Dr. Mahmoud Sayed Clinics - عيادات د. محمود سيد لطب الاطفال وحديثي الولادة

06/09/2022

الحمدلله … ربنا يجعلنا سبب لشفاء الناس ❤️
ودائما وابدا عند حسن ظنكم 😊
———————————————-
عيادات د. محمود سيد لطب الاطفال وحديثي الولادة
———————————————-
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

27/07/2022

#المتابعة
———————————————————

- متابعة طفلك في بداية حياته من الحاجات المهمة حتى لو كويس👶
- متابعتك مع طبيبك الخاص بيعرفك احتياجات كل مرحلة وتفسيرات تصرفات وحركات الطفل 👩‍👧‍👦
- مش كل عياط جوع ومش عياط تعب … ساعات كتير العياط بيكون وسيلة لفت انتباه عشان الطفل اخد باله انه لوحده او انك سايباه🥹🥹
- دايما تسجيل اللحظات المميزة للطفل زي اول مرة يحبي او اول مرة يمشي .. اول مرة ياكل دي لما الطفل بيشوفها بعد كدا بتديله ثقة ف نفسه انه ماكانش بيعرف يعمل الحاجة دي ودلوقتي بيعملها ب كل سهولة💪
- واخيرا وليس اخرا خدوا بالكم من الكورونا المنتشرة اليومين دول وانتظروا بوست عن كوفيد الاطفال 🦠
———————————————————
تابع يوم ب يوم
———————————————————
عيادات د. محمود سيد لطب الاطفال وحديثي الولادة
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

30/06/2022

- تأكلي طفلك ايه ؟!
- مهم اوي اننا نختار للطفل ياكل ايه مش مجرد انه ياكل وخلاص
- تنوع الخضار والفواكه للأطفال مهم اوي خصوصا للاستفادة من الفيتامينات اللي موجودة ف الفاكهة والخضار
- الأطفال دائما بيحبوا الألوان في الأكل ف اعملولهم اي حاجة من الخضار او الفواكه بس سلطة بحيث يكون فيها الوان كتير
- الفواكه لو عصير من غير سكر هتفيد جدا خصوصا للأطفال العنيدة بعض الشئ مع الأكل
- نحاول قدر الإمكان نقلل الحاجات اللي فيها الوان صناعية او كميات سكريات كتيرة لتجنب عسر الهضم والسمنة وتسوس الاسنان
- طبعا كلنا بنكسل نقطع الفاكهة والخضار 😃 دلوقتي في اماكن كتيرة بتعمل الكلام ده
- اهم حاجة الفترة دي غسيل الفاكهة والخضار كويس اوي وتقشيرها اذا امكن لتجنب النزلات المعوية المنتشرة الفترة دي بسبب الأكل
وفي الاخر حاجة مهمة
الف هنا 😋😋🥰
——————————————————————————
تابع يوم بيوم
——————————————————————————
عيادات د.محمود سيد لطب الأطفال وحديثي الولادة
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

25/06/2022

من الاسئلة البسيطة بس متكررة بنسمعها كتير
- دكتور هو ابني/بنتي دلوقتي شايفني … انا حاسة انه مش عارفني🙍‍♀️
- دكتور ابني/ بنتي بيبص وبيحرك عينه ف كل حتة كأنه مش مركز معايا او مش شايفني 👀
- دكتور ابني/بنتي عارفني بس بيعيط لما اي حد تاني يشيله حتى لو باباه 😭
الاجابة بكل بساطة ان ربنا خالق رابط بين الام والطفل بيتكون خلال فترة الحمل🤰 وبيزيد كمان بعد الولادة خلال فترة الرضاعة 🤱عشان كدا الطفل 👶 بيتعرف على الام قبل اي حد تاني 👩‍👧👩‍👦
- الفيديو دا بيوضح مراحل تطور الرؤية للطفل من عمر يوم لحد سنة بصورة بسيطة جدا تفهمنا الطفل بيبقى شايف ازاي خلال اول سنة
——————————————————————————
تابع يوم ب يوم
——————————————————————————
عيادات د.محمود سيد لطب الاطفال وحديثي الولادة
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

17/06/2022

#الحضانة





ناس كتير بتسأل سؤال مهم ومتكرر
- ابني يا دكتور مش بيتكلم واحنا عدينا السنتين .. بيقول ماما بس و بابا بس
- ابني يا دكتور بيخاف من الناس
الرد على السؤال ده يتلخص في الآتي
ان احنا لازم نهتم بالتغذية الفكرية للأطفال…لفظ تقيل شوية ؟؟!!🤔
خلينا نبسط الموضوع بصورة اسهل 👇
- الحضانات من الحاجات المهمة للأطفال اللي بتساعد الطفل على سرعة التكلم … بتعلمه التفكير لانه بكل بساطة مش بيشوف بس الأب والأم اللي دورهم حمايته وعمل الحاجات المهمة ليه بس … لا بيشوف اطفال كتير وبيشوف ناس كتير بتتكلم
- بيشوف ردود افعال كتير وتصرفات مختلفة من اطفال غيره كتيرة وبيشوف ردود افعالها من المشرفين والمشرفات في الحضانة اذا كانت حاجة كويسة ولا وحشة وبيبتدي يعرف ايه الصح وايه الغلط
💡 الحضانة هي تربية وتغذية فكرية للأطفال … اختلاف الأنشطة اللي بيشوفها بتساعده انه يفكر افضل
- لما بيشوف لعبة مش فاهمها او مش بيعرف يلعبها ويلاقي طفل غيره بيلعبها هيحفزه ويخليه يحاول يعرف يلعب بيها هو كمان ويبتدي يفكر ''انا ليه مش بعرف العب بيها انا كمان … اشمعنى هو عارف وانا لأ !!
- الحضانة او Pre-school او Nursery هي مش تجهيز وتطوير فكري للطفل وتجهيزه للمدرسة بس بل وتعوده على كل المحاولات… محاولة الأكل لوحده (خصوصا ان معظم الأمهات بتبقى خايفة من ان الطفل يبهدل نفسه او المكان اللي بياكل فيه ف البيت )… محاولة الكلام … محاولة تجربة كل حاجة مش فاهمها انه يفهمها سواء لعبة او تصرف
- الطفل من بعد سنة (وممكن من قبل كدا كمان) بيبقى فاهم ايه صح وايه غلط وبيترجم كل ردود الافعالمن اللي حواليه
- لازم نهتم بالطفل … نكلمه كتير ونحاوره وننزل لمستواه عشان نساعده يطلع لمستوانا عشان نتجنب مشاكل كتير اهمها تأخر الكلام او الخوف والقلق المفرط من الأغراب وغيره من الأضرار النفسية البسيطة اللي ممكن تأثر على الطفل
———————————————————————————
تابع يوم ب يوم
———————————————————————————
عيادات د. محمود سيد
للحجز : ٠١١١٤٤٥٥٨٨٧
للواتساب : ٠١١١٧٨٧٠٤٧٨

11/06/2022

#المشاية



- بالنسبة لنمو الطفل وتطور نموه الحركي انه يبتدي يصلب رأسه بعد اول ٣ شهور عشان كدا مهم اوي اننا واحنا بنشيله دايما ايدك ساندة رأسه كويس من ورا كأن ايدك مخدة ليه (مهمة جدا)
- بعد كدا المفروض انه هيبتدي يقعد ويصلب ظهره ف نخلي قعدته دايما مدعمة بمخدات وراه تبقى سانداه وفي نفس الوقت ناخد بالنا انه ما يبقاش قاعد ٩٠ درجة يبقى ٤٥ درجة اريح ليه ومع الوقت هتلاقيه بدأ هو يقوم بنفسه
- ناخد بالنا في فترة بداية الزحف ان الارض حواليه تبقى نظيفة ومفيش فيها اي لعب او اي حاجة صغيرة ممكن يحطها في بقه تعمله مشكلة
- من بعد ٦ شهور هتلاقي الطفل يبتدي يلمس الارض ب رجله ويزق الارض او اي حاجة تلمس رجله .. دا مش معناه انه ممكن يمشي لو حطيناه في المشاية ودي غلطة كبيرة جدا بنقع فيها ☹️ ونلاقي بعد كدا الطفل بدأ يحصله اعوجاج في الساق 😐
- لازم الحفاظ على الطفل في مشيه انه مش يقعد في المشاية الا بعد عمر ١٠ شهور وتبقى على اعلى مستوى بحيث رجله يدوبك تلمس الارض مش يدوس بكامل قوته عليها 🤨
- مع الوقت هتلاقي طفلك هو اللي بيحاول يقف لوحده ويمشي لوحده او يتسند على اي حاجة ويتسلقها عشان يقدر يقف نسيبه بحاول بس نبقى جنبه لمتابعته والحفاظ عليه من السقوط او الارتطام ب أي شئ 🤕
- واهم حاجة طبعا المتابعة الدورية لدكتور الأطفال للاطمئنان ان النمو ماشي بصورة طبيعية ⏱
- ماتنسوش تصورا لحظات الطفل المهمة زي اول ما يبتدي يقف واول ما يبتدي يمشي وهكذا .. بيتبسطوا اوي بيها وهتبقى ذكرى حلوة ليهم 💕
————————————————
تابع يوم ب يوم
————————————————

عيادات د.محمود سيد
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

09/06/2022

سؤال مهم دايما بنتسأله …
دكتور هو كدا ابني/بنتي عنده/ا انيميا؟!
اديله كالسيوم ؟!
طب الفيتامينات ؟!اصله مش بياكل كويس

اهم حاجة في التغذية هي متابعة نمو الطفل وتطوراته الحركية والحسية
- اول ٣ شهور هما الرضاعة الحصرية للأطفال نهتم بس معاها بنقط فيتامين د عشان يحسن امتصاص الكالسيوم وبعد كدا بنبتدي ندخل اكل بسيط (هنتكلم عليه طبيعة الاكل ايه)
- لما الطفل يبتدي الاكل شوية نهتم بالاكل المفيد زي التفاح .. كبد الفراخ .. صفار البيض .. والزبادي بجانب الرضاعة
- - اديله كالسيوم يا دكتور ؟!
- الاجابة لأ طالما التغذية كويسة ونتابع بالتحاليل نسبة الكالسيوم والهيموجلوبين عشان الانيميا ونقص الكالسيوم عشان ما يبقاش عندنا لين عظام
- طبعا من اهم النقاط ان الطفل ما نضغطش عليه يمشي بالعافية او نستسهل وضعة في #المشاية عشان يلعب ويمشي دا بيتعمل بعد سن ١٠ شهور عشان نتجنب اعوجاج الساقين
- طب بعد سن السنة طبيعي مع نمو الطفل متطلبات واحتياجات جسم الطفل بتزيد في لازم ساعتها نعوض يا اما بالتغذية الصح والاكل المفيد سواء خضار او فاكهة ومنتجات الالبان
- ممكن نبتدي ناخد حديد كا جرعة وقائية للحفاظ على الطفل انه ما يدخلش في انيميا وبردو نتابع الكالسيوم عشان فترة التسنين هي فترة الاستنزاف للطفل لحد ما يخلص كل اسنانه ويتبدي يتحرك ويمشي بصورة طبيعية
———————————————————
تابع يوم ب يوم
———————————————————
عيادات د. محمود سيد
للحجز : ٠١١١٤٤٥٥٨٨٧
واتساب : ٠١١١٧٨٧٠٤٧٨

08/06/2022

من الحاجات المهمة اوي اللي بتصادفها كل ام موضوع خلع الكوع
اقرأوا البوست كويس أوي
ونتابع مع بعض في البوست القادم النهاردة تغذية الأطفال والحفاظ عليهم من عوامل سوء التغذية
————————————————————
تابع يوم ب يوم
————————————————————
عيادات د. محمود سيد
للحجز : ٠١١١٤٤٥٥٨٨٧
الواتساب : ٠١١١٧٨٧٠٤٧٨

البوست ده مهم جدًا لكل أم
لما تيجي تشيلي طفلك أو تتعاملي معاه لازم تخلي بالك⚠️

الأطفال لحد سن ٥ - ٦ سنوات بيكون مفصل الكوع مش مكتمل النمو و علشان كده بيبقوا معرضين لحدوث خلع بأعلى عظمة الكعبرة من ناحية الكوع ☝🏼

ده بيحصل لما نشد الطفل 👶🏻 من دراعه أثناء اللعب أو أثناء ماحنا بنخلع الهدوم… و هكذا و نحس ب "طقة" و ده حاجة اسمها Pulled elbow أو Nursemaid elbow 💪🏼 و الطفل بيكون مش قادر يرفع دراعه مع الإحساس بالألم 😫

نعمل ايه لو ده حصل؟! 🤔

أولًا: مانقلقش خالص

ثانيًا: نتجه إلى أقرب دكتور عظام فى نفس اليوم لرد العضمة مكانها و بعد الرد مباشرة الطفل بيهدى و يقدر يحرك دراعه طبيعي

ثالثًا: الطفل مش محتاج أى أدوية بعدها 💊🚫

دمتم سالمين 👶🏻

للطوارئ: ٠١٢٧٩٤١٣٩٣٤

تابعوا هاشتاج مع دكتور بيشوى نبيل علشان تفهم كل ما يخص أمراض العظام 🦴

دلوقتى تقدر تزورنا في الفرع الجديد للعيادة بمصر الجديدة🏥
٥٨ ش الحجاز امام مستشفى هليوبوليس برج آمون الدور الثاني 'C’ فوق معمل المختبر
للحجز و الاستفسار:
01013407803 - 01148220078
السبت ، الأحد، الاثنين و الخميس

عيادة شبرا 🏥
تليفون الحجز او واتساب 📞
01100225380
٢١١ ش شبرا امام محطة مترو سانت تريز فوق مونجينى الدور الثالث
المواعيد ⏰
السبت و الاتنين و الخميس

الموقع على خرائط جوجل📍:
دكتور بيشوى نبيل جراحة العظام
‏https://goo.gl/maps/pLYutY1cpReNRUUu5

05/06/2022

استكمالا لمعلومات الرضاعة الطبيعية
اكتر سؤال بنتسأله هو :
كمية اللبن قليلة يا دكتور وخايفة ماعرفش اكمل طبيعي وارضع صناعي اعمل ايه ؟؟!!
الرد ببساطة ان الغدد اللبنية بتاخد وقت على ما تبدأ افراز اللبن
في الاول بيبقى نقط شفافة قليلة تكاد تكون زي المياه (لبن السرسوب) بس بيبقى مغذي جدا ومفيد جدا للطفل خصوصا للمناعة بعد كدا بيفرز اللبن وبياخد وقت من ساعات لايام على حسب الحالة الصحية للأم وتغذيتها
- طب ايه اللي يزود افراز اللبن ؟!
اهم حاجة السوائل … طول ما الأم بتشرب سوائل كافية (من ٢ ل ٣ لتر يوميا) سواء مياه أو عصير أو لبن هيساعد على افراز اللبن
- طب ايه الأكل اللي بيزود اللبن!؟
في حاجات زي المكسرات و الحلاوة (السكريات) … الرد بيكون من الأم انا كدا هاتخن ومش عايزه كدا
يبقى الحاجات اللي مش بتخن زي الخس الخيار الجرجير والسبانخ
واهم حاجة ان الطفل يوضع على الثدي بانتظام كل ساعتين لان محاولات الرضاعة من الطفل ولعابه من الحاجات المهمة جدا في تحفيز افراز اللبن
—————————————————————-
تابعوا معانا يوم ب يوم معلومات تهمك
—————————————————————-
للحجز : ٠١١١٤٤٥٥٨٨٧
الواتساب : ٠١١١٧٨٧٠٤٧٨

04/06/2022

الطفل حديث الولادة اساس كل حاجة بالنسبة ليه الرضاعة
- الرضاعة الطبيعية هي مناعته طول فترة الرضاعة خصوصا الثلاث الشهور الاولى وهي الاهم
- الرضاعة الطبيعية هي الرابط بين الام والطفل اللي بيحس بيها كل مشاعر الام تجاهه
- الرضاعة الطبيعية المنتظمة كل ساعتين الى ثلاث ساعات هي اللي هتحافظ عليه من ارتفاع نسبة الصفراء (في حالة عدم وجود سبب اخر لارتفاع نسبة الصفراء)
- الرضاعة الطبيعية هي اللي هتساعده انها تشغل كل اعضاء الجسم وكل الوظائف الحيوية بصورة طبيعية زي انتظام حركة القولون والهضم والكبد وغيره
سعداء بالتواصل معانا علي الارقام ده لمساعدتك ازاي تنظمي
اوقات الرضاعه وتحافظي عليها
……………………………………….
تابعوا معانا يوم ب يوم معلومات تهمك
……………………………………….
للحجز : ٠١١١٤٤٥٥٨٨٧
الواتساب ٠١١١٧٨٧٠٤٧٨

02/06/2022

تم بحمد الله افتتاح عيادات د. محمود سيد
بكالوريوس الطب والجراحة جامعة عين شمس
ماجستير طب الاطفال وحديثي الولادة
———————————————————-
بمناسبة الافتتاح خصم ٣٠٪؜ على الكشف ولفترة محدودة
———————————————————-
🗓 المواعيد : ايام الأحد - الاثنين - الأربعاء
⏱ من الساعة ٥مساءا - ١٠ مساءا
📋 الاستشارة خلال اسبوع من تاريخ الكشف
———————————————————-
الحجز والاستفسارات
☎️ ٠١١١٤٤٥٥٨٨٧
📲 رقم الواتساب ٠١١١٧٨٧٠٤٧٨
———————————————————-
العنوان : العبور - الحي الأول - بجوار المجمع الاسلامي وماركت الشجرة الطيبة اعلى يونيون اير - الدور الأول
———————————————————-
امكانية الكشوفات المنزلية عن طريق الحجز المسبق والتواصل من خلال الواتساب

02/06/2022

عيادات د. محمود سيد
طب الاطفال وحديثي الولادة
العنوان : العبور - الحي الاول - بجوار المجمع الاسلامي وماركت الشجرة الطيبة
المواعيد : الاحد - الاتنين - الاربعاء من الساعة ٥م - ١٠م
للحجز : ٠١١١٤٤٥٥٨٨٧
للطوارئ والواتساب : ٠١١١٧٨٧٠٤٧٨