KidsUp Parenting Community

KidsUp Parenting Community مجتمع داعم وآمن للأمهات خصوصا والمربين بشكل عام*
أساعد الأمهات ببناء الثقة بنفسهم وبأطفالهم*

إسراء جعفر
أم ومعلمة أطفال ومدربة معتمدة للآباء والمربين
بكالريوس ودبلومة تربية طفل - كلية البنات - جامعة عين شمس
معتمدة من الجمعية الأمريكية للتربية الايجابية
دبلومة صعوبات التعلم عند الأطفال
دبلومة العلاج المعرفى السلوكي
دبلومة الكوتشينج والبرمجة اللغوية العصبية
برنامج المٌعلم المبدع فى تصميم وتقديم البرامج التدريبية
برنامج بورتاج للتدخل المبكر وتنمية مهارات الأطفال
دورة منهج منتسورى للتعلم الذاتى واستقلالية الطفل
برنامج صناعة المحتوى التعليمي للأطفال

كتير بنشيل هم "هنعلم ولادنا إيه عن رمضان؟" ونقعد نشرح ونوجه ونقول دروس طويلة.. وننسى إن أهم درس بيتعلمه طفلك هو اللي بيش...
23/02/2026

كتير بنشيل هم "هنعلم ولادنا إيه عن رمضان؟" ونقعد نشرح ونوجه ونقول دروس طويلة.. وننسى إن أهم درس بيتعلمه طفلك هو اللي بيشوفه فيكي خلال اليوم

طفلك مش محتاج محاضرات عن الصبر...هو بيتعلم الصبر لما بيشوفك ماسكة أعصابك وإنتي صايمة.

شاركيني.. إيه أكتر عبادة بتحسي إن طفلك بدأ يقلدك فيها أو يسألك عنها بحب؟ 🌙

بنجري طول اليوم عشان نلحق الصلاة، والقرآن، وتجهيز الفطار.. وبننسى إن "الخلق الحسن" مع أقرب الناس لينا عبادةلما بتمسكي أع...
21/02/2026

بنجري طول اليوم عشان نلحق الصلاة، والقرآن، وتجهيز الفطار.. وبننسى إن "الخلق الحسن" مع أقرب الناس لينا عبادة
لما بتمسكي أعصابك وانتي صايمة وتختاري تردي بحنية بدل الزعيق، إنتي كده بتحسني لنفسك ولطفلك

مجهودك في "ضبط نفسك" هو فرصة كبيرة للتقرب لربنا بالتربية
انتي مأجورة على كل لحظة بتختاري فيها تبذلي مجهود أكتر عشان تكسبي علاقتك بإبنك

شاركينا.. إيه أكتر موقف النهاردة كان محتاج منك "صبر" وقدرتي تعديه بسلام؟

ليه فيه ناس لما بتكبر، أول ما تسمع كلمة "رمضان" قلبها بيدق وبتحس بفرحة مش مفهومة؟ 🎈وليه ناس تانية أول ما يجي رمضان، أول ...
16/02/2026

ليه فيه ناس لما بتكبر، أول ما تسمع كلمة "رمضان" قلبها بيدق وبتحس بفرحة مش مفهومة؟ 🎈
وليه ناس تانية أول ما يجي رمضان، أول صورة بتيجي في بالهم هي الصداع، العطش، والعصبية؟ 😫

السر في "الروابط"

المخ بيكون روابط بين الحدث والشعور، بمعنى ان كل ما الحدث (x) يحصل ويصاحبه الشعور (x ) بيربطهم ببعض أغلب الوقت ، ودي قاعدة أرساها د. دانيال سيجل
( الخلايا التي تنطلق معاً، تتصل معاً)

عقل طفلك دلوقتي بيبني "وصلات" خاصة بشهر رمضان وهو مش حاسس:

لو شافنا صايمين وإحنا متأففين، بنشتكي من التعب، وبنتخانق على أتفه الأسباب قبل المغرب.. المخ هنا بيبني وصلة: (صيام = ضغط وعصبية وتعب) ❌

لكن لو شافنا (رغم تعبنا) بنحاول نبتسم، بنجهز سفرة بحب، بنقرأ قرآن بهدوء، وبنحتوي شقاوتهم بصدر رحب المخ هنا بيبني وصلة: صيام = سكينة وقرب وصبر وحب❤️

الطفل مش بيتعلم "قيمة" الصيام من الكلام والمواعظ.. هو بيتعلم من "الحال" اللي إحنا عليه وإحنا صايمين. هو بيشوف رمضان في تعبيرات وشك إنتي!

رمضان فرصة إنك تظبطي "بوصلة" بيتك التربوية، وتتعلمي إزاي تسيطري على إنفعالاتك حتى في أصعب الأوقات (زي وقت الصيام)، عشان نبني في عقولهم ذكريات و"وصلات" تخليهم يحبوا العبادة طول العمر.

قوليلي إيه أكتر مشكلة أو تحدي بيقابلك في التعامل مع ولادك خلال ساعات الصيام؟ 🧘🏻‍♀️💬
شاركيني في الكومنتات، وهرد عليكي بكل حب

11/02/2026

أكتر حاجه اتغيرت فيا بعد ما بقيت أم هي .......

عمرك كنتِ في نص خناقة مع ابنك، وفجأة قولتي جملة إنتي بتكرهيها؟ أو لقيتي نفسك بتزعقي بطريقة وانتي نفسك بتسألي: هو أنا ليه...
08/02/2026

عمرك كنتِ في نص خناقة مع ابنك، وفجأة قولتي جملة إنتي بتكرهيها؟ أو لقيتي نفسك بتزعقي بطريقة وانتي نفسك بتسألي: هو أنا ليه بقول كدا وأنا مكنتش بحب أسمعها؟"
في علم النفس بنسمي الحالة دي "الطيار الآلي" (Autopilot). مخنا لما بيتحط تحت ضغط (زعيق، عياط، طلبات مابتخلصش)، بيفصل "المخ العلوي" اللي فيه الحكمة والمنطق، وبيهرب فوراً للـطرق المتخزنة قديمًا

هنا رد فعلك مش بيكون طالع من الأم اللي قرأت كتب تربية... ده طالع من نسخة قديمة متسجلة في عقلك الباطن من وانتي طفلة. فبتكرري اللي مخك اتعود عليه كآلية دفاع

ليه مش بنحب نتصرف الطيار الآلي ؟!
لأن المخ وقتها مش شايف اي حاجه..بينفذ أوامر قديمة بس
لكن تقدري ترجعي تتحكمي فالطيار الآلي دا بخطوة بسيطة؟ اسألي نفسك ابني محتاج يتعلم إيه دلوقتي ؟
شوفتي إزاي سطر واحد ممكن يشرحلك موقف كامل ويفسرلك حدث متكرر...دا اللي بنعمله في نادي القراءة -and-Rise-up #
بنتعلم عن نفسنا زي مابنتعلم عن ولادنا
تقدري تنضمي لينا في نادي القراءة وتشاركينا رحلة تعلم ممتعه ومحسوب تفاصيلها 😉

يعني ايه كلمة انضباط؟ و ليه انضباط مش تأديب أو تهذيب؟هل الانضباط للطفل فقط ؟! ولا ممكن ليا كأم وكمُربي بشكل عام ؟أسئلة ...
31/01/2026

يعني ايه كلمة انضباط؟
و ليه انضباط مش تأديب أو تهذيب؟
هل الانضباط للطفل فقط ؟! ولا ممكن ليا كأم وكمُربي بشكل عام ؟
أسئلة كتيرة وأفكار أكتر نورت معانا من كام سطر بس( فالمقدمة) حبيت أشاركهم معاكو فالصورة دي ...

بنقرأ ونتناقش ونعرف أكتر عن نفسنا ثم عن ولادنا في لقاءات
بنقرأ دلوقتي كتاب تربية خالية من الدراما وهنبدأ الفصل الأول يوم الحد ان شاءالله 🍃
تقدري تنضمي لينا في

وتعرفي ازاي تبني علاقة بينك وبين ابنك أساسها الفهم والتقبل ❤️

يوم الجمعة اما يوم راحه بلا مهام وماشي بلا جدول أو خطط... واما يوم شغل وترتيبات زي حالاتي 😌فالحالتين هقولك على فكره لطيف...
30/01/2026

يوم الجمعة اما يوم راحه بلا مهام وماشي بلا جدول أو خطط... واما يوم شغل وترتيبات زي حالاتي 😌

فالحالتين هقولك على فكره لطيفه ينفع تعمليها مع الولاد تقضي بيها وقت من غير موبايلات ولا تليفزيون 🙂‍↔️

الفكرة اسمها قعده شاي🫖
إبريق الشاي الصيني أو الزجاج لزوم الشياكة والاهتمام وفيه عصير أو كاكاو بلبن أو سحلب عشان البرد..
وقعدة جماعية نُصب لبعض الشاي ونسأل بعض بفانتازيا ....ها (يا فلانه هانم) إيه اخبار كذا كذا كذا ( وسؤال بجد أو بهزار انتو وخيالكو)

غالبا بتقلب ضحك ودا حلو... أو بنتكلم جد ودا مطلوب... ونرغى ونتكلم ونضحك ونقضي وقت حلو( ولو تلت ساعه)
القعدة دي بتبني علاقة بينا وبين ولادنا أكتر من ألف نصيحة، بنسمعهم ونضحك معاهم، وبنحسسهم إن أغلى حاجة عندنا هي "وقتنا" اللي بنديهولهم بحب ومن غير استعجال

بالمناسبة مره من المرات سألت ابني عن استثماراته فالبورصه وهو مبعرفش يعني ايه استثمارات ولا بورصه ومفكر إن البورصه اخت البوسه كدا ومحوش حب وبوسات من تيته ونانا وبابا وماما🤣🤣

مين هيجرب يعمل قعدة شاي النهاردة؟ وايه المشروب اللي ولادكم بيحبوا يصبوه بنفسهم؟ ☕️

اسئلى عن الخصم الإضافي واشتركي الأن اللقاء الأول يبدأ يوم الأحد 25 يناير الساعة 7:30 مساءً من الرابط هنا 👈🏻 https://KIDS...
22/01/2026

اسئلى عن الخصم الإضافي واشتركي الأن
اللقاء الأول يبدأ يوم الأحد 25 يناير الساعة 7:30 مساءً
من الرابط هنا 👈🏻 https://KIDSUP.nzmly.com/l/fdfBVfJfVg

كتاب تربية خالية من الدراما
أول محطة فى رحلة نادى قراءة الكتب التربوية

النادي مش هيكون مجرد قراءة وسرد .. إحنا هنناقش ونطبق ونغير نظرتنا للتربية:
✅ هنعرف إزاي نوصل للطفل المهارة اللي ناقصاه بهدوء.
✅ إزاي نعدل السلوك من غير ما نكسر نفسية ولادنا أو نستهلك أعصابنا.
✅ هنحول علاقتنا بيهم من "هجوم" لـ "توجيه" وحب

📍 لو حابة تبدأي معانا:
سيبي كلمة "خصم إضافي" في الكومنتات ، وهبعت لك فوراً كل التفاصيل وإزاي تلحقي تحجزي مكانك قبل اللقاء الأول يوم الأحد.

مستنياكي.. عشان نربي بوعي ، مش برد فعل. ❤️

إحداهُن إشتركت ✅ وقررت أن تبدأ😍واشترت الكتاب الأول 🤩 نادى قراءة الكتب التربوية للأمهات ومعلمات الأطفال Read & RiseUp 202...
22/01/2026

إحداهُن إشتركت ✅ وقررت أن تبدأ😍واشترت الكتاب الأول 🤩

نادى قراءة الكتب التربوية للأمهات ومعلمات الأطفال Read & RiseUp 2026 ⭐

تقدري تعرفي كل التفاصيل والمواعيد وتشتركي كمان من اللينك ده 🔗
https://kidsup.nzmly.com/l/xFHNlklJgG

🚀 نبدأ إن شاء الله يوم الأحد القادم الساعة 7:30م

🔖 لو مهتمة تشتركي اكتبي تعليق بكلمة "خصم إضافي" وهبعت لك فرصة خصم إضافي 20% متاحة دلوقتى على أي نظام إشتراك تختاريه

إحداهُن إشتركت ✅ وأعجبتها التفاصيل😍وغلبها الحماس 🤩 وبدأت الإستعداد 📝نادى قراءة الكتب التربوية للأمهات ومعلمات الأطفال Re...
21/01/2026

إحداهُن إشتركت ✅ وأعجبتها التفاصيل😍وغلبها الحماس 🤩 وبدأت الإستعداد 📝

نادى قراءة الكتب التربوية للأمهات ومعلمات الأطفال Read & RiseUp 2026 ⭐

تقدري تعرفي كل التفاصيل والمواعيد وتشتركي كمان من اللينك ده 🔗
https://kidsup.nzmly.com/l/xFHNlklJgG

🚀 نبدأ إن شاء الله يوم الأحد القادم الساعة 7:30م

🔖 لو مهتمة تشتركي اكتبي تعليق بكلمة "خصم إضافي" وهبعت لك فرصة خصم إضافي 20% متاحة دلوقتى على أي نظام إشتراك تختاريه

21/01/2026

لما طفلك بيغلط ، هو مش محتاج عقاب يوجعه ، هو محتاج "مهارة" ناقصاه ومحتاجك تعلميها له .. وده بالظبط اللي هنبدأ نتعلمه سوا في نادي قراءة الكتب التربوية (2026 Read & RiseUp).

🚀 يوم الأحد الجاي، 25 يناير ، هيكون أول لقاء لينا ومناقشتنا لأول فصل في كتاب: 📘 "تربية خالية من الدراما" (No-Drama Discipline)

في النادي ده مش بس هنقرا.. إحنا هنغير نظرتنا للتربية:
✅ هنعرف إزاي نوصل للطفل المهارة اللي ناقصاه بهدوء.
✅ إزاي نعدل السلوك من غير ما نكسر نفسية ولادنا أو نستهلك أعصابنا.
✅ هنحول علاقتنا بيهم من "هجوم" لـ "توجيه" وحب.

باقي أيام قليلة ونبدأ الرحلة اللي هتستمر معانا سنة كاملة من الوعي والدعم.

📍 لو حابة تبدأي معانا:
سيبي كلمة "كتاب" في الكومنتات ، وهبعت لك فوراً كل التفاصيل وإزاي تلحقي تحجزي مكانك قبل اللقاء الأول يوم الأحد.

مستنياكي.. عشان نربي بوعي، مش برد فعل. ❤️

Address

Cairo

Opening Hours

Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Telephone

+201091056898

Website

Alerts

Be the first to know and let us send you an email when KidsUp Parenting Community posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to KidsUp Parenting Community:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category