10/08/2023
السلام عليكم ورحمة الله وبركاته
انهارده هنتكلم عن جزء مهم جدا من جوانب علاج السكر الا و هو الشق الاقتصادي
قصه صغيره عن مريضه سكر نوع ث عندي حالتها الماديه متوسطه و احنا عارفين ان علاجات السكر بتبقى غاليه و مش كل الناس تقدر على سعرها خصوصا ان المريض بيستمر عليها طول حياته
اولا: علاج السكر يتكون من جزئين الأول تظبيط حيات المريض لان السكر مرض بيعيش مع الإنسان من حيث الاكل و مواعيده و الرياضه و نظام الشغل.
الثاني:العلاج اللي هتكتبه للمريض لان ده هيحدد قدرته على الاستمرار خصوصا ثمن العلاج و ده الشق الاقتصادي لمرض السكر.
نرجع لمريضتنا هي مريضه كانت بتاخد انسولين مخلوط بس اولا للأسف كانت بتاخده غلط لان الأنسولين الإنساني المخلوط (mixtard 30) بيتاخد قبل الوجبه بنصف ساعه و في اغلب الحالات بيتاخد مرتين الفرق بينهم ١٢ ساعه
ثانيا المريضه كانت عامله سكر تراكمي قديم كان طالع 10.6 عالي جدا لم نطلب إعادته لان قياستها كانت في أغلب الأحوال >٣٠٠ صائم في حدود ٤٠٠ بعد الافطار
المهم بعد أخذ تاريخ مرضى المريضه لم يكن لديها من مضاعفات السكر غير التهاب في الاعصاب الطرفيه و ده بيتحسن مع ظبط السكر و بعد الاخذ في عين الاعتبار الجانب الاقتصادي تم وصف العلاج اللي ثمنه لم يعد ٤٥٠ جنيه مصري شهريا شامل الأنسولين و الأقراص المنظمه للسكر و الحمد لله النتائج كانت ملموسه
النقطه المهمه لابد انك تاخد الجانب الاقتصادي للمريض و انت بتوصف العلاج
الحمد لله
