16/08/2021
الأربع الماضي مراكز مكافحة الأوبئة الأمريكية (CDC) رشحت التطعيم لجميع السيدات الحوامل بعد ما كانت بترشحه فقط للحوامل الأكثر عرضة انهم يُصابوا (زي العاملين في القطاع الطبي أو لو فيه أمراض مصاحبة).
ده قرار جه بعد دراسات على عدد كبير من الحوامل (اكتر من 140 الف) اتطعموا بأمان ومظهرش أي أعراض جانبية مقلقة.
لكن فيه نقطة مهمة وهي انه القرار ده ينطبق على التطعيمات الmRNA زي فايزر ومودرنا وليس على بقية التطعيمات زي اللي في مصر (أسترازنكا وساينو فارم وجونسون).
دي حاجة كويسة طبعا انه كده تأكدنا إلى حد كبير من أمان نوعية اللقاحات دي وبنرشحها، لكن ده لسه لا ينطبق على التطعيمات اللي عندنا. فزي ما قلنا في بوست سابق، لا نرشح التطعيم (اللي في مصر) إلا في حالة ان الضرر أكبر من النفع زي العاملين في القطاع الطبي أو فيه أمراض أخرى زي ضغط أو سكر، وفي حالة ان العيان اخد الجرعة الأولى من أسترازنكا قبل الحمل، وجه وقت الجرعة التانية وهي حامل، فبنرشح هنا انها تاخدها. غير كده بنرشح كله يكون بعد الحمل.
