطر يتعلم يطلع السلم ازاي وينزل ازاي :
وهو طالع يطلع بالسليمه الأول
وهو نازل ينزل بالمصابة الأول

Dr/Ahmed Gamal

11/11/2022

Mr kamal from KSA complaining of haglund's deformity with achilles tendonitis caused burning pain in his Ankle during standing, walking and while sleeping there are a cramping pain in calf muscle with a burning pain in calcaneus that annoying him, After physiotherapy sessions the all symptoms relief and the pain in calcaneus and achilles tendon disappeared
مستر كمال من السعوديه بيشتكى من التهابات فى وتر أكيليس مع تشوه هوغلاند وده كان مسببله آلم بحرقان فى كعب القدم اثناء الوقوف والمشى وأثناء النوم مع شد عضلى فى عضلات الساق تزعجه من النوم ،بعد عمل جلسات العلاج الطبيعى له تحسنت كل الاعراض واختفى الآلم فى وتر أكيليس وكعب القدم

Dr/Ahmed Gamal

16/10/2022

Book your session Now 👌

14/10/2022

🔻ناس كتير بتعانى من ألم أسفل الظهر(low back pain)،إن شاء الله فى البوست ده هنشرح الاسباب اللى بتؤدى لظهوره 🔻

🔴1-السبب الرئيسي لآلام أسفل الظهر هو ضعف العضلات المحيطه بالعمود الفقري والجلوس بطريقة خاطئة وحمل الاشياء الثقيلة بطريقة خاطئة، مما يسبب تشنجات وتقلصات عضلية مزمنة والتي تؤدي مع الوقت الى حدوث انزلاق غضروفي.
🔻2-القيام ببعض الحركات المفاجئة دون تهيئة الجسم مما يؤدي لحدوث بعض الآلام وهو ما يسمى بالتشنج العضلي .
🔻3-زيادة الوزن والسمنة يزيد الحمل والضغط على الفقرات.
🔻4-عدم ممارسة الرياضة ونمط الحياة الذي يتسم بالخمول.
🔻5-عوامل جينية وتقوص او اعوجاج العمود الفقري.
🔻6-نقص فيتامين د او امراض ضعف العظام مثل هشاشة العظام.
🔻7-الاصابات الرياضية.
🔻8-الحمل وزيادة حجم الجنين والضغظ يؤدي إلى حدوث آلام أسفل الظهر للأم وخاصة في الأشهر الأخيرة .
🔻9-الجلوس لفترات طويلة أثناء القيام بعمل ما بدون أخذ فترات من الراحة ، ولذلك ينصح بالجلوس معتدل القامة و الكتفين إلى الوراء مع الاهتمام بالوقوف لتجنب الألم .
🔻10-ممارسة الرياضة بشكل خاطئ وقاسي على الجسم والعضلات .

📌تشمل أعراض آلام أسفل الظهر:

🔻1-ألم خفيف في الوركين و / أو الحوض

🔻2-ألم حاد يبدأ في أسفل ظهرك وينتقل إلى أسفل ساق واحدة (يُعرف أيضاً بعرق النسا)
🔻3-الألم الذي يزداد سوءاً مع الجلوس لمده طويله ويتحسن بسرعة أثناء المشي
🔻4-ألم يزداد سوءاً بشكل ملحوظ في الصباح

إن شاء الله فى البوست الجاى هنزل التمارين العلاجيه لحل مشاكل آلام أسفل الظهر

Dr Ahmed Gamal

14/12/2024

12/03/2024

10/03/2024

23/02/2024

25/12/2023

20/12/2023

23/10/2023

17/11/2022

11/11/2022

16/10/2022

14/10/2022

Address

Telephone

Website

Alerts

Contact The Practice

Shortcuts

Share

Category