https://www.facebook.com/103581569426538/

Tiny hands

Home
Egypt
Cairo
Tiny hands

بنقدم انشطه حسيه متنوعه لمدة ساعتين كل اسبوع في حضانات مختلفه في مناطق مختلفه

15/10/2025

Part of our sensery playdate 😉

26/09/2025

مين مستعد ياخد طفله في يوم ممتع مع الالعاب الحسيه عن الحيوانات المختلفه 🦫🐟🐒🐕🦖
احجزى لطفلك معانا مكان
من سن ١٨ شهر ل ٦ سنوات
يوم السبت ١٠/١١
في حضانه كيدو في المعادى الجديدة
يلا متضيعيش على طفلك يوم جميل

25/09/2025

بنطبخلكم احلى ايفينت ...
رجعنا تاني ...
قريبا ...
انتظروا التفاصيل ...

11/06/2025

يعني ايه انشطه حسيه ؟!
يعني انشطه معموله علشان تشتغل على حواس طفلك وتنميها
💠 بيتعلم استكشاف العالم من حوليه عن طريق الملاحظه والاستكشاف
💠 بتزود الانتباه والتركيز
💠 بتنمي المهارات الحركية
كل ده عن طريق لمس مواد مختلفة زي الجيلي والدقيق و العب بالصلصال
ده غير استكشاف روائح مختلفه زي النعناع والكاكو و القرفة

09/06/2025

ليه لازم وجود مرافق في الايفينت معانا 🤔
➡️بتقوي علاقتك مع ابنك او بنتك
➡️بتكوني ذكريات معاه مش حينساها
➡️ بتساعديه في اكتشاف الادوات وانواع الخامات اللي قدامه
➡️ المعلومه لما بتتقال منك بتكون محفورة اكتر في ذاكرته
➡️ لو طفلك من النوع الخجول وجودك جنبه بيحسسه بالامان وبيساعده علي اللعب بحريه اسرع

وصدقيني بتخرجي من اليوم وانتي فعلا مبسوطه معاه 😍😍
يلا استعدي علشان تحجزي معانا الايفينت الجاي

05/06/2025

كل سنة وانتم طيبين 😍
🎁 عيد سعيد 🎉🥳
من اسرة tiny hands نتمني ليكم ايام سعيدة وذكريات حلوة مع اطفالكم

03/06/2025

رحلة الحج ومناسكه للأطفال
يا ترى إيه بيحصل في الحج؟
خلينا نحكي لأولادنا القصة كأنها رحلة لبيت ربنا 🧳🕋

👣 يبدأ الحاج بـ:
1. الإحرام: يلبس لبس أبيض بسيط، ويقول: “لبيك اللهم حجًا”
2. الطواف: يلف ٧ مرات حوالين الكعبة
3. السعي: يجري بين الصفا والمروة زي ما السيدة هاجر عملت
4. يوم عرفة: يقف على جبل عرفة ويدعي ربنا من قلبه
5. رمي الجمرات: يرمي الحصى على الشيطان رمزًا إنه مش هيسمع له
6. ذبح الأضحية: زي ما سيدنا إبراهيم ضحى
7. طواف الوداع: يلف حوالين الكعبة قبل ما يمشي ويودّعها
قوليها بصوره تناسب سنه واستيعابك
تابعوا المناسك كل يوم مع بعض على التلفزيون

🎒 احكيها لأولادك وكأنها مغامرة جميلة!
واسأليهم:
لو كنت هناك.. كنت هتدعي بإيه؟
تحب تلف حوالين الكعبة مع مين؟ 🕋❤️

🎨 نشاط لذيذ:
اعملي مع أولادك مجسم صغير للكعبة من كرتون
أو اطبعي صور المناسك ورتبوهم بالترتيب
وخليهم يلونوها ويحكوا كل مرحلة بطريقتهم ✨

02/06/2025

كل سنه وانتم طيبين
العيد قرب إن شاء الله
افرحوا وفرحوا أولادكم
مننا كثير بيحتار يفرج أولادة على الذبح ولا لأ
سبحان الله لم يأمرنا الشرع بإن الأطفال يشهدوا الذبح
ودا لأنها بتختلف فالاطفال فى البدو وبعض القرى متعودين على الذبخ ورؤيته
لكن أطفالنا لا
أغلب التربويين و المختصين فى علم النفس بيقولوا مش قبل ٩ او ١٠ سنوات
وبردوا لما نحكى قصة سيدنا إبراهيم عليه السلام منقولش جزء الذبح لأن خيال الطفل مبيستوعبهوش
ممكن يقلد وممكن يفقد الثقه بوالديه وممكن يشك فى رحمه الدين وحاجات كثير
دا غير إنه هيرفض أكل اللحمه
شويه نصايح
١. بلاش يشوف الاضحيه أصلا عشان ميسألش راحت فين ويتعلق بها وإن شافها نقوله احنا جايبنا يومين وهتمشي.
٢. ممكن الطفل يشاركنا فى توزيع اللحمه وهى متغلفة على الاهل والمحتاجين.
٣.نجهز أنشطه أو ألعاب تشغله أثناء إنشغالنا بالذبح والتوزيع.
٤. اذا ابنى شاف وأثر عليه لازم ألجأ لمختص مقولش هينسي.
٥. أحكى لهم قصه بناء الكعبه وإن سيدنا اسماعيل ساعد باباه سيدنا إبراهيم عليهم السلام.
٦. ليله العيد بالليل ممكن نعمل معاهم حاجات تتوزع فى الصلاه وعلى قرايبنا وأصحابنا زي الفشار أو الحلويات وممكن يكون فيها او معاها شكل خروف.
و نستحمى ونجهز لبس العيد وممكن نسهر نلعب ونتفرج مع بعض على فيلم.
٧. العيد اعطيهم عديه أو هديه على حسب سنهم واللى يحبوة فرحوهم واعملوا لهم مفاجآت وألعاب.
العيد فرحه
إفرحى وفرحيهم
وكل سنه وإنتم طيبين
وعيد سعيد إن شاء الله

01/06/2025

العشرة وبئر زمزم
بمناسبه العشره الاوائل فرصه نحكى لاولادنا قصه بئر زمزم
احكي لأولادك عن السيدة هاجر، الأم الصبورة المؤمنة،
اللي كانت ساكنه في الصحراء لوحدها هي وابنها إسماعيل الرضيع، والماء والأكل خلصوا

قعدت تدعى ربنا.. وكانت بتجري بين جبل الصفا والمروة تدور على ميه
سبع مرات
وهي بتدعي وتتوكل على ربنا بكل قلبها
لحد ما ربنا أكرمها..
وخرجت الميه من تحت رجلين سيدنا إسماعيل! 💧
وقعدت تقول للماء زمي زمي
عشان تحافظ على المايه
دي كانت بئر زمزم.. وفضلت موجودة لحد النهاردة
وبعدها الناس جت كثير وبقت بلد مكه

❤️ قولي لأولادك:
لما نحس إن عندنا مشكله نرجع لربنا
زي ما السيدة هاجر رجعت لربنا، وربنا رزقها بأعظم رزق!

🎨 نشاط لطيف:
اعملي خريطة صغيرة أو رسمة او مجسم :
🏜 جبل الصفا – جبل المروة – بئر زمزم
وخلي أولادك يرسموا أو يلونوا أو حتى يمثلوا القصة بالحركة
(نجري ٧ مرات بين كرسيين ونقول: يا رب 👐)

🌟 الدرس:
لما ندعي ربنا من قلبنا.. ربنا عمره ما بينسانا
حتى لو إحنا صغيرين، أو في ضيق.. هو شايفنا وبيحبنا 💛

#زمزم

Address

Cairo

Telephone

+201009948453

Website

facebook.com

Alerts

Be the first to know and let us send you an email when Tiny hands posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?